News @ M-Media

Tag: turkey

  • ဂူလန် လှုပ်ရှားမှု၊ အာဒိုဂန်နဲ့ တူရကီ ဒီမိုကရေစီ တခန်းရပ် ဇာတ်သိမ်းခန်း

    ဂူလန် လှုပ်ရှားမှု၊ အာဒိုဂန်နဲ့ တူရကီ ဒီမိုကရေစီ တခန်းရပ် ဇာတ်သိမ်းခန်း

    ဇူလိုင် ၂၁ ၊ ၂၀၁၆
    ဆောင်းပါးရှင်-မြင်သစ်
    .Trukey
    လတ်တလော သတင်းတွေ မြင်ထား ကြားထားတဲ့ စာဖတ်သူတွေအတွက် ဒီခေါင်းစဉ်က ဝေဝါးသွားစေမည်မှာ အသေအချာပင်။
    .
    လောလောဆယ် ကမ္ဘာကြီးက သိထားတဲ့ အာဒိုဂန်က စစ်တပ်အာဏာသိမ်းမှုကို မမှု မရွံ့ ပြည်သူ့အင်အားနဲ့ တန်ပြန်အောင်နိုင်ခဲ့သူ ဒီမို သူရဲကောင်းကြီး။
    .
ြဿနာတွေရဲ့ အစက တူရကီ ဒီမိုကရေစီ ဇာတ်သိမ်းခန်း နိဒါန်းလို့ပြောရမယ့် ၂၀၁၃က ဖြစ်ခဲ့တဲ့ အာဒိုဂန်နဲ့ ဝန်ကြီးအဖွဲ့ ခြေရှုပ်ခဲ့တဲ့ ချစားမှုကြီးပါ။
    .
    ဒီမိုကရေစီ စစ်စစ်ကို ကျင့်သုံးတဲ့ ယခင်တူရကီမှာ တရားရေးက အုပ်ချုပ်ရေးလက်အောက်မဟုတ်ဘဲ သီးသန့် ရပ်တည်နိုင်ခဲ့ပါတယ်။
    .
    အဲ့တော့ အဲ့ဒီ လာဘ်စားမှုကို တရားရေးဘက်က လိုက်လံဖော်ထုတ်အရေးယူရင်း မြို့ တော်ဝန်တစ်ယောက်၊နိုင်ငံတော် ဘဏ်ရဲ့ ဒါရိုက်တာ၊ စီးပွားရေးသမားတွေနဲ့ ဝန်ကြီးအချို့ရဲ့ မိသားစုဝင်တွေပါ ဖမ်းဆီးခံခဲ့ရပါတယ်။
    .
    ထိုချိန်က ဝန်ကြီးချုပ် အာဒိုဂန်နဲ့ မိသားစုဝင်တွေပါ ပါဝင်ပတ်သက်နေတဲ့ အသံတွေ ထွက်လာခဲ့ပြီး အမှုကို ဖိအားပေး ရပ်ဆိုင်းခြင်းခံလိုက်ရပါတယ်။
    .
    အာဒိုဂန်နဲ့ အစိုးရဖွဲ့က အာဏာသုံးပြီး အမှုဖော်ထုတ်ရေးမှာ ပါဝင်ခဲ့တဲ့ တရားရေးနဲ့ ပြည်ထဲရေး အရာရှိတွေကို ထုတ်ပယ် ဖမ်းဆီးတာတွေ တန်ပြန်လုပ်ခဲ့ပါတယ်။
    .
    ဖမ်းဆီးထားတဲ့ သူတွေကို ပြန်လွှတ်ပေးခဲ့ပြီး နိုင်ငံရေးနဲ့ အုပ်ချုပ်ရေး အာဏာသုံးပြီး တရားရေးကို အုပ်ချုပ်ရေးအောက်ပြန်ထည့်ခဲ့ပါတယ်။
    .
    အာဒိုဂန်က သူ့ဝန်ကြီး သုံးဦးကိုတော့ ထုတ်ပလိုက်တယ်။
    .
    အဲ့ဒီနောက် အာဒိုဂန်က ဖသုလ်လာဟ်ဂူလန်ကို စွပ်စွဲ တိုက်ခိုက်တော့တာပါပဲ၊ ရန်ငြိုးထားတော့ပါပဲ။
    .
    အဲ့ဒီမှာ ဖသုလ်လာဟ်ဂူလန် ဘယ်သူလဲပေါ့။ သူက တူရကီလူမျိုး ကမ္ဘာကျော် တွေးခေါ်ပညာရှင် စာရေးဆရာ ပညာရေး ငြိမ်းချမ်းရေးနဲ့ လူမှုရေးတက်ကြွလှုပ်ရှားသူ အစ္စလာမ့် ပညာရှင်။
    .
    တူရကီမှာရော နိုင်ငံတကာမှာပါ သူ့ကို လေးစားချစ်ခင်သူ သန်းချီရှိပြီး ကမ္ဘာက အလယ်အလတ်ကျ အစွန်းမရောက်တဲ့ အစ်စလာမ့် ပြယုဂ် အဖြစ် လက်ခံထားခံရသူ။
    .
    ကာ့ဒ်လူမျိုး တွေးခေါ်နဲ့ အစ္စလာမ့် ပညာရှင် စအီးဒ်နူစရီရဲ့ နူရ်လှုပ်ရှားမှု ခေါ် ဘာသာရေးနဲ့ ဥာဏ်သစ်လောင်း လှုပ်ရှားမှုကို ဆက်ခံခဲ့သူ။
    .
    စအီးဒ်နူစရီက ကမ္ဘာကြီးမှာ လူသားတွေ အတိဒုက္ခရောက်နေရတာဟာ အဓိကက ပညာမဲ့လို့၊ ဆင်းရဲလို့နဲ့ မညီညွတ်လို့ဆိုပြီး ဖွင့်ဆိုပြခဲ့တယ်။
    .
    အဲ့ဒီအတွက် အဖြေအဖြစ် ပညာရေးမှာ ရင်းနှီးမြှုပ်နှံဖို့၊ လူမှုဖွံ့ ဖြိုးရေးတွေ လုပ်ဖို့နဲ့ မတူကွဲပြားတဲ့ လူ့အသိုင်းအဝန်းတွေကြား ဆက်ဆံရေးတည်ဆောက်ဖို့ ချပြခဲ့တယ်။
    .
