Tag: Spain

အောက်တိုဘာ ၂၊ ၂၀၁၇
M-Media

– စပိန်အစိုးရ လုံခြုံရေးတပ်ဖွဲ့များ၏ နှိမ်နှင်းမှုများ ရှိနေသည့် ကြားကပင် ယမန်နေ့က ပြုလုပ်ခဲ့သော ကာတာလိုနီယာဒေသ လွတ်လပ်ရေး ပြည်သူ့ဆန္ဒခံယူပွဲတွင် ဒေသခံ အများစုမှာ ခွဲထွက်ရေးဖက် ထောက်ခံမဲ ပေးခဲ့ကြသည်။

မဲပေးခွင့်ရှိသူ၏ ၄၂ ရာခိုင်နှုန်းဖြစ်သော ၂.၂၆ သန်း မဲပေးမှုတွင် ၉၀ ရာခိုင်နှုန်းကျော်မှာ ခွဲထွက်ရေးအတွက် မဲပေးခဲ့ကြပြီး ကာတာလိုနီယာ ဒေသခေါင်းဆောင် Carles Puigdemont က ကာတာလိုနီယာ ပြည်သူများမှာ ပြည်သူ့သမ္မတနိုင်ငံအဖြစ် ပေါ်ထွက်ခွင့် ရရှိသွားခဲ့ပြီဟု ရုပ်သံမှတစ်ဆင့် မိန့်ခွန်း ပြောကြားခဲ့သည်။

“ကျွန်တော်တို့အစိုးရဟာ ဒီပြည်သူ့ဆန္ဒခံယူပွဲ ရလဒ်ကို ကျွန်တော်တို့ပြည်သူတွေရဲ့ အချုပ်အခြာတည်ရှိတဲ့ ကာ့တ်လန်လွှတ်တော်ကို ပေးပို့သွားမှာဖြစ်ပြီး၊ ဒါမှသာ ပြည်သူ့ဆန္ဒခံယူပွဲရဲ့ ဥပဒေနဲ့အညီ ဆောင်ရွက်နိုင်မှာ ဖြစ်ပါတယ်”

စပိန်ဝန်ကြီးချုပ် Mariano Rajoy က အစိုးရအနေဖြင့် ခွဲထွက်ရေးကို လက်မခံဘဲ ခွဲထွက်ရေးသမားများမှာ တစ်နိုင်ငံလုံးအား ခြိမ်းခြောက်နေခြင်းဖြစ်သည်ဟု စွပ်စွဲပြောကြားခဲ့သည်။ ထို့ပြင် ကာတာလိုနီယာဒေသ၏ အနာဂတ်အတွက် အားလုံး ပူးပေါင်းပါဝင်ဆွေးနွးရန်လည်း ကမ်းလှမ်းခဲ့သည်။

ဆန္ဒခံယူပွဲအား ရဲတပ်ဖွဲ့၏ နှိမ်နှင်းမှုအတွင်း လူပေါင်း ၈၀၀ ကျော် ဒဏ်ရာရရှိခဲ့ပြီး ဆယ်စုနှစ်များအတွင်း စပိန်နိုင်ငံ၏ အကြီးမားဆုံး အခြေခံဥပဒေဆိုင်ရာ ပြဿနာကြီးလည်းဖြစ်သည်။

Ref: Aljazeera

အောက်တိုဘာ ၁၊ ၂၀၁၇
M-Media

– စပိန်နိုင်ငံ ကာတာလိုနီယာဒေသ လွတ်လပ်ရေးအတွက် ပြည်သူ့ဆန္ဒခံယူပွဲအား တားဆီးရန် ရဲတပ်ဖွဲ့က အင်အားသုံး နှိမ်နှင်းမှုအတွင်း အနည်းဆုံး လူပေါင်း ၃၀၀ ကျော် ဒဏ်ရာရရှိခဲ့သည်ဟု သိရသည်။

ယနေ့တွင် ကျင်းပပြုလုပ်ရန် စီစဉ်ထားသည့် အဆိုပါ ပြည်သူ့ဆန္ဒခံယူပွဲမှာ တရားမ၀င်ဟု အခြေခံဥပဒေဆိုင်ရာခုံရုံးက ဆုံးဖြတ်ခဲ့ပြီးနောက် စပိန်အစိုးရက ထိုအစီအစဉ်ကို တားဆီးသွားမည်ဟု ပြောကြားခဲ့သည်။ ရဲတပ်ဖွဲ့က မဲရုံများကို ပိတ်ပစ်ခဲ့ပြီး၊ မဲပြားများ၊ မဲပုံးများကိုလည်း သိမ်းဆည်းခဲ့သည်။

