Tag: Spain

စက်တင်ဘာ ၁၁၊ ၂၀၁၇
M-Media

– ကာ့တ်လန်ခေါင်းဆောင်များအနေဖြင့် တရားဝင် လွတ်လပ်ရေး ကြေငြာလားဆိုသည်ကို ရှင်းရှင်းလင်းလင်းပြောကြားရန် စပိန်ဝန်ကြီးချုပ် မာရီယာနာ ရာယွိုင်းက တောင်းဆိုလိုက်ပြီး ကာတာလိုနီယာဒေသအား ကိုယ်ပိုင်အုပ်ချုပ်ခွင့် ရပ်ဆိုင်းရန် ဆောင်ရွက်မည်ဟု ပြောကြားလိုက်သည်။

ဗုဒ္ဓဟူးနေ့ လွှတ်တော်မိန့်ခွန်းတွင် ၀န်ကြီးချုပ်က ထိုကဲ့သို့ ပြောကြားလိုက်ခြင်းဖြစ်ပြီး ကာ့တ်လန်ခေါင်းဆောင် Carles Puigdemont ၏ တုန့်ပြန်မှုမှာ အနာဂတ်အခြေအနေများကို ပျက်ဆီးစေမည်ဟု သတိပေးခဲ့သည်။

ကာတာလိုနီယာဒေသမှာ လွတ်လပ်ရေးကြေငြာရန်အတွက် ကိုယ်ပိုင်အခွင့်အာဏာရှိနေသည်ဟု Puigdemont က ယမန်နေ့တွင် ပြောကြားခဲ့သော်လည်း စပိန်အစိုးရနှင့် ဆွေးနွေးမှုရလဒ် ထွက်သည်အထိ စောင့်ဆိုင်းသွားမည်ဟု ဆိုသည်။

ရာယွိုင်းက ကာ့တ်လန်အစိုးရအနေဖြင့် လွတ်လပ်ရေး ကြေငြာခဲ့ပြီလားဆိုသည်ကို တရားဝင် အတည်ပြုရန် ကတ်ဘိနက်အဖွဲ့က လိုလားကြောင်း၊ ဖွဲ့စည်းပုံအခြေခံဥပဒေ ပုဒ်မ ၁၅၅ ကို အသုံးပြုရန် ဆောင်ရွက်သွားမည်ဟု ပြောကြားခဲ့သည်။

ပုဒ်မ ၁၅၅ တွင် ပြည်နယ်များက ဥပဒေပြဌာန်းချက်များနှင့် ဆန့်ကျင်လာလျှင် ဗဟိုအစိုးရအနေဖြင့် ထိုဒေသများအား တိုက်ရိုက် ထိန်းချုပ်ခွင့်ပေးထားသည်။

အောက်တိုဘာ ၁ ရက်နေ့က ပြုလုပ်ခဲ့သည့် ကာတာလိုနီယာ လွတ်လပ်ရေး ပြည်သူဆန္ဒခံယူပွဲတွင် မဲပေးသူ ၉၀ ရာခိုင်နှုန်းက ခွဲထွက်ရေးကို ထောက်ခံခဲ့ကြသည်။

စပိန်အစိုးရကမူ ထိုပြည်သူ့ဆန္ဒခံယူပွဲမှာ အခြေခံဥပဒေနှင့်မညီဟုဆိုကာ လက်မခံဘဲ ကာတာလိုနီယာဒေသအား ကိုယ်ပိုင်အုပ်ချုပ်ခွင့်ပါ ရုပ်သိမ်းမည်ဟု သတိပေးထားသည်။

Ref: Aljazeera

အောက်တိုဘာ ၈၊ ၂၀၁၇
M-Media

– ကာတာလိုနီယာဒေသတွင် လွတ်လပ်ရေးကြေငြာပါက ကိုယ်ပိုင်အုပ်ချုပ်ခွင့် ပေးထားမှုအား ဖွဲ့စည်းပုံအခြေခံဥပဒေက ပေးအပ်ထားသည့် လုပ်ပိုင်ခွင့်ကို အသုံးချ၍ ရပ်တန့်သွားမည်ဟု စပိန်ဝန်ကြီးချုပ် မာရီယာနို ရာဂျွိုင်းက သတိပေးပြောကြားလိုက်သည်။

ဘာစီလိုနာတွင် စပိန်ညီညွတ်ရေးအတွက် လူထောင်ပေါင်းများစွာက ယနေ့တွင် ချီတက်လမ်းလျှောက်မှု ပြုလုပ်သည့်အချိန်တွင် စပိန်ဝန်ကြီးချုပ်၏ ယခုသတိပေးချက် ပေါ်ထွက်လာခြင်းဖြစ်သည်။

“ဘယ်လို လွတ်လပ်ရေး ကြေငြာမှုမဆို အကျုံးမ၀င်အောင် အစိုးရက လုပ်ဆောင်သွားမှာပါ” ဟု ၀န်ကြီးချုပ်က El Pais သတင်းစာကို ပြောကြားခဲ့ပြီး ကာတာလိုနီယာအစိုးရနှင့် မည်သည့် ဆွေးနွေးမှုမှ လုပ်မည်မဟုတ်ဟု ဆိုသည်။

