Tag: thailand

သြဂုတ် ၂၆၊ ၂၀၁၇
M-Media

– ယမန်နေ့က စီရင်ချက်ချမည့်​ ရုံးချိန်းကို ရှောင်ရှားခဲ့သည့် ၀န်ကြီးချုပ်ဟောင်း ယင်းလပ် ရှင်နာဝပ်ထရာကို ထိုင်းရဲတပ်ဖွဲ့က လိုက်လံရှာဖွေနေပြီး တိုင်းပြည်မှထွက်သွားပြီဟု သတင်းများလည်း ထွက်ပေါ်နေသည်။

ဝန်ကြီးချုပ်ဖြစ်စဉ်က ဆန်အမတော်ကြေးကိစ္စ နိုင်ငံတော်ဘဏ္ဍာ ဘီလီယံချီ ဆုံးရှုံးခဲ့မှုအတွက် ယင်းလပ်မှာ တရားစွဲဆိုခံထားရခြင်းဖြစ်ပြီး ထောင်ဒဏ် ၁၀ နှစ်အထိ ကျခံရနိုင်သည်။

ယမန်နေ့က စီရင်ချက်ချရန် စီစဉ်ထားပြီး ယင်းလပ်က ရုံးတော်သို့ မလာရောက်ခဲ့သည့်အတွက် တရားရုံးက ဖမ်းဝရမ်းထုတ်ခဲ့သည်။

ရှင်နာဝပ်ထရာမိသားစုနှင့် နီးစပ်ပြီး ယင်းလပ်၏ပါတီဖြစ်သော Pheu Thai မှ တာဝန်ရှိသူတစ်ဦးက ယင်းလပ်မှာ နိုင်ငံအတွင်း မရှိတော့ဟု AP သတင်းဌာနသို့ ပြောကြားခဲ့ပြီး အသေးစိတ်ကို ထုတ်ဖော်ခဲ့ခြင်း မရှိပေ။

သူမ၏ ရှေ့နေဖြစ်သူ နိုရာဝစ် လာလာအန်က ယင်းလပ် မည်သည့်အနေရာတွင် ရှိနေသည်ဆိုသည်ကို မသိရှိဟု ပြောကြားခဲ့သည်။

“မနေ့မနက်က သူနေမကောင်းဘူး၊ ခေါင်းမူးနေတယ်လို့ပြောတယ်။ ဒါ့ကြောင့် ရုံးချိန်ဆိုင်းငံ့ဖို့ ကျွန်မ တောင်းဆိုခဲ့ပါတယ်။ ကျွန်မသိတာ ဒါပါပဲ”

၂၀၁၄ ခုနှစ်တွင် ယင်းလပ်အစိုးရကို ဖြုတ်ချကာ အာဏာသိမ်းခဲ့သည့် စစ်တပ်အကြီးအကဲ လက်ရှိဝန်ကြီးချုပ် ပရာယွတ်ချန်အိုချာက အစိုးရအနေဖြင့် ယင်းလပ်ကို လိုက်လံရှာဖွေနေသည်ဟု ပြောကြားခဲ့သည်။

ကာကွယ်ရေးဝန်ကြီး ပရာဝစ် ၀ွန်ဆူဝန်က ယင်းလပ်ကို စောင့်ကြည့်နေသည့် လုံခြုံရေးတပ်ဖွဲ့ဝင်များမှာလွန်ခဲ့သည့် ၂ ရက်အတွင်း ဘန်ကောက်ရှိ နေအိမ်မှ ယင်းလပ်ထွက်သည်ကို တွေ့ရှိခြင်းမရှိဟု ပြောကြားခဲ့သည်။

Ref: Aljazeera

သြဂုတ် ၂၅၊ ၂၀၁၇
M-Media

– စီရင်ချက်ချမှတ်မည့်နေတွင် လာရောက်ခြင်းမရှိသည့် ထိုင်းဝန်ကြီးချုပ်ဟောင်း ယင်းလပ် ရှင်နာဝပ်ထရာကို ဖမ်းဝရမ်းထုတ်သွားမည်ဟု ထိုင်းတရားရုံးချုပ်က သတိပေးလိုက်သည်။