    ခေတ်ပြိုင်ဖြစ်ပေမယ့် ပညာရှင် စအီးဒ်ကို မဆုံဘူးလိုက်တဲ့ ဂူလန်လေးဟာ သူ့ ရဲ့ နာမည်ကျော် ရိစာအိလ်နူးရ် အလင်းရဲ့သတင်းစကားဆိုတဲ့ ကျမ်းတွဲကို လေ့လာမိပြီး သူ့ရဲ့အတွေးအခေါ်တွေကို လက်တွေ့ အကောင်အထည်ဖော်သူ ဖြစ်လာခဲ့တယ်။
    .
    ဘာသာရေးပညာရှင်နဲ့ ခေါင်းဆောင်တစ်ဦးဖြစ်လာသူ ဂူလန်ဟာ နိုင်ငံအနှံ့ သွားရောက်ပြီး လူငယ်တွေကို ဘာသာရေး၊ပညာရေး၊ အကျင့်စာရိတ်တနဲ့ ပရဟိတပိုင်းတွေ ဟောပြောစည်းရုံးပြီး လူသားကောင်းကျိုးပြုဖို့ တိုက်တွန်းနှိုးဆော်ခဲ့တယ်။
    .
    ဘာသာရေးနဲ့ ခေတ်ပညာရေးကို ချိတ်ဆက်အကောင်ထည်ဖော်ခဲ့တယ်။ ဘာသာရေးရော ပညာရည်ပါပြည့်လာတဲ့ လူငယ်တွေဟာ တိုင်းပြည်ရဲ့ ဦးဆောင်မှုပိုင်းမှာ ပါဝင်ခွင့်ရလာခဲ့တယ်။
    .
    အာဒိုဂန်နဲ့ သူ့  ယခင်ဝန်ကြီးအချို့ကိုယ်တိုင် အဲ့ဒီ ပထမမျိုးဆက်တွေပါ။
    .
    နောက်ပြီး ဂူလန်ဟာ လူငယ်တွေကို ကမ္ဘာကြီးကို အလှဆင်ဖို့ နေရာအနှံ့  ခြေဆန့်ပေးဆပ်ကြဖို့ ဟောပြောခဲ့တယ်။
    .
    ငြိမ်းချမ်းရေးနဲ့ ချစ်ကြည်ရေးကို လုပ်ဆောင်ကြဖို့ ဆော်သြခဲ့ပြီး မိမိကိုယ်တိုင်လည်း ဂျူးနဲ့ ခရစ်ယာန် ရဟန်းမင်းကြီးတွေနဲ့တွေ့ဆုံခဲ့တယ်။
    .
    သူက အကြမ်းမဖက်လမ်းစဉ်ကို စွဲကိုင်ထားပြီး ဒီမိုကရေစီကို အားပေးပြီး တရားနည်းလမ်းကြ စီးပွားရှာဖို့ မီဒီယာကို ဖွံ့ဖြိုးအောင်လုပ်ဖို့လည်း တိုက်တွန်းခဲ့တယ်။
    .
    ဂူလန်ဟာ သူ့ဘဝတစ်ခုလုံးကို လူမှုတိုးတက် ပြုပြင်ပြောင်းလဲရေးအတွက် စာရေးသားခြင်း ဟောပြောခြင်းနဲ့ ကုန်ဆုံးစေခဲ့တယ်။
    .
    အဲ့ဒီအကျိုးဆက်အနေနဲ့ တူရကီလူငယ်တွေကနိုင်ငံတွင်းရော နိုင်ငံတကာမှာပါ ကျောင်းတွေ ဖွံ့၊လူသားချင်းစာနာထောက်ထားရေးလုပ်ငန်းတွေ ဆောင်ရွက်၊ ဘာသာပေါင်းစုံချစ်ကြည်ရေးအသင်းအဖွဲ့တွေ တည်ထောင်၊ မီဒီယာနဲ့ ဘဏ်လုပ်ငန်းတွေ လုပ်လာကြတယ်။
    .
    အဲ့ဒီ အလုံးစုံဖွံ့ဖြိုးရေးလှုပ်ရှားမှုကို တူရကီလို Hizmet ပေးဆပ်ခြင်း အကျိုးဆောင်ခြင်းဆိုပြီး ခေါ်ကြတယ်၊ အချို့ကလည်း အစပျိုး နှိုးဆော်ခဲ့တဲ့ ဂူလန်ကို အစွဲပြုပြီး ဂူလန်လှုပ်ရှားမှုဆိုပြီးခေါ်ကြတယ်။
    .
    ဂူလန်ဟာ သူ့ရဲ့ ဟောပြောရေးသားမှုတွေကနေတဆင့် လူငယ်တွေကို တွေးတတ်မြင်တတ် ပေးဆပ်ရဲ ဖောက်ထွက်ရဲစေခဲ့တာဖြစ်ပြီး အဲ့ဒီ့လူငယ်တွေရဲ့ လုပ်ငန်းတွေမှာ အုပ်ချုပ်ရေး ငွေရေးကြေးရေးအရ လုံးဝပတ်သက်ခြင်းမရှိခဲ့ပါ။
    .
    ဂူလန် စေ့ဆော်တဲ့ လှုပ်ရှားမှုကြီးရဲ့ လက်ထွက် ပထမမျိုးဆက်တွေ ဖြစ်တဲ့ အာဒိုဂန်နဲ့ အစိုးရအဖွဲ့ဟာ အစောပိုင်းမှာ ဂူလန်နဲ့ မဟာမိတ်ရင်းတွေ ဖြစ်ခဲ့ပါတယ်။
    .
    ဒါပေမယ့် ဆရာတပည့်ကြားမှာ အက်ကြောင်းတွေ ဖြစ်လာခဲ့ပါတယ်။ တူရကီမှ ဂါဇာသို့ လူသားချင်းစာနာမှု ထောက်ပံ့ သင်္ဘောလွှတ်ရာမှာ အစ္စရေးက သံသယနဲ့ တိုက်ခိုက်ခဲ့တဲ့လကိစ္စမှာ ဂူလန်က တူရကီအနေနဲ့ အစ္စရေးကို တရားဝင် အကြောင်းကြားသင့်ကြောင်း တိုက်ခိုက်ခံရမှုကို ရှောင်ကာ ထောက်ပံ့မှု အောင်မြင်မည်ဖြစ်ကြောင်း မှတ်ချက်ပြုခဲ့ပြီး အာဒိုဂန်ကတော့ မွတ်စလင်မ် ကမ္ဘာနဲ့အတူ ပေါက်ကွဲပြခဲ့ပါတယ်။
