နိုဝင်ဘာ ၂၅၊ ၂၀၁၈
M-Media
ရွေးကောက်ပွဲရှုံးမှုကြောင့် ထိုင်ဝမ်အာဏာရပါတီခေါင်းဆောင် ရာထူးမှ နှုတ်ထွက်
==================
ထိုင်ဝမ်မှာ မနေ့ကကျင်းပခဲ့တဲ့ ကြားဖြတ်ရွေးကောက်ပွဲမှာ အာဏာရ လွတ်လပ်ရေးပါတီ DPP ဟာ အဓိကဒေသတွေအပြင် နေရာတော်တော်များမှာ ရှုံးနိမ့်ခဲ့ပြီး ပါတီဥက္ကဌဖြစ်တဲ့ သမ္မတ Tsai Ing-wen လည်းရာထူးကနေ နှုတ်ထွက်သွားခဲ့ပါတယ်။ DPP ဟာ သူတို့ရဲ ခြေကုပ်မြို့ ကောင်းရှုံမှာ နှစ် ၂၀ အတွင်း ပထမဆုံးအကြိမ် ရှုံးနိမ့်ခဲ့ပြီး နိုင်ငံရဲ့ ဒုတိယအကြီးဆုံးမြို့ တိုင်ချုံမှာလည်း ရှုံးနိမ့်ခဲ့ပါတယ်။ အဲဒီနေရာ နှစ်ခုစလုံးမှာ တရုတ်နဲ့နီးစပ်တဲ့ Kuomintang ပါတီက အနိုင်ရခဲ့ပါတယ်။ Tsai Ing-wen က ပြုပြင်ပြောင်းလဲရေး၊ လွတ်လပ်ရေး၊ ဒီမိုကရေစီ ရရှိရေး၊ အချုပ်အခြာအာဏာ ကာကွယ်စောင့်ရှောက်ရေးတို့ကို DPP က ဆက်လက် ဆောင်ရွက်သွားမယ်လို့ ပြောကြားခဲ့ပါတယ်။ Tsai Ing-wen အာဏာရပြီးတဲ့နောက်ပိုင်းမှာ ထိုင်ဝမ်နဲ့တရုတ်တို့ရဲ့ ဆက်ဆံရေးဟာ ပိုမိုတင်းမာလာခဲ့ပါတယ်။
အီဘိုလာဒဏ်ခံ ကွန်ဂိုတွင် ဆေးဝါးသစ် ၄ မျိုးကို လက်တွေ့စမ်းသပ်
=================
အီဘိုလာရောဂါ ပြန့်နှံ့မှုဒဏ်ကို ဆိုးဆိုးဝါးဝါး ခံစားနေရတဲ့ ကွန်ဂိုနိုင်ငံမှာ ဆေးအသစ်လေးမျိုးကို လက်တွေ့စမ်းသပ်ဖို့အတွက် အာဏာပိုင်တွေက ခွင့်ပြုလိုက်ပါတယ်။ အမေရိကန်အစိုးရက ထုတ်လုပ်တဲ့ ဆေးဝါးလေးမျိုးကို စမ်းသပ်မှာ ဖြစ်ပါတယ်။ ဆေးဝါးတစ်မျိုးမျိုးနဲ့ ကုသမှု ခံယူထားသူ ၁၅၁ ဦးမှာ ၄၄ ဦးသေဆုံးပြီး ၇၆ ဦး ပြန်လည်သက်သာလာကာ ၃၁ ဦးကတော့ ဆေးကုသမှု ခံယူနေရဆဲဖြစ်ပါတယ်။ ဆေးဝါးအသစ် စမ်းသပ်မှုအတွင်း သေဆုံးမှုနှုန်းဟာ ၃၇ ရာခိုင်နှုန်းရှိပြီး ဒီဆေးဝါးသစ်တွေ မရရှိသူတွေထဲမှာ သေဆုံးမှုနှုန်းက ၈၀ ရာခိုင်နှုန်း ရှိပါတယ်။ လက်ရှိ ကွန်ဂိုက အီဘိုလာ ပြန့်နှံ့မှုဟာ သမိုင်းတစ်လျှောက် အဆိုးဝါးဖြစ်ပြီး ပြည်တွင်းစစ်ကလည်း အခြေအနေကို ပိုမို ဆိုးရွားစေပါတယ်။
ဆီးရီးယားတွင် အစိုးရတပ်နှင့် သူပုန်တို့ အကျဉ်းသား လဲလှယ်
================
ဆီးရီးယားနိုင်မြောက်ပိုင်းမှာ အစိုးရတပ်နဲ့ သူပုန်တပ်ဖွဲ့တွေအကြား ဒီကနေ့မှာ အကျဉ်းသားတွေ လဲလှယ်ခဲ့ကြတယ်လို့ တူရကီနိုင်ငံခြားရေးဝန်ကြီးဌာနက ထုတ်ပြန်ပါတယ်။ ဒါဟာ တူရကီ၊ ရုရှား၊ အီရန်နဲ့ ကုလတို့ပေါင်းကာ စီစဉ်တဲ့ ‘အက်စ်တာနာ’ ငြိမ်းချမ်းရေးလုပ်ငန်းစဉ် တစ်စိတ်တစ်ပိုင်း ဖြစ်ပါတယ်။ ယူကေအခြေစိုက် စောင့်ကြည့်ရေးအဖွဲ့ Syrian Observatory for Human Rights က တစ်ဖက်ကို ၁၀ ဦးစီ အပြန်အလှန် လဲလှယ်ခဲ့ကြတယ်လို့ ဆိုပါတယ်။ ရုရှား၊ အီရန်နဲ့ တူရကီတို့ဟာ ‘အက်စ်တာနာ’ လုပ်ငန်းစဉ်အောက်မှာ ဆွေးနွေးညှိနှိုင်းမှုတွေကို အကြိမ်ကြိမ်လုပ်ကာ အပစ်ရပ်ရေးဇုန်တွေကိုလည်း ဖော်ထုတ်ထားကြပါတယ်။
အာဂျင်တီးယားနာမည်ကြီးဘောလုံးအသင်း ပြိုင်ဘက်ပရိတ်သတ်များ၏ တိုက်ခိုက်မှုခံရ
=================
အာဂျင်တီးနားနိုင်ငံမှာ နာမည်ကြီးဘောလုံးကလပ် ဘိုကာဂျူနီယာအသင်းရဲ့ ဘတ်စ်ကားကို ခါးသီးတဲ့ပြိုင်ဘက် ရေးဗားပလိတ် ပရိတ်သတ်တွေက မနေ့မှာ တိုက်ခိုက်ခဲ့တာကြောင့် နှစ်ဖက်အသင်းကစားမယ့် ပြိုင်ပွဲကို ၂၄ နာရီ ရွှေ့ဆိုင်းလိုက်ရပါတယ်။ ရေးဗားပလိတ်ကွင်းမှာ Copa Libertadores ဖလားဖိုင်နယ် ဒုတိယအကျော့ကစားဖို့ လာရောက်စဉ် ဒီလိုတိုက်ခိုက်ခဲ့တာဖြစ်ပြီး မန်ယူတိုက်စစ်မှူးဟောင်း တီဗက်ဇ်အပါအ၀င် ဘိုကာကစားသမားတစ်ချို့ ခေါင်းမူးတာ၊ အော့အန်တာတွေ ရှိခဲ့သလို၊ ၂ ဦးကိုလည်း ဒဏ်ရာ ပြင်းထန်တာကြောင့် ဆေးရုံကို ပို့ဆောင်ခဲ့ရပါတယ်။
Ref: Aljazeera, CNA
