Tag: Syria

သြဂုတ် ၂၇၊ ၂၀၁၅
M-Media

– အမေရိကန်ရှိ အနုပညာလက်ရာများ ၀ယ်ယူသူများအနေဖြင့် အရှေ့အလယ်ပိုင်းမှ ရှေးဟောင်းပစ္စည်းများကို ၀ယ်ယူရာတွင် ဂရုစိုက်ကြရန် FBI က ယမန်နေ့တွင် တိုက်တွန်းလိုက်ပြီး အီရတ်နှင့် ဆီးရီးယားတို့မှ IS တိုက်ခိုက်ရေးသမားများက လုယက်ထားသော အနုပညာပစ္စည်းများကို ရောင်းချရန် စုဆောင်းသူများသို့ မကြာသေးမီက ကမ်းလှမ်းခဲ့သည့် အထောက်အထား ရှိနေသည်ဟု ပြောကြားခဲ့သည်။

အီရတ်နှင့် ဆီးရီးယားတစ်ဝှမ်းမှ ရှေးဟောင်းအနုပညာလက်ရာများကို လုယက်ခြင်းနှင့် မှောင်ခိုဈေးကွက်တွင် ရောင်းချခြင်းမှာ IS အဖွဲ့၏ ၀င်ငွေရသည့် ရင်းမြစ်တစ်ခုဖြစ်ပြီး၊ အဆိုပါပစ္စည်းများကို အနောက်တိုင်း ဈေးကွက်သို့ ရောက်ရှိမည်ဆိုသည့် စိုးရိမ်မှုများလည်း ရှိနေသည်ဟု FBI က သတင်းစာရှင်းလင်းပွဲတွင် ပြောကြားခဲ့သည်။

“ဆီးရီးယားနဲ့ အီရတ်ကနေ မကြာသေးခင်ကာလအတွင်း ယူဆောင်လာပုံရတဲ့ ယဉ်ကျေးမှုဆိုင်ရာ ပစ္စည်းတွေကို ရောင်းဖို့ အမေရိကန်တွေဆီ ကမ်းလှမ်းတယ်လို့ ယုံကြည်ရတဲ့သတင်းတွေ ကျွန်တော်တို့မှာ ရှိပါတယ်” ဟု FBI ၏ Art Theft Program မှ မန်နေဂျာဖြစ်သူ ဘွန်နီ မဂ်နက်စ် ဂါဒီနာက ပြောကြားခဲ့သည်။

ထို့ပြင် ရှေးဟောင်းပစ္စည်း စုဆောင်းသူများနှင့် ၀ယ်ယူသူများအနေဖြင့် တင်သွင်းမှု၊ ဇစ်မြစ်နှင့် အခြားသော စာရွက်စာတမ်းများကို သတိပြု စစ်ဆေးကြရန်လည်း ဂါဒီနာက တိုက်တွန်းခဲ့သည်။

“ကျွန်တော်တို့ ပြောချင်တာက အကြမ်းဖက်ဝါဒကို အားပေးတဲ့ အလားအလာမျိုး ဖြစ်နိုင်တဲ့ ဒီပစ္စည်းတွေကို အရောင်းအ၀ယ်ရဲ့ အစိတ်အပိုင်း အဖြစ်မခံပါနဲ့ ဆိုတာပါပဲ”

IS အဖွဲ့မှာ အီရတ်နှင့် ဆီးရီးယားနိုင်ငံမြောက်ပိုင်းရှိ ရှေးဟောင်းသမိုင်းဝင်နေရာအချို့ကို သိမ်းပိုက်ထားပြီး အမှတ်တရရုပ်ထုများနှင့် ရှေးဟောင်းအဆောက်အဦးများကို ဖျက်ဆီးနေသော ဓာတ်ပုံများနှင့် ဗီဒီယိုများကို လွှင့်တင်ခဲ့ကြသည်။

Ref: Channelnewsasia

သြဂုတ် ၂၄၊ ၂၀၁၅
M-Media

– ဆီးရီးယားနိုင်ငံ ပါလ်မိုင်ရာမြို့ရှိ နှစ် ၂၀၀၀ ခန့် သက်တမ်းရှိပြီး ယူနက်စကို၏ ကမ္ဘာ့အမွေအနှစ်စာရင်းဝင် ဘုရားကျောင်းတစ်ခုအား IS က ဖောက်ခွဲဖျက်ဆီးလိုက်သည်ဟု လူ့အခွင့်အရေးအဖွဲ့များနှင့် ဆီးရီးယား ရှေးဟောင်းပစ္စည်းများဆိုင်ရာ အကြီးအကဲ မာမွန် အဘ်ဒူလ် ကရင်မ်က ပြောကြားလိုက်သည်။

