Tag: turkey

နို၀င်ဘာ ၄၊ ၂၀၂၂

M-Media 

-ကမ္ဘာ့ဒရုန်းထုတ်လုပ်ရေးနယ်ပယ်မှာ နာမည်ရလာတဲ့ တူရကီဟာ အဆင့်မြင့် ဒရုန်းသင်္ဘောတစ်မျိုးကို ထုတ်ပြလိုက်ပါတယ်။ 

MIR လို့ အမည်ပေးထားတဲ့ အဲဒီဒရုန်းသင်္ဘောကို တူရကီရဲ့ အကြီးဆုံး ကာကွယ်ရေးပစ္စည်းလုပ်ငန်း Aselsan နဲ့ ပုဂ္ဂလိက သင်္ဘောကုမ္ပဏီ Sefine တို့ ပူးပေါင်း ထုတ်လုပ်တာဖြစ်ပါတယ်။ 

သင်္ဘောကို အလိုအလျောက် မောင်းနှင်စနစ်၊ အ၀ေးထိန်းစနစ်၊ လူလိုက်ပါ မောင်းနှင်နိုင်မယ့်စနစ် စတဲ့ စနစ်သုံးမျိုးနဲ့ မောင်းနှင်နိုင်မှာ ဖြစ်ပါတယ်။ 

တူရကီအစိုးရပိုင် ဒုံးကျည်ကုမ္ပဏီ  Roketsan က ထုတ်လုပ်တဲ့ ဒုံးကျည်တွေကို သင်္ဘောမှာ တပ်ဆင်အသုံးပြုနိုင်ပြီး၊ ရှာဖွေကယ်ဆယ်ရေး လုပ်ငန်းတွေမှာလည်း သင်္ဘောကို အသုံးပြုနိုင်မှာ ဖြစ်ပါတယ်။  

ခေတ်သစ်စစ်ပွဲတွေနဲ့ ကိုက်ညီအောင်၊ ရေငုပ်သင်္ဘောတွေကို ရေပါ်ကနေ ယှဥ်နိုင်အောင် ရည်ရွယ်ထုတ်လုပ်ထားတာဖြစ်ပြီး၊ မကြာခင်မှာ စျေးကွက်တင် ရောင်းချနိုင်တော့မှာပါ။ 

Ref: Defense News

ဇူလိုင် ၁၉၊ ၂၀၂၂
M-Media

-ရုရှားကို နာမည်ကျော် Bayraktar TB2 ဒရုန်း ထောက်ပံ့မယ်ဆိုတဲ့သတင်းတွေဟာ မဟုတ်မှန်ဘူးလို့ တူရကီက ပြောပါတယ်။

ရုရှားရဲ့ ကျူးကျော်မှုကို ခုခံနေတဲ့ ယူကရိန်းဟာ တူရကီထုတ် Bayraktar TB2 ဒရုန်းတွေကို ကျယ်ကျယ်ပြန့်ပြန့် အသုံးပြုနေပြီး အောင်မြင်မှုလည်း ရနေပါတယ်။

ရုရှားက ဒီဒရုန်းတွေကို ရယူဖို့ ကြိုးစားနေတယ်ဆိုတဲ့သတင်းတွေ ပြီးခဲ့တဲ့တစ်ပတ်မှာ ကျယ်ကျယ်ပြန့်ပြန့် ထွက်လာခဲ့ပါတယ်။

ဒရုန်းထုတ်လုပ်ရေးကုမ္ပဏီပိုင်ရှင် ဟာလုက် ဘေရက္ကတာက မိမိတို့အနေနဲ့ ရုရှားကို ဒရုန်းတွေ ပေးပို့မှာမဟုတ်ဘူးလို့ CNN သတင်းဌာနနဲ့ မေးမြန်းခန်းမှာ ဖြေကြားခဲ့ပါတယ်။

“ရုရှားကို ကျွန်တော်တို့ ဘာမှ မပေးထားသလို၊ နောက်လည်း ဘာမှပေးမှာ မဟုတ်ပါဘူး။ ကျွန်တော်တို့ဟာ ယူကရိန်းရဲ့ အချုပ်အခြာအာဏာနဲ့ လွတ်လပ်ရေးကာကွယ်မှုကို ထောက်ခံအားပေးနေတာကြောင့်ပါ”

ယူကရိန်းရဲ့ ခုခံမှုမှာ Bayraktar TB2 ဒရုန်းတွေက အမှတ်သညာတစ်ခု ဖြစ်လာတာကို ဂုဏ်ယူတယ်လို့လည်း ဟာလုက်ကပြောပါတယ်။

