News @ M-Media

Tag: thailand

  • နို၀င်ဘာ ၁ ရက်နေ့ နိုင်ငံတကာသတင်းများ

    နို၀င်ဘာ ၁ ရက်နေ့ နိုင်ငံတကာသတင်းများ

    M-Media

    (ဓာတ်ပုံ – မြောက်ကိုရီးယား၏ ဒုံးကျည်ပစ်လွှတ်မှု)

    ထိုင်းအစိုးရက လူ ၅ သိန်းနီးပါးကို နိုင်ငံသားပေးမည်
    ——————
    ပြောင်းရွှေ့အခြေချသူ၊ ဒါမှမဟုတ် လူမျိုးစုတွေထဲက နိုင်ငံအတွင်း နှစ်ပေါင်းများစွာ နေထိုင်သူတွေနဲ့ နိုင်ငံအတွင်း မွေးဖွားသူ စုစုပေါင်း ၄၈၃၀၀၀ ကို နိုင်ငံသားပေးမယ်လို့ ထိုင်းအစိုးရက ကြေငြာပါတယ်။ ကြိုးနီစနစ်တွေကြောင့် ကြန့်ကြာနေတဲ့ နိုင်ငံသားစီစစ်ရေးလုပ်ငန်းစဥ်ကို ပိုမိုမြန်ဆန်အောင်လုပ်မှာဖြစ်ပြီး ဒီလူတွေဟာ နိုင်ငံလုပ်သားစွမ်းအားမှာ ပါ၀င်လာကာ တိုင်းပြည်စီးပွားရေးအတွက် ပိုမိုအားကောင်းစေဖို့ ရည်ရွယ်တယ်လို့ ထိုင်းအစိုးရက ပြောပါတယ်။

    စွမ်းဆောင်ရည်မြင့် ဒုံးကျည်သစ်ကို မြောက်ကိုရီးယာစမ်းသပ်
    ————-
    လောင်စာအခဲ အသုံးပြုထားပြီး နိုင်ငံသမိုင်းတစ်လျှောက် စွမ်းဆောင်ရည်အမြင့်ဆုံး တိုက်ချင်းပစ်ဒုံးကျည် Hwasong-19 ကို စမ်းသပ်ပစ်လွှတ်ခဲ့ကြောင်း မြောက်ကိုရီးယားက ထုတ်ပြန်ပါတယ်။ ဒုံးကျည်ဟာ ကမ္ဘာ့လေထုအပြင်ဘက်အထိ ရောက်ခဲ့ပြီး၊ ကမ္ဘာ့စွမ်းအားအပြင်းဆုံး ဗျူဟာမြောက် ဒုံးကျည်လို့ မြောက်ကိုရီးယားက သမုတ်ပါတယ်။

    အပူလှိုင်းကြောင့် ဒေါ်လာဘီလီယံချီ ဘင်္ဂလားဒေ့ရှ် ဆုံးရှုံး
    —————–
    အပူလှိုင်းရိုက်ခတ်မှု နောက်ဆက်တွဲဆိုးကျိုးကြောင့် ၂၀၂၃ ခုနှစ်အတွင်း နိုင်ငံစီးပွားရေးမှာ ကန်ဒေါ်လာ ၂၁ ဘီလီယံ ဆုံးရှုံးခဲ့တယ်လို့ ဘင်္ဂလားဒေ့ရှ်က ထုတ်ပြန်ပါတယ်။ လယ်ယာစိုက်ပျိုးရေးကဏ္ဍက အထိနာဆုံး ဖြစ်ခဲ့ပြီး၊ ပြည်သူတွေရဲ့ ကျန်းမာရေးကိုလည်း ဆိုးဆိုးရွားရွား ထိခိုက်ခဲ့တယ်လို့ ဆိုပါတယ်။


  • အောက်တိုဘာ ၁၅ ရက် နိုင်ငံတကာသတင်းများ

    အောက်တိုဘာ ၁၅ ရက် နိုင်ငံတကာသတင်းများ

    M-Media

    (ဓာတ်ပုံ – တောင်တက်သမိုင်းတွင် စံချိန်သစ်ရခဲ့သည့် နီပေါနိုင်ငံသား ရှာပါရ်)

