Tag: thai

ဒီဇင်ဘာ ၁၊ ၂၀၁၇
M-Media

– ထိုင်းနိုင်ငံခြားရေးဝန်ကြီးဟောင်းဖြစ်ပြီး အာဆီယံ အထွေထွေအတွင်းရေးမှူးအဖြစ်လည်း တာဝန်ထမ်းဆောင်ခဲ့သူ ဒေါက်တာ ဆူရင် ပစ်ဆူဝမ်မှာ အသက် ၆၈ နှစ်အရွယ် ယမန်နေ့တွင် နှလုံးရောဂါဖြင့် ကွယ်လွန်သွားခဲ့သည်ဟု သိရသည်။

ဘန်ကောက်တွင် ပြုလုပ်ခဲ့သည့် ‘၂၀၁၇ ခုနှစ် ထိုင်းဟာလာ ညီလာခံ’ တွင် မိန့်ခွန်းပြောရန် ပြင်ဆင်နေသည့်အချိန်တွင် ရုတ်တရက်လဲကျသွားခဲ့ပြီး ဆေးရုံသို့ ပို့ဆောင်ခဲ့သော်လည်း သတိပြန်မလည်လာတော့ပေ။

၁၉၄၉ ခုနှစ် အောက်တိုဘာ ၂၈ ရက်နေ့တွင် မွေးဖွားခဲ့သည့် ဆူရင် ပစ်ဆူဝမ်မှာ ကယ်လီဖိုးနီးယားရှိ ကလားမောင့် ကောလိပ်မှ ၁၉၇၂ ခုနှစ်တွင် နိုင်ငံရေးသိပ္ပံဘာသာရပ်ဖြင့် ဘွဲ့ရခဲ့ပြီး၊ ဟားဗတ်တက္ကသိုလ်မှ မဟာဘွဲ့နှင့် ဒေါက်တာဘွဲ့များ ရရှိခဲ့သည်။

၁၉၈၆ ခုနှစ်တွင် ဒီမိုကရက်ပါတီ အမတ်အဖြစ် နိုင်ငံရေးလောကထဲသို့ ၀င်ရောက်ကာ ၂၀၀၅ ခုနှစ်အထိ ၎င်း၏ ဇာတိမြို့တွက် ဆက်တိုက် အရွေးခံခဲ့ရသည်။

၁၉၉၂ ခုနှစ်မှ ၁၉၉၅ ခုနှစ်အထိ ထိုင်းနိုင်ငံ၏ ဒုတိယ နိုင်ငံခြားရေးဝန်ကြီး ဖြစ်ခဲ့ပြီး၊ ၁၉၉၇ ခုနှစ်မှ ၂၀၀၁ ခုနှစ်အထိ နိုင်ငံခြားရေးဝန်ကြီးအဖြစ် တာဝန်ယူခဲ့သည်။ ထို့ပြင် အာဆီယံ အထွေထွေအတွင်းရေးမှူးအဖြစ် ပထမဆုံး ဆောင်ရွက်ခွင့်ရသည့် ထိုင်းလူမျိုးတစ်ဦးလည်းဖြစ်ကာ ၂၀၀၈ ခုနှစ်မှ ၂၀၁၃ ခုနှစ်အထိ တာဝန်ထ
မ်းဆောင်ခဲ့သည်။

လက်ရှိတွင် ဘန်ကောက်အုပ်ချုပ်ရေးမှူးအဖြစ် ၀င်ရောက်ယှဉ်ပြိုင်ရန် ပြင်ဆင်နေစဉ် ကွယ်လွန်သွားခဲ့ခြင်းဖြစ်သည်။

ဆူရင် ပစ်ဆူဝမ်၏ ရုပ်ကလပ်ကို ယနေ့ သောကြာ ၀တ်ပြုဆုတောင်းမှုအပြီးတွင် အစ္စလာမ်ဘာသာရေးထုံးဓလေ့အတိုင်း မြေမြှုပ်သဂြိုဟ်မည်ဖြစ်သည်။

Ref: Bangkokpost

နိုဝင်ဘာ ၁၊ ၂၀၁၇
M-Media

– ပြည်ပသို့ တိမ်းရှောင်နေသည်ဟု ယူဆရသည့် ၀န်ကြီးချုပ်ဟောင်း ယင်းလပ်၏ နိုင်ငံကူးလက်မှတ်များကို ပယ်ဖျက်လိုက်ကြောင်း ထိုင်းအစိုးရ တာဝန်ရှိသူများက အင်္ဂါနေ့တွင် ပြောကြားခဲ့သည်။

၂၀၁၄ ခုနှစ်တွင် စစ်တပ်၏ အာဏာသိမ်းမှုကို ခံခဲ့ရပြီးနောက် ယင်းလပ်မှာ ၎င်းအစိုးရ၏ ဆန်စပါးမူဝါဒနှင့် ပတ်သက်၍ တရားရင်ဆိုင်ခဲ့ရပြီး သြဂုတ်လနှောင်းပိုင်း အမိန့်ချမှတ်မည့်အချိန်တွင် တိုင်းပြည်မှ ပျောက်သွားခဲ့သည်။

ထိုင်းတရားရုံးချုပ်ကမူ ယင်းလပ်ကို ထိုအမှုဖြင့် ထောင်ဒဏ် ၅ နှစ် ချမှတ်ခဲ့သည်။

နိုင်ငံခြားရေးဝန်ကြီး ဒွန် ပရာမူဒင်နိုင်က ယင်းလပ်၏ နိုင်ငံကူးလက်မှတ်များအားလုံးကို ပယ်ဖျက်လိုက်သည်ဟု ယမန်နေ့တွင် သတင်းထောက်များအား ပြောကြားခဲ့သည်။

ယင်းလပ်တွင် တစ်ကိုယ်ရည် နိုင်ငံကူးလက်မှတ် နှစ်ခုနှင့် သံတမန်နိုင်ငံကူးလက်မှတ် ၂ ခု စုစုပေါင်း ၄ ခု ရှိသည်ဟု အာဏာပိုင်များက ဆိုသည်။

ယင်းလပ်၏ အစ်ကို ထိုင်းဝန်ကြီးချုပ်ဟောင်း သက်ဆင်မှာ ၂၀၀၆ ခုနှစ် စစ်တပ်က အာဏာသိမ်းပြီးနောက် ခြစားမှုစွဲချက်ကို ရှောင်ရှားရန် နိုင်ငံရပ်ခြားတွင် နေထိုင်နေသည်။ သက်ဆင်မှာ ဒူဘိုင်းတွင် အိမ်တစ်လုံး ပိုင်ဆိုင်ထားသည်ဟု ထိုင်းဝန်ကြီးချုပ် ပရာယွတ်ချန်အိုချာက စက်တင်ဘာလနှောင်းပိုင်းတွင် ပြောကြားခဲ့
သည်။

ယင်းလပ်မှာ ထိုအိမ်တွင် နေထိုင်နေသည်ဟု သတင်းများထွက်ပေါ်နေသော်လည်း မည်သည့်နေရာတွင်ရှိကြောင်း အတိအကျ မသိရှိရပေ။ ဗြိတိန်တွင် နိုင်ငံရေးခိုလှုံခွင့် တောင်းခံမည်ဟုလည်း သတင်းများ ထွက်ပေါ်နေသည်။

Ref : CNA