    .
    နောက် ကာ့ဒ်ဒေသအရေးပါ။ ဂူလန်က ကာ့ဒ်ခွဲထွက်မှုကို ရပ်တန့် လိုလျှင် ကာ့ဒ်ဒေသကို ငြိမ်ချမ်းစေလိုလျှင် ဖွံ့ဖြိုးတိုးတက်ရေးလုပ်ဖို့လိုကြောင်း ခံယူပြီး ပညာရေးနဲ့ လူမှုရေးလုပ်ငန်းတွေမှာ မြှုပ်နှံဖို့ စပျိုးခဲ့တယ်။ တူရကီလူမျိုးကြီးဝါဒီ နိုင်ငံရေးနဲ့ စစ်တပ်အင်အားစုအတွက် ကာ့ဒ်အရေးဟာ နိုင်ငံရေးလက်နက်ကောင်းဖြစ်တာမို့လို့ Hizmet ရဲ့ ဖွံ့ဖြိုးရေးလုပ်ငန်းတွေ လက်ဝင်ခွင့်မရခဲ့ပါဘူး။
    .
    နောက်အက်ကွဲကြောင်းတစ်ခုကတော့ ဆီးရီးယားအရေးပါ။ အာဒိုဂန်က စစ်ရေးအရ ဝင်ပါလိုချိန်မှာ ဂူလန်က အကြမ်းမဖက် လူမှုပြောင်းလဲရေးကိုသာ ယုံကြည်ထားသူဖြစ်ပြီး စစ်ရေးစွက်ဖက်မှုကို လုံးဝဆန့်ကျင်ခဲ့ပါတယ်။
    .
    လုံးဝကို အက်ကွဲသွားစေတဲ့ အရာကတော့ လာဘ်စားချစား အပုပ်နံထွက်မှုမှာပါ။ အာဒိုဂန်က ဒီလုပ်ရပ်ဟာ ဂူလန်က သူ့အစိုးရကို ဖြုတ်ချဖို့လုပ်တာ၊ ဂူလန်က စင်ပြိုင်အစိုးရထောင်တာဆိုပြီး စွပ်စွဲတိုက်ခိုက်တော့တာပါပဲ။
    .
    အဲ့ဒီအချိန်မှာ ဂူလန်ဟာ သူ့  ကျန်းမာရေးအတွက်ဆိုပြီး အမေရိကန်မှာ သွားနေနေပါပြီ။ ကျန်းမာရေး အကြောင်းအပြင် secularist ဘာသာရေးမဖက်နိုင်ငံရေး ထောက်ခံသူတွေနဲ့ ဘာသာမဲ့ စစ်တပ်နဲ့ နိုင်ငံရေးအင်အားစုတွေရဲ့ ခြိမ်းခြောက်မှုကနေ ရှောင်တာလည်း ပါမှာပါ။
    .
    ဂူလန်ဟာ အသက် ၇၇နှစ်ရှိပြီး နာတာရှည် သွေးချိုနဲ့ နှလုံးရောဂါကို ခံစားနေရပါတယ်။
    .
    တခြားနိုင်ငံတွေနဲ့ မတူတာက တူရကီ စစ်တပ်က သမိုင်းကြောင်းအရ secularist နဲ့ atheist အင်အားစုပါ။
    .
    စောစောက အာဒိုဂန် စွပ်စွဲမှု ဘယ်လောက်မှန် သုံးသပ်ကြည့်ရင် တရားရေးက ခြေဥအရ သူ့အလုပ်သူလုပ်တာပါ။ အာဒိုဂန် ကိုယ်တိုင် ဂူလန်လှုပ်ရှားမှု မျိုးဆက်ဖြစ်ခဲ့သလို တရားရေူဘက်မှာ အဲ့ဒီ လှုပ်ရှားမှုကြောင့် ဥာဏ်ပွင့်ပညာရှာခဲ့တဲ့ ဘာသာရေးလေးစားသူ အရာရှိတွေ ရှိမှာပါ။ တရားရေးနဲ့ မိုင်ရာချီမှာ တပသီနေနေတဲ့ ဂူလန်ကို ဆွဲချိတ်တာကတော့ သူ့လုပ်ရပ်တွေကို ကြည့်ပြီး လာဘ်စားမှုမှာ ပါဝင်ခဲ့တယ်လို့ ယူဆလို့ရတဲ့ အာဒိုဂန်ရဲ့ နိုင်ငံရေး ရမယ်ရှာမှု နိုင်ငံရေး လှည့်စားမှုပါပဲ။
    .
    ဂူလန်ကို ပြန်ကြည့်ရင်လည်း Hizmet လှုပ်ရှားမှုနဲ့ နာမ်ပိုင်းရေးရာနဲ့ တွေးခေါ်ပိုင်းပဲ လွှမ်းမိုးပတ်သက်တယ်။ သူ့ရပ်တည်ချက်အတိုင်း ဒီမိုကရေစီကို ထောက်ခံတယ်။ အကျင့်ပျက် ခြစားတဲ့ အစိုးရကို လက်မခံဘူး။ ဒီမိုကရေစီနည်းမကျတာကို ဆန့်ကျင်တယ်။
    .
    လွှတ်တော်မှာ ထိုင်ခုံများတဲ့ အာဒိုဂန်ကတော့ ဒီမိုစံနှုန်းတွေကို အေကေပီ ပါတီအားနဲ့ပြောင်းတာနဲ့ တင်မရပ်ဘဲ ဂူလန်ကို အကြမ်းဖက်သမားလို့ စွပ်စွဲ လူသားကျိုးပြု Hizmet ကို အကြမ်းဖက်ဖွဲ့လို့ စွပ်စွဲတိုက်ခိုက်ခဲ့ပါတယ်။
    .
    ဂူလန်ရဲ့ ဂရင်းကတ် (ပါစ်ပို့တ်အစိမ်း)ကို ရုတ်သိမ်းပြီး သူ့ကို တူရကီကို ပြန်လွှဲဖို့ အမေရိကန်ကို တိုက်တွန်းခဲ့တယ်။
    .
    အမေရိကန်အစိုးရနဲ့ လူ့ခွင့်ရေးဖွဲ့စည်းတွေက အဲ့ဒီလုပ်ရပ်တွေနဲ့ပတ်သက်ပြီး အာဒိုဂန်ကို ဝေဖန်ခဲ့ပါတယ်။