    တရုတ်၏ ထိုင်၀မ်ပေါ်လစီ မပြောင်းလဲသေး
    ———-
    ထိုင်၀မ်နဲ့ ငြိမ်းချမ်းစွာပေါင်းစည်းရေး လိုလားပေမယ့် လိုအပ်ရင် စစ်အင်အားသုံးသိမ်းပိုက်မယ့် မိမိတို့ရဲ့ မူ၀ါဒ ပြောင်းလဲမှု ရှိမှာမဟုတ်ဘူးလို့ ထိုင်၀မ်းကျွန်းကို ၀ိုင်းပတ်ပြီး ၄ ကြိမ်မြောက်ပြုလုပ်တဲ့ စစ်ရေးလေ့ကျင်မှုအပြီးမှာ တရုတ်နိုင်ငံက ထုတ်ပြန်ပါတယ်။ မေလမှာ အာဏာရလာတဲ့ ထိုင်၀မ်သမ္မတ လိုင်ချင်တေဟာ ထိုင်၀မ် လွတ်မြောက်ရေး ပိုမိုပြောဆိုလာပြီး တရုတ်ကတော့ ခွဲထွက်ရေးသမားအဖြစ် တံဆိပ်ကပ်ပါတယ်။

    တောင်တက်သမိုင်းမှာ စံချိန်တင်တဲ့ နီပေါနိုင်ငံသား
    —————
    နီပေါ နိုင်ငံသား အသက် ၁၈ နှစ်အရွယ် နီမာရင်ဂျီ ရှာရ်ပါဟာ နီပေါ၊ ပါကစ္စတန်၊ တိဘတ်နဲ့ အိန္ဒိယနိုင်ငံတို့က မီတာ ၈၀၀၀ မြင့်တဲ့ တောင်ပေါင်း ၁၄ ခုကို အောင်မြင်စွာ တက်ရောက်နိုင်တဲ့ ကမ္ဘာ့အသက်အငယ်ဆုံး လူသားအဖြစ် မှတ်တမ်း၀င်ခဲ့ပါတယ်။ တောင်တက်မိသားစုမျိုးက ဆင်းသက်လာတဲ့ ရှာရ်ပါဟာ လွန်ခဲ့တဲ့ ၂ နှစ်ကမှ တောင်တက်လောကထဲ ၀င်ရောက်လာခဲ့ပြီး အသက် ၁၆ နှစ်အရွယ်မှာကတည်းက အမြင့်ဆုံး တောင်တွေကို တက်နိုင်ခဲ့သူ ဖြစ်ပါတယ်။

    နိုင်ငံခြားသားမျှော်ပြီး အိမ်ယာစီမံကိန်းထပ်လုပ်မယ့် ဘန်ကောက်
    —————-
    ၂၀၂၅ နှစ်လယ်ပိုင်းကစပြီး ဘန်ကောက်မြို့လယ်ကောင်မှာ ဇိမ်ခံကွန်ဒိုစီမံကိန်း ၄ ခုထက်မနည်း ထိုင်းအစိုးရက ထပ်လုပ်ဖို့ ရှိနေပါတယ်။ ထိုင်းနိုင်ငံမှာ အိမ်ယာစျေးကွက် ကျဆင်းနေပေမယ့် နိုင်ငံခြားသားတွေရဲ့ ၀ယ်မှုနှုန်းက မြင့်တက်လာခဲ့ပြီး အထူးသဖြင့် ထိုင်၀မ်နဲ့ တရုတ်နိုင်ငံသားတွေ အဓိက ၀ယ်ယူတာဖြစ်ပါတယ်။ ၂၀၂၅ ခုနှစ်မှာ နိုင်ငံခြားသား၀ယ်ယူသူတွေကို အဓိကစွဲဆောင်နိုင်ဖို့ ထိုင်းအစိုးရက မျှော်လင့်နေပါတယ်။


