Tag: sittwe

ဧပြီ ၂ ၊ ၂၀၁၄
M-Media

ပြီးခဲ့သည့် သီတင်းပတ်က ကုလသမဂ္ဂနှင့်နိုင်ငံတကာထောက်ပံ့ကူညီရေးအဖွဲ့ရုံးများကို တိုက်ခိုက်မှုနှင့်ဆက်နွှယ်နေသော သံသယရှိသူ ၁၂ ဦးကို ဖမ်းဆီးထားကြောင်း စစ်တွေမြို့ရဲဌာနမှ  ပြောကြားသည်။

ယမန်နေ့က လူ ၁၂ ဦးကို ဖမ်းဆီးပြီး စေ့စပ်စွာ စစ်ဆေးမေးမြန်းနေကြောင်း၊ အကြမ်းဖက်မှုများအပေါ် ဆက်လက်စုံစမ်းထောက်လှမ်း၍ ထပ်မံဖမ်းဆီးရန်ရှိကြောင်း စစ်တွေရဲဌာနအုပ် ဦးထွန်းဦးက ဆိုသည်။

“ သူတို့ကို စစ်ဆေးမေးမြန်းမှု၊ သူတို့ရဲ့ထွက်ဆိုမှုပေါ်မူတည်ပြီး ထပ်မံဖမ်းဆီးရမယ့်လူတွေ ရှိပါသေးတယ်။ ထွက်ဆိုဝန်ခံလိုက်တဲ့သူအချို့ကိုလည်း ချုပ်နှောင်ထားပါပြီ။ ဥပဒေချိုးဖောက်သူ မည်သူ့ကိုမဆို အရေးယူသွားမှာ ဖြစ်ပါတယ် ”။

မတ်လ ၂၆ နှင့် ၂၇ ရက်က စစ်တွေမြို့တွင် ဗုဒ္ဓဘာသာဝင်ရခိုင်လူအုပ်များက ကုလသမဂ္ဂနှင့်နိုင်ငံတကာ NGO ရုံးများကို ဦးတည်တိုက်ခိုက်ခဲ့ကြရာ တစ်ဒါဇင်မကသော ရုံးအဆောက်အဦများ ပျက်စီးခဲ့သည်။ ထောက်ပံ့ရေးသိုလှောင်ရုံမှ ပစ္စည်းပစ္စယများ၊ လှေနှင့် သယ်ယူပို့ဆောင်ရေး ယာဉ်များကို အပြင်ထုတ်ဖျက်ဆီးပြီး ဒေသခံကူညီ ကယ်ဆယ်ရေး လုပ်သားအချို့ကိုလည်း ဆွဲထုတ်ခဲ့ကြသည်။

နိုင်ငံခြားနှင့် မြန်မာလုပ်သား ၁၃၀ ခန့်ကို ရဲတပ်ဖွဲ့၏ အကာအကွယ်ပေး၍ စစ်တွေမှ လေယာဉ်ဖြင့် ထွက်ခွာစေခဲ့သည်ဟု နိုင်ငံပိုင်မီဒီယာများ၌ တင်ပြသည်။ အဆိုပါ သောင်းကျန်း ဖျက်ဆီးမှုအတွင်း ရာနှင့်ချီသောလူများ ပါဝင်ပြီး ရဲတပ်ဖွဲ့ဝင်များက တည်ငြိမ်မှု ထိန်းသိမ်းရန် အချက်ပေါင်း ၁၂၀ ကျော် သေနတ်ပစ်ဖောက်ခြောက်လှန့်ခဲ့ကြောင်း၊ ထိုသို့ ထိန်းသိမ်းနေစဉ် အခန့်မသင့်စွာဖြင့် ရခိုင် မိန်းမငယ်တစ်ဦး ကျည်သင့်သေဆုံးကြောင်း ဆိုထားသည်။ ထိုအချိန်မှစပြီး ရခိုင်အာဏာပိုင်များနှင့် သမ္မတဦးသိန်းစိန်တို့သည် ယင်းအရေးအား စုံစမ်းစစ်ဆေးရန် ကြေငြာလိုက်သည်။

မတ်လ ၂၆ ရက်တွင် Malteser International ရုံးဝန်ထမ်းတစ်ဦးက သူမ၏အဖွဲ့ငှားရမ်း လုပ်ကိုင်နေသော အဆောက်အဦပေါ်မှ ဗုဒ္ဓဘာသာ သာသနာ့အလံအား ဖြုတ်ချပြီးနောက် ယင်းသို့ဖြစ်ပွားခဲ့သည်။ သူမသည် အလံအား မဖွယ်မရာပြုလုပ်သည် ဟူသော ကောလဟလမှာ တမဟုတ်ချင်း စစ်တွေတစ်မြို့လုံး ပျံ့နှံ့သွားသည်။ သူမသည် ထိုသို့မပြုမူခဲ့ကြောင်း Malteser International မှ ငြင်းဆိုလိုက်သည်။

ရခိုင်ပြည်နယ်ရှိ ဗုဒ္ဓဘာသာဝင် အုပ်စုများသည် ဒုက္ခသည် ရိုဟင်ဂျာ မွတ်စ်လင်မ်တို့ အတွက် နိုင်ငံတကာ ကယ်ဆယ်ထောက်ပံ့နေမှုများ အပေါ် အချိန်ကြာမြင့်စွာ အမျက်ထွက်လျက် ရှိနေခဲ့ကြသည်။ ကုလကျောထောက်နောက်ခံပြု  သန်းခေါင်စာရင်းကောက်ယူမှု၌ ရိုဟင်ဂျာများအား ၎င်းတို့လူမျိုးအမည် ရေးသွင်းခွင့်ပေးထားခြင်းက ထိုသူတို့၏ဒေါသအား ပိုမို ကြီးမားသွားစေ၏။ မွတ်စ်လင်မ်တို့သည် ဘင်္ဂလားဒေ့ရ်ှမှ ရွှေ့ပြောင်းလာကြသည့် ဘင်္ဂလီများဖြစ်သည်ဟု ရခိုင်လူမျိုးတို့က အချေအတင်ဆိုနေကြ၏။

ရိုဟင်ဂျာ တစ်သိန်းလေးသောင်းခန့်အပေါ် စာနာထောက်ထားမှု အကူအညီပေးရေး လုပ်ငန်းစဉ်များ ပြတ်တောက်သွားစေသော အဆိုပါ သောင်းကျန်းမှု၏နောက်တွင် မြန်မာအစိုးရသည် သန်းခေါင်စာရင်းကောက်ခံခြင်း နည်းစဉ်ကို အပြောင်းအလဲလုပ်ကာ ရိုဟင်ဂျာအမည်ဖြင့် စာရင်းသွင်းခြင်းကို လျစ်လျူရှုရန် ဆုံးဖြတ်ခဲ့သည်။

မြန်မာနိုင်ငံရှိ ကုလသမဂ္ဂ၊ အမေရိကန် နှင့် ဥရောပသမဂ္ဂရုံးများက အဆိုပါ တိုက်ခိုက်မှုများကို ပြစ်တင်ရှုတ်ချလိုက်ပြီး သန်းခေါင်စာရင်းကောက်ခံပုံ အပြောင်းအလဲလုပ်သည့် အပေါ် စိုးရိမ်မကင်းရှိကြောင်း ဆိုထားသည်။

By LAWI WENG
The Irrawaddy