ဖေဖော်၀ါရီ ၆၊ ၂၀၂၃
M-Media
-တူရကီနဲ့ ဆီးရီးယားမြောက်ပိုင်းမှာ ဒီကနေ့မနက်ပိုင်းက လှုပ်ခတ်ခဲ့တဲ့ အင်အားပြင်ငလျင်ကြောင့် သေဆုံးသူ အနည်းဆုံး ၆၀၀ နီးပါး ရှိလာပြီ ဖြစ်ပါတယ်။
ငလျင်ဟာ ပြင်းအား ၇.၈ မဂ္ဂနီကျုရှိပြီး တူရကီက ဂါဇီယံတက်မြို့ကို ဗဟိုပြု လှုပ်ခတ်ခဲ့တာဖြစ်ပါတယ်။ ငလျင်ဒဏ်ကို လက်ဘနွန်နဲ့ ဆိုက်ပရက်စ်နိုင်ငံတွေကလည်း ခံစားခဲ့ရပါတယ်။
နှစ်ပေါင်း ၈၀ အတွင်း တူရကီမှာ လှုပ်ခတ်တဲ့ အင်အားအပြင်းဆုံး ငလျင်လည်း ဖြစ်ပါတယ်။
တူရကီမှာ သေဆုံးအရေအတွက် ၂၈၄ ဦးအထိ ရှိလာပြီး ဆီးရီးယားမှာတော့ ၂၃၇ ဦး ရှိနေပါတယ်။ အဆောက်အဦးထောင်ချီ ပြိုကျပျက်ဆီးမှုရှိပြီး ပိတ်မိနေသူတွေလည်းရှိတာကြောင့် သေဆုံးသူအရေအတွက် ပိုမိုမြင့်တက်လာဖွယ် ရှိနေပါတယ်။
ဆီးရီးယားက အစိုးရထိန်းချုပ်ရာဒေသမှာရော၊ အစိုးရဆန့်ကျင်ရေး လက်နက်ကိုင်တွေ ထိန်းချုပ်တဲ့ ဒေသမှာပါ အရေးပေါ်အခြေအနေ ကြေငြာထားပြီး ရှာဖွေကယ်ဆယ်ရေးလုပ်ငန်းတွေ လုပ်ဆောင်နေပါတယ်။
ကျွမ်းကျင်သူတွေက လာမယ့်ရက်အနည်းငယ်အထိ နောက်ဆက်တွဲငလျင်တွေ ဆက်လက်လှုပ်ခတ်ဖွယ်ရှိတယ်လို့ သတိပေးထားပါတယ်။
Ref: Aljazeera