Tag: The Enduring Legacy of Muslim Civilization

– ကုန်သွယ်မှုဟာ အစ္စလာမ်သာသနာနဲ့ ထဲထဲဝင်ဝင် ပတ်သက်ဆက်နွယ်နေပြီး တမန်တော်မုဟမ္မဒ်သခင် ကိုယ်တိုင်နဲ့ သူ့ရဲ့ နောက်လိုက်သာဝကကြီးတွေထဲက အများစုဟာ ကုန်သည်တွေဖြစ်ကြပါတယ်။ အစောပိုင်းမွတ်စလင်တွေရဲ့ နေ့စဉ်ဘ၀မှာ ဒီကုန်သွယ်မှုဟာ အစိတ်အပိုင်းတစ်ခုလို ဖြစ်နေတာကြောင့် စာချုပ်ခြင်း၊ ကုန်ပစ္စည်းဖလှယ်ခြင်း၊ ကာလရှည်ချေးငှားခြင်းနဲ့ ဈေးကွက်ဖော်ဆောင်ခြင်း စတဲ့ ကုန်သွယ်ရေးနဲ့ပတ်သက်တဲ့ စည်းမျဉ်းဥပဒေတွေကိုလည်း မွတ်စလင်က အစောဆုံး သတ်မှတ်ပြဌာန်းခဲ့တာ ဖြစ်ပါတယ်။

ကုန်သည်မျိုးစုံ၊ ကုန်ပစ္စည်းမျိုးစုံ ပြည့်နှက်နေတဲ့ အစ္စလာမ့်အင်ပါယာကြီးဟာ ကြီးမားကျယ်ပြန့်တဲ့ ကုန်သွယ်ရေးကွန်ယက်ကြီးတစ်ခု ဖြစ်ခဲ့ပါတယ်။ ရွှေ၊ ရွှေဖြူနဲ့ ဆားတွေလို ကုန်စည်တွေဟာ အင်ပါယာရဲ့ မြောက်ဖက်ကနေ အရှေ့ဖက်အထိ၊ အာဖရိက ဆဟာရဒေသကနေ မော်ရိုကို၊ စပိန်နဲ့ ပြင်သစ်တို့အထိ ရောက်ရှိကြပြီး ဂရိနဲ့ တူရကီ၊ အီဂျစ်၊ ဆီးရီးယားတို့ကိုလည်း ဒီကုန်ပစ္စည်းတွေက အနည်းငယ် ရောက်ရှိကြပါတယ်။ (၁၄ ရာစုက ငွေကြေးအဖြစ် အသုံးပြုခဲ့တဲ့) ကောင်ရီအခွံ (Cowrie shell) ဟာ မော်လ်ဒိုက်ကျွန်းကနေ အနောက်အာဖရိကအထိ ပြန့်ခဲ့ပါတယ်။ အိုးခွက်၊ စက္ကူ၊ ငွေစက္ကူတွေဟာ တရုတ်ပြည်ကနေ အနောက်တိုင်းကို ရောက်ခဲ့တာဖြစ်ပေမယ့် ကိုင်ရိုမှာ လူကြိုက်များမှု မရှိခဲ့ပါဘူး။ ကုန်စည်တွေဟာ ခရီးသွားတွေ၊ ဘုရင်တွေ၊ စော်ဘွားတွေ၊ ပညာတတ်တွေ၊ ဘုရားဖူးတွေနဲ့အတူ စီဆင်းခဲ့ပါတယ်။

ပိုးလမ်းမကြီးဖြတ်သွားတဲ့ဒေသဟာ မွတ်စလင်တွေရဲ့ စီးပွားရေးအတွက် အချက်အချာနေရာ ဖြစ်ခဲ့ပါတယ်။ ပင်လယ်ရေကြောင်း ကုန်သွယ်မှုကတော့ မြေထဲပင်လယ်ရဲ့ အာဖရိကနဲ့ ဥရောပ ကမ်းခြေတွေအထိ ရောက်ရှိပါတယ်။ စပိန်နိုင်ငံတောင်ပိုင်းက မာလာဂါဆိပ်ကမ်းဟာ ကုန်သွယ်ရေး အချက်အချာနေရာ ဖြစ်ခဲ့ပြီး အထူးသဖြင့် ဂျီနိုအာ (Genoa) လို ကုန်သည်တိုင်းပြည်လို့ တင်စားခေါ်ဝေါ်ရတဲ့ အီတလီနိုင်ငံဟာ ကမ္ဘာတစ်ဝှမ်းက ကုန်သည်တွေ စုဝေးရာနေရာ ဖြစ်ပါတယ်။ အီတလီသားတွေဟာ ဥရောပဘက် ကုန်သွယ်မှုကို လွှမ်းမိုးထားတာကြောင့်  အစ်ဗနေ့ ဘာတူတာ (Ibn Battuta) ဟာ အန်နာတိုလီယာ (Anatolia) ကို ဂျီနိုအာက သင်္ဘော တစ်စီးနဲ့ လိုက်ပါသွားခဲ့ပါတယ်။ သူက “ခရစ်ယာန်တွေဟာ ကျွန်တော်တို့ကို တော်တော်လေး ဂုဏ်ပေးဆက်ဆံပြီး သွားလာတာတွေအတွက် ကျွန်တော်တို့ဆီကနေ ပိုက်ဆံ မယူပါဘူး” လို့ ရေးသားခဲ့ပါတယ်။ မာလာဂါရဲ့ လူစည်ကားတဲ့ ဆိပ်ကမ်းတွေမှာ ကုန်သည်တွေဟာ ပိုးထည်၊ လက်နက်၊ ကျောက်သံပတ္တမြား၊ အထက်တန်းစား ကျွေထည်မြေထည်တွေကနေ စပိန်နိုင်ငံက အရသာရှိလှတဲ့ သစ်သီးဝလံတွေအထိ ကမ္ဘာတစ်ဝှမ်းက ကုန်ပစ္စည်းတွေကို ဖလှယ်ကြပါတယ်။

နိုင်းမြစ်ဝှမ်းပေါ်မှာရှိပြီး မြေထဲပင်လယ်ထဲ ထိုးထွက်နေတဲ့ အလက်ဇန်ဒရီးယားကလည်း အဓိကဆိပ်ကမ်းမြို့တစ်ခု ဖြစ်ခဲ့ပါတယ်။ ဥရောပကနေ အာရှအရှေ့ပိုင်းအထိ ကျယ်ပြန့်တဲ့ စပိုက်ကုန်သွယ်ရေးလမ်းမကြီး (Spice Route) ပေါ်မှာရှိတဲ့ ဒီမြို့ဟာ အိန္ဒိယသမုဒ္ဒရာ၊ ပင်လယ်နီနဲ့ နိုင်းမြစ်ကျောတစ်လျှောက်က ရောက်လာတဲ့ ကုန်စည်ပစ္စည်းတွေ ဥရောပကိုဝင်ရောက်ရာ ဂိတ်ဝလည်းဖြစ်ပါတယ်။ ဒီမြို့မှာ ဆိပ်ကမ်းနှစ်ခုရှိပြီး အနောက်ဖက်မှာ မွတ်စလင်တို့ရဲ့ ဆိပ်ကမ်းဖြစ်ကာ၊ အရှေ့ဘက်ကတော့ ခရစ်ယာန်တွေရဲ့ ဆိပ်ကမ်းဖြစ်ပါတယ်။ အဲဒီဆိပ်ကမ်းနှစ်ခုကို ဖာရို (Pharos) လို့ခေါ်တဲ့ ကျွန်းလေးတစ်ခု ခြားထားပြီး ဒီကျွန်းလေးမှာရှိတဲ့ မီးပြတိုက်ကြီးကလည်း အဲဒီအချိန်တုန်းက ကမ္ဘာ့အံ့ချီးဖွယ်ရာ အဆောက်အဦးတစ်ခု ဖြစ်ခဲ့ပါတယ်။

အဲဒီ ကုန်သည်လမ်းကြောင်းတစ်လျှောက်က ခေတ္တရပ်နားရာနေရာတွေမှာ ကာရာဗန်ဆရီ (Caravansaries) လို့ခေါ်တဲ့ ကုန်သွယ်ရေးနဲ့ပတ်သက်ပြီး စီမံခန့်ခွဲပေးတဲ့အဖွဲ့ ရှိပါတယ်။ ဒီအဖွဲ့ဟာ ပရဟိတအဖွဲ့တစ်ခုလည်းဖြစ်ပြီး ကုန်သွယ်တွေကို နေရာထိုင်ခင်း၊ စားစရာသောက်စရာတွေကို ၃ ရက် အခမဲ့ပေးကာ တစ်ခါတစ်ရံမှာ အရေးပါတဲ့ ကုန်သွယ်ရေးလမ်းကြောင်းတွေတစ်လျှောက် ကီလိုမီတာ ၃၀ အကွာတိုင်းမှာရှိတဲ့ ရပ်နားစခန်းတွေမှာလည်း သွားရောက်ပြီး ၀န်ဆောင်မှုတွေ ပေးလေ့ရှိပါတယ်။

ကမ္ဘာတစ်ဝှမ်း ကုန်စည်သေတ္တာပေါင်းစုံကို သယ်ဆောင်လာတဲ့ ကုန်သည်တွေဟာ သူတို့နဲ့အတူ အစ္စလာမ်သာသနာကိုလည်း သယ်ဆောင်ဖြန့်ဖြူးခဲ့ပါတယ်။ ၈ ရာစုမှာ အခု ကန်တုံဒေသ (Canton) လို့ခေါ်တဲ့ တရုတ်နိုင်ငံရဲ့ ဂွမ်ဇူ (Guangzhou) ကမ်းရိုးတန်းအထိ မွတ်စလင်တွေနဲ့ ဂျူးကုန်သည်တွေဟာ ရောက်ရှိနေကြပြီ ဖြစ်ပါတယ်။ မွတ်စလင်ကုန်သည်တွေဟာ အာဖရိကအထိ ၀င်ရောက်သွားလာခဲ့ပြီး အစ္စလာမ်သာသနာကို ဆဟာရတစ်ဝှမ်းမှာ မိတ်ဆက်ပေးခဲ့သူကတော့ ဘာရ်ဘာရ်ကုန်သည်တွေ (BerBer) ဖြစ်ပါတယ်။ ပင်လယ်နီ၊ အဲဒီကနေတစ်ဆင့် နိုင်းမြစ်နဲ့ ဆက်သွယ်နေတဲ့ ကုန်သွယ်လမ်းကြောင်းတည်ရှိရာ အာဖရိကအရှေ့မြောက်ဖက်က ခြေသလုံးအိမ်တိုင်လူမျိုးစုတွေ အားလုံးဟာ သူတို့ရဲ့ ကြိုးပမ်းမှုကြောင့် အစ္စလာမ်ဘာသာဝင်တွေ ဖြစ်လာခဲ့ကြပါတယ်။

အစ္စလာမ်ကမ္ဘာက အချို့ဒေသတွေဟာ ကုန်သွယ်စီးပွားရေးဆောင်ရွက်ရာမှာ အရေးပါတဲ့နေရာတွေ ဖြစ်လာတာကြာင့် လူ့အဖွဲ့အစည်းတွေကလည်း မြင့်မားတိုးတက်ခဲ့ပါတယ်။ တူနီးရှားကာ အလ်-ကွေရာဝမ် (Al-Qayrawan) ဒေသ၊ မော်ရိုကိုက စီဂျီလ်မာဆာ (Sijilmasa) ဒေသတွေအကြောင်းကို ၁၀ ရာစု ကမ္ဘာလှည့်ခရီးသွားဖြစ်တဲ့ အစ်ဗနေ့ ဟောင်ကဲလ် (Ibn Hawqal) က သူ့ရဲ့ Book of the Routes of the Kingdoms (ဘုရင့်နိုင်ငံများဆီသို့သွားရာကျမ်း) ဆိုတဲ့ စာအုပ်ထဲမှာ အောက်ပါအတိုင်း ရေးသားဖော်ပြထားပါတယ်။

“မဂ်ရဘ် (Maghreb- တူနီးရှား) မှာ အကြီးဆုံးမြို့ဖြစ်တဲ့ အလ်-ကွေရာဝမ်ဟာ ကုန်စည် ကူးသန်းရောင်းဝယ်မှုအပိုင်းမှာ အားလုံးထက် သာလွန်ပါတယ်။ ပြီးတော့ ချမ်းသာကြွယ်ဝတယ်။ လှပတဲ့ ဈေးတန်းတွေလည်း ရှိပါတယ်။ မဂ်ရဘ်က ပြည်နယ်တွေနဲ့ ဒေသတွေအားလုံးက ၀င်ငွေဟာ ဒီနာ သန်း ၇၀၀ နဲ့ ၈၀၀ ကြားမှာ ရှိတယ်လို့လည်း ပြည်သူ့ဘဏ္ဍာတိုက်ရဲ့ ငွေတိုက်စိုး အဘူလ်-အလ်ဟာဆာ (Abu al-Hasa) ရဲ့ ပြောကြားမှုကိုလည်း ကျွန်တာ် ကြားခဲ့ရပါတယ်”

ကြွေရည်သုတ် ဖန်ထည်၊ မှန်ထည်ပစ္စည်းတွေ၊ ဒီဇိုင်းအလှ လယ်သာ၊ အုတ်ကြွတ်တွေ၊ မြေထည်တွေ၊ စာအုပ်၊ ကောဇော၊ ဆင်စွယ်ပန်းပုလက်ရာ၊ စာပန်းချီ၊ ဒမတ်စကတ်လုပ် ဓားအပါအ၀င် သတ္ထုထည်တွေ၊ ပန်းအိုးတွေ၊ ချည်ထည်တွေ၊ ပိုးထည်တွေ စတာတွေအပါအ၀င် အစ္စလာမ်ကမ္ဘာက ပစ္စည်းအများအပြားကို ဥရောပ၊ အာရှနဲ့ အာဖရိကတို့က တင်သွင်းခဲ့ကြပါတယ်။