ဝန်ကြီးချုပ်တာဝန်ထမ်းဆောင်စဉ်က လယ်သမားများ၏ ဆန်အရောင်းအ၀ယ်ကိစ္စနှင့်ပတ်သက်၍ တရားစွဲဆိုခံထားရသည့် ယင်းလပ်ကို ယနေ့တွင် စီရင်ချက်ချရန် စီစဉ်ထားပြီး သူမမှာ ထောင်ဒဏ်ကျခံရဖွယ်ရှိနေသည်။

သို့သော်လည်း ယင်းလပ်က နေမကောင်းသောကြောင့် တရားရုံးသို့ လာရောက်နိုင်ခြင်းမရှိဟု သူမ၏ ရှေ့နေက တရားရုံးတွင် လျှောက်ထားခဲ့သည်။

တရားသူကြီး ချီပ် ချူလာမွန်က ယင်းလပ်နေမကောင်းဖြစ်သည်ဆိုသည်ကို တရားရုံးက မယုံကြည်ကြောင်း၊ ရှောင်ပုန်းရန် ရည်ရွယ်ခြင်းဖြစ်သည်ဟုသာ ယူဆကြောင်း၊ ဖမ်းဝရမ်းထုတ်ရေး ခွင့်ပြုချက်ရယူသွားမည်ဖြစ်ကြောင်း ပြောကြားခဲ့သည်။

သူမအား စီရင်ချက်ချမည့်နေ့ကို စက်တင်ဘာ ၂၇ ရက်နေ့သို့ ရွှေ့ဆိုင်းခဲ့သည်။ ယင်းလပ်မှာ ထိုအမှုအတွက် သူမတွင် အပြစ်မရှိဟု လျှောက်လှဲထားသည်။

ယင်းလပ်၏ ပြောရေးဆိုခွင့်ရှိသူက သူမ တရားရုံးသို့ မလာရောက်နိုင်မှုအတွက် မည်သည့်မှတ်ချက်မှ မပေးခဲ့ပေ။

ထိုင်းလူဝင်မှုကြီးကြပ်ရေး အကြီးအကဲ နန်သက်သွန် ရူဆွန်တွန်က ယင်းလပ်မှာ တိုင်းပြည်အတွင်း ရှိနေသည်ဟု ယုံကြည်ကြောင်း ပြောကြားခဲ့သည်။

ယင်းလပ်မှာ တိုင်းပြည်ဘဏ္ဍာ ဒေါ်လာဘီလီယံချီ ဆုံးရှုံးခဲ့သည့် ဆန်အမတော်ကြေးကိစ္စအတွက် ပေါ့လျော့မှုဖြင့် စွဲချက်တင်ခံထားရခြင်းဖြစ်ပြီး ထောင်ဒဏ် ၁၀ နှစ်အထိ ကျခံရနိုင်သည်။

Ref: Aljazeera

ဇူလိုင် ၂၂၊ ၂၀၁၇
M-Media

– အရွယ်မရောက်သေးသည့် အမျိုးသမီးငယ်အား အဓမ္မပြုကျင့်မှုအပါအ၀င် ပြစ်မှုများစွာကြောင့် အမေရိကန်သို့ ထွက်ပြေးတိမ်းရှောင်သွားသည့် ထိုင်းနာမည်ကြီးဘုန်းကြီးမှာ ဗုဒ္ဓဟူးနေ့က ထိုင်းနိုင်ငံသို့ ပြန်လည်ရောက်ရှိလာပြီးနောက် စွဲချက်များစွာဖြင့် တရားစွဲဆိုခံထားရသည်ဟု သိရသည်။