  • စက်တင်ဘာ ၂၂ ရက်နေ့ နိုင်ငံတကာသတင်းများ

    စက်တင်ဘာ ၂၂ ရက်နေ့ နိုင်ငံတကာသတင်းများ

    M-Media

    (ဓာတ်ပုံ – အင်ဒိုနီးရှားမှ ကမ္ဘာ့အမြင့်ဆုံး ခရစ်တော်ရုပ်ထု)

    အင်ဒိုနီးရှားတွင် ကမ္ဘာ့အမြင့်ဆုံး ခရစ်တော်ရုပ်တု ဖွင့်လှစ်
    ———–
    မြောက်ဆူမားတြားပြည်နယ်က နာမည်ကျော် တိုဘာကန် တောင်စောင်းမှာ ၆၁ မီတာမြင့်တဲ့ ယေရှုခရစ်ရုပ်ထုကို စက်တင်ဘာ ၁၉ ရက်နေ့မှာ ဖွင့်လှစ်ခဲ့ပါတယ်။ မြောက်ဆူမားတြားဟာ ခရစ်ယာန်ဘာသာ၀င် အများစုရှိရာ ဒေသဖြစ်ပြီး ဒီရုပ်တုကို နှစ်ချီ ဆောက်လုပ်ခဲ့ရတာပါ။ ကမ္ဘာပေါ်က အမြင့်ဆုံး ခရစ်တော်ရုပ်တုအဖြစ်လည်း မှတ်တမ်း၀င်ပါတယ်။

    ထိုင်းစစ်တပ်ခေါင်းဆောင်များ အပြောင်းအလဲလုပ်မည်
    ———–
    ထိုင်းစစ်တပ်က အရာရှိအရာခံ စုစုပေါင်း ၈၀၈ ဦးကို အပြောင်းအလဲလုပ်မှာ ဖြစ်ပြီး ဒီစာရင်းကို ထိုင်း၀န်ကြီးချုပ်ရုံးက နန်တော်ကို တင်သွင်းထားကာ ဘုရင်အတည်ပြုရင် အောက်တိုဘာ ၁ ရက်နေ့မှာ စတင် အသက်၀င်မှာဖြစ်ပါတယ်။ အခုပြောင်းအလဲမှာ လကုန်ပင်စင်ယူတော့မယ့် ထိုင်းကြည်းတပ်ဗိုလ်ချုပ်နဲ့ ရေတပ်ဗိုလ်ချုပ်နေရာကို အစားထိုးမှုလည်း ပါ၀င်မှာ ဖြစ်ပါတယ်။

    တရုတ်ဆော့ဖ်၀ဲသုံးကားများကို အမေရိကန်ပိတ်မည်
    ————-
    တရုတ်ထုတ်ဆော့ဖ်၀ဲတွေ ထည့်သွင်းထားတဲ့ ကားတွေအားလုံးကို တင်သွင်းခွင့် ပိတ်ပင်မယ့် အမိန့်တစ်ခုကို အမေရိကန်က နောက်တစ်ပတ်မှာ ထုတ်ပြန်ကြေငြာဖို့ ရှိပါတယ်။ အမေရိကန်ယာဥ်မောင်းတွေရဲ့ အချက်အလက်တွေကို တရုတ်ကုမ္ပဏီတွေက ခိုးယူမှာ စိုးရိမ်တာကြောင့်ဖြစ်ပြီး ဒါဟာ နိုင်ငံတော် လုံခြုံရေးကိုပါ ထိခိုက်လာနိုင်တယ်လို့လည်း ဆိုပါတယ်။ အမေရိကန်ဟာ တရုတ်ထုတ် လျှပ်စစ်ကားတွေကို အခွန်တိုးကောက်ဖို့လည်း အမိန့်ထုတ်ထားပါတယ်။