မွတ်စလင်တွေရဲ့ ချည်ထည်တွေ၊ သတ္တုပစ္စည်းတွေနဲ့ ဖန်ထည်တွေ၊ ဆပ်ပြာတွေဟာ အဲဒီအချိန်တုန်းက အရည်အသွေးကောင်းမွန်ပြီး ဈေးကောင်းရခဲ့ပါတယ်။ မမ်လုက်မင်းဆက် (Mamluk) လက်ထက်က ထွက်ရှိခဲ့တဲ့ ရွှေဆိုင်း၊ ကြွေရည်သုတ်မှန်ထည်တွေ၊ ဇိမ်ခံပစ္စည်းတွေကို ပင်လယ်နက်ရဲ့ မြောက်ဖက် ကမ်းခြေတွေနဲ့ ဥရောပက စကန်ဒီနေးဗီးယား၊ ဥရောပ မြောက်ပိုင်းနဲ့ ဟော်လန်က မက်စ်ထရစ်ခ်ျ ဒေသ (Maastricht) တွေမှာ ရှေးဟောင်းသုတေသနပညာရှင်တွေက ရှာဖွေတွေ့ရှိခဲ့ကြပါတယ်။

ကန္တာရခရီးသည်

Caravan လို့ခေါ်တဲ့ မွတ်စလင် ကန္တာရခရီးသည်တွေဟာ ကုန်စည်တွေ၊ တိရစ္ဆာန်တွေနဲ့အတူ စီတန်းကာ အလွန်ဝေးကွာတဲ့ ခရီးကို သွားကြတာဖြစ်ပြီး ကမ္ဘာ့ ဟိုဘက်အခြမ်း၊ ဒီဘက်အခြမ်းကို ရောက်ရှိခဲ့ကြပါတယ်။ သူတို့ရဲ့ ရည်ရွယ်ချက်က ဘုရားဖူးဖို့ ဒါမှမဟုတ် ကုန်သွယ်ဖို့ဖြစ်ပြီး ကန္တာရခရီးနှင်ကြတဲ့ အဲဒီကုန်သည်တွေဟာ တရုတ်ပြည်လို ဝေးကွာတဲ့နေရာတွေကို ရောက်ခဲ့သလို၊ အိန္ဒိယ၊ ပါရှား၊ ဆီးရီးယားနဲ့ အီဂျစ်တို့အထိ ခြေဆန့်ခဲ့ကြပါတယ်။

ကုလားအုပ်နဲ့ ခရီးသွားတဲ့ တစ်ချို့အုပ်စုတွေမှာ လူအရမ်းများပြီး တစ်ဦးတစ်ယောက်အနေနဲ့ သူ့နေရာက ထသွားလိုက်ရင် အဲဒီနေရာကို ပြန်ရှာလို့ မရတော့လောက်အာင် လူတွေ ပြည့်ကျပ်ခဲ့ပါတယ်။ အဲဒီ အုပ်စုတွေဟာ အစားသောက်တွေကို မိုးပြဲဒယ်ကြီးနဲ့ ချက်လေ့ရှိပြီး သူတို့ထက် ဆင်းရဲနိမ့်ပါးတဲ့ သူတွေကိုလည်း ရက်ရက်ရောရော ကျွေးလေ့ရှိကာ လမ်းမလျှောက်နိုင်တဲ့သူတွေအတွက် သူတို့ရဲ့ အစီးအနင်းတွေကို လှူဒါန်းကြပါသေးတယ်။

သူတို့သွားတဲ့နေရာတိုင်းကို သိုးတွေ၊ ဆိတ်တွေ ယူဆောင်သွားလေ့ရှိပြီး ဒီတိရစ္ဆာန်တွေကနေ နုိ့ကို သောက်သုံးကြပါတယ်။ ကုလားအုတ်ရဲ့ နို့နဲ့ အသားတွေက သူတို့အဟာရရဲ့ တစ်စိတ်တစ်ပိုင်းဖြစ်သလို၊ ခြောက်သွားတဲ့ အရိုးတွေကလည်း ချမ်းအေးတဲ့ ညဘက်တွေမှာ မီးဖိုဖို့ အသုံးဝင်ပါတယ်။ ခရီးလမ်းတစ်လျှောက်မှာ သူတို့ယူဆောင်လာတဲ့ ဂျုံမှုန့် ဆား၊ ရေတို့နဲ့ ပေါင်မုန့်အကြမ်း၊ အချောတွေကို လုပ်စားကြပါတယ်။ သောက်ရေကိုတော့ ဆိတ်သားရေ၊ ကျွဲသားရေတွေနဲ့လုပ်ထားတဲ့ အိတ်တွေနဲ့ ယူဆောင်ကြပါတယ်။ ရေရှိတဲ့နေရာတွေကတော့ သူတို့ရဲ့ စခန်းချရာနေရာတွေပါ။ သဲကန္တရာအတွင်း နေ့ဘက်မှာ အလွန်ပူပြင်းတာကြောင့် ညဘက်တွေက သူတို့ ခရီးနှင်ရာ အချိန်ဖြစ်ပြီး မီးတုတ်တွေက မီးရောင်တွေကြောင့် ကန္တာရခရီးသည်တွေရဲ့ သွားရာ လမ်းတစ်လျှောက်ဟာ နေ့ခင်းဘက်လို လင်းလက်တောက်ပနေပါတော့တယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

– ဘယ်လိုအရာမျိုးကိုပဲ ထုတ်လုပ်သည်ဖြစ်စေ စွမ်းအင်ကတော့ လိုအပ်စမြဲပါပဲ။ ဓာတ်ဆီ၊ ဒီဇယ်တွေနဲ့ လည်ပတ်တဲ့ စက်တွေ မပေါ်ခင်မှာ စွမ်းအင်တွေကို ပြည့်ဖြိုးမြဲ ရင်းမြစ်တွေကနေ ထုတ်ယူသုံးစွဲကြပါတယ်။ လွန်ခဲ့တဲ့ နှစ်ပေါင်းထောင်ချီအရင်က အစ္စလာမ်ကမ္ဘာမှာ စက်ပစ္စည်းတစ်ခု လည်ပတ်ဖို့အတွက် ရေစွမ်းအင်ကို အသုံးပြုခဲ့ကြပြီး စက်ဝိုင်းပုံ လည်ပတ်မှုကနေ အလျားလိုက်လည်ပတ်မှုကို ပြောင်းပေးတဲ့ ဂေါက်တံအသုံးပြု စနစ်ကြောင့်လည်း ဒီ စက်ပစ္စည်းတွေရဲ့ အသုံးဝင်မှုက တွင်ကျယ်ခဲ့ပါတယ်။

အဲဒီလို စက်မျိုးတွေကို ရေသွယ်မြောင်းတွေကနေတစ်ဆင့် မြို့တွေရွာတွေရဲ့ ရေလိုအပ်ချက်ကို ဖြည့်ဆည်းပေးတဲ့ ရေပေးဝေရေးစနစ်မှာ အသုံးပြုခဲ့ကြပါတယ်။ ရေစွမ်းအင်ကို အသုံးပြုထားတဲ့ ကြိတ်စက်တွေကို မွတ်စလင်တွေက တီထွင်အသုံးပြုခဲ့ကြပေမယ့် အစ္စလာမ်ကမ္ဘာရဲ့ ခြောက်သွေ့လွန်းတဲ့ ဒေသတွေမှာ ရေအလုံအလောက် မရှိတာကြောင့် ဒီစနစ်က အဆင်မပြေပါဘူး။ ဒါ့ကြောင့် မွတ်စလင်တွေဟာ နောက်ထပ် စွမ်းအင်ရရှိမယ့် နည်းလမ်းတစ်ခုကို ရှာဖွေခဲ့ကြပါတယ်။

ရေစီးအားကို ရာသီအလိုက်သာရရှိတဲ့ အာရေဗျသဲကန္တာရက နောက်ထပ် ရင်းမြစ်တစ်ခုကတော့ လေအား ဖြစ်ပါတယ်။ သဲကန္တာရက လေလမ်းကြောင်းဟာ ပုံသေရှိတတ်ပြီး တစ်နေရာတည်းကနေ တိုက်ခတ်တာမျိုးပါ။ ဒါ့ကြောင့် ၇ ရာစုမှာ ပါရှန်မွတ်စလင်တွေဟာ လေအားသုံး ကြိတ်စက်တွေကို တီထွင်ခဲ့ကြပြီး ထိထိရောက်ရောက် အသုံးပြုနိုင်ခဲ့ကြပေမယ့် ကမ္ဘာတစ်ဝှမ်းကို လျင်လျင်မြန်မြန် ပြန့်နှံလောက်တဲ့အထိ မတွင်ကျယ်ခဲ့ပါဘူး။ သမိုင်းပညာရှင်အများစုကတော့ မွတ်စလင်တွေရဲ့ ဒီလေအားသုံးကြိတ်စက် စနစ်ကို ၁၂ ရာစုမှာ ခရူးဆိတ် ခရစ်ယာန်သာသနာပြု စစ်တပ်တွေကနေတစ်ဆင့် ဥရောပကို မိတ်ဆက်ပေးခဲ့တယ်လို့ ယူဆထားကြပါတယ်။

အစ္စလာမ်ကမ္ဘာကို ၆၃၄ ခုနှစ်ကနေ ၁၀ နှစ်တာ အုပ်စိုးခဲ့တဲ့ ဒုတိယမြောက်သမ္မတ အုမရ်သခင်ထံ ပါရှန်လူမျိုးတစ်ယောက် ရောက်လာခဲ့ပြီး သူ့အနေနဲ့ လေအားကိုအသုံးပြုတဲ့ ကြိတ်စက်တစ်ခုကို တည်ဆောက်နိုင်တယ်လို့ ပြောကြားခဲ့ပါတယ်။ ဒါ့ကြောင့် သမ္မတကြီးက ဆောက်လုပ်ဖို့ အမိန့်ပေးခဲ့ပြီး နောက်ပိုင်းမှာတော့ ပြောင်းတွေ၊ ဂျုံတွေကို ကြိတ်ရာမှာသာမက ရေပေးဝေရေး စနစ်တွေမှာလည်း  လေအားကို တွင်တွင်ကျယ်ကျယ် အသုံးပြုလာခဲ့ကြပြီး သမိုင်းမှတ်တိုင်သစ်ကို စိုက်ထူနိုင်ခဲ့ကြပါတယ်။ ဒီလို လေအားစွမ်းအားသုံး စက်ပစ္စည်းတွေကို ပါရှားပြည်က စစ္စတန်ဆိုတဲ့ ပြည်နယ်မှာ စတင် အသုံးပြုခဲ့ပြီး ၁၀ ရာစု ဘူမိဗေဒပညာရှင် အလ်-မက်စ်အူဒီ (Al-Masudi) က ထိုဒေသကို ‘လေနှင့်သဲတို့၏ဌာနေ’ လို့ ကင်ပွန်းတပ်ခဲ့ကာ အောက်ပါအတိုင်း ရေးသားခဲ့ပါတယ်။

“ဒီဒေသက ၀ိသေသလက္ခဏာတစ်ခုကတော့ ဥယျာဉ်ခြံတွေကို ရေပေးဖို့အတွက် ရေပန့်တွေကို လေစွမ်းအားနဲ့ မောင်းနှင်တာပဲ ဖြစ်ပါတယ်”

အစောပိုင်း လေအားသုံးကြိတ်စက်တွေက နှစ်ထပ်အဆောက်အဦးတွေဖြစ်ပြီး ရဲတိုက်တွေရဲ့ ခေါင်မိုး၊ တောင်ထိပ်တွေနဲ့ ကြီးမားတဲ့အဆောက်အဦးတွေရဲ့ အပေါ်တွေမှာ တည်ဆောက်ကြတာ ဖြစ်ပါတယ်။ အပေါ်ထပ်မှာ ကြိတ်စက်ကိုထားပြီး၊ အောက်ထပ်မှာတော့ ပိတ်စနဲ့လုပ်ထားတဲ့ ရွက် ၆ ခု၊ ဒါမှမဟုတ် ၁၂ ခုနဲ့ လည်ပတ်တဲ့ ဘီးတစ်ခုရှိပါတယ်။ အဲဒီ အောက်ထပ်ရဲ့ နံရံတွေမှာ လေ၀င်ပေါက် ၄ ခုဖောက်ထားပြီး အတွင်းဘက်ကို ကျဉ်းအောင်လုပ်ထားကာ ၀င်လာတဲ့လေက ရွက်တွေကို တိုက်ရိုက်ထိတွေ့ပြီး လည်နှုန်း မြန်စေတာ ဖြစ်ပါတယ်။

