ဇန်န၀ါရီ ၂၄၊ ၂၀၁၅
M-Media
– စစ်တပ်နောက်ခံပြုသော ပါလီမန်က နိုင်ငံရေးလုပ်ခွင့် ပိတ်ပင်ခဲ့ပြီး ချစားမှု စွဲချက်ဖြင့် ထောင်ဒဏ်ချခံရနိုင်သော ထိုင်းဝန်ကြီးချုပ်ဟောင်း ယင်လပ်ရှင်နာဝပ်ထရာက ထိုင်းနိုင်ငံတွင် ဒီမိုကရေစီ သေဆုံးသွားပြီဟု ယမန်နေ့က ပြောကြားလိုက်သည်။
နိုင်ငံ၏ ပထမဆုံး အမျိုးသမီးဝန်ကြီးချုပ် ဖြစ်ခဲ့ပြီး ၀န်ကြီးချုပ်ဟောင်း သက်ဆင်ရှင်နာဝပ်ထရာ၏ ညီမလည်းဖြစ်သူ ယင်လပ်မှာ တာဝန်ထမ်းဆောင်ချိန်အတွင်း အစိုးရမှ စပါးဝယ်ယူရေး အရှုပ်အထွေးတွင် ပါဝင်ပတ်သက်မှုဖြင့် ပါလီမန်က နိုင်ငံရေးလုပ်ခွင့် ၅
နှစ် ပိတ်ပင်ခဲ့ခြင်းဖြစ်ပြီး၊ ချစားမှုဖြင့် တရားစွဲဆိုရန် စီစဉ်နေသောကြောင့် ယင်လပ်မှာ ထောင်အတွင်း၌ ဆယ်စုနှစ်တစ်ခုအထိ နေထိုင်ရဖွယ်ရှိနေသည်။
ယင်လပ်ကမူ ပါလီမန်၏ ထိုဆုံးဖြတ်ချက်အား ရှုတ်ချခဲ့ပြီး ဒီမိုကရေစီကို အနိုင်ကျင့်သည့်လုပ်ရပ်ဟု ပြောကြားခဲ့ကာ ချစားမှုစွပ်စွဲချက် အတွက် တိုက်ပွဲဝင်သွားမည်ဟုလည်း ထည့်သွင်းပြောကြားခဲ့သည်။
`တရားဥပဒေစိုးမိုးရေးနှင့်အတူ ဒီမိုကရေစီဟာ ထိုင်းနိုင်ငံမှာ ယနေ့ပဲ သေဆုံးသွားခဲ့ပါတယ်။ ကျွန်မကို ဖျက်ဆီးဖို့ကြိုးစားတဲ့ ဆောင်ရွက် ချက်ဟာ ဆက်သွားနေပြီး အဲဒီအတွက် ကျွန်မကလည်း ရင်ဆိုင်ပါ့မယ်´ ဟု သူမ၏ Facebook စာမျက်နှာတွင် ဖော်ပြခဲ့သော ကြေညာချက်တွင် ပြောကြားထားသည်။ ထို့ပြင် ထိုကိစ္စနှင့်ပတ်သက်၍ သတင်းစာရှင်းလင်းပွဲလုပ်ရန် ယင်လပ်က စီစဉ်ထားပြီး အစိုးရက တားမြစ်မှုများ ရှိနေသည်။
ကျွမ်းကျင်သူများကမူ ပါလီမန်နှင့် ၎င်းတို့အား ထောက်ပံ့ပေးထားသော စစ်တပ်အကြီးအကဲများ၏ ယခုနောက်ဆုံးပြုလုပ်ခဲ့သည့် စွပ်စွဲချက်နှင့် ရာဇ၀တ်မှုဆိုင်ရာ တရားစွဲဆိုမှုမှာ ရှင်နာဝပ်ထရာမိသားစု၏ ထိုင်းနိုင်ငံရေးအပေါ် သြဇာလွှမ်းမိုးမှုအား ပျက်ပြားစေရန် ကြိုးစားခြင်းဖြစ်သည်ဟု ပြောကြားခဲ့သည်။ ရှင်နာဝပ်ထရာမိသားစု၏ ပါတီမှာ ၂၀၀၁ ခုနှစ်မှ စတင်ကာ ထိုင်းနိုင်ငံရွေးကောက်ပွဲ တိုင်းတွင် အနိုင်ရရှိခဲ့သည်။
ပါလီမန်၏ ထိုဆုံးဖြတ်ချက်အတွင် ယင်လပ်အား ထောက်ခံသော ရှပ်နီများက ဒေါသထွက်နေကြသည်။ သို့သော်လည်း ရှပ်နီခေါင်းဆောင်များကမူ လမ်းပေါ်ထွက်၍ စုဝေးဆန္ဒပြမှုများ မပြုလုပ်ရန် သတိပေးထားသည်။ ထိုင်းစစ်တပ်က အာဏာသိမ်းပြီးနောက် နိုင်ငံတစ်ဝှမ်း ဒေသတော်တော်များများတွင် မာရှယ်လောအမိန့် ထုတ်ပြန်ထားပြီး နိုင်ငံရေးအရ စုဝေးခွင့်ကိုလည်း ပိတ်ပင်ထားသည်။
Ref: channelnewsasia