    .
    နောက်ဆက်တွဲအနေနဲ့ ကြားဖြတ်ရွေးကောက်ပွဲကာလမှာ သူ့ အာဏာရပါတီဟာ သမိုင်းတလျှောက် အမတ်ဦးရေ နည်းဆုံးဖြစ်ခဲ့ရတယ်။
    .
    ကံကောင်းသွားတာက တူရကီမှာ သမိုင်းဝင် ပထမဆုံး လူထုက တိုက်ရိုက်ရွေးချယ်တဲ့ သမ္မတ ရွေးပွဲပါ။ ယခင်စနစ်ကနေ လူထုမဲပေးစနစ်ကိုဖြစ်လာအောင် ပြောင်းလဲရေးမှာ ဒီမိုကရေစီစနစ်ထောက်ခံသူ ဂူလန်လည်း အားတက်သရောပါခဲ့တတယ်။ အဲ့ဒီပွဲမှာ အာဒိုဂန် နိုင်ခဲ့ပါတယ်။
    .
    ကမ္ဘာသိ ချစားတဲ့ အာဒိုဂန် ဘာလို့နိုင်လဲပေါ့။ ပြိုင်ဘက်ပါတီတွေ မဲကွဲခဲ့တယ်၊ ပြိုင်ဘက်ပါတီကြီးက လူရွေးမှားခဲ့တယ်။ နိုင်ငံတကာမှာ နာမည်ကြီး ပေမယ့် ပြည်တွင်းမှာ ဘယ်သူမှ မသိတဲ့ အိုအိုင်စီ အတွင်းရေးမှူးချုပ်ဟောင်းကို ရွေးခဲ့တယ်။
    .
    အာဒိုဂန်က ဆယ်စုနှစ်အတွင်းမှာ နိုင်ငံကို တိုးတက်အောင်လုပ်ပြနိုင်ခဲ့တယ်။ တူရကီလူမျိးကြီး ဝါဒကျင့်သုံးတယ်။ နိုင်ငံတကာမှာ မွတ်စလင်မ် ဖိနှိပ်ခံတွေနဲ့ လူနည်းစုအရေးမှာသူရဲကောင်းဖြစ်နေတယ်။ တူရကီမှာ ဘာသာရေးကျင့်သုံးမှု ဖိနှိပ်ခံရချိန်မှာ သူနဲ့ မိသားစုက ဖိနှိပ်ခံပြီး ကျင့်သုံးခဲ့တယ်။ အဲ့တော့ ဘာသာရေးဟာ သူ့  အတွက် နိုင်ငံရေးလက်နက် အလိုလိုဖြစ်လာတယ်။ နောက်တစ်ချက်က နိုင်ငံရေး ကြွယ်တယ် ရဲတင်းပြတ်သားတယ် ရက်စက်တယ်။ အဲ့ဒီ အချက်တွေက်ကြောင့် တူရကီ နိုင်ငံသား ထက်ဝက်ကျော်နဲ့ နိုင်ငံတကာမှာပါ သည်းချေကြိုက်ဖြစ်နေဆဲပါ။
    .
    သမိုင်းဝင်သမ္မတဖြစ်ပြီး လူရင်း ယခင်နိုင်ငံခြားရေးဝန်ကြီး နိုင်ငံရေးပညာရှင် ဂလူကို ဝန်ကြီးချုပ်လွှဲပြီး စိတ်ကြိုက် အာဏာတည်ဆောက်ပြီး နိုင်ငံရေးပြိုင်ဘက်တွေကို ကောင်းကောင်း နှိပ်ကွက်တော့တာပါ။
    .
    သူ့လာဘ်စားမှုပုပ်နံ့ထွက်စေတယ် ဆိုတဲ့ အငြိုးနဲ့ ဂူလန်ကိုရော Hizmetရော ဂူလန်ကို ချစ်တဲ့သူတွေကိုပါ နည်းမျိုးစုံနဲ့နှိပ်ကွပ်တာပါ။
    .
    သူအဓိက ဖိနှိပ်တာက ဒီမိုကရေစီရဲ့ စံတွေဖြစ်တဲ့ Freedom of media နဲ့ Freedom of speech မီဒီယာလွတ်လပ်ခွင့်နဲ့ လွတ်လပ်စွာပြောဆိုခွင့်ကိုပါ။ အဲ့ဒီမှာ လူရင်းနဲ့ သဘောမတိုက်ဆိုင်ဖြစ်ပြီး ဝန်ကြီးချုပ်ဂလူ နှုတ်ထွက်ပြီး လက်စောင်းထက်တဲ့ သူ့ဆရာအကြောင်း သိသူပီပီ နိုင်ငံရေးလောကမလာပါဘူးဆိုသွားလေရဲ့။
    .
    အဲ့ဒီအတွက် နိုင်ငံတကာရဲ့ ဝေဖန်ခံနေရစဉ်အတွင်းပဲ ဗြုန်းဆို တူရကီစစ်တပ်တစ်စုရဲ့ အာဏာသိမ်းကြိုးပမ်းမှု ပေါ်တာပါပဲ။
    .
    ဖြစ်နေစဉ် နာရီပိုင်းအကြာမှာကို အာဒိုဂန်ရဲ့ တရားရေးဝန်က ဂူလန်ကြိုးကိုင်တာဆိုပြီး ယိုးစွပ်ခဲ့ပြီး ချက်ချင်း ဝန်ကြီးချုပ်နဲ့ အာဒိုဂန်က သံယောင်လိုက်ခဲ့တယ်။
    .
    ဂူလန်နဲ့ သူ့နောက်လိုက်တွေက ဒီစွပ်စွဲမှုကို ချက်ချင်း ငြင်းဆိုပြီး နိုင်ငံရေး ချောက်ချ ခြင်းဖြစ်ကြောင်း Hizmet ကို အကြောင်းရှာ ဖြိုခွဲလိုလို့ဖြစ်ကြောင်း၊ ဒီမိုကရေစီ စနစ်ကိုသာ ထောက်ခံကြောင်း အာဏာသိမ်းမှုကို ဆန့်ကျင်ကြောင်း၊ အာဒိုဂန် ကိုယ်တိုင်က လုပ်ဇာတ်လုပ်တာဖြစ်လိုကြောင်း တုံ့ပြန်ခဲ့ကြပါတယ်။
    .