ကာတာလိုနီယာဒေသ စပိန်မှခွဲထွက်ရေးအတွက် အောက်တိုဘာ ၁ ရက်နေ့ ပြည်သူ့ဆန္ဒခံယူပွဲကို ရဲတပ်ဖွဲ့က ပြင်းပြင်းထန်ထန် နှိမ်နှင်းခဲ့သော်လည်း ပြည်သူ ၉၀ ရာခိုင်နှုန်းက လွတ်လပ်ရေးအတွက် ထောက်ခံမဲ ပေးခဲ့ကြသည်။

စပိန်အစိုးရက အဆိုပါ ပြည်သူ့ဆန္ဒခံယူပွဲမှာ အခြေခံဥပဒေအရ တရားဝင်ခြင်းမရှိဟု ပြောကြားထားသည်။

ကာတာလိုနီယာဒေသခေါင်းဆောင် Carles Puigdemont က ပြည်သူ့ဆန္ဒအတိုင်း ဆက်လက်လုပ်ဆောင်သွားမည်ဖြစ်ပြီး ဒေသလွတ်လပ်ရေးကို ရက်ပိုင်းအတွင်း ကြေငြာသွားမည်ဟု ပြောကြားထားသည်။

ကာတာလိုနီယာဒေသ ခွဲထွက်ရေးကို ဆန့်ကျင်သည့်အနေဖြင့် စပိန်ပြည်သူများမှာ စနေနေ့က မက်ဒရစ်တွင် ချီတက်ဆန္ဒပြခဲ့ကြပြီး၊ ယနေ့တွင် ကာတာလိုနီယာဒေသ မြို့တော် ဘာစီလိုနာ၌ ထပ်မံ ချီတက်ခဲ့ကြသည်။

Ref: Aljazeera

အောက်တိုဘာ ၅၊ ၂၀၁၇
M-Media

– ရက်အနည်းငယ်အတွင်း လွတ်လပ်ရေး ကြေညာတော့မည်ဟု ကာတာလိုနီယာခေါင်းဆောင် Carles Puigdemont က BBC သတင်းဌာနသို့ ပြောကြားလိုက်ပြီး စပိန်ဘုရင် ဖိလစ်ပီ (၆) ၏ အင်္ဂါနေ့ည မိန့်ခွန်းအပေါ် တုံ့ပြန်လိုက်ခြင်းလည်း ဖြစ်သည်။

ပြီးခဲ့သည့်တစ်ပတ်က ပြုလုပ်ခဲ့သည့် ကာတာလိုနီယာဒေသ ခွဲထွက်ရေး ပြည့်သူဆန္ဒခံယူပွဲအား စပိန်ရဲတပ်ဖွဲ့က ပြင်းပြင်းထန်ထန် ဖြိုခွဲမှုကို ဆန့်ကျင်သောအားဖြင့် ထောင်သောင်းချီသော ကာ့တ်လန်ပြည်သူများမှာ အင်္ဂါနေ့က ဘာစီလိုနာတွင် ဆန္ဒပြခဲ့ကြသည်။

စပိန်ဘုရင်ကြီးက ကာ့တန်လန်ခေါင်းဆောင်များမှာ တားမြစ်ထားသည့် ပြည်သူ့ဆန္ဒခံယူပွကို ကျင်းပကာ ဒီမိုကရေစီ စည်းမျဉ်းစည်းကမ်းများကို ဖျက်ဆီး၍၊ ကာ့တ်လန် လူ့အဖွဲ့အစည်းအား သွေးခွဲနေသည်ဟု ပြောကြားခဲ့သည်။

Puigdemont က ထိုပြောကြားချက်ကို လက်မခံဘဲ ၎င်း၏ ဒေသအစိုးရမှာ ယခုသီတင်းပတ်အဆုံးပိုင်း၊ သို့မဟုတ် လာမည့်တစ်ပတ် အစပိုင်းတွင် လွတ်လပ်ရေး ကြေငြာသွားမည်ဟု ပြာကြားခဲ့သည်။

ထိုကြေငြာမှုကို စပိန်အစိုးရက ၀င်ရောက်စွက်ဖက်ကာ ကာတာလိုနီယာအစိုးရအား ထိန်းချုပ်ရန် ကြိုးစားပါက မည်ကဲ့သို့ ဖြစ်မည်နည်းဟု BBC သတင်းဌာနက မေးမြန်းသည့်အခါတွင် ၎င်းက ထိုသို့ဆောင်ရွက်မှုမှာ အရာအားလုံးကို ပြောင်းလဲသွားနိုင်မည့် အမှားတစ်ခု ဖြစ်လာမည်ဟု ပြန်လည် ဖြေကြားခဲ့သည်။

တနင်္ဂနွေနေ့က ပြုလုပ်ခဲ့သည့် ပြည်သူ့ဆန္ဒခံယူပွဲတွင် ၉၀ ရာခိုင်နှုန်းက ကာတာလိုနီယာဒေသ ခွဲထွက်ရေးအတွက် မဲပေးခဲ့ကြသည်။

Ref : Alarabiya