ဖေဖော်ဝါရီ ၂၃၊ ၂၀၁၅
M-Media
– တက္ကသိုလ်ပြဇာတ်တစ်ခုတွင် ထိုင်းဘုရင်စနစ်အား အသရေဖျက်သည်ဟူသော စွပ်စွဲချက်ဖြင့် ထိုင်းလူငယ် ၂ ဦးအား ယနေ့တွင် ထောင်ဒဏ် ၂ နှစ်ခွဲစီ ချမှတ်လိုက်သည်ဟု သိရသည်။
ထောင်ဒဏ်ချမှတ်ခံရသူများမှာ အသက် ၂၃ နှစ်အရွယ်ရှိ ပတီဝပ် ဆာရိုင်ယမ်နှင့် အသက် ၂၆ နှစ်အရွယ် တက်ကြွလှုပ်ရှားသူ ပွန်တစ်ပ် မန်ကောင်တို့ဖြစ်ကြပြီး ၁၉၇၃ ခု ဒီမိုကရေစီအရေး ကျောင်းသားများဆန္ဒပြမှု နှစ် ၄၀ အထိမ်းအမှတ်အဖြစ် သာမာဆက် တက္ကသိုလ်တွင် ပြုလုပ်သော အခမ်းအနား၌ “The Wolf Bride” ဟူသော ဘုရင်စနစ်အား လှောင်ပြောင်သည့် ပြဇာတ်ကို ကပြခဲ့သောကြောင့် ပြီးခဲ့သည့် သြဂုတ်လက ဖမ်းဆီးခံခဲ့ရခြင်း ဖြစ်သည်။
၎င်းတို့နှစ်ဦးအား အစပထမတွင် ထောင်ဒဏ် ၅ နှစ်စီ ချမှတ်ခဲ့သော်လည်း အပြစ်ရှိကြောင်း ၀န်ခံထွက်ဆိုခဲ့၍ ပြစ်ဒဏ်တစ်ဝက် လျှော့ပေးခဲ့ခြင်းဖြစ်သည်ဟု အမှုစီရင်သည့် ဘန်ကောက်မြို့ရှိ ရက်ခ်ျတာဒါ တရားရုံးမှ တရားသူကြီးက ပြောကြားခဲ့သည်။
“ပြဇာတ်မှာပါဝင်ခဲ့တဲ့ သူတို့ရဲ့ အခန်းကဏ္ဍက ဘုရင်စနစ်ကို ဆိုးရွားစွာ ထိချက်စေတယ်လို့ တရားရုံးက ယူဆပါတယ်။ ပြီးတော့ သူတို့ရဲ့ ပြစ်ဒဏ်ကို ရပ်ဆိုင်းဖို့ ဘာအကြောင်းမှ မရှိပါဘူး”
အဆိုပါ လူငယ် ၂ ဦး၏ ရှေ့နေကမူ ပြစ်ဒဏ်အတွက် အယူခံဝင်သွားမည်မဟုတ်ဟု ပြောကြားခဲ့သည်။ ဘုရင်စနစ်အား အသရေဖျက်သော အဆိုပါပြဇာတ်တွင် ပါဝင်ခဲ့သူ အနည်းဆုံး ၆ ဦးကို ပုဒ်မ ၁၁၂ အား ချိုးဖောက်မှုဖြင့် လိုက်လံရှာဖွေနေသည်။ ဘုရင်၊ ဘုရင်မ၊ ထီးညွှန့်နန်းလျာနှင့် ဆွေတော်မျိုးတော်များအား စော်ကားခြင်းအတွက် သတ်မှတ်ထားသော အဆိုပါပုဒ်မတွင် စွဲချက်တစ်ခုချင်းစီအတွက် အမြင့်ဆုံး ထောင်ဒဏ် ၁၅ နှစ်အထိ ချမှတ်နိုင်သည်။
Ref: aljazeera