အသက် ၃၈ နှစ်အရွယ်ရှိပြီး သာသနာ့ဘွဲ့ Nen Kham ဟု အမည်ရသည့် ၀ီရပို ဆူက်ဖိုလ်မှာ အမေရိကန်တွင် လူဝတ်လဲထားသော်လည်း ထိုင်းနိုင်ငံသို့ ပြန်လည်ရောက်ရှိလာသည့်အချိန်တွင် သင်္ကန်းကို ၀တ်ဆင်ထားခဲ့သည်။

ထို့နောက် ကြာသာပတေးနေ့တွင် အစိုးရရှေ့နေများက ရာဇ၀တ်မှုဆိုင်ရာ ခုံရုံး၌ အမှု ၂ ခုဖွင့်ကာ ကွန်ပျူတာအက်ဥပဒေချိုးဖောက်မှု၊ လိမ်လည်မှု၊ ငွေကြေးခါဝချမှု၊ အသက်မပြည့်သေးသူနှင့် လိင်ဆက်ဆံမှု၊ ကလေးပြန်ပေးဆွဲမှုတို့ဖြင့် တရားစွဲဆိုခဲ့သည်။

တရားရုံးက အမှုများကိုလက်ခံခဲ့ပြီး ၀ီရပို ဆူက်ဖိုလ်က စွဲချက်များကို ငြင်းဆိုခဲ့သည်။ စက်တင်ဘာ ၁၈ ရက်နေ့တွင် တရားစွဲဆိုမှု၊ အထောက်အထားများနှင့် သက်သေစာရင်းများအတွက် အကြိုကြားနားမှုတစ်ခုပြုလုပ်ရန် သတ်မှတ်ထားသည်။

ဝီရပို ဆူက်ဖိုလ်ကို လက်ရှိတွင် လူဝတ်လဲကာ Remand အကျဉ်းထောင်၌ ထိန်းသိမ်းထားပြီး အကျဉ်းထောင်အတွင်း အခြားအကျဉ်းသားများအား တရားဟောကြားမှုမပြုရန် ထောင်ပိုင် Krit Krasaethip က အမိန့်ထုတ်ထားသည်။

Krit က ၀ီရပိုမှာ ၎င်း၏ တရားဟောစွမ်းရည်ကို အသုံးပြုကာ အခြားသောအကျဉ်းသားများအား စွဲဆောင်နိုင်ကြောင်း၊ ယခုကဲ့သို့ တရားဟောခွင့် ပိတ်ထားသော်လည်း မနက်နှင့် ညနေ ဘုရားဝတ်တက်ချိန်များတွင် သွားရောက်ခွင့်ပြုထားကြောင်း ပြောကြားခဲ့သည်။

Nen Kham အမည်ခံထားသည့် ဘုန်းကြီးဘ၀တွင် ၀ီရပိုမှာ စည်းဇိမ်ခံမှုကြောင့် ကျော်ကြားပြီး အကောင်းစားတံဆိပ်များကို အသုံးပြုခြင်း၊ ကိုယ်ပိုင်လေယာဉ်ဖြင့် ခရီးထွက်ခြင်းတို့ကြောင့် သတင်စာခေါင်းကြီးပိုင်းတွင် ပါဝင်ခဲ့သည်။

ဝီရပိုမှာ အရွယ်မရောက်သေးသူများအား လိင်ပိုင်းဆိုင်ရာစော်ကားခြင်း၊ ငွေကြေးခ၀ါချမှုတွင် ပါဝင်ခြင်း၊ လိမ်လည်ခြင်းတို့ ပြုလုပ်ခဲ့သည်ဟု သတင်းများ ထွက်ပေါ်လာပြီးနောက် ၂၀၁၃ ခုနှစ်တွင် အမေရိကန်သို့ ထွက်ပြေးတိမ်းရှောင်ခဲ့ကာ ထိုနှစ်မှာပင် ထိုင်းသံဃာ့ကောင်စီက ၎င်းကို သိက္ခာချခဲ့သည်။

Ref: Bnagkok Post