အောက်တိုဘာ ၂၀၊ ၂၀၁၅
M-Media
– ဒုက္ခသည်များအား ကူညီထောက်ပံ့ရေး ကြိုးပမ်းအားထုတ်မှုများကို အသိအမှတ်ပြုလျက် အမေရိကန်-အစ္စလာမ် ဆက်ဆံရေးကောင်စီ CAIR မှာ တူရကီမှ နှစ်စဉ် သန်းနှင့်ချီသော ဒုက္ခသည်များကို တံခါးဖွင့်ပေးမှုအတွက် လူသားချင်းစာနာထောက်ထားမှုဆိုင်ရာ ဂုဏ်ပြုဆုကို ပေးအပ်ချီးမြှင့်ခဲ့သည်ဟု သိရသည်။
“ဒုက္ခသည်ကိစ္စနဲ့စပ်လျဉ်းပြီး သာဓကတစ်ခု ဖြစ်စေဖို့ပါပဲ။ ပြီးခဲ့တဲ့ လေးနှစ်တာကာလအတွင်းမှာ တူရကီဟာ ဒုက္ခသည်တွေကို အမေရိကန်က နှစ် ၃၀ လက်ခံခဲ့တဲ့ အရေအတွက်ထက် ပိုပြီး လက်ခံခဲ့ပါတယ်” ဟု အမေရိကန်ဆိုင်ရာ တူရကီသံအမတ်ကြီး ဆာဒါရ် ကီလစ်က အောက်တိုဘာ ၁၈ ရက်နေ့တွင် Anadolu သတင်းအေဂျင်စီသို့ ပြောကြားခဲ့သည်။
CAIR ၏ ဂုဏ်ပြုဆုပေးပွဲအခမ်းအနားကို အောက်တိုဘာ ၁၇ ရက်နေ့တွင် ပြုလုပ်ခဲ့ပြီး ကီလစ်က လက်ခံရယူခဲ့သည်။
တူရကီနိုင်ငံမှာ ၂၀၁၁ ခုနှစ်မှစ၍ ဆီးရီးယား ဒုက္ခသည် ၂.၂ သန်းနှင့် အီရတ်ဒုက္ခသည် ၂ သိန်းခန့်ကို နိုင်ငံအတွင်း လက်ခံထားသည်။ ကီလစ်ကမူ မိမိတို့မှာ ဒုက္ခသည်များအား လူမျိုးနှင့် ဘာသာတရား မခွဲခြားဘဲ လက်ခံခဲ့သည်ဟု ပြောကြားခဲ့သည်။ လွန်ခဲ့သည့် ၄ နှစ်ကျော် ဆီးရီးယားတွင် စစ်ပွဲများ စဖြစ်ကတည်း ဒုက္ခသည်များအတွက် တူရကီက ကန်ဒေါ်လာ ၇.၆ ဘီလီယံကို သီးသန့်ဖယ်ကာ သုံးစွဲခဲ့သည်။
“သူတို့ရဲ့ ဂုဏ်သိက္ခာအတွက် တိုက်ပွဲဝင်နေရတဲ့ ဆီးရီးယားပြည်သူတွေကို တူရကီမှာရော၊ ဥရောပမှာပါ နိုင်ငံတကာအသိုင်းအ၀ိုင်းက မကူညီနိုင်ခဲ့ပါဘူး” ဟု သံအမတ်က ထည့်သွင်းပြောကြားခဲ့သည်။
ထို့ပြင် မြင့်တက်လာသော ဒုက္ခသည်ပြဿနာကို ဖြေရှင်းရာတွင် နိုင်ငံတကာအသိုင်းအ၀ိုင်းက ပူးပေါင်းဆောင်ရွက်ကြရန်လည်း ၎င်းက တိုက်တွန်းခဲ့သည်။
ယခုကဲ့သို