    ခေတ်သမိုင်းမှာ တခြားအာဏာသိမ်းပွဲများနဲ့ ချိန်ထိုးလျှင်နည်းစနစ်ရော စီမံမှုပါ ညံ့ဖျင်းတဲ့ အာဏာသိမ်းကြိုးပမ်းမှုကို အာဒိုဂန်အစိုးရ ၄၈နာရီ မပြည့်ခင် အနိုင်ယူခဲ့ပြီး ဂူလန်ကို လုံးဝ ပုဒ်မတပ်ခဲ့တယ်။
    .
    အာဏာသိမ်းမှု အစမှာ အမေရိကန် အီးယူနှင့် တစ်ကမ္ဘာလုံး ဒီမိုကရေစီအတွက် အာဒိုဂန်နဲ့ ရပ်တည်ပေးခဲ့ကြတယ်။
    .
    နောက်ပိုင်းမှာတော့ အာဏာသိမ်းဖြစ်စဉ်နဲ့ အာဒိုဂန်ရဲ့ တုန့်ပြန်မှု အပေါ်မူတည်ပြီး ဂူလန်နည်းတူ တခြားသုတေသီနဲ့ ဝေဖန်ရေးဆရာများ နိုင်ငံတကာမီဒီယာများလည်း လုပ်ဇာတ်ဖြစ်နိုင်ကြောင်း စွပ်စွဲဝေဖန်မှုတွေ ရှိလာနေပြီဖြစ်ပါတယ်။
    .
    အာဒိုဂန်ကတော့ သူ့ရပ်တည်ချက်အတိုင်း ဂူလန်ကို ပုဒ်မတပ် အာဏာသိမ်းနှိမ်နင်းရေး ခေါင်းစဉ်အောက်ကနေ ဗိုလ်ချုပ် ၅ ယောက်နဲ့စစ်သားများမှစလို့ အစိုးရအဖွဲ့က ဝန်ထမ်းတွေ၊ တရားရေးဝန်ထမ်းတွေ၊ကျောင်းဆရာတွေသောင်းချီ ၊ကျောင်းအုပ်တွေထောင်ချီကို ဖြုတ် ဖမ်းဆီး လိုင်စင်သိမ်းတွေလုပ်နေပါပြီ။ဂူလန်ရဲ့ နှိုးကြားမှုနဲ့ လူငယ်တွေ တည်ထောင်ထားတဲ့ လူမှုရေးလုပ်ငန်းတွေ၊ နိုင်ငံတွင်းကျောင်းတွေသာမက တူရကီသြဇာလွှမ်းတဲ့ ပြည်ပနိုင်ငံအချို့က ကျောင်းတွေကိုပါ အတင်းပိတ်တာတွေ လုပ်နေပါပြီ။
    .
    ပြည့်သူတောင်းဆိုချက်ဆိုပြီး သေဒဏ်ကို ပြန်အသက်သွင်းဖို့ လုပ်နေပါပြီ။
    .
    အစောပိုင်းက ရပ်တည်ပေးခဲ့တဲ့ နိုင်ငံတကာအသိုက်အ၀န်းက အာဒိုဂန်အစိုးရကို အာဏာသိမ်းနဲ့ မဆိုင်သူတွေကို မဖမ်းဖို့၊ ဖမ်းဆီးထားသူတွေကိုလည်း ခြေဥနဲ့ အညီသာ အရေးယူဖို့၊ဒီမိုကရေစီစံနှုန်းတွေကို လိုက်နာဖို့ စောင့်ကြည့်သတိပေးနေရပါပြီ။
    .
    ဂူလန်ကို သူ့အစိုးရဆီ လွဲပြောင်းရုံးတင်ဖို့ကိုလည်း အာဒိုဂန်က အမေရိကန်ကို အတင်းအရေးဆိုနေပြီး အမေရိကန်ကလည်း တိကျတဲ့ အထောက်အထားတွေလိုကြောင်း၊ လောလောဆယ် ဂူလန်မှာ ဥပဒေနဲ့ အညီနေသူဖြစ်ကြောင်း ပြန်ထားပြီး နှစ်နိုင်ငံကြား သံတမန်ဖုထစ်ဖြစ်လာနိုင်ပါတယ်။
    .
    လက်ရှိအာဏာသိမ်းမှု ဖြစ်စဉ်ဟာ သူ့အတွက် ဘုရားသခင်ရဲ့ ဆုလာဘ်လို့ ကိုယ်တိုင် ခံယူထားတဲ့ အာဒိုဂန်အတွက် အာဏာ တည်ဆောက်ရေး ဖြုတ်ထုတ်သတ်ပွဲဆိုတာတော့ ဘယ်နိုင်ငံရေး သုသေတီမှ ငြင်းနိုင်မှာ မဟုတ်ပါဘူး။
    .
    လူမျိုးကြီးဝါဒနဲ့ ဘာသာရေး လက်နက်တွေနဲ့အတူ နိုင်ငံရေး သဘာရင့် အာဒိုဂန်ရဲ့ ဒီမိုအာဏာရှင် ဇာတ်ဝင်ခန်းကတော့ မလွဲမုချ တူရကီ ဒီမိုကရေစီရဲ့ ဇာတ်သိမ်းခန်း အစပါပဲ။
    .
    အာဒိုဂန်က အာဏာဆက် တည်ဆောက်မယ်၊ ဖသုလ်လာဟ်ဂူလန်ကလည်း လူငယ်တွေနဲ့အတူ ကမ္ဘာကြီးကို ဆက်တည်ဆောက်နေဦးမယ် ထင်ပါတယ်။
    .
    အာဏာသိမ်းတရားခံစစ်က ဘယ်သူလဲ။ တူရကီ ဒီမိုအာဏာရှင်ကြီး အာဒိုဂန်ကို ဘယ်သူကများ ရပ်တန့်နိုင်မလဲ။ စအီးဒ်နူစရီက ဂူလန်လေးကို လက်ဆင့်ကမ်းခဲ့သလို ဂူလန်ကို ဘယ်သူကများ ဆက်ခံမလဲ။
    .
    ဒီမိုကရေစီဆိုတာ မဲပေးရုံသက်သက်လား၊ လူကြိုက်များတာနဲ့ ဒီမိုကရေစီလားဆိုတဲ့ အတွေးများနဲ့ ဒီနေ့နဲ့ မနက်ဖြန်ရဲ့ ဒီမိုကရေစီအတွက် စိုးရွံ့ခြင်းများနဲ့…။