ဘာလ်ရှာမင်းဟု အမည်ရသည့် အဆိုပါဘုရားကျောင်းအတွင်း IS အဖွဲ့မှာ ဖောက်ခွဲရေးပစ္စည်း အမြောက်အများကို ထားရှိ၍ ယမန်နေ့က ဖောက်ခွဲဖျက်ဆီးခဲ့ခြင်းဖြစ်ကာ ပျက်ဆီးဆုံးရှုံးမှု အမြောက်အများ ဖြစ်ခဲ့သည်ဟု အဘ်ဒူလ်ကရင်မ်က ထည့်သွင်းပြောကြားခဲ့သည်။

“ကျွန်တော်တို့ရဲ့ အဆိုးဝါးဆုံးခန့်မှန်းမှုတွေဟာ ကံမကောင်းအကြောင်းမလှစွာနဲ့ပဲ ဖြစ်လာခဲ့ပါတယ်။ ရှေးဟောင်းခန်းမမှာ IS ဟာ သတ်ဖြတ်မှုတွေလုပ်တယ်။ ဇူလိုင်လက နာမည်ကျော် အာသီနာ ခြင်္သေ့ရုပ်ထုတွေကို ဖျက်ဆီးပစ်တယ်။ ပြတိုက်ကိုလည်း အကျဉ်းထောင်၊ တရားရုံးတွေအဖြစ် ပြောင်းလဲပစ်ပါတယ်”

ဆီးရီးယား လူ့အခွင့်အရေး စောင့်ကြည့်အဖွဲ့ကမူ အဆိုပါဘုရားကျောင်း ဖျက်ဆီးခံလိုက်ရသည်ကို အတည်ပြုခဲ့သော်လည်း အဆိုပါ အဖြစ်အပျက်မှာ လွန်ခဲ့သည့် ၁ လခန့်က ဖြစ်ပွားခဲ့ခြင်းဖြစ်သည်ဟု ဆိုသည်။

ပါလ်မိုင်ရာမြို့ဇာတိဖြစ်ပြီး တူရကီအခြေစိုက် တက်ကြွလှုပ်ရှားသူ အခြားတစ်ဦးကမူ မြို့တွင်းရှိ သတင်းရင်းမြစ်များအရ ထိုဘုရားကျောင်းမှာ တနင်္ဂနွေနေ့က ဖျက်ဆီးခံခဲ့ရခြင်းဖြစ်သည်ဟု AP သတင်းဌာနသို့ ပြောကြားခဲ့သည်။

ပြီးခဲ့သည့် အင်္ဂါနေ့ကလည်း ပါလ်မိုင်ရာမြို့ ရှေးဟောင်းပစ္စည်းများဆိုင်ရာ အကြီးအကဲအဖြစ် နှစ်ပေါင်း ၅၀ ကျော် ဆောင်ရွက်ခဲ့သည့် အသက် ၈၂ နှစ်အရွယ် ရှေးဟောင်းသုတေသနပညာရှင် ခါလစ်အာဆတ်ကို IS က ခေါင်းဖြတ်သတ်ခဲ့သည်။

အဆိုပါ ဘာလ်ရှမင်း ဘုရားကျောင်းမှာ အေဒီ ၁၇ ရာစုက တည်ဆောက်ခဲ့ခြင်းဖြစ်ပြီး အေဒီ ၁၃၀ ရောမအင်ပါရာတွင် ဟာဒရီယန်လက်ထက်တွင် တိုးချဲ့ခဲ့ခြင်းဖြစ်သည်။

“သဲကန္တာရထဲမှ ပုလဲရတနာ” ဟု အမည်ပေးထားသည့် ပါလမိုင်ရာမြို့တွင် ဘာလ်ရှာမင်းမှာ အရေးပါဆုံး သမိုင်းဝင်နေရာများထဲမှ တစ်ခုလည်းဖြစ်ကာ ရှေးဟောင်းသုတေသနဆိုင်ရာ အိုအေစစ်ဖြစ်သော ထိုနေရာကို ခေတ်အဆက်ဆက်က ကောင်းမွန်စွာ ထိန်းသိမ်းစောင့်ရှောက်ခဲ့ကြသည်။