လွတ်လပ်ရေး ပြည်သူ့ဆန္ဒခံယူပွဲကို ထောက်ခံသည့်အနေဖြင့် ကာတာလိုနီယာပြည်သူများမှာ ဒေသမြို့တော် ဘာစီလိုနာတွင် ဆန္ဒပြခဲ့ကြပြီး ရဲတပ်ဖွဲ့ဝင်များက နံပါတ်တုတ်များ၊ ရာဘာကျည်ဆံများဖြင့် နှိမ်နင်းခဲ့သည်။

ကာ့တ်လန်ဒေသ အစိုးရနှင့် ကျန်းမာရေးဌာနက ဆန္ဒပြမှုအတွင်း ထိခိုက်မှုကြောင့် ဆေးရုံများ ဆေးခန်းများတွင် လူပေါင်း ၃၃၇ ဦး လာရောက် ကုသမှု ခံယူခဲ့ကြသည်ဟု သတင်းထုတ်ပြန်ခဲ့သည်။

စပိန်ပြည်ထဲရေးဝန်ကြီးဌာနက ရဲတပ်ဖွဲ့ဝင် ၁၁ ဦး ဒဏ်ရာရရှိခဲ့သည်ဟု ပြောကြားခဲ့သည်။

Ref: BBC

စက်တင်ဘာ ၃၀၊ ၂၀၁၇
M-Media

– စပိန်နိုင်ငံရှိ ကာတာလိုနီယာဒေသလွတ်လပ်ရေး ပြည်သူ့ဆန္ဒခံယူပွဲအတွက် ဒေသခံများနှင့် စပိန်ဗဟိုအစိုးရအကြား တင်းမာမှုများ မြင့်တက်လာခဲ့ပြီး မဲရုံများကို ပြည်သူများက သိမ်းပိုက်ထားသည်အထိ ဖြစ်လာခဲ့သည်။

တနင်္ဂနွေနေ့တွင် ကျင်းပရန် စီစဉ်ထားသည့် အဆိုပါဆန္ဒခံယူပွဲကို စပိန်အစိုးရက ဆန့်ကျင်ထားပြီး ပြည်သူများ မဲထည့်ခွင့်မရရန်အတွက် ကာတာလိုနီယာမြို့တော် ဘာစီလိုနာသို့ ရဲတပ်ဖွဲ့ဝင် အမြောက်အများ ထပ်မံစေလွှတ်ထားသည်။

ကာတာလိုနီယာဒေသတွင်းရှိ အများပြည်သူနှင့် သက်ဆိုင်သော နေရာများကို ဆန္ဒခံယူပွဲအတွက် အသုံးပြုခြင်းမှ တားဆီးရန် ဗုဒ္ဓဟူးနေ့တွင် တရားရုံးက ရဲတပ်ဖွဲ့ကို အမိန့်ပေးခဲ့သည်။

မဲရုံအများစုကို စာသင်ကျောင်းများတွင် သတ်မှတ်ထားခြင်းဖြစ်ပြီး ယမန်နေ့ ကျောင်းဆင်းချိန်တွင် တက်ကြွလှုပ်ရှားသူများ၊ မိဘများမှာ ၎င်းတို့၏ ကလေးများနှင့်အတူ မဲရုံပြုလုပ်မည့် ကျောင်းပေါင်း ၁၆၀ ကျော်ကို သိမ်းပိုက်ခဲ့ကြသည်။

ဒေသရဲတပ်ဖွဲ့ အကြီးအကဲက စာသင်ကျောင်းများရှိ လူအုပ်ကို ဖယ်ရှားကာ တနင်္ဂနွေနေ့မနက် ၆ နာရီ နောက်ဆုံးထား၍ မဲရုံများကို ပိတ်ပစ်ရန် အမိန့်ပေးထားသည်။ မဲပေးမှုကို မနက် ၉ နာရီတွင် စတင်ရန် စီစဉ်ထားသည်။

ကာ့တ်လန်ပြည်သူ တစ်သောင်းခန့်မှာ ယမန်နေ့ညနေပိုင်းကလည်း ပြည်သူ့ဆန္ဒခံယူပွဲကို ထောက်ခံသည့် ချီတက်ဆန္ဒပြမှုကို ဘာစီလိုနာတွင် ကျင်းပခဲ့ကြသည်။