    ——————————-
    ** ဆောင်းပါးရှင်၏ အာဘော်သာဖြစ်သည်။

  • အာဏာသိမ်းရန်ကြိုးပမ်းမှု နောက်ဆက်တွဲအဖြစ် တူရကီက အရေးပေါ်အခြေအနေ ကြေငြာ

    အာဏာသိမ်းရန်ကြိုးပမ်းမှု နောက်ဆက်တွဲအဖြစ် တူရကီက အရေးပေါ်အခြေအနေ ကြေငြာ

    ဇူလိုင် ၂၁၊ ၂၀၁၆
    M-Media

    erdogan

    – မအောင်မြင်သည့် အာဏာသိမ်းမှုအား တုန့်ပြန်သည့်အနေဖြင့် တူရကီသမ္မတ အာဒိုဂန်က တိုင်းပြည်အား အရေးပေါ်အခြေအနေ ကြေငြာခဲ့ပြီး ၃ လတာ ကြာမြင့်မည်ဟု သိရသည်။

    ယမန်နေ့က ရုပ်မြင်သံကြားမှ ပြုလုပ်သည့်မိန့်ခွန်းတွင် အာဒိုဂန်က အမျိုးသားလုံခြုံရေးကောင်စီ အဖွဲ့ဝင်များနှင့် အစည်းအဝေးပြုလုပ်ပြီးနောက် ထိုဆုံးဖြတ်ချက်ကို ချမှတ်ခဲ့ခြင်းဖြစ်ကြောင်း၊ အာဏာသိမ်းရန် ကြိုးပမ်းမှုအတွင်း ပါဝင်ခဲ့သည့် အကြမ်းဖက်အဖွဲ့အစည်းမှ အစိတ်အပိုင်းအားလုံးကို အလျင်အမြန် ဖယ်ရှားရန်အတွက် ထိုကဲ့သို့ အရေးပေါ် အခြေအနေ လိုအပ်ခြင်းဖြစ်ကြောင်း ပြောကြားခဲ့သည်။

    “အရေးပေါ်အခြေအနေ ကြေငြာတာဟာ အကြမ်းဖက်တွေရဲ့ ခြိမ်းခြောက်မှုကို ရင်ဆိုင်နေရတဲ့ ကျွန်တော်တို့တိုင်းပြည်အတွက် လိုအပ်တဲ့ ဆောင်ရွက်မှုတွေကို ပြုလုပ်ဖို့ဆိုတဲ့ ရည်ရွယ်ချက်ဖြစ်ပါတယ်” ဟု အာဒိုဂန်က ဆိုပြီး စစ်တပ်အတွင်းရှိ ပိုးမွှားများကိုလည်း ရှင်းလင်းပြီးဖြစ်သည်ဟု ထပ်လောင်း ပြောဆိုခဲ့သည်။