ဆီးရီးယားနှင့် အီရတ်ရှိ နယ်မြေအများအပြားကို သိမ်းပိုက်ထားသည့် IS မှာ ၎င်းတို့ကြီးစိုးရာဒေသရှိ အစ္စလာမ်ဘာသာရေးဆိုင်ရာ သမိုင်းဝင်နေရာများအပါအ၀င်၊ ရှေးဟောင်းနေရာများ၊ အမွေအနှစ်များကို ဖျက်ဆီးမှုများ ပြုလုပ်ခဲ့ကြသည်။

Ref: Aljazeera

သြဂုတ် ၁၀၊ ၂၀၁၅
M-Media

– ဆီးရီးယားစစ်တပ်ရှိ အရာရှိတစ်ဦးအား သမ္မတ ဘာရှာ အလ် အာဆတ်၏ ဆွေးမျိုးနီးစပ်တစ်ဦးက သတ်ဖြတ်ခဲ့သည်ဟူသော သတင်းများ ထွက်ပေါ်လာပြီးနောက်ပိုင်း အာဆတ်၏ ဇာတိမြို့ဖြစ်သော လာတာကီယာမြို့တွင် အလာဝီတီလူမျိုးများက လမ်းပေါ်သို့ထွက်၍ ဆန္ဒပြခဲ့ကြသည်ဟု သိရသည်။

ယမန်နေ့က ထွက်ပေါ်လာသော ဗီဒီယိုတွင် အသတ်ခံရသည့် စစ်တပ်အရာရှိ ဟာဆန် အလ်ရှိခ်၏ ညီဖြစ်သူက ၎င်း၏ အစ်ကိုအတွက် နေ့စဉ် ထိုင်သပိတ်ဆင်နွှဲရန် မြို့ခံများအား တိုက်တွန်းမှုကို တွေ့မြင်ခဲ့ရသည်။ အလ်ရှိခ်မှာ အာဆတ်၏ တူဝမ်းကွဲဖြစ်သူ၏ သတ်ဖြတ်ခြင်းကို ခံခဲ့ရသည်ဟု ယုံကြည်ရသည်။

အလ်ရှိခ်၏ ညီဖြစ်သူကမူ အာဆတ်အစိုးရမှာ ပြစ်မှုကျူးလွန်သူကို အရေးမယူဘဲထားသည်ဟု စွပ်စွဲထားသည်။ အာဆတ်၏ မျိုးနွယ်တူဖြစ်သာ အလာဝီတီလူမျိုးများမှာ အစိုးရအား မကျေနပ်မှုများကို လူသိရှင်ကြား ထုတ်ဖော်ပြောဆိုမှု အလွန်နည်းသည်။ ထို့ပြင် ၎င်းတို့မှာ အတိုက်အခံများကို ဆန့်ကျင် တိုက်ခိုက်ရာတွင် အာဆတ်၏ဘက်မှ အများအပြား ပါဝင်ကြသူများလည်း ဖြစ်သည်။

အလ်ရှိခ်မှာ ပြီးခဲ့သည့် သောကြောနေ့က လာတာကီယာရှိ အာဆတ်မွေးဖွားရာဒေသအနီးတွင် အသတ်ခံရခြင်းဖြစ်သည်ဟု သတင်းများက ဖော်ပြကြသည်။

နိုင်ငံပိုင် Sham FM နှင့် အင်တာဗျူးတွင် လာတာကီယာ အုပ်ချုပ်ရေးမှူးက ထိုကိစ္စအတွက် စုံစမ်းစစ်ဆေးမှုများကို လုပ်ဆောင်နေပြီး မည်သူတစ်ဦးတစ်ယောက်မှ ဥပဒေ၏အထက်တွင် နေရာမရှိဟု ပြောကြားခဲ့သည်။

အာဆတ်၏ တူဖြစ်သော ဆူလိုင်မန် အလ်-အာဆတ်က အလ်ရှိခ်အား မိမိ၏ မျက်စိရှေ့တွင် သတ်ဖြတ်ခဲ့သည်ဟု ၎င်း၏ညီဖြစ်သူက အဆိုပါ FM သို့ပင် ပြောကြားခဲ့သည်။

အလ်ရှိခ်သေဆုံးပြီး နောက်တစ်နေ့တွင် အလာဝီတီ လူမျိုးများမှာ မြို့တွင်းရှိ အလ်-ဇာရာအာ ရင်ပြင်၌ စုရုံးကာ ဖယောင်းတိုင်များထွန်း၍ သတ်ဖြတ်သူအား အပြစ်ပေးရန် တောင်းဆိုခဲ့ကြသည်။

Ref: Aljazeera