    Ref: CNA, Jakarta Post


  • စက်တင်ဘာ ၂ ရက်နေ့ သတင်းတို

    စက်တင်ဘာ ၂ ရက်နေ့ သတင်းတို

    စက်တင်ဘာ ၂၊ ၂၀၂၄
    M-Media

    ထွက်ပြေး၀န်ကြီးချုပ် လွှဲပေးဖို့ ဘင်္ဂလားဒေ့ရှ်က အိန္ဒိယကို တောင်းဆို

    သြဂုတ်လ ၅ ရက်နေ့က နိုင်ငံကနေ ထွက်ပြေးသွားတဲ့ ၀န်ကြီးချုပ်ဟောင်း ရှိခ်ဟာဆီနာကို ပြန်လွှဲပေးဖို့ ဘင်္ဂလားဒေ့ရှ်နိုင်ငံရေးသမားတွေ၊ လူ့အခွင့်အရေးအဖွဲ့တွေက တောင်းဆိုမှုတွေ ရှိလာပါတယ်။ အိန္ဒိယဟာ ဘင်္ဂလားဒေ့ရှ်ရဲ့ အဓိက မဟာမိတ်ဖြစ်ပြီး အခုလိုတောင်းဆိုမှုကြောင့် နှစ်နိုင်ငံဆက်ဆံရေး ထိခိုက်နိုင်တယ်လို့ ကျွမ်းကျင်သူတွေက သုံးသပ်ပါတယ်။

    ထိုင်းအစိုးရသစ် ယခုတစ်ပတ်အတွင်း ပေါ်လာမည်

    အစိုးရဖွဲ့ဖို့ လူရွေးထားပြီး အခုတစ်ပတ်အတွင်း ဘုရင်ရဲ့ သဘောတူညီချက် ရယူသွားမယ်လို့ ထိုင်း၀န်ကြီးချုပ် ပေထုံတန် ရှင်နာ၀ပ်ထရာက ပြောပါတယ်။ လက်ရှိအိမ်စောင့်အစိုးရက နိုင်ငံခြားရေးနဲ့ ဘဏ္ဍာရေး၀န်ကြီးတွေ ပြန်ပါလာဖို့ ရှိပေမယ့် မျက်နှာသစ် ၀န်ကြီးနဲ့ ဒု၀န်ကြီး အနည်းဆုံး ၁၁ ဦး ပါလာမယ်လို့ ထိုင်းပြည်တွင်း မီဒီယာတွေက ဖော်ပြပါတယ်။ ပေထုံတန်ဟာ ထိုင်းနိုင်ငံရဲ့ အသက်အငယ်ဆုံးနဲ့ ဒုတိယမြောက် အမျိုးသမီး၀န်ကြီးချုပ်လည်း ဖြစ်ပါတယ်။

    ဖိလစ်ပိုင်မုန်တိုင်း ၁၀ ဦးကျော်သေဆုံး

    ဖိလစ်ပိုင်နိုင်ငံမှာ ၂ ရက်တာ ကြာမြင့်နေပြီဖြစ်တဲ့ မုန်တိုင်းရဲ့ နောက်ဆက်တွဲ မိုးကြီးပြီး၊ ရေလျှံမှုကြောင့် အနည်းဆုံး ၁၁ ဦးသေဆုံးခဲ့ပါတယ်။ နိုင်ငံအရှေ့ပိုင်းဒေသတွေမှာ မုန်တိုင်းဒဏ်ကို အပြင်းထန်ဆုံးခံစားနေရပါတယ်။

    ပုပ်ရဟန်းမင်းကြီး၏ အာရှခရီးစဥ် စတင်

    ပုပ်ရဟန်းမင်းကြီး ဖရန်စစ်ရဲ့ အာရှဒေသ ၁၂ ရက်တာ ခရီးစဥ်ဟာ စက်တင်ဘာ ၂ ရက်နေ့မှာ စတင်ပါတယ်။ အင်ဒိုနီးရှား၊ ပါပူအာနယူးဂီနီ၊ တီမောလက်စ်တေနဲ့ စင်ကာပူတို့ကို လာရောက်မှာပါ။ ရဟန်းမင်းဖြစ်ပြီးနောက် အကြာဆုံး ပြည်ပခရီးစဥ် ဖြစ်လာမှာဖြစ်ပြီး မတူညီတဲ့ ဘာသာရေး၊ နိုင်ငံရေးခေါင်းဆောင်တွေနဲ့ တွေ့ဆုံဆွေးနွေးမှာ ဖြစ်ပါတယ်။