    ဗုဒ္ဓဟူးနေ့မနက်ပိုင်းက အလ်ဂျာဇီးရားနှင့်ပြုလုပ်သည့် အင်တာဗျူးတွင် အာဒိုဂန်က အာဏာသိမ်းရန်ကြိုးပမ်းမှု လုံးဝ ပြီးဆုံးသွားပြီလားဆိုသည်နှင့်ပတ်သက်၍ သံသယရှိနေသည်ဟု ဖြေကြားခဲ့သည်။

    ပြီးခဲ့သည့်တစ်ပတ်က ဖြစ်ပွားခဲ့သည့် အဆိုပါ မအောင်မြင်သော အာဏာသိမ်းမှုနောက်ကွယ်၌ အမေရိကန်အခြေစိုက် တူရကီ ပညာရှင် ဖီသူလာ ဂူလန် ရှိနေသည်ဟု အာဒိုဂန်က စွပ်စွဲပြောကြားထားပြီး၊ လေ့လာသူများကမူ နိုင်ငံရေးတွင် ၎င်း၏သြဇာ ပိုမိုကြီးထွားလာရန် အာဒိုဂန်၏ လုပ်ကြံမှုဖြစ်သည်ဟု ပြောကြားမှုများလည်း ရှိနေသည်။

    Ref: Aljazeera

  • အာဏာရပါတီ၏ အီးမေးလ်များ ဖွင့်ချခဲ့သည့် ၀ီကီလိခ်ကို တူရကီ ပိတ်ပစ်

    အာဏာရပါတီ၏ အီးမေးလ်များ ဖွင့်ချခဲ့သည့် ၀ီကီလိခ်ကို တူရကီ ပိတ်ပစ်

    ဇူလိုင် ၂၀၊ ၂၀၁၆
    M-Media

    wiki

    – ၀န်ကြီးများအပါအ၀င် တူရကီ အာဏာရပါတီ AKP မှ အဖွဲ့ဝင်များ၏ အီးမေးလ်များစွာကို ဖွင့်ချခဲ့သည့် ၀ီကီလိခ်ဝဘ်ဆိုက်အား ၀င်ရောက်ကြည့်ရှုခွင့်ကို တူရကီက ယနေ့တွင် ပိတ်ပင်လိုက်သည်ဟု သိရသည်။

    ၀ီကီလီခ်မှာ ယမန်နေ့က အာဒိုဂန်၏ AKP ပါတီ အဓိက အီးမေးလ်ဒိုမိန်းရှိ မေးလိပ်စာ ၇၆၂ ခုမှ အီးမေးလ်စုစုပေါင်း ၂၉၄၅၄၆ ကို ဖွင့်ချခဲ့ခြင်းဖြစ်ပြီး ထိုအီးမေးလ်များနှင့် တွဲထားသည့် ဖိုင် ထောင်ပေါင်းများစွာလည်း ပါဝင်ခဲ့သည်။ ထိုအီးမေးလ်များတွင် နောက်ဆုံး ရက်စွဲမှာ ၂၀၁၆ ခုနှစ် ဇူလိုင်လ ၆ ရက်နေ့ဖြစ်ပြီး၊ အစောဆုံးမှာ ၂၀၁၀ ခုနှစ်ဖြစ်သည်။

    ၀ီကီလိခ်ကမူ မိမိတို့ဖော်ထုတ်ခဲ့သည့် အီးမေးလ်များရရှိရာ ဒိုမိန်းမှာ AKP ပါတီက ကမ္ဘာနှင့်ဆက်သွယ်ရာတွင် သုံးစွဲသည့် ဒို
    မိန်းဖြစ်ကြောင်း၊ ထိုအီးမေးလ်များကို အာဏာသိမ်းမှုမဖြစ်ပွားခင် တစ်ပတ်အလိုက ရရှိခဲ့ခြင်းဖြစ်ကြောင်း ပြောကြားခဲ့သည်။

    လက်ရှိတွင် ၀ီကီလိခ်က ဖွင့်ချခဲ့သည့် အီးမေးလ်များမှာ အင်္ဂလိပ် အက္ခရာစဉ် A မှ I အထိဖြစ်ပြီး အီးမေးလ်နှင့် ဖိုင် ထောင်
    ပေါင်းများစွာကိုလည်း ထပ်မံဖွင့်ချရန် ရှိနေသည်။

    Ref: Aljzeera

  • အာဏာသိမ်းမှုကို ဆန့်ကျင်သည့် ဆန္ဒပြမှု တူရကီပြည်သူများ ပြုလုပ်

    အာဏာသိမ်းမှုကို ဆန့်ကျင်သည့် ဆန္ဒပြမှု တူရကီပြည်သူများ ပြုလုပ်

    ဇူလိုင် ၁၈၊ ၂၀၁၆
    M-Media

    turkey 6

    – စစ်တပ်အဖွဲ့တစ်ခုမှ မအောင်မြင်သော အာဏာသိမ်းမှုပြီးနောက် သမ္မတ အာဒိုဂန်ဦးဆောင်သည့် တူရကီအစိုးရအား ထောက်ခံသည်ကို ပြသသည့်အနေဖြင့် တူရကီပြည်သူများက မြို့တော်အန်ကာရာနှင့် နိုင်ငံတစ်ဝှမ်း လမ်းပေါ်သို့ထွက်၍ အင်အားပြမှုများ ပြုလုပ်ခဲ့သည်ဟု သိရသည်။