လစ်သူယေးနီးယား၊ ပိုလန်၊ နော်၀ေနဲ့ ယူကရိန်းပြည်သူတွေက ရန်ပုံငွေကောက်ခံကာ Bayraktar TB2 ဒရုန်း၀ယ်ပြီး ယူကရိန်းစစ်တပ်ကို ထောက်ပံ့ပေးမယ့် လှုပ်ရှားမှုတွေ ပြီးခဲ့တဲ့လမှာ ပေါ်လာခဲ့ပါတယ်။

တူရကီကတော့ ဒီရန်ပုံငွေကို ယူကရိန်းဒုက္ခသည်ကယ်ဆယ်ရေးအတွက် လှူဒါန်းခဲ့ပြီး ဒရုန်းတွေ အလကားပေးခဲ့ပါတယ်။

ယူကရိန်းဟာ အရင်ကတည်းက Bayraktar TB2 ဒရုန်း အစီး ၂၀ ကျော် ၀ယ်ယူထားပြီး၊ ဖေဖော်၀ါရီ ၂၄ ရက်နေ့ ရုရှားကျူးကျော်မှုနောက်ပိုင်း အစီး ၅၀ ထပ်မံ ရရှိထားပါတယ်။

Ref: Aljazeera

မေ ၂၆၊ ၂၀၂၂

M-Media

-သံတမန်ဆက်ဆံရေးမှာ တူရကီနဲ့ စာမျက်နှာသစ်တစ်ခု ဖွင့်လှစ်နိုင်ခဲ့ပြီလို့ အစ္စရေးနိုင်ငံခြားရေး၀န်ကြီး ယာအီရန် လာပစ်က ပြောပါတယ်။ 

လာပစ်နဲ့ တူရကီနိုင်ငံခြားရေး၀န်ကြီး မဗ်လု ကာဗူဆိုဂလူတို့ မနေ့က ဂျေရုစလင်မှာ တွေ့ဆုံဆွေးနွေးခဲ့ကြတာပါ။ 

စီးပွားရေးနဲ့ အရပ်ဖက်ဆိုင်ရာမှာ ပူးပေါင်းဆောင်ရွက်မှုတွေ တိုးမြှင့်ဖို့ သဘောတူညီခဲ့ကြပြီ၊ ကပ်ရောဂါနဲ့ နိုင်ငံရေး တင်းမာမှုတွေ ရှိနေတဲ့အချိန်မျိုးမှာတောင်မှ ဒေသတွင်းနဲ့ နိုင်ငံတကာအဆင့်အထိ အကျိုးကျေးဇူးတွေ ရရှိအောင် ဆောင်ရွက်သွားကြမယ်လို့ အစ္စရေးနိုင်ငံခြားရေး၀န်ကြီးက ထည့်သွင်းပြောဆိုခဲ့ပါတယ်။ 

အစ္စရေးနဲ့ တူရကီတို့အကြား ဆက်ဆံရေးဟာ ၂၀၀၀ ပြည့်နှစ် နောက်ပိုင်းတွေကတည်းက ဆိုးရွားလာခဲ့တာပါ။ ပါလက်စတိုင်း ပိုင်နက်တွေကို အစ္စရေးက ကျူးကျော်သိမ်းပိုက်မှုနဲ့ပတ်သက်ပြီး တူရကီက ၀ေဖန်ပြောဆိုမှုတွေ လုပ်သလို၊ အစ္စရေးဖက်ကလည်း ပြန်လည် တုန့်ပြန်မှုတွေ ပြုလုပ်ခဲ့ပါတယ်။ 

ဒါပေမယ့် ပြီးခဲ့တဲ့နှစ်အနည်းငယ်အတွင်း ဆက်ဆံရေးပိုကောင်းအောင် နှစ်နိုင်ငံစလုံးက ကြိုးစားလာကြပါတယ်။ 

တူရကီနိုင်ငံခြားရေး၀န်ကြီးရဲ့ ဂျေရုစလင် ၂ ရက်တာခရီးစဥ်မှာ အစ္စရေးက သိမ်းပိုက်ထားတဲ့ ပါလက်စတိုင်းပိုင် အနောက်ဖက်ကမ်းကို သွားရောက်ခဲ့ပြီး ၁၅ နှစ်အတွင်း နိုင်ငံခြားရေး၀န်ကြီးတစ်ဦး ပထမဆုံး လည်ပတ်မှုပါ။ 

ကာဗူဆိုဂလူက အစ္စရေးနဲ့ နယ်ပယ်တော်တော်များများမှာ ပူးပေါင်းဆောင်ရွက်မှု တိုးမြှင့်ဖို့ သဘောတူညီခဲ့ကြပြီး၊ ဒီလို ပုံမှန်ဆက်ဆံရေးတည်ဆောက်မှုဟာ အစ္စရေးနဲ့ ပါလက်စတိုင်းတွေအကြား ငြိမ်းချမ်းရေးရဖို့ အထောက်အကူဖြစ်လိမ့်မယ်လို့ ပြောဆိုခဲ့ပါတယ်။ 

Ref: Aljazeera