အဲဒီအချိန်တုန်းက လေအားသုံးကြိတ်စက်တွေဟာ လေရဟတ်ရဲ့အဆုံးက သစ်သားစလင်ဒါနဲ့ ကြိတ်စက်ကို ဆက်ထားတာဖြစ်ပါတယ်။ အဲဒီစလင်ဒါဟာ အကျယ် မီတာဝက် (၁.၆ ပေ)၊ အမြင့် ၃.၅ မီတာကနေ ၄ မီတာ (၁၁.၅ ပေကနေ ၁၃.၁ ပေ) ရှိပြီး လေအားရရှိဖို့အတွက် အရှေ့မြောက်ဖက်ကို အဖွင့်ထားတဲ့ တာဝါဆီကို အလျားလိုက် တက်သွားတာဖြစ်ပါတယ်။ အဲဒီစလင်ဒါမှာ လျှော်ဖတ်တွေ၊ စွန်ပလွန်ရွက်နေတဲ့ ပြုလုပ်ထားတဲ့ ရွက်တွေကို ၀င်ရိုးပါတဲ့ ရှက်ဖ် (Shaft) နဲ့ ဆက်သွယ်ထားပါတယ်။ တာဝါပေါ်မှာ လေတိုက်တဲ့အခါ ရွက်တွေကိုလေတိုးတာကြောင့် shaft ကလည်း လည်ကာ ကြိတ်စက်ကို လှုပ်ရှားစေတာဖြစ်ပါတယ်။

အဲဒီလို လေအားသုံးကြိတ်စက်တွေကို မိတ်ဆက်ပေးနိုင်ခဲ့တာဟာ သိပ္ပံနဲ့ စက်မှုအင်ဂျင်နီယာနယ်ပယ်မှာ  ကြီးမားတဲ့ အကျိုးသက်ရောက်မှုတွေ ရှိခဲ့ပြီး နည်းလမ်းအသစ်တွေ ပေါ်ထွက်မှုဆီ ဦးတည်ခဲ့ပါတော့တယ်။

ကြိတ်စက်မှသည် ရေပေးရေးဆီသို့

လွန်ခဲ့တဲ့ နှစ်ထောင်ချီအရင်က ဘူမိဗေဒပညာရှင် အလ်-မက်စ်အူဒီ (Al-Masudi) ဟာ ပါရှန်ပြည် စစ္စတန် ပြည်နယ် (Sistan) (ယနေ့ခေတ် အာဖဂန်နစ္စတန်အနောက်ပိုင်း) မှာ လေအားသုံး ကြိတ်စက်တွေကို လယ်ယာစိုက်ခင်းတွေ ရေပေးဝေတဲ့နေရာမှာ အသုံးချခဲ့ကြောင်း ဖော်ထုတ်ရေးသားခဲ့ပါတယ်။ ယခင်က ရေအားသုံး ကြိတ်စက်တွေကို အသုံးပြုခဲ့ပေမယ့် ရေစီးအားနည်းသွားတဲ့ ခြောက်သွေ့ရာသီတွေမှာ ဒါက သိပ်အလုပ်မဖြစ်ပါဘူး။ ဒါ့ကြောင့် မွတ်စလင်အုပ်ချုပ်သူတွေဟာ သဲကန္တာရအတွင်း လေးလလောက် အဆက်မပြတ် တိုက်ခိုက်တဲ့ လေတိုက်အားကို အသုံးပြုပြီး လေစွမ်းအင်သုံး ကြိတ်စက်တွေကို တည်ဆောက်ဖို့ အမိန့်ပေးခဲ့ပြီး နောက်ပိုင်းမှာတော့ မွတ်စလင်တွေအုပ်စိုးတဲ့ ဒေသအတွင်းမှာ ဒီကြိတ်စက်တွေဟာ အလျှိုအလျှို ပေါ်ထွက်လာခဲ့ပါတယ်။

ဥရောပမှာ အသုံးပြုတဲ့ လေစွမ်းအင်သုံး ကြိတ်စက်တွေနဲ့ မတူတာက အလယ်အာရှက လေအားသုံးကြိတ်စက်တွေဟာ လေတိုက်အားကို ဖမ်းယူဖို့အတွက် ဒေါင်လိုက် ရွက်တွေကို အသုံးပြုတာပဲ ဖြစ်ပါတယ်။ ဒီ လေစွမ်းအင်သုံး ကြိတ်စက်တွေကို ရဲတိုက်တွေရဲ့ ခေါင်မိုး၊ တောင်တွေရဲ့ထိပ်မှာ တည်ဆောက်လေ့ရှိပါတယ်။

လယ်သမားတွေဟာ ဒီလေစွမ်းအင်သုံး ကြိတ်စက်တွေကို ကောက်ပဲသီးနှံတွေ ကြိတ်ခွဲရာမှာသာမက စိုက်ခင်းတွေကို ရေပေးဝေရာမှာပါ အသုံးပြုခဲ့တာကို အလ်-မက်စ်အူဒီက တွေ့မြင်ခဲ့ပါတယ်။ ဒီ သန့်ရှင်းတဲ့ စွမ်းအင်တွေဟာ စွမ်းအင်ထောက်ပံ့ရေး ပြဿနာအတွက် ကောင်းမွန်တဲ့အဖြေ ဖြစ်ခဲ့ပါတယ်။ နောက်ပြီး အဆောက်အဦးတွေမှာ လေကောင်းလေသန့် ရရှိစေဖို့အပါအ၀င် အခြားသော ကဏ္ဍတွေမှာလည်းအသုံးပြုခဲ့ကြပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

– ဆည်တွေ၊ တာတမံတွေဆိုတာ လူသားတွေ တည်ဆောက်ခဲ့တဲ့ လူ့အဖွဲ့အစည်းဆိုင်ရာ အဆောက်အဦးတွေထဲမှာ အကြီးမားဆုံး အဆောက်အဦးတွေထဲက တစ်ခု ဖြစ်ပါတယ်။ ဆည်တွေ၊ တာတမံတွေ မရှိဘူးဆိုရင်တော့၊ ရေကြီးမှုတွေကြောင့် လယ်ယာမြေတွေ ပျက်ဆီးတာမျိုးတွေ ဖြစ်နိုင်ပြီး လယ်ယာယာမြေတွေအတွက် ရေပေးဝေမှုကိုလည်း ယနေ့လောက် ကျယ်ကျယ်ပြန့်ပြန့် ဆောင်ရွက်နိုင်မှာ မဟုတ်ပါဘူး။ ပြီးတော့ အဲဒီ ဆည်တွေကို အသုံးပြုပြီး ရေးအားလျှပ်စစ်ထုတ်ဖို့ဆိုတာလည်း စဉ်းစားလို့ တောင် ရမှာမဟုတ်ပါဘူး။

မွတ်စလင်တွေဟာ ဆည်တမံ အမျိုးစားပေါင်းစုံကို ဒီဇိုင်းပေါင်းစုံနဲ့ လွန်ခဲ့တဲ့ ရာစုနှစ်တွေကတည်းက တည်ဆောက်ခဲ့ကြတာပါ။ အဲဒီလို မွတ်စလင်တွေက တည်ဆောက်ခဲ့တဲ့ ဆည်တွေထဲမှာ ဒီဇိုင်းအရရော၊ လက်ရာအရရော အထူးခြားဆုံး ဆည်တွေကတော့ ၉ ရာစု တူနီးရှားမင်းဆက် အဂ်လာဘစ်ဒ် (Aghlabids) လက်ထက် မြို့တော် အလ်-ကွေရာဝမ် (Al-Qayrawan) မှာ တည်ဆောက်ခဲ့တဲ့ ဆည်တွေပဲ ဖြစ်ပါတယ်။ ၁၁ ရာစုမှာ စပိန်တာင်ပိုင်းက သမိုင်းနဲ့ ဘူမိဗေဒပညာရှင် အလ်-ဘာကရီ (Al-Bakri) က အဲဒီ ဆည်တမံတွေထဲက တစ်ခုရဲ့ တည်ဆောက်ပုံအကြောင်းကို အောက်ပါအတိုင်း ဖော်ပြခဲ့ပါတယ်။

“(ဆည်တမံများမှာ) စက်ဝိုင်းသဏ္ဍာန်ရှိပြီး အရွယ်အစားကြီးမားသည်။ အလယ်တွင် ဆဌဂံပုံ မျှော်စင်တစ်ခုရှိပြီး တံခါးလေးခုပါသည့် အခန်းတစ်ခုလည်း ရှိသည်။ အမိုးခုံးနှင့် အခန်းငယ်များက ရေလှောင်ကန်၏ မြောက်ဘက်မှ တောင်ဘက်အခြမ်းအထိ အစီအရီ ဆက်စပ်၍ သွားလေသည်”

အီရန်နိုင်ငံက နာမည်ကြီး ဆည်တမံတစ်ခုကတော့ ကီဘာရ်ဆည် (Kebar) ဖြစ်ပြီး သက်တမ်း နှစ် ၇၀၀ ရှိတဲ့ သက်တမ်းအရင့်ဆုံး လေးကိုင်းသဏ္ဍာန် ဆည်ကြီးဖြစ်ပါတယ်။ အဲဒီခေတ်အခါတုန်းက တည်ဆောက်ခဲ့တဲ့ ဆည်တွေလိုပဲ ဒီဆည်ကိုလည်း အုတ်ကျိုးအုတ်ပဲ့တွေကို မဆလာနဲ့ ရောသမမွှေကာ ကွန်ကရစ်အဖြစ် ပုံဖော်ပြီး တည်ဆောက်ခဲ့တာဖြစ်ပါတယ်။ အဲဒီမှာ အသုံးပြုခဲ့တဲ့ မဆလာကိုတော့ ထုံး၊ သဲကန္တာရမှာ ပေါက်ရောက်တဲ့ အပင်တစ်မျိုးရဲ့ ပြာတွေနဲ့ ပေါင်းစပ်ကာ ဖန်တီးတာဖြစ်ပြီး ရေမစိမ့်နိုင်လောက်အောင်၊ မအက်ကွဲနိုင်လောက်အောင် ခိုင်မာ တောင့်တင်းခဲ့ပါတယ်။ လေးကိုင်းသဏ္ဍာန် ဆောက်လုပ်ထားတဲ့ ဆည်တွေထဲမှာ နောက်ထပ် အထူးခြားဆုံး ဆည်တစ်ခုကတော့ ဆော်ဒီအာရေဗျနိုင်ငံ မဒီနာမြို့နားမှာ တည်ဆောက်ထားတဲ့ ကူဆေဘာဟ်ဆည် (Qusaybah) ပဲ ဖြစ်ပါတယ်။ အဲဒီဆည်ကြီးဟာ မီတာ ၃၀ (၉၈.၄ ပေ) မြင့်ပြီး၊ ၂၀၅ မီတာ (၆၇၃ ပေ) ရှည်လျားပါတယ်။

ဒီနေ့ခေတ် အာဖဂန်နစ္စတန်မှာ ၁၁ ရာစုက ဘုရင် ဆူလ်တန် မဟ်မူးဒ် (Sultan Mahmud) က ဆည်ကြီး ၃ ခုကို ဆောက်လုပ်ခဲ့ပြီး သူ့အမည် မှည့်ခေါ်ထားတဲ့ ဆည်တစ်ခုဟာ ကဘူးလ်မြို့ အနောက်တောင်ပိုင်း ကီလိုမီတာ ၁၀၀ (၆၂ မိုင်) အကွာမှာ တည်ရှိပါတယ်။ ဒီဆည်ရဲ့အမြင့်က ၃၂ မီတာ (၁၀၅ ပေ) ရှိပြီး အကျယ်ကတော့ ၂၂၀ မီတာ (၇၂၂ ပေ) ရှိပါတယ်။

စပိန်ကို မွတ်စလင်တွေအုပ်ချုပ်စဉ်လက်ထက်မှာ ဆောက်ခဲ့တဲ့ ဆည်ပေါင်းဟာ မရေမတွက်နိုင်ပါဘူး။ သူတို့သုံးတဲ့ မဆလာတွေဟာ ဘိလပ်မြေတွေလိုဖြစ်ပြီး ကျောက်တုံးတွေထက်အောင် ပိုပြီး မာကျောပါတယ်။ တူရီယာမြစ် (Turia) ပေါ်မှာ တည်ဆောက်ထားတဲ့ ဆည်တမံ ၈ ခုဟာ မြစ်ရဲ့အောက်ဖက် ၁၅ ပေအထိ ဖောင်ဒေးရှင်းယူထားပြီး အဲဒီဖောင်ဒေးရှင်းကိုလည်း သစ်သားပိုင်တွေ ရိုက်ထည့်ကာ ဆောင်ရွက်ခဲ့တာဖြစ်ပါတယ်။ မြစ်ရဲ့ ရေလမ်းကြောင်း ပြောင်းလဲတတ်မှုကြောင့် ဒီလို ခိုင်ခံ့တဲ့ ဖောင်ဒေးရှင်းမျိုး လိုအပ်တာဖြစ်ပါတယ်။ ရေကြီးတဲ့ အချိန်မျိုးမှာဆိုရင် ဒီမြစ်ရဲ့ ရေစီးအားက သာမန်ထက် အဆပေါင်းရာနဲ့ချီ ပြင်းထန်ပါတယ်။ ရာစုနှစ် ၁၀ ခုလောက် ကြာပြီးတဲ့ နောက်ပိုင်းမှာတောင်မှ ဒီဆည်တွေဟာ ဗလင်စီယာဒေသက လယ်ယာမြေတွေ ရေသွင်းစိုက်ပျိုးမှုလုပ်ငန်းအတွက် အသုံးဝင်နေဆဲဖြစ်ပြီး နောက်ထပ် ဆည်အသစ် ထပ်ဆောက်စရာ မလိုအပ်ခဲ့ပါဘူး။