    ယမန်နေ့က ပြုလုပ်ခဲ့ခြင်းဖြစ်ပြီး ပြည်သူများမှာ နိုင်ငံတော်အလံများကို ဝှေ့ယမ်းကာ အန်ကာရာရှိ ကီဇီလေး ရင်ပြင်နှင့် တက်ဆင်မ် ရင်ပြင်များတွင် စုရုံးခဲ့ကြသည်။ ထိုကဲ့သို့ အစိုးရကို ထောက်ခံကြောင်း ဆန္ဒပြမှုမှာ တူရကီသမ္မတ အာဒိုဂန်က စနေနေ့တွင် ပြည်သူများအား အာဏာသိမ်းမှုကို ဆန့်ကျင်ကြောင်း ပြသရန် ဆော်သြခဲ့ပြီးနောက် ပေါ်ထွက်လာခြင်းဖြစ်သည်။

    ၀န်ကြီးချုပ် ဘီနာလီ ယီလ်ဒီရင်မ်ကမူ ကီဇီလေးရင်ပြင်၌ မိန့်ခွန်းပြောကြားရာတွင် အာဏာသိမ်းမှုကို နှိမ်နင်းနိုင်ခဲ့သည့် တူရကီပြည်သူများကို ကျေးဇူးတင်ကြောင်း၊ ထိုလုပ်ရပ်မှာ ဒီမိုကရေစီကို ကာကွယ်ခြင်းဖြစ်ကြောင်း ထည့်သွင်း ပြောဆိုခဲ့သည်။

    “နိုင်ငံရေးအမြင်တွေ ဘယ်လိုပဲ ဖြစ်နေပါစေ၊ ပါတီအားလုံးဟာ လက်ချင်းချိတ်ကာ အာဏာသိမ်းမှုကို ဆန့်ကျင်ခဲ့ကြသလို၊ လူသိရှင်ကြားလည်း ရှုတ်ချခဲ့ပါတယ်။ ဒါက တိုင်းပြည်အတွက်သာ အဓိကကျပြီး ကျန်တာအားလုံး အသေးအဖွဲပဲဆိုတာ ပြသလိုက်တာလည်း ဖြစ်ပါတယ်”

    တူရကီရှိ အဓိကနိုင်ငံရေးပါတီကြီး ၄ ခုကလည်း အာဒိုဂန်အစိုးရကို ဖြုတ်ချရန် ထိုဆောင်ရွက်မှုကို ရှုတ်ချကြောင်း လွှတ်တော်အစည်းအဝေးတွင် ပူးပေါင်းကြေငြာချက်ထုတ်ပြန်ခဲ့ပြီး ထိုထုတ်ပြန်မှုမှာ တူရကီနိုင်ငံရေးနယ်ပယ်တွင် တစ်မူထူးခြားသည့် ညီညွတ်မှုမျိုး ဖြစ်ခဲ့သည်

    Ref: Aljazeera

  • ဂါဇာသို့ တူရကီက အကူအညီများ ထပ်မံပေးပို့မည်

    ဂါဇာသို့ တူရကီက အကူအညီများ ထပ်မံပေးပို့မည်

    ဇူလိုင် ၁၇၊ ၂၀၁၆
    M-Media

    turkey 5

    – အစ္စရေးက ပိတ်ဆို့ထားတဲ့ ပါလက်စတိုင်းပိုင် ဂါဇာကမ်းမြောင်ကို စက်တင်ဘာမှာ ကျရောက်မယ့် အီသွလ်အသွဟာ အီးဒ်နေ့မတိုင်ခင် နောက်ထပ် ကယ်ဆယ်ရေးနဲ့ ကူညီထောက်ပံ့ရေး သင်္ဘောတစ်စီး ထပ်မံစေလွှတ်ဖို့ စီစဉ်ထားတယ်လို့ တူရကီ ဒုတိယ၀န်ကြီးချုပ် Veysi Kaynak က ကြာသာပတေးနေ့မှာ ပြောကြားလိုက်ပါတယ်။

    တူရကီနဲ့အစ္စရေး ဆက်ဆံရေး ပြန်လည်စတင်ပြီးနောက်ပိုင်း ထောက်ပံ့ရေးပစ္စည်း တန် ၁၁၀၀၀ တင်ဆောင်ထားတဲ့ တူရကီသင်္ဘောဟာ ဂါဇာကမ်းမြှောင်ကို ဇူလိုင်လ အစောပိုင်းက သွားရောက်ပို့ဆောင်ပေးခဲ့ပြီး အခု စက်တင်ဘာမှာ သွားရောက်မယ့် အကြိမ်ဟာ ဒုတိယအကြိမ် ဖြစ်ပါတယ်။

    ၂၀၁၀ ခုနှစ်က ဂါဇာကိုပို့ဆောင်ဖို့ ထောက်ပံ့ရေးပစ္စည်းတွေ တင်ဆောင်လာတဲ့ Mavi Marmara သင်္ဘောကို နိုင်ငံတကာပိုင်ရေပိုင်နက်မှာ အစ္စရေးစစ်သားတွေက ၀င်ရောက်စီးနင်း တိုက်ခိုက်ခဲ့တာကြာင့် တူရကီတက်ကြွလှုပ်ရှားသူ ၁၀ ဦး သေဆုံးခဲ့ပြီး အဲဒီနောက်ပိုင်း တူရကီနဲ့ အစ္စရေးဆက်ဆံရေး ရပ်တန့်ခဲ့ရတာ ဖြစ်ပါတယ်။

    ယခုအခါ တူရကီနဲ့ အစ္စရေးကြား သဘောတူညီမှုစာချုပ်တစ်ခု ချုပ်ဆိုထားပြီး ယင်းစာချုပ်အရ အစ္စရေးက Mavi Marmara သင်္ဘောမှာ သေဆုံးခဲ့သူတွေရဲ့ မိသားစုကို လျော်ကြေး ဒေါ်လာ သန်း ၂၀ ပေးရမှာဖြစ်ကာ ဂါဇာကို တူရကီရဲ့ လူသားချင်းစာနာမှုအကူအညီများ ထပ်မံပေးပို့ရေးကိုလည်း သဘောတူရမှာ ဖြစ်ပါတယ်။

    Ref : IINA