စပိန်အစိုးရကမူ ပြည်သူ့ဆန္ဒခံယူပွဲ ကျင်းပခြင်းမပြုရန် အကြိမ်ကြိမ် သတိပေးထားပြီး၊ အခြေခံဥပဒေနှင့် မညီညွတ်သည့် ထိုလုပ်ရပ်ကို ဆောင်ရွက်ပါက ဥပဒေအရ အရေးယူခြင်း ခံရမည်ဟု ထုတ်ပြန်ထားသည်။

Ref: Aljazeera

သြဂုတ် ၂၂၊ ၂၀၁၇
M-Media

– ပြီးခဲ့သည့်တစ်ပတ်က ဘာစီလိုနာတွင် လူအုပ်ကြီးအား ဗန်ကားဖြင့် ၀င်တိုက်ခဲ့ပြီးနောက် ပြေးနေသူကို အသေဖမ်းဆီးနိုင်ခဲ့သည်ဟု စပိန်ရဲတပ်ဖွဲ့က ပြောကြားလိုက်သည်။

ယူနက်စ် အဘူယာကွဘ်ဆိုသူဖြစ်ပြီး ဘာစီလိုနာအနောက်ပိုင်း ဆူဘီရက်ဒေသတွင် ယမန်နေ့ နေ့လည်ပိုင်းက ရဲတပ်ဖွဲ့မှ ဖမ်းဆီးစဉ် ပစ်သတ်ခဲ့ခြင်းဖြစ်သည်။

စပိန်အာဏာပိုင်များက အဖြစ်အပျက်နှင့်ပတ်သက်၍ အချက်အလက်အနည်းငယ်ကိုသာ ထုတ်ပြန်ခဲ့သည်။ သံသယရှိသူမှာ အသေခံဗုံးခွဲခါးပတ်ကို ၀တ်ဆင်ထားပြီး ရဲတပ်ဖွဲ့က မေးမြန်းရန် ၎င်း၏အနား ကပ်သွားသည့်အချိန်တွင် ဗုံးခွဲမည်ဟု ခြိမ်းခြောက်ခဲ့သောကြောင့် ပစ်ခဲ့ရခြင်းဖြစ်ကြောင်း ပြောကြားခဲ့သည်။

၎င်းသေဆုံးသွားပြီးနောက် ဗုံးရှင်းလင်းရေး စက်ရုပ်တစ်ခုကို ယူနက်စ်အနီးသို့ စေလွှတ်ခဲ့ဟု ဆိုသည်။

ဆူဘီရက်စ်ရှိ အမျိုးသမီးတစ်ဦးက မသင်္ကာဖွယ်လူတစ်ဦးကို တွေ့ရှိသည်ဟု ရဲတပ်ဖွဲ့အား သတင်းပေးခဲ့မှုကြောင့် ထိုကဲ့သို့ ဖမ်းဆီးနိုင်ခဲ့ခြင်း ဖြစ်သည်။

ကြာသာပတေးနေ့က ဘာစီလိုနာရှိ နာမည်ကျော် ရမ်ဘလက်စ် နေရာတွင် ယူနက်စ်မှာ ဗန်ကားဖြင့် လူအုပ်ကြီးအတွင်းသို့ ၀င်တိုက်ခဲ့သာကြောင့် လူ ၁၃ ဦး သေဆုံးကာ ၁၂၀ ကျော် ဒဏ်ရာရရှိခဲ့သည်။ ၎င်းမှာ ဗန်ကားမောင်းသမားကို ဓားဖြင့်ထိုးသတ်ကာ ကားအား အပိုင်စီးခဲ့သည်ဟုလည်း ရဲတပ်ဖွဲ့က ပြောကြားခဲ့သည်။

ထိုအဖြစ်အပျက် ဖြစ်ပွားပြီးနောက်ပိုင်း စပိန်ရဲတပ်ဖွဲ့မှာ ယူနက်စ်ကို ရှာဖွေရန်အတွက် နိုင်ငံတကာနှင့် ချိတ်ဆက် ဆောင်ရွက်ခဲ့သည်။

ဘာစီလိုနာတွင် တိုက်ခိုက်မှုဖြစ်ပွားပြီး နာရီအနည်းငယ်အကြာတွင် အပန်းဖြေမြို့ ကမ်ဘရီလ်စ်တွင်လည်း ထိုကဲ့သို့ တိုက်ခိုက်မှုတစ်ခု ဖြစ်ပွားခဲ့ပြီး အဆိုပါ တိုက်ခိုက်မှုများကို ကြိုးကိုင်သည်ဟု ယူဆရသည့် လူ ၁၂ ဦးပါ အဖွဲ့တစ်ခုကိုလည်း ရဲတပ်ဖွဲ့က ဖမ်းဆီးခဲ့သည်။