ဂွာဒါလ်ကွီဗီရ်မြစ် (Guadalquivir) ပေါ်မှာ တည်ရှိတဲ့ ကော်ဒိုဘာမြို့ကတော့ စပိန်နိုင်ငံအတွင်း မွတ်စလင်တွေ တည်ဆောက်ခဲ့တဲ့ ဆည်တွေထဲမှာ အသုံးဝင်မှု သက်တမ်းအရှည်ဆုံး ဆည်တမံ တည်ရှိတဲ့ မြို့တစ်ခု ဖြစ်ပါတယ်။ ၁၂ ရာစု ပထ၀ီဝင်ပညာရှင် အလ်-အစ်ဒရီစီ (Al-Idrisi) က အဲဒီ ကော်ဒိုဘာမှာ တည်ဆောက်ထားတဲ့ဆည်ဟာ ကွစ်ဘ်တီယာ (Qibtiyy) လို့ခေါ်တဲ့ ကျောက်တုံးကြီးတွေနဲ့ ဆောက်လုပ်ထားတာဖြစ်ပြီး အသုံးပြုခဲ့တဲ့ တိုင်တွေကတော့ စကျင်ကျောက်တိုင်တွေ ဖြစ်ပါတယ်။ အဲဒီ ဆည်ရဲ့ အဆောက်အဦး အကြွင်းအကျန်တွေကိုတော့ ယနေ့အချိန်အထိ မြစ်ကြမ်းပြင်မှာ တွေ့မြင်နိုင်ပါတယ်။

ဒီလို ကြီးမားခိုင်ခန့်တဲ့ အဆောက်အဦးတွေ တည်ဆောက်ဖို့အတွက် မွတ်စလင်အင်ဂျင်နီယာတွေဟာ astrolabe လို့ခေါ်တဲ့ နက္ခတာရာ တိုင်းတာရေး ကိရိယာတွေလို အဲဒီခေတ်ကာလမှာ အဆန်းပြားဆုံး မြေတိုင်းတာရေး နည်းလမ်းတွေ၊ ပစ္စည်းကိရိယာတွေ၊ ထရီဂိုနော်မေတြီ နည်းလမ်းတွေကို အသုံးပြုခဲ့ ကြပါတယ်။ ဆည်တွေကို ဆောက်လုပ်တဲ့အခါမှာလည်း ကျောက်တုံးကြီးတွေကို ဖြတ်တောက်ကာ အသုံးပြုခဲ့ကြပြီး အဲဒီကျောက်တုံးတစ်ခုနဲ့တစ်ခုကိုတော့ သံချောင်း (iron dowel) တွေနဲ့ ဆက်ကာ အဲဒီ သံချောင်းထည့်တဲ့ အပေါက်ကို ခဲအရည်နဲ့ ပိတ်တာပါ။ အဲဒီအင်ဂျင်နီယာတွေရဲ့ အရည်အသွေး မြင့်မားမှုနဲ့ ဒီဇိုင်းဆန်းပြားမှုရဲ့ ရလဒ်ကတော့ ၇ ရာစုနဲ့ ၈ ရာစုက အဲဒီ ဆည်တမံရဲ့ ၃ ပုံတစ်ပုံဟာ ဒီနေ့အချိန်အထိ အကောင်းအတိုင်း ရှိနေတာ ဖြစ်ပါတယ်။ ကျန်တဲ့ ၂ ပုံကတော့ ဂျင်ဂျစ်ခန် (Genghis Khan) နဲ့ မွန်ဂိုတွေရဲ့ စစ်သားတွေ၊ စစ်ဘုရင် တာမာလိန်း (Timur the Lame) ရဲ့ နောက်လိုက်တွေက ဖျက်ဆီးတာတွေကို ခံခဲ့ရပါတယ်။

မွတ်စလင်တွေဟာ ကြိတ်စက်တွေလည်ပတ်ဖို့အတွက် ဆည်တွေမှာ သိုလှောင်ထားတဲ့ရေတွေကို အသုံးချကာ ‘အစိမ်းရောင်စွမ်းအင်’ (green power) ကို စတင်အသုံးပြုခဲ့သူတွေလည်း ဖြစ်ပါတယ်။ အီရန်နိုင်ငံက ခူဇစ္စတန် (Khuzistan) ပြည်နယ်မှာ ဆောက်လုပ်ထားတဲ့ ပူလ်-အီ-ဘီလိုင်တီ (Pul-i-Bulaiti) ဆည်ကြီးမှာဆိုရင် ရေလွှတ်မြောင်းတွေပေါ်မှာ ကြိတ်စက်တွေကို တည်ဆောက်ထားပြီး ရေအားလျှစ်စစ်ထုတ်လုပ်နိုင်တဲ့ ဆည်တွေရဲ့ ရှေးအကျဆုံး ဥပမာတစ်ခုလည်း ဖြစ်ပါတယ်။ ဒီလိုဆည်မျိုးဟာ မွတ်စလင်ကမ္ဘာ ဒီတစ်ခုတည်း ရှိခဲ့တာတော့ မဟုတ်ပါဘူး။ နောက်ထပ်ထူးခြားတဲ့ ဥပမာတစ်ခုကတော့ ဒစ်ဇ်ဖူလ် (Dizful) မြို့က ဘန်ဒ်-အီ ကိုင်ဇာ (Band-e Kaisar) လို့ခေါ်တဲ့ ဆည်ကြီးဖြစ်ပြီး အဲဒီဆည်ကို တံတားအဖြစ်ပါ အသုံးပြုလို့ရပါတယ်။ အဲဒီဆည်ကြီးဟာ အချင်း အတောင် ၅၀ ရှိတဲ့ ရေဘီးပါဝင်တဲ့ နိုရီယာ (ရေတင်စက်) ကိုလည်း လည်ပတ်စေပြီး အဲဒီ နိုရီယာကြီးကတော့ ဒစ်ဇ်ဖူလ်မြို့က နေအိမ်အားလုံးကို ရေပေးဝေနိုင်တဲ့ ရေအားသုံး ရေတင်စက်ကြီးဖြစ်ပါတယ်။ အဲဒီလို ရေအားသုံး စက်ကြီးတွေကို ယနေ့အချိန်အထိ တွေ့မြင်နိုင်ပါသေးတယ်။

မွတ်စလင်အင်ဂျင်နီယာတွေရဲ့ ဒီလို စွမ်းဆောင်နိုင်မှုတွေကို သမိုင်းဆရာတွေက ချန်လှပ်ထားမှုနဲ့ ပတ်သက်ပြီး သမိုင်း ပညာရှင် နော်မန် စမစ် (Norman Smith) က အောက်ပါအတိုင်း ထောက်ပြခဲ့ပါတယ်။

“အင်ဂျင်နီယာနဲ့ဆိုင်တဲ့ သမိုင်းပညာရှင်တွေဟာ မွတ်စလင်တွေရဲ့ ခေတ်ကာလကို လုံးဝ မေ့ထားခဲ့ကြပါတယ်။ အထူးသဖြင့် ဆည်တမံဆိုင်ရာ သမိုင်းပညာရှင်တွေဟာ မွတ်စလင်တွေ တည်ဆောက်ခဲ့တဲ့ ဆည်တွေအကြောင်းကို မဖော်ပြကြဘဲ အဆိုးဆုံးက အူမိုင်ယာမင်းဆက်၊ အဘ္ဘာစစ်မင်းဆက်တွေ လက်ထက်မှာ ဆည်တမံဆောက်လုပ်ရေး၊ လယ်ယာမြေ ရေပေးဝေးရေးနဲ့ အခြားသော အင်ဂျင်နီယာဆိုင်ရာ လုပ်ငန်းတွေဟာ သိသိသာသာ ကျဆင်းခဲ့ပြီး၊ ပျောက်ကွယ်လု ဖြစ်ခဲ့တယ်လို့ မှတ်ချက်ပြုကြခြင်းပါပဲ။ ဒါဟာ မတရားတဲ့၊ မမှန်ကန်တဲ့ ကောက်ချက် ချမှုပါ”

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

– ယနေ့ခေတ်မှာ ရေပေးဝေမှုစနစ် မရှိဘူးဆိုရင် ဖြစ်လာမယ့်အကျိုးဆက်ဟာ မလွယ်ကူပါဘူး။ သင်ဟာ မြစ် ဒါမှမဟုတ် ရေတွင်းကနေ ရေခပ်ဖို့အတွက် မိုင်းပေါင်းများစွာ သွားရမယ်။ ရေစီးတဲ့နေရာဟာ ဝေးနေတယ်ဆိုရင် အဲဒီကရေကို ဘယ်လို ပုံးထဲ ထည့်ရမလဲဆိုကာ သေချာ စဉ်းစားရပါလိမ့်မယ်။ လွန်ခဲ့တဲ့ နှစ်ပေါင်း ၈၀၀ က မွတ်စလင်တွေဟာ ရေတင်စက်တွေ၊ ရေစုပ်စက်တွေလို ဆန်းသစ်ပြီး အင်မတန်အသုံးဝင်တဲ့ ကိရိယာတွေကို တီထွင်ကာ ဒီအခက်အခဲတွေကို ကျော်ဖြတ်ခဲ့ကြပါတယ်။

အဲဒီမွတ်စလင်တွေဟာ ရေစီးကြောင်း ရှာဖို့၊ လမ်းကြောင်းလွှဲဖို့၊ ရေသိုလှောင်ဖို့၊ ရေစုပ်တင်ဖို့အတွက် နည်းလမ်းအသစ်တွေကို တီထွင်ကြံဆခဲ့ကြပြီး သူတို့ ကိုယ်ပိုင် အသိပညာတွေ၊ တစ်ခြား လူ့အဖွဲ့အစည်းတွေက သိရှိထားတဲ့ အသိပညာတွေကနေ ရရှိလာတဲ့ ကိရိယာတွေကို ထူးကဲစွာ ပေါင်းစပ်အသုံးချခဲ့ကြပါတယ်။

ရှဒွဖ်နဲ့ နိုရီယက်စ်

ရှေးဟောင်းအီဂျစ်တွေမှာ ‘ရှဒွဖ်’ (Shadoof) လို့ခေါ်တဲ့ ရေခပ်ကိရိယာတစ်ခု ရှိခဲ့ပါတယ်။ အဲဒီကိရိယာဟာ ရှည်လျားတဲ့ တုတ်တံကို အလည်မှာ ၀င်ရိုးဖောက်ကာ တိုင်တစ်ခုနဲ့ချည်ထားပြီး ထိပ်မှာ ရေပုံးကိုချိတ်ကာ မြစ်ထဲကရေကို ခပ်ယူရတဲ့ သာမန်ကိရိယာလေးဖြစ်ပြီး သူ့ခေတ်သူ့အခါမှာတော့ အင်မတန် အသုံးဝင်ခဲ့ပါတယ်။ အဲဒီတုတ်တံရဲ့ နောက်ဆုံးမှာ အလေးတစ်ခုကို တပ်ဆင်ထားပြီး ရေခတ်ချင်တဲ့အခါ ရေပုံကြိုးကိုဆွဲကာ မြစ်ထဲကို နှစ်ခပ်ရကာ ဆွဲတင်တဲ့အခါမှာတော့ နောက်က အလေးကြောင့် လူမပင်ပန်းတော့ပါဘူး။ ဒီကိရိယာလေးကို အခုအချိန်အထိ အီဂျစ်မှာ အသုံးပြုနေဆဲပါပဲ။

‘နိုရီယက်စ်’ (norias) လို့ခေါ်တဲ့ ရေဘီးတွေကတော့ တသွင်သွင်းစီးနေတဲ့ ရေစီးကြောင်းက ရေကို ကုန်းမြင့်ဆီ ခပ်တင်တာဖြစ်ပြီး ဘီစီ ၁၀၀ လောက်ကတည်းက အသုံးပြုခဲ့ကြတာပါ။ ရောမ စာရေးဆရာ၊ ဗိသုကာပညာရှင်နဲ့ အင်ဂျင်နီယာတစ်ဦးဖြစ်သူ ဗီထရူဗီးယက်စ် (Vitruvius) က ဒီရိုးရှင်းပြီး ထိရောက်မှုရှိတဲ့ ရေဘီးတွေအကြောင်းကို တစ်ခုတ်တရ ရေးသားဖော်ပြခဲ့ဖူးပါတယ်။ အဲဒီ ရေဘီးတွေမှာ ရေစီးအားနဲ့လည်ဖို့ ဒလက်တွေတပ်ထားပြီး၊ ဘေးမှာ (တစ်ချို့ရေဘီးတွေမှာ ဒလက် ၂ ခုကြားမှာ) ရေပုံး ဒါမှမဟုတ် ရေခွက်တွေကို တပ်ဆင်ထားတာဖြစ်ပါတယ်။ ဘီးနဲ့အတူလိုက်လည်တဲ့ ပုံးတွေဟာ ရေစီးကြောင်းထဲရောက်ပြီး အပေါ်ကို ပြန်တက်တဲ့အခါမှာတော့ ရေတွေ ပါသွားခဲ့ပြီး အပေါ်ရောက်တဲ့အခါမှာ ရေသွယ်မြောင်းနဲ့ဆက်ထားတဲ့ တိုင်ကီကြီးထဲကို ရေသွန်ချလိုက်ပါတော့တယ်။ ရောမနဲ့ ပါးရှားတွေ အသုံးပြုခဲ့တဲ့ ဒီရေဘီးတွေကို မွတ်စလင်တွေက ပြန်လည် ဆန်းသစ်ခဲ့တာပါ။

၇ ရာစုနှောင်ပိုင်းက အီရတ်နိုင်ငံ ဘာဆရာမြို့မှာ တူးဖော်ခဲ့တဲ့ တူးမြောင်းတစ်ခုမှာ တပ်ဆင်အသုံးပြုခဲ့တဲ့ ရေဘီးကတော့ မွတ်စလင်တွေ ပထမဆုံး တည်ဆောက်ခဲ့တဲ့ ‘နိုရီယက်စ်’ အဖြစ် မှတ်တမ်းဝင်ခဲ့ပါတယ်။ ဆီးရီးယားက ဟာမာမြို့ အိုရွန်တက်စ် မြစ်ပေါ်မှာ တည်ဆောက်ထားတဲ့ နိုရီယက်စ်ကြီးကလည်း အသုံးမပြုတာ ကြာပြီဖြစ်ပေမယ့် အခုအချိန်အထိ တည်ရှိနေပါတယ်။ အဲဒီနိုရီယက်စ်ကို ရေဘီးအကြီးတွေနဲ့ တည်ဆောက်ထားတာဖြစ်ပြီး အကြီးဆုံးဘီးကြီးကတော့ အချင်း မီတာ ၂၀ (၆၅.၅ ပေ) ရှိပြီး ဒလက်နဲ့ ခွက်ပေါင်း ၁၂၀ ပါဝင်ပါတယ်။ စပိန်နိုင်ငံ မာစီယာ (Murcia) ဒေသမှာရှိတဲ့ ‘လာနိုရာ’ (Lanora) ရေဘီးကြီးကတော့ လက်ရှိအချိန်အထိ အသုံးပြုနေပေမယ့် မူလသစ်သားဘီးတွေနေရာမှာ သံဘီးတွေ တပ်ဆင်ထားတာ ဖြစ်ပါတယ်။ ဒီတစ်ခုတည်းသာ ပြောင်းလဲထားပေမယ့် တည်ဆောက်ပုံနဲ့ အလုပ်လုပ်ပုံတွေကတော့ မူးရစ်ရ်ှမွတ်စလင်တွေလက်ထက်တည်းက တပ်ဆင်ထားတဲ့အတိုင်း ဖြစ်ပါတယ်။ ကမ္ဘာတစ်ဝှမ်းမှာ ဒီလို နိုရီယက်စ်တွေ မြောက်များစွာရှိပြီး တစ်ခါတစ်ရံမှာ ခေတ်ပေါ် ရေစုပ်စက်တွေနဲ့ ယှဉ်လို့ရတဲ့ အနေအထားအထိ ရှိနေပါတယ်။

မွတ်စလင်ပညာရှင်ကြီး ၂ ဦး

ရေစီးအားနဲ့ တိရစ္ဆာန်တို့ကို အသုံးပြုတာဟာ အလုပ်ပိုတွင်စေတယ်လို့ ရှေးခေတ် မွတ်စလင် နည်းပညာသမားတွေက သိရှိခဲ့ကြပါတယ်။ အဲဒီ မွတ်စလင် နည်းပညာရှင်တွေထဲက အကြီးကျယ်ဆုံး ပညာရှင်နှစ်ဦးကတော့ အလ်-ဂျာဇာရီ (Al-Jazari) နဲ့ တာကွီ အလ်-ဒင် (Taqi al-Din) တို့ဖြစ်ပါတယ်။ ဒီပညာရှင်ကြီး နှစ်ဦးစလုံးဟာ စူးစမ်းဖော်ထုတ်မှု များစွာကို ပြုလုပ်ခဲ့ပြီး၊ လက်ဖျားခါလောက်တဲ့ စက်ကိရိယာတွေကိုလည်း တီထွင်ခဲ့ပါတယ်။ အဲဒီ စက်ကိရိယာတွေဟာ ယနေ့လူ့အဖွဲ့အစည်းမှာ မရှိမဖြစ်အရေးပါတဲ့ အလိုအလျောက် စက်ပစ္စည်းတွေကို ပေါ်ပေါက်လာပို့ မျိုးစေ့ချပေးခဲ့တာလည်း ဖြစ်ပါတယ်။

အလ်ဂျာဇာရီဟာ ၁၃ ရာစုနှောင်းပိုင်းနဲ့ ၁၃ ရာစုအစောပိုင်းမှာ တူရကီနိုင်ငံတောင်ပိုင်းမှာ နေထိုင်ခဲ့တာဖြစ်ပြီး ၁၁၈၀ ပြည့်နှစ်မှာ အာတူကစ်မင်းဆက် (Artuquid) က ဘုရင် ဒီယာဘာကီရ် (Diarbakir) ရဲ့ မြှောက်စားခြင်းကို ခံခဲ့ရပါတယ်။ ကျွမ်းကျင်တဲ့ ပညာရှင်တစ်ယောက်ဖြစ်တဲ့ အလ်-ဂျာဇာရီဟာ လက်ချောင်းတစ်ချောင်း လှုပ်စရာမလိုဘဲနဲ့ ရေပမာဏအမြောက်အများ စုပ်တင်နိုင်မယ့် ကိရိယာတစ်ခု တီထွင်ဖို့ဆိုတဲ့ အကြံအစည်တစ်ခု ပေါ်ထွက်လာခဲ့ပါတယ်။ သူဟာ  ဂေါက်တံ (crank) အသုံးပြုမှုကို ပထမဆုံး တီထွင်ခဲ့သူလည်း ဖြစ်ပါတယ်။ စက်ဝိုင်းပုံသဏ္ဍာန် ရွေ့လျားမှုကနေ အထက်အောက် ရွေ့ချားတဲ့စနစ်ကို ပြောင်းပေးတာကြောင့် ဒီဂေါက်တံဟာ စက်ကိရိယာနယ်ပယ်မှာ အရေးပါတဲ့ တီထွင်မှုတွေထဲက တစ်ခုအဖြစ် သတ်မှတ်ခြင်း ခံခဲ့ရပါတယ်။ ဒီနေ့မှာတော့ အဲဒီဂေါက်တံအသုံးပြု လည်ပတ်တဲ့စနစ်ကို ကလေးငယ်တွေ ကစားတဲ့ အရုပ်တွေကနေ ကားအင်ဂျင်တွေ၊ ယန္တရားကြီးတွေအထိ နေရာပေါင်းစုံမှာ အသုံးပြုနေကြပြီ ဖြစ်ပါတယ်။

Slider-crank စနစ်သုံး ရေတင်ကိယာ

အလ်ဂျာဇာရီဟာ ရေလွှတ်မြောင်းတစ်ခုပါဝင်ပြီး တိရစ္ဆာန်ကိုအသုံးပြုလည်ပတ်တဲ့ ရေတင်ကိရိယာ တစ်ခုကို တီထွင်အသုံးပြုခဲ့ပါတယ်။ အဲဒီကိရိယာဟာ ဂီယာတွေနဲ့ ဂေါက်တံတစ်ခု စတာတွေ ပါဝင်တဲ့ ဆန်းပြားတဲ့ စနစ်တစ်ခုနဲ့ အထက်အောက်လည်ပတ်တာဖြစ်ပြီး ဒီစနစ်ကို slider-crank လို့ခေါ်ပါတယ်။ အဲဒီစက်မျိုးဟာ ဥရောပတိုက်မှာ အင်ဂျင်နီယာပညာရပ် တော်လှန်ပြောင်းလဲတဲ့ ကာလဖြစ်တဲ့ ၁၅ ရာစုနှစ်အထိ မပေါ်ထွက်ခဲ့ပါဘူး။

 ရေစုပ်ပန့်များ

အလ်ဂျာဇာရီဟာ ရေတင်စက်ကိရိယာ ၅ ခုကို တီထွင်ခဲ့ပြီး အဲဒီထဲကနှစ်ခုက ရှေးခေတ်အီဂျစ်တွေ အသုံးပြုခဲ့တဲ့ ရှဒွဖ်ကို အဆင့်မြှင့်တင်ခဲ့တာဖြစ်ပါတယ်။ ဒီရှဒွဖ်တစ်ခုကို ဂီယာတွေနဲ့ အစားထိုးခဲ့ပြီး တိရစ္ဆာန်အား၊ ရေအားနဲ့ လည်ပတ်တာ ဖြစ်ပါတယ်။ ဂေါက်တံသုံးရှက်ဖ် (crank shaft) ကို မိတ်ဆက်ပေးခဲ့ပြီးတဲ့နောက်မှာ အလ်ဂျာဇာရီရဲ့ နောက်ထပ် အခြေခံကြပြီး အရေးပါတဲ့ တီထွင်မှုတစ်ခုကို ပြုလုပ်ခဲ့ပါတယ်။ အဲဒါကတော့ ရေအားသုံး ရေစုပ်ပန့်ဖြစ်ပြီး စက်သွား၊ ကြေးပစ်စတင်၊ စုပ်ခွက်၊ ရေဖြန့်ပိုက်နဲ့ တစ်ဖက်သွား အဆို့ရှင်တွေနဲ့ ပေါင်းစပ်တီထွင်ထားတာဖြစ်ပြီး (Reciprocating Pump) လို့ခေါ်ပါတယ်။ လယ်ယာစိုက်ပျိုရေး ကဏ္ဍမှာ ရေပေးဝေတာနဲ့ မိလ္လာစနစ်တွေမှာ အသုံးပြုတဲ့ အဲဒီရေပန့်ဟာ ရေကိုစုပ်ကာ ၁၂ မီတာ (၃၉.၄ပေ) အမြင့်မှာရှိတဲ့ ရေပေးဝေမှုစနစ်အထိ တင်ပေးနိုင်ပါတယ်။ ဒီရေစုပ်စက်ဟာ တစ်ဖက်မှာရှိ ပစ်စတင်တစ်ခုနဲ့ ရေတင်ပြီး နောက်တစ်မှာရှိတဲ့ ပစ်စတင်တစ်ခုနဲ့ ရေဖြန့်ဝေပေးတဲ့ ဆောက်ရွက်ချက်နှစ်ခုသုံး နိယာမရဲ့ ရှေးအကျဆုံး နမူနာတစ်ခု ဖြစ်ခဲ့ပြီး အလ်ဂျာဇာရီက ပစ်စတင်နှစ်ခုကို အသေထားကာ တစ်ဖက်သွား အဆို့ရှင်တွေနဲ့ ဒီရေစုပ်ပန့်ကို ပြီးပြည့်စုံအောင် ဆောင်ရွက်ခဲ့ပါတယ်။

ပစ်စတင်တွေ ရှေ့တိုးနောက်ငင် လှုပ်ရှားပြီး လည်ပတ်တဲ့ အဲဒီရေစုပ်စက်ရဲ့ အသုံးပြုပုံကတော့ ရေအားအသုံးပြု ဆန်ကြိတ်စက်လိုပါပဲ။ ဒီရေပန့်ကို ရေစီးသန်တဲ့ မြစ်ဘေးမှာ တည်ဆောက်ပြီး စက်ရဲ့ ဒလက်တစ်ဝက်လောက်ကို ရေစီးလမ်းကြောင်းမှာ နှစ်မြှုပ်ထားပါတယ်။ ဒလက်ရဲ့ တစ်ဖက်ချက်စီမှာ ရေ၀င်ပိုက် နှစ်ခုကို ထားရှိပြီး အလယ်မှာ ပစ်စတင် နှစ်ခုနဲ့ ဆက်ထားပါတယ်။ ဒလက်နဲ့ဆက်ထားတဲ့ စက်သွားက ရေစုပ်စက်ရဲ့အတွင်းပိုင်း ဂီယာလုပ်ငန်းစဉ်ကို မောင်းနှင်ပေးကာ လီဗာအတံရဲ့ လှုပ်ရှားမှုကတစ်ဆင့် ပစ်စတင် ရှေ့တိုးနောက်ငင်ဖြစ်ကာ ရေစုပ်တဲ့လုပ်ငန်းကို လုပ်ဆောင်တာဖြစ်ပါတယ်။

ဒီစနစ်မှာ ရေ၀င်ပိုက်နဲ့ ရေထွက်ပိုက်မှ အဆို့ရှင်နှစ်ခုရှိပြီး ရေစုပ်တာ ပိုက်တွေကနေ ရေပြန်ထုတ်တာတွေကို လုပ်ဆောင်ပေးပါတယ်။ ရေ၀င်ပိုက်ဟာ ရေထဲမှာမြုပ်နေပြီး တစ်ဖက်က ပစ်စတင်ဟာ စလင်ဒါအတွင်း ရွေလျားတဲ့အခါ ရေကို စုပ်ပြီး တစ်ဖက်ရေထွက်ပိုက်အဆို့ရှင်ကတော့ အဲဒီအချိန်မှာ ပိတ်လျက်သာ ရှိနေပါတယ်။

ပစ်စတင်က ဆန့်ကျင်ဘက်ကို ပြန်ရွေ့သွားတဲ့အခါမှာတော့  အ၀င်ပိုက် အဆို့ရှင်ဟာ ပိတ်သွားပြီး စလင်ဒါထဲကရေတွေဟာ အထွက်အဆို့ရှင်ကို ဖြတ်ပြီး အ၀င်ပိုက်ထက် သေးတဲ့ အထွက်ပိုက်ထဲကို ရောက်ရှိသွားခဲ့ပါတယ်။ အဲဒီအချိန်မှာ တစ်ခြားတစ်ဖက်ကတော့ အထွက်အဆို့ရှင်ပိတ်ကာ ရေကို စုပ်ယူလိုက်ပါတယ်။

ဒီအဖြစ်အပျက်ဟာ ရေစုပ်လိုက်တိုင်းမှာ တစ်လှည့်စီ ဖြစ်နေတာဖြစ်ပြီး တစ်ဖက်က တွန်းတဲ့အခါ တစ်ဖက်က ဆွဲတာမျိုးဖြစ်ပါတယ်။ ဒါ့ကြောင့် ရေထဲမှာနှစ်ထားတဲ့ ဒလက်က တစ်ပတ်လည်တိုင်းမှာ ရေကိုနှစ်ကြိမ် စုပ်ယူနိုင်ပြီး ရေစီးနေသမျှ ကာလပတ်လုံး ဒီရေစုပ်ပန့်ဟာ လည်ပတ်နေမှာဖြစ်ပါတယ်။

စလင်ဒါ ၆ ခုပါ ရေစုပ်စက်

နောက်ထပ် နည်းပညာခုန်ပျံကျော်လွှားခဲ့သူကတော့ ၁၆ ရာစု အော်တိုမန် အင်ဂျင်နီယာဖြစ်တဲ့ တာကီ အလ်-ဒင် (Taqi Al-Din) ပါပဲ။ စက်မှုအင်ဂျင်နီယာ ဘာသာရပ်အကြောင်း ဖော်ပြထားတဲ့ The Sublime Methods of Spiritual Machines (စိတ်ကူးယဉ် စက်ပစ္စည်းများအတွက် အံ့သြစရာ နည်းလမ်းများ) စာအုပ်ကို ရေးသားခဲ့သူ အလ်-ဒင်ဟာ သူ့ရဲ့ အဲဒီစာအုပ်ထဲမှာ ရေစုပ်စက်တွေအကြောင်း ရေးသားထားပြီး၊ ရေနွေးငွေ့ရဲ့ အသုံဝင်မှုကို မသိရှိခင် နှစ်ပေါင်း ၁၀၀ နီးပါးလောက်ကတည်းက အဲဒီစာအုပ်မှာ ရေနွေးငွေ့အင်ဂျင်တွေရဲ့ အခြေခံကို အလ်-ဒင်က ဆွေးနွေးခဲ့တာပါ။

သူ့ရဲ့ စလင်ဒါခြောက်ခုပါဝင်တဲ့ ရေစုပ်စက်ဟာ စက္ကုထုတ်လုပ်မှု၊ သတ္တုထုတ်လုပ်မှု သမိုင်းတွေကို လေ့လာရာမှာ ချန်ထားလို့မရတဲ့ အစိတ်အပိုင်းတစ်ခုလည်း ဖြစ်ခဲ့ပါတယ်။ ဘာ့ကြောင့်လည်းဆိုတော့ ဒီရေစုပ်စက်မှာ သူ အသုံးပြုခဲ့တဲ့ ပစ်စတင်ဟာ ပိုင်ရိုက်တံတွေနဲ့ အသွင်သဏ္ဍာန်တူပြီး စာရွက်ထုတ်ဖို့ ပျော့ဖတ်လုပ်တဲ့နေရာ၊ ပန်းပဲထုတဲ့နေတွေမှာ အသုံးပြုနိုင်တာကြောင့် ဖြစ်ပါတယ်။

သူ့ရဲ့ အဲဒီစာအုပ်မှာ တာကီ အလ်-ဒင်ဟာ ရေပန့်တွေ ဘယ်လို အလုပ်လုပ်လဲဆိုတာကို ရှင်းပြခဲ့ပါတယ်။ စလင်ဒါ ၆ ခုပါဝင်တဲ့ ရေစုပ်စက်ဟာ ရေစီးအားသုံး စက်ပစ္စည်းတစ်ခုဖြစ်ပြီး ရေစီးနဲ့လည်တဲ့ ၀င်ရိုးတံကို အထက်အောက်လှုပ်ရှားနိုင်တဲ့ အခြား ၀င်ရိုးရှည် ၆ ခုနဲ့ ချိတ်ဆက်ထားပါတယ်။ အဲဒီဝင်ရိုးရှည်ရဲ့ ထိပ်တစ်ဖက်မှာ ပစ်စတင်တပ်ထားပြီး အလယ်မှာတော့ ၀င်ရိုး(pivot) ဖေါက်က တပ်ဆင်ထားပါတယ် ပစ်စတင်ရှိတဲ့ ဆလင်ဒါရဲ့ ထိပ်မှာတော့ ခဲအလေးတစ်ခုကို တပ်ထားပြီး အဲဒီအလေးက ပစ်စတင် အပေါ်တက်သွားတဲ့အခါ အောက်ကျအောင် ဆောင်ရွက်ပေးတာပါ။

ပစ်စတင်ရှိတဲ့ စလင်ဒါအတွင်းပိုင်းမှာ လေဟာနယ်ဖြစ်ကာ ပစ်စတင် အပေါ်တက်တဲ့အခါတိုင်း  ရေဟာ အ၀င်ပိုက်ရဲ့ အဆို့ရှင်ကိုဖြတ်ပြီး ပါလာပါတယ် ဆလင်ဒါပေါ်မှာတပ်ထားတဲ့ ခဲအလေးကြောင့် ပစ်စတင်ဟာ အလိုလို ပြန်ကျသွားအခါ ရေ၀င်ပိုက်ထိပ်က အဆို့ရှင်လေးဟာ ပိတ်သွားခဲ့ပြီး ရေထွက်ပိုက် အဆို့ရှင်က ပွင့်သွားတာကြောင့် ရေဟာ ရေထွက်ပိုက်ထဲ ရောက်သွားခဲ့ပါတယ်။ ဒီစက်ရဲ့ အလှတရားကတော့ ချိန်ကိုက်ဖြစ်မှုနဲ့ ပစ်စတင်တွေရဲ့ အစဉ်လိုက်လှုပ်ရှားမှုကို ထိန်းချုပ်တာဖြစ်ပါတယ်။

လူတွေဟာ စက်ပစ္စည်းတွေအပေါ်မှာ မှီခိုလို့ မရသေးတဲ့အချိန်၊ ကျွန်တော်တို့ပတ်ဝန်းကျင်မှာ ကားတွေ၊ စက်ဘီးတွေ၊ လျှပ်စစ်ပန့်တွေ မရှိသေးတဲ့အချိန်မှာ ဒီတီထွင်ဖန်တီးမှုက လူ့အဖွဲ့အစည်းအဆင့်အတန်းကို ပြောင်းလဲစေခဲ့ပါတယ်။ ဒီစက်ပစ္စည်းတွေကို အမြောက်အများ မထုတ်လုပ်နိုင်ခဲ့ပေမယ့် မြို့တော်တော်များများမှာ ရေစုပ်စက်တွေ တပ်ဆင်လာနိုင်ခဲ့ပါတယ်။ လူတွေဟာ ရေပုံးနဲ့ မြစ်တွေ၊ ချောင်းတွေမှာ ရေခပ်စရာ မလိုတော့သလို့ ရှဒွဖ်မှာလည်း သွားတန်းစီစရာ မလိုတော့ပါဘူး။ ရေအားကို အသုံးပြုတဲ့ ရေစုပ်စက်တွေ၊ ရေသွယ်မြောင်းတွေကနေ တစ်ဆင့် ခပ်ရုံပါပဲ။

(ကိုးကား- National Geographic ၏ 1001 Inventions – The Enduring Legacy of Muslim Civilization)
(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

သြဂုတ် ၁၉၊ ၂၀၁၆

– လွန်ခဲ့တဲ့ နှစ်ထောင်ချီအရင်ကနဲ့စာရင် ဒီနေ့ခေတ် လူသားတွေဟာ အစားအသောက်ရင်းမြစ်တွေကို ကိုယ်တိုင်ထုတ်ယူရတာမျိုး သိပ်မရှိတော့ပါဘူး။ လူဦးရေပမာဏတစ်ခုသာ လယ်ယာစိုက်ပျိုးရေးနဲ့ မွေးမြူရေးတွေကို လုပ်ကြပါတော့တယ်။ ကျွန်တော်တို့ စူပါမားကတ်ကို သွားလိုက်ရုံနဲ့ပဲ အသား၊ ငါး၊ အသီးအနှံ စတာတွေကို ရာသီမရွေး ၀ယ်ယူစားသုံးလို့ ရနေပါပြီ။ သရက်သီးစားဖို့ မိုးရာသီကို စောင့်စရာ မလိုတော့သလို၊ နွေမှာစားဖို့ အချဉ်သိပ်စရာလည်း မလိုတော့ပါဘူး။ ကမ္ဘာတစ်ဝှမ်းက ရာသီပေါ် အစားအသောက်တွေကို အချိန်မရွေး၊ နေရာမရွေး ၀ယ်ယူ စားသောက်နိုင်တာဟာ အခုအချိန်မှာ အသစ်အဆန်း မဟုတ်တော့ပါဘူး။ ဒါပေမယ့် ဒီလို နေရာမရွေး၊ အချိန်မရွေး စားသုံးနိုင်အောင် စိုက်ပျိုးရေး ကဏ္ဍ ပြုပြင်ပြောင်းလဲမှုရဲ့ အစကတော့ စိတ်ဝင်စားဖို့ ကောင်းပါတယ်။

၉ ရာစုလောက်မှာ မွတ်စလင်လယ်သမားတွေဟာ လယ်ယာစိုက်ပျိုးရေးလုပ်ငန်းမှာ တီထွင်ဆန်းသစ်မှုတွေ လုပ်ခဲ့ကြပါတယ်။ ကမ္ဘာတစ်ဝှမ်းက ကောက်ပဲသီးနှံတွေကို ရယူစိုက်ပျိုးတာ၊ ရေသွင်းစိုက်ပျိုးမှု နည်းလမ်းတွေကို ဖော်ထုတ်အသုံးပြုတာ၊ တစ်ခြားဒေသတွေက စိုက်ပျိုးရေးနည်းလမ်းတွေကို သူတို့ဒေသနဲ့ အံဝင်အောင် သိပ္ပံနည်းကျ ပြောင်းလဲအသုံးပြုတာ၊ တစ်ဦးချင်း လယ်ယာပိုင်ဆိုင်မှု ရရှိရေးဆိုတဲ့ လက်တွေ့အကျိုးပြု လယ်ယာလုပ်ငန်းတွေ ဖော်ဆောင်တာတွေပဲ ဖြစ်ပါတယ်။ ဒီလို တီထွင်ကြံဆမှုတွေ၊ ပြုပြင်ပြောင်းလဲမှုတွေက အရင်က မရှိခဲ့ဖူးတဲ့ ကောက်ပဲသီးနှံမျိုးစုံ ရာသီမရွေး စိုက်ပျိုးနိုင်မှု နည်းစနစ်ဆီကို ဦးတည်ခဲ့ပါတယ်။

ပညာအတွက် ကမ္ဘာအနှံ့ ခရီးဆန့်

ခရီးသွားလာရတာကိုနှစ်သက်တဲ့ လူ့အဖွဲ့အစည်းကနေ ဖြစ်တည်လာတဲ့ မွတ်စလင်တွေဟာ အာရှတိုက်ရဲ့ မြက်ခင်းပြင်ကြီးတွေကနေ၊ ဥရောပတောင်တန်းကြီးတွေအထိ ခက်ခဲကြမ်းတမ်းတဲ့ အခြေအနေအမျိုးမျိုးကို ရင်ဆိုင်ကျော်ဖြတ်ကာ အသိပညာတွေ၊ သတင်းအချက်အလက်တွေကို ရှာဖွေစုဆောင်းဖို့အတွက် ကမ္ဘာအနှံ့ ခြေဆန့်ခဲ့ကြပါတယ်။ အဲဒီလို လှည့်ပတ်သွားလာမှုအတွင်းမှာ သူတို့တွေ့ရှိခဲ့တဲ့ အရာတိုင်းကို မှတ်တမ်းတင်ရင်းကနေပဲ လယ်ယာစိုက်ပျိုးရေးနဲ့ပတ်သက်တဲ့ နည်းလမ်းတွေ တစ်ပုံတစ်ပင်ကိုလည်း ရရှိခဲ့ကြပါတယ်။ ၁၉၀၄ ခုနှစ်မှာ အမေရိကန်သမိုင်းပညာရှင်တစ်ဦးဖြစ်တဲ့  အက်စ် ပီ စကော့ (S.P.Scott) က “ဒီလိုစုဆောင်းမှုဟာ အရှေ့ပိုင်း၊ တူနီးရှားနဲ့ အန်ဒါလူစီယာတို့က ယခင်ရှိခဲ့တဲ့၊ ပစ္စုပ္ပန်မှာ ရှိနေတဲ့ လောကဓာတ်ပညာရပ် အမြောက်အများကို ပေါင်းစည်းစေတဲ့ လက်ဖျားခါလောက်တဲ့ အခြေအနေတစ်ခုကို ဖြစ်ထွန်းစေခဲ့ပါတယ်” လို့ ရေးသားခဲ့ပါတယ်။

ကနေဒါနိုင်ငံ တိုရွန်တိုတက္ကသိုလ်က ပါမောက္ခတစ်ဦးဖြစ်သူ အန်ဒရူး ၀ပ်ဆန် (Andrew Watson) က မွတ်စလင်တွေရဲ့ ကြိုးပမ်းအားထုတ်မှုတွေကို အောက်ပါအတိုင်း မှတ်ချက်ပြုခဲ့ပါတယ်။

“ရာစုနှစ် သုံးလေးခုလောက် စုစည်းညီညွတ်ခဲ့တဲ့ မွတ်စလင်ကမ္ဘာဟာ အသစ်အဆန်းမှန်သမျှကို လက်ခံ အသုံးပြုခဲ့ကြပါတယ်။ ပြီးတော့ ကိုယ်ကျင့်အပြုအမူ၊ လူမှုဘ၀တည်ဆောက်ပုံ၊ အသင်းအဖွဲ့ ဖွဲ့စည်းမှု၊ အခြေခံအဆောက်အဦး၊ သိပ္ပံဆိုင်ရာတိုးတက်မှုနဲ့ စီးပွားရေးဖွံ့ဖြိုးမှု စတဲ့ နည်းသစ်လမ်းသစ်တွေကိုလည်း တစ်မူထူးခြားစွာ ပြန့်နှံစေခဲ့ပါတယ်။ လယ်ယာစိုက်ပျိုးရေးကဏ္ဍ တစ်ခုတည်းမဟုတ်ဘဲ စီးပွားရေးအပြင်ဘက်မှာရှိနေတဲ့ အသက်ရှင်ရပ်တည်မှုနယ်ပယ်တွေအပါအ၀င် အခြားသော စီးပွားရေး ကဏ္ဍတွေမှာလည်း ဒီဆန်းသစ်မှုတွေ ထိတွေ့ကာ စိမ့်ဝင်ပြန်နှံ့ခဲ့ပါတယ်”

မတူကွဲပြားတဲ့ ဒေသတွေကနေ ဒီလို အသိပညာတစ်ပုံတစ်ပင် ပေါ်ထွက်လာမှုနဲ့အတူ မွတ်စလင်တွေဟာ အကောင်းဆုံး မြင်းတွေ၊ သိုးတွေကို မွေးမြူနိုင်သူတွေ၊ အကောင်းဆုံး သစ်သီးခြံတွေ၊ ဟင်းသီးဟင်းရွက်ခြံတွေကို စိုက်ပျိုးနိုင်သူတွေလည်း ဖြစ်ခဲ့ပါတယ်။ သူတို့ဟာ အပင်ဖျက်ပိုးမွှားတွေကို ဘယ်လိုကာကွယ်တိုက်ဖျက်ရမလဲဆိုတာကို သိရှိခဲ့သလို၊ ဓာတ်မြေသြဇာကိုလည်း စတင် အသုံးပြုခဲ့ကြပါတယ်။ ပြီးတော့ ကိုင်းကူးကိုင်းဆက်စိုက်ပျိုးမှု၊ အပင်များကို မျိုးစပ်ကာ မျိုးစိတ်အသစ်တွေ ဖော်ထုတ်စိုက်ပျိုးမှု စတဲ့ နယ်ပယ်တွေမှာလည်း မွတ်စလင်တွေဟာ တစ်ဖက်ကမ်းခတ် ကျွမ်းကျင်ခဲ့ကြပါတယ်။

ကောက်ပဲသီးနှံအသစ်များ

ရှေးခေတ်ဥရောပမှာ ဆောင်းရာသီသီးနှံတွေကိုသာ အဓိကထားစိုက်ပျိုးကြပြီး ၂ နှစ်နေမှ တစ်ကြိမ် ရိတ်သိမ်းရလ့ရှိပါတယ်။ အလှည့်ကျစိုက်ပျိုးမှုနည်းစနစ်နဲ့ ကောက်ပဲသီးနှံ မျိုးစိတ်အသစ်တွေကို အန်ဒါလူစီယာ မွတ်စလင်တွေက ယူဆာင်လာခဲ့ပြီးတဲ့နောက်မှာတော့ ဒီအခြေအနေတွေက ပြောင်းလဲသွားခဲ့ပါတယ်။ အဲဒီနည်းစနစ်တွေနဲ့ မျိုးစိတ်အသစ်တွေအများစုဟာ အိန္ဒိယနိုင်ငံကဖြစ်ပြီး မိုးနည်း၊ နေ့တာရှည်ကာ ပူပြင်းခြောက်သွေ့တဲ့ နွေရာသီလိုရာသီမျိုးအတွက် အသုံးဝင်မယ့် နည်းလမ်းတွေ၊ မျိုးစိတ်တွေ ဖြစ်ပါတယ်။ မွတ်စလင်တွေ စတင်ဖော်ထုတ်ခဲ့တဲ့ ရေသွင်းစိုက်ပျိုးမှု နည်းလမ်းနဲ့အတူ နောက်ပိုင်းမှာတော့ ဥရောပမှာ တစ်နှစ်ကို လေးသီးစားစိုက်ပျိုးမှုစနစ် ထွန်းကားလာခဲ့ပြီး ကောက်ပဲသီးနှံမျိုးစုံကိုလည်း စိုက်ပျိုးလာနိုင်ခဲ့ပါတယ်။

ငှက်ပျောသီးလို အပူပိုင်းထွက်သီးနှံတွေကို တိုင်းပြည်ရဲ့ ကမ်းရိုးတမ်းတွေမှာ စိုက်လာနိုင်ခဲ့ပြီး မွတ်စလင်တွေ ယူဆောင်လာခဲ့တဲ့ ကောက်ပဲသီးနှံအသစ်တွေထဲမှာ စပါး၊ အရည်ရွှမ်းတဲ့အသီးတွေ၊ မက်မွန်၊ အုန်း၊ ပိုး၊ ဇီးချို၊ ၀ါ၊ ဂေါ်ဖီ၊ ခရမ်းသီး၊ ကုံကုမံနဲ့ ကြံ စတာတွေ ပါဝင်ခဲ့ပါတယ်။ စပိန်နိုင်ငံမှာ မွတ်စလင်တွေက ကြံစိုက်ပျိုးမှုကို စတင်မိတ်ဆက်ပေးခဲ့ပြီးတဲ့နောက် ကြံဟာ စပိန်ရဲ့ စီးပွားရေးကို အကြီးအကျယ် ရိုက်ခတ်စေခဲ့ပါတယ်။ စပိန်ထွက်ကြံတွေကို မွတ်စလင်တွေကပဲ အီသီယိုးပီးယား၊ ဇန်ဇီဘာရ် စတဲ့ နိုင်ငံတွေဆီ ယူဆောင်သွားခဲ့ပြီး အရည်အသွေးမြင့်သကြားထွက်တဲ့ အဲဒီကြံတွေဟာ နာမည်ကြီးခဲ့ပါတယ်။

ပိုးလုပ်ငန်းဟာ စပိန်မှာ အခြေတည်လာခဲ့ပြီး၊ ဂုန်လျှော်ပင်တွေကိုလည်း စိုက်ပျိုးလာနိုင်ခဲ့ကာ၊ စားပွဲခင်း၊ အိပ်ရာခင်းတွေကိုလည်း ပြည်ပကို တင်ပို့လာနိုင်ခဲ့ပါတယ်။ စပိန်နိုင်ငံရဲ့ ခြောက်သွေ့တဲ့ဒေသတွေမှာ အလေ့ကျပေါက်တဲ့ ‘အက်စပါတိုမြက်’ (Esparto grass) ကနေ ခြင်းတောင်းတွေ၊ ဖျာတွေ ရက်လုပ်လာနိုင်ခဲ့ပါတယ်။

၁၀ ရာစု မွတ်စလင်ခရီးသွားနဲ့ သမိုင်းပညာရှင် အလ်-မက်စ်အူဒီ (Al-Masudi) က လိမ္မော်သီးနဲ့ ရှောက်သီးစိုက်ပျိုးမှုအတွေအကြောင်းကို အခုလို ရေးသားခဲ့ပါတယ်။

“လိမ္မော်ပင် (ရှာဂျာရ် အလ်-နာရန့်ဂ်ျ – Shajar al-naranj) နဲ့ ရှောက်ပင် (အလ်-အသ်ွရုဂ်ျ အလ်-မူဒေါင်ဝါရ် – al-utrujj al-mudawwar) တို့ကို ဟစ်ဂ်ျရီကသက္ကရာဇ် ၃၀၀ (ခရစ်သက္ကရာဇ် ၉၁၂) လောက်မှာ အိန္ဒိယကနေ ယူဆောင်လာခဲ့ပြီး အိုမန်မှာ ပထမဆုံး စိုက်ပျိုးခဲ့ပါတယ်။ အဲဒီကနေပဲ အလ်-ဘာဆရာ (al-Basra) ဆိုသူက အီရတ်နဲ့ ဆီးရီးယားတို့ကို ယူဆောင်သွားခဲ့ပါတယ်။ အချိန်တိုတိုအတွင်းမှာပဲ တာတက်စ် (Tartus) ဒေသအပါအ၀င် ဆီးရီးယားက အခြားသော ကုန်းမြင့်ဒေသနဲ့ ကမ်းရိုးတမ်းဒေသက အိမ်တွေတိုင်းမှာ စိုက်ပျိုးတဲ့ အပင်တွေ ဖြစ်လာပါတော့တယ်။ နောက်ပိုင်းမှာ ဒီအပင်တွေအကြောင်း မသိသေးတဲ့ တူရကီ၊ ပါလက်စတိုင်းနဲ့ အီဂျစ်တို့ကိုလည်း ဒီစိုက်ပျိုးမှုဟာ မြန်မြန်ဆန်ဆန်ပဲ ရောက်ရှိသွားခဲ့ပါတယ် ”

ဒီလိုကောက်ပဲသီးနှံတွေ ဥရောပဆီ ရောက်ရှိလာမှုဟာ တစ်ခါတစ်ရံမှာ အဘ်ဒ် အလ်-ရဟ်မန် ၁ (Abd al-Rahman) လို အိမ်လွမ်းတတ်တဲ့ မွတ်စလင်ဘုရင်တွေလို တစ်ဦးကောင်းတစ်ယောက်ကောင်းရဲ့ ဆောင်ရွက်မှုတွေကြောင့်လည်း ပါပါတယ်။ ဆီးရီးယားက သူ့ရဲ့ရိပ်မြုံလေးကို လွမ်းဆွတ်တဲ့ အလ်-ရဟ်မန်ဟာ စပိန်က အန်ဒါလူစီယာကို အုပ်စိုးတဲ့အခါမှာ ဆီးရီးယားက သူစံစားခဲ့တဲ့ နန်းတော်ပုံစံအတိုင်း ဖြစ်ဖို့အတွက် စွန်ပလွံအပါအ၀င် ကောက်ပဲသီးနှံမျိုးစိတ်တော်တော်များများကို ယူဆောင်ကာ စိုက်ပျိုးခဲ့ပါတယ်။ ကော်ဒိုဘာကို ရောက်လာခဲ့တဲ့ သလဲသီး မျိုးစိတ်တွေကိုတော့ ကော်ဒိုဘာ တရားသူကြီးချုပ် မူအာဝေယာ အစ်ဗနေ့ ဆာလေ့ဟ် (Muawiya ibn Salih) က ဒမတ်စကတ်ကနေ ယူဆောင်လာခဲ့တာဖြစ်ပြီး၊ ဆာဖာရ် (Safar) လို့ခေါ်တဲ့ ဂျော်ဒန်စစ်သား တစ်ဦးကလည်း သဖန်းပင်ကို မာလာဂါမြို့က သူ့ရဲ့ ခြံထဲမှာ စတင် စိုက်ပျိုးခဲ့ပါတယ်။ ဒီစစ်သားလေးရဲ့အမည်ကို အစွဲပြုပြီး ဆာဖရီ (Safri) လို့ခေါ်တဲ့ ဒီအပင်ဟာ နောက်ပိုင်းမှ စပိန်နိုင်ငံတစ်ဝှမ်း ပြန့်နှံ့သွားခဲ့ပါတယ်။

ရေသွင်းစိုက်ပျိုးခြင်း

အဲဒီကောက်ပဲသီးနှံတွေထဲမှာ တစ်ချို့တွေဟာ ပူပြင်းတဲ့နွေရာသီမှာ ပေါက်ရောက်ကြီးထွားကြတာဖြစ်ပြီး ၄ ရက်ကနေ ၈ ရက်အထိ ရေလောင်းပေးရတဲ့ ကြံတို့လို ကောက်ပဲသီးနှံအသစ်တွေကတော့ ရေကို ပိုလိုအပ်ပါတယ်။ စပါးပင်ဟာလည်း ရေကို အဆက်မပြတ်သွင်းပေးရတဲ့အပင် ဖြစ်ပါတယ်။ ဥရောပမှာ ၀ါကို ၁၁ ရာစု အဆုံးပိုင်းလောက်ကမှ စတင်စိုက်ပျိုးနိုင်ခဲ့ပြီး အလယ်ခေတ် သမိုင်းပညာရှင် အစ်ဗနေ့ ဘာဆာလ် (Ibn Bassal) ကတော့ သြဂုတ်လမှာ အညှောင့်ထွက်လာဖို့အတွက် ၀ါပင်ကို ၂ ပတ်တစ်ကြိမ် ရေသွင်းပေးရတယ်လို့ ရေးသားခဲ့ပါတယ်။ အန်ဒါလူစီယာဒေသဟာ ၀ါပင်ကို ပြည်တွင်းမှာအသုံးပြုဖို့ ဖူလုံယုံသာမက စီဂျီလ်မာဆာ (မော်ရိုကို) နဲ့ တောင်ဘက် အာဖရိကဒေသ အစ်ဖ်ရီကီယာ (Ifriqiya) တွေကိုပါ တင်ပို့နိုင်ခဲ့ပါတယ်။ လိမ္မော်သီးနဲ့ အခြား အရည်ရွှမ်းအပင်တွေဟာလည်း အခြားသော သီးပင်စားပင်တွေ၊ ခြောက်သွေ့တဲ့ဒေသမှာ စိုက်ပျိုးရတဲ့ အပင်တွေလို ရေသွင်းစိုက်ပျိုးဖို့ လိုပါတယ်။

ဒါဆိုရင် ဒီရေလိုအပ်ချက်ကို ဘယ်လိုဖြည့်ဆည်းပါသလဲ။ မွတ်စလင်တွေဟာ ရေပေးဝေရေးစနစ်ကို တီထွင်ဖော်ထုတ်ရာမှာ တစ်ဖက်ကမ်းခတ် ကျွမ်းကျင်သူတွေဖြစ်ကြပြီး အဆက်မပြတ်စီးဆင်းနေတဲ့ ရေပေးဝေရေးကို ရေအားသုံး ရေစုပ်စက်တွေ၊ နိုရီယက်စ် (Norias) လို့ခေါ်တဲ့ ရေဘီးတွေကိုအသုံးပြုပြီး စီမံဆောင်ရွက်ခဲ့ပါတယ်။ စပိန်ကို မွတ်စလင်တွေ အုပ်စိုးစဉ်က စပါးစိုက်ခင်းတွေကို ရေပေးဖို့အတွက် ဗလင်စီယာမြို့တစ်ခုတည်းမှာပဲ နိုရီယက်စ် ၈၀၀၀ လောက် တည်ဆောက်ခဲ့ပါတယ်။