    Ref: CNA

  • သမီး၀န်ကြီးချုပ်ဖြစ်ပြီးနောက် ဘုရင်၏ လွတ်ငြိမ်းချမ်းသာခွင့် ထပ်ရခဲ့သည့် သက်ဆင်

    သမီး၀န်ကြီးချုပ်ဖြစ်ပြီးနောက် ဘုရင်၏ လွတ်ငြိမ်းချမ်းသာခွင့် ထပ်ရခဲ့သည့် သက်ဆင်

    သြဂုတ် ၁၇၊ ၂၀၂၄
    M-Media

    -အာဏာရှိစဥ်က ခြစားမှုနဲ့ ထောင်ဒဏ် ချမှတ်ခြင်း ခံထားရတဲ့ ထိုင်း၀န်ကြီးချုပ်ဟောင်း သက်ဆင် ရှင်နာ၀ပ်ထရာဟာ ဘုရင်ရဲ့ လွတ်ငြိမ်းချမ်းသာခွင့် ထိပ်မံ ရရှိခဲ့ပြီး သြဂုတ်လ ၁၈ ရက်နေ့မှာ ပြန်လည် လွတ်မြောက်လာတော့မှာ ဖြစ်ပါတယ်။

    ၂၀၀၆ ခုနှစ် စစ်တပ်ရဲ့ အာဏာသိမ်းမှုကို ခံရပြီးတဲ့နောက် သက်ဆင်ဟာ နိုင်ငံခြားကို ထွက်ပြေးသွားခဲ့ပြီး ပြီးခဲ့တဲ့နှစ်က ပြည်တော်ပြန်လာတာ ဖြစ်ပါတယ်။ ၂၀၂၃ ခုနှစ် ရွေးကောက်ပွဲအပြီး သက်ဆင်ရဲ့သမီး ဖေထုံတန် ရှင်နာ၀ပ်ထရာ ဦးဆောင်တဲ့ ဖွေထိုင်းပါတီနဲ့ စစ်တပ်တို့အကြား သဘောတူညီချက်ကြောင့် ပြန်လာနိုင်ခဲ့တာပါ။

    အဲဒီနောက် ခြစားမှုနဲ့ ထောင်ဒဏ် ၈ နှစ် ချမှတ်ခံရပြီး၊ ဘုရင်ရဲ့ ပထမတစ်ကြိမ် လွတ်ငြိမ်းချမ်းသာခွင့်မှာ ထောင်ဒဏ် ၁ နှစ်သာ ကျခံဖို့ လျှော့ပေါ့ပေးခဲ့ပါတယ်။ အခုနှစ်အစောပိုင်းမှာ လွတ်ငြိမ်းချမ်းသာခွင့် တစ်ကြိမ် ထပ်ရခဲ့ပြီး သြဂုတ်လ ၃၁ ရက်နေ့မှာ ထောင်ဒဏ်က လွတ်မြောက်မှာပါ။

    သမီးဖြစ်သူ ဖေထုံတန် ၀န်ကြီးချုပ်အဖြစ် တင်မြှောက်ခံရအပြီး ၂ ရက်အကြာမှာပဲ တတိယအကြိမ် ဘုရင်ရဲ့ လွတ်လပ်ငြိမ်းချမ်းသာခွင့် ထပ်ရခဲ့ကာ သြဂုတ်လ ၁၈ ရက်နေ့ကျရင် လုံး၀ လွတ်မြောက်လာတော့မှာ ဖြစ်ပါတယ်။

    သက်ဆင်ဟာ ထောင်ဒဏ်ကျခံနေရစဥ်အတွင်း ဆေးရုံမှာပဲ နေခဲ့ရတာ ဖြစ်ပါတယ်။

    Ref: The Star