Ref: Aljazeera

သြဂုတ် ၁၈၊ ၂၀၁၇
M-Media

– ယမန်နေ့က စပိန်နိုင်ငံ ဘာစီလိုနာမြို့၌ လူအုပ်ကြီးအတွင်းသို့ ဗန်ကားတစ်စီး ၀င်တိုက်မှုမှာ မိမိတို့လက်ချက်ဖြစ်သည်ဟု IS အကြမ်းဖက်အဖွဲ့က ပြောကြားလိုက်သည်။

ကမ္ဘာလှည့်ခရီးသွားများဖြင့် စည်ကားရာ Las Ramblas နေရာ၌ ဒေသစံတော်ချိန် ညနေ ၅ နာရီခန့်တွင် ဖြစ်ပွားခဲ့သည့် အဆိုပါတိုက်ခိုက်မှုအတွင်း အနည်းဆုံး ၁၃ ဦးသေဆုံးခဲ့ပြီး လူ ၁၀၀ ခန့် ဒဏ်ရာရရှိခဲ့သည်။

ရဲတပ်ဖွဲ့က တိုက်ခိုက်သူမှာ ထွက်ပြေးနေရပြီး၊ ထိုအဖြစ်အပျက်နှင့် ဆက်စပ်နေသည့် လူ ၂ ဦးကို ဖမ်းဆီးခဲ့သည်ဟု ပြောကြားခဲ့သည်။

“ဘာစီလိုနာတိုက်ခိုက်မှုမှာ သတ်ဖြတ်သူတွေဟာ IS ရဲ့ စစ်သားတွေဖြစ်ပါတယ်” ဟု IS မီဒီယာ Amaq ၏ Twitter အကောင့်တွင် ကြေငြာခဲ့ပြီး အီရတ်နှင့် ဆီးရီးယားရှိ IS အဖွဲ့ကို တိုက်ခိုက်နေသည့် အမေရိကန်ဦးဆောင်သော မဟာမိတ်အဖွဲ့တွင် ပါဝင်သည့်နိုင်ငံများကို လက်တုန့်ပြန်တိုက်ခိုက်ရန်လည်း တိုက်တွန်းခဲ့သည်။

စပိန်ရဲတပ်ဖွဲ့က ယမန်နေ့တိုက်ခိုက်မှုကို အကြမ်းဖက်တိုက်ခိုက်မှုအဖြစ် သတ်မှတ်ခဲ့သည်။

တိုက်ခိုက်မှုထပ်ဖြစ်

ယနေ့မနက်ပိုင်းတွင်လည်း ဘာစီလိုနာတောင်ဘက် ကမ်ဘရီးလ်စ်မြို့ မြစ်ကမ်းဘေး အပန်းဖြေစခန်းရှိ လူအုပ်ကြီးအတွင်းသို့ ကားတစ်စီးက ၀င်တိုက်ခဲ့သောကြောင့် အရပ်သား ၆ ဦးနှင့် ရဲတပ်ဖွဲ့ဝင် ၁ ဦး ထိခိုက်ဒဏ်ရာရရှိခဲ့သည်။

တိုက်ခိုက်သူ ၄ ဦးကို အသေပစ်သတ်ခဲ့ပြီး တစ်ဦးမှာ ဒဏ်ရာရသွားကြောင်း ၎င်းတို့မှာ ယမန်နေ့က ဘာစီလိုနာတွင် ဖြစ်ပွားသည့် တိုက်ခိုက်မှုနှင့် ဆက်စပ်မှုရှိနိုင်ကြောင်း ရဲတပ်ဖွဲ့က ပြောကြားခဲ့သည်။ ဒဏ်ရာရသူများတွင် ၂ ဦးမှာ စိုးရိမ်ရသည့် အခြေအနေတွင် ရှိနေသည်ဟု အာဏာပိုင်များက ပြောကြားခဲ့သည်။

တိုက်ခိုက်သူများမှာ ဗုံးခွဲခါးပတ်ကို သယ်ဆောင်လာသည်ဟု ယူဆခဲ့သောကြောင့် ဗုံးရှင်းလင်းရေးအဖွဲ့မှာ ကမ်ဘရီးလ်စ်မြို့တွင်း ဗုံးရှာဖွေရေးလုပ်ငန်းများကို လုပ်ဆောင်သွားမည်ဟု ရဲတပ်ဖွဲ့က ဆိုသည်။

Ref: Aljzeera