မွတ်စလင်တွေဟာ စက်ကိရိယာတွေကို တိရစ္ဆာန်အားသုံးပြီး လည်ပတ်တဲ့စနစ်ကိုလည်း သုံးစွဲခဲ့ပြီး ခေတ်မီတဲ့ ဂီယာနည်းစနစ်တွေကိုလည်း ဒီထွင်ခဲ့ကြပါတယ်။ ဆဟာရဒေသလို ကြမ်းတမ်းပြီး၊ ဘာမှ စိုက်လို့မရတဲ့ ဒေသတွေမှာလည်း မြေအောက်မြောင်းအသုံးပြု ရေပေးဝေရေးစနစ်ကို သုံးကာ လယ်ယာစိုက်ပျိုးရေးကဏ္ဍကို တစ်ခေတ်ဆန်းစေခဲ့ပါတယ်။

အဲဒီရေတွေ စိုက်ခင်းထဲကိုရောက်ဖို့အတွက် ရေပေးဝေရေးစနစ်နဲ့ အနိမ့်အမြင့်ကို မှန်ကန်စွာ တွက်ချက်တတ်ဖို့လည်း လိုအပ်ပါတယ်။ သင်္ချာပညာမှာ ထူးချွန်တဲ့ မွတ်စလင်တွေဟာ ဒီအတွက်လည်း အခက်ခဲမရှိခဲ့ပါဘူး။ Triangulation နည်းစနစ်ကိုသုံးပြီး အနိမ့်အမြင့်စနစ်တွေကို မှန်ကန်စွာ တိုင်းတာ တွက်ချက်နိုင်ခဲ့ကြပါတယ်။

စိုက်ပျိုးရေးမှာ အကူအညီဖြစ်စေခဲ့တာက သင်္ချာပညာရပ်တစ်ခုတည်းသာ မဟုတ်ပါဘူး။ ၁၁ ရာစု စပိန်နိုင်ငံ တော်လေဒိုမြို့မှာ ထွန်းကားခဲ့တဲ့ ခေတ်မီ နက္ခတဗေဒပညာရပ်တွေကလည်း လယ်ယာကဏ္ဍကို အကျိုးဖြစ်ထွန်းစေခဲ့ပါတယ်။ သတင်းထောက် ရာဂျီဟ် အိုမာရ် (Rageh Omar) ရဲ့ An Islamic History of Europe (ဥရောပအစ္စလာမ့်သမိုင်း) ဆိုတဲ့ ဆောင်ပါးမှာ “နက္ခတ္တဗေဒဆိုင်ရာ တွက်ချက်မှုဇယားကို စိုက်ပျိုးရေးကဏ္ဍမှာ အသုံးပြုခဲ့ကြပြီး အဲဒီဇယားမှာ စိုက်ရပျိုးရမယ့် ကာလရာသီကို ဖော်ပြထားပါတယ်” လို့ ရေးသားခဲ့ပါတယ်။

မြေယာခွဲဝေပိုင်ဆိုင်မှု နည်းလမ်းသစ်

မွတ်စလင်တွေရဲ့ လယ်ယာစိုက်ပျိုးရေးကဏ္ဍမှာ တိုးတက်အောင်မြင်မှုအတွက် အဓိက အရေးပါတဲ့ အကြောင်းအရင်းတစ်ရပ်ကတော့ စနစ်ကျတဲ့ လယ်မြေပိုင်ဆိုင်မှုစနစ် ထွန်းကားလာတာကြောင့် ဖြစ်ပါတယ်။ အဲဒါကတော့ မြေပိုင်ရှင်ကြီးတွေ၊ လယ်ပိုင်ရှင်ကြီးတွေဆီကနေ လယ်မြေ ငှားရမ်းလုပ်ကိုင်ရပြီး ခေါင်းပုံဖြတ် အမြတ်ထုတ်ခံရတဲ့ စနစ်ကနေ လယ်သမားတွေဟာ သူတို့အတွက်နဲ့ လူ့အဖွဲ့အစည်းအတွက် ပိုမိုအလုပ်လုပ်နိုင်မယ့် လယ်ယာခွဲဝေပိုင်ဆိုင်မှုစနစ်ကို မွတ်စလင်တွေက ပြောင်းလဲလိုက်တာပါပဲ။ ဒါဟာ လယ်ယာပိုင်ဆိုင်မှုကဏ္ဍနဲ့ပတ်သက်လို့ လူမှုတော်လှန်ရေးတစ်ခု ဖြစ်ခဲ့ပြီး အလုပ်သမားအခွင့်အရေးတွေပါ တစ်ပါတည်း တွဲပါလာခဲ့ပါတယ်။ မွတ်စလင်တွေရဲ့ ဒီစနစ်သစ်ကြောင့် လူတိုင်းဟာ လယ်ယာမြေတွေကို ရောင်းနိုင်၊ ၀ယ်နိုင်၊ ပေါင်နှံနိုင်၊ အမွေဆက်ခံလာနိုင်ခဲ့သလို လယ်သမားတွေဟာ ကြိုက်ရာ သီးနှံတွေကိုလည်း စိုက်ပျိုး လာနိုင်ခဲ့ပါတယ်။

ဒီစနစ်မှာ စိုက်ပျိုးရေး၊ စက်မှုလုပ်ငန်း၊ ကုန်သွယ်မှု၊ ၀န်ထမ်း အလုပ်ခန့်အပ်မှု စတာတွေနဲ့ပတ်သက်တဲ့ အရေးပါတဲ့ အကြောင်းအရာအားလုံးကို စာချုပ်နဲ့ဆောင်ရွက်ရပြီး စာချုပ်ကိုတော့ သက်ဆိုင်သူ ၂ ဦးစလုံးစီမှာ အသီးသီး သိမ်းဆည်းထားရပါတယ်။ လယ်ယာကဏ္ဍမှာ အင်အားသုံး အလုပ်လုပ်ရတဲ့ သူတွေကတော့ ထွက်ရှိတဲ့ ကောက်ပဲသီးနှံတွေထဲက သင့်လျော်တဲ့ဝေစုကို လုပ်ခအဖြစ် ရရှိပါတယ်။ မြေရှင်နဲ့ တောင်သူဦးကြီးတွေအကြားမှာလည်း စာချုပ်ကို အသေးစိတ်ချုပ်ဆိုရပြီး ထွက်ရှိလာတဲ့ ကောက်ပဲသီးနှံကို မြေပိုင်ရှင်က အများဆုံး တစ်ဝက်သာ ရယူပိုင်ဆိုင်ခွင့် ရှိပါတယ်။

လယ်ယာကဏ္ဍမှာ မွတ်စလင်တွေရဲ့ ဒီလို တီထွင်ဖန်တီးမှုတွေနဲ့အတူ အဲဒီ ခေတ်ကာလက လူနေမှုအဆင့်အတန်းဟာလည်း မယုံနိုင်လောက်အောင် မြင့်တက်လာခဲ့ပြီး တစ်နှစ်ပတ်လုံးမှာ လတ်ဆတ်တဲ့ အသီးအနှံတွေ၊ အရွက်တွေ ရရှိတာကြောင့် ကျန်းမာရေးနဲ့ ညီညွတ်တဲ့ စားသောက်မှုဓလေ့ ထွန်းကားလာခဲ့ပါတော့တယ်။ ဒီအချိန်မှာတော့ ဥရောပဟာ ဆောင်းတွင်းကိုစောင့်ပြီး စိုက်ပျိုးစရာ မလိုတော့ပါဘူး။

အရည်ရွှမ်းအသီးတွေနဲ့ သံလွင်ပင်တွေ စိုက်ပျိုးမှုဟာ ဥရောပမှာ ပုံမှန်လို ဖြစ်လာခဲ့ပြီး ဟင်းသီးဟင်းရွက် စိုက်ခင်းတွေ၊ သစ်သီးခြံကြီးတွေဟာလည်း ဥရောပရဲ့ မြို့ကြီးတိုင်းမှာ အလျှိုလျှို ပေါ်ထွက်လာပါတော့တယ်။ ဒီလို ကောက်ပဲသီးနှံတွေကို အဆက်မပြတ်စိုက်ပျိုးတာက မြေဆီသြဇာဓာတ် ကျဆင်းမှုဆီ ဦးတည်ခဲ့ပေမယ့် ကောင်းမွန်တဲ့ရေပေးဝေမှုစနစ်နဲ့ ခိုရဲ့မစင်ကို အဓိကအသုံးပြုပြီး ထုတ်လုပ်တဲ့ ဓာတ်မြေသြဇာ နည်းစနစ်တွေကို ပေါင်းစပ်လိုက်တဲ့အခါမှာတော့ မြေဆီသြဇာအားနည်းမှု ပြဿနာလည်း ပြေလည်သွားပါတော့တယ်။

တိရစ္ဆာန်မွေးမြူရေး၊ ဒေသအသီးသီးက တိရစ္ဆာန်တွေကို အသုံးပြုပြီး သားဖောက်တဲ့လုပ်ငန်းတွေက သယ်ယူပို့ဆောင်ရေးမှာ အရေးပါတဲ့ မြင်းကောင်ရေနဲ့ ဆဟာရ ကုန်သည်တွေရဲ့ ကုန်ပစ္စည်းတွေကို သယ်ဆောင်ပေးမယ့် တောင့်တင်းတဲ့ ကုလားအုတ်ကောင်ရေတွေကို တိုးတက်စေခဲ့ပါတယ်။

အသား၊ သိုးမွှေးတို့လို တိရစ္ဆာန်ထွက် ပစ္စည်းတွေကလည်း အလျှံပယ်ဖြစ်လာခဲ့ပြီး၊ တိရစ္ဆာန် စွန့်ပစ်ပစ္စည်းကထွက်တဲ့ ဓာတ်မြေသြဇာဟာလည်း အသုံးတည့်ပစ္စည်းတစ်ခု ဖြစ်ခဲ့ပါတယ်။ တူနီးရှားက မဟ်ရဘ်ဒေသ၊ အလ်ဂျီးရီးယား၊ မော်ရိုကိုက အရည်အသွေးကောင်းတဲ့ ဒီ တိရစ္ဆာန်ထွက် ပစ္စည်းတွေဟာ ကမ္ဘာကျော်တဲ့အထိ အောင်မြင်ခဲ့ပါတယ်။

သိုးမွှေးတင်မကဘဲ ပိုးနဲ့ ၀ါဂွမ်းတို့ကိုလည်း မွတ်စလင်တွေက ထုတ်လုပ်နိုင်ခဲ့ပါတယ်။ အိန္ဒိယမှာ အစပြုတဲ့ သိုးမွှေးဟာ မွတ်စလင်တွေရဲ့ ကျေးဇူးကြောင့် ဥရောပက စစ္စလီနဲ့ အလ်-အန်ဒါလုစ်တို့မှာ အဓိက သီးနှံတွေ ဖြစ်လာခဲ့ပြီး အရင်က ရှားပါးခဲ့တဲ့ ဒီထွက်ကုန်တွေကို ဖောဖောသီသီ သုံးစွဲလာခဲ့ရပါတယ်။ နောက်ပိုင်း သိပ်မကြာခင်ကာလမှာပဲ လူတွေဟာ အ၀တ်အထည်တွက် ချည်မျှင်တွေကို ကျယ်ကျယ်ပြန့်ပြန့် အသုံးပြုလာနိုင်ပြီး အရောင်အသွေးစုံစွာ ထုတ်လုပ်လာနိုင်ခဲ့ပါတယ်။

ဥရောပကို ကြံ ဘယ်သူယူလာလဲ

ကြံစိုက်ပျိုးမှုဟာ ပါရှားပြည် ခူရ်ဇစ္စတန်ဒေသ (Khurzistan) ဒေသကနေ အနောက်နိုင်ငံတွေဆီ ပြန့်နှံ့ခဲ့တာ ဖြစ်ပါတယ်။ အလယ်ခေတ်တစ်လျှောက်လုံးမှာ ပါရှားပြည်က ‘ရှက်စတာဒေသ’ (Shuster)  (ရှေးဟောင်း ဆူဆာ (Susa)) ဟာ ကြံအကြီးအကျယ်စိုက်ပျိုးမှုကြောင့် ထင်ရှားပါတယ်။ ကြံကနေ သကြားထုတ်လုပ်မှု နည်းလမ်းကို အာရပ်တွေက ဖော်ထုတ်ကာ ကျယ်ကျယ်ပြန့်ပြန့် အသုံးချခဲ့ကြပါတယ်။ မွတ်စလင်တွေရဲ့ အုပ်ချုပ်မှုအောင်မှာ ကြံစိုက်ပျိုးမှုဟာ အိန္ဒိယကနေ၊ မော်ရိုကိုအထိ ပြန့်နှံ့သွားခဲ့ပါတယ်။ စပိန်နဲ့ စစ္စလီ ကျွန်းတို့ကို မွတ်စလင်တွေ လွှမ်းမိုးတဲ့အချိန်မှာလည်း ဒီကြံစိုက်ပျိုးမှုဟာ ဥရောပတောင်ပိုင်းအထိ ရောက်ရှိခဲ့ပါတယ်

(၂၀ ရာစု အရှေ့တိုင်းပညာရှင် ဂိုင်း လီ စထရိန်းဂ်ျ (Guy Lee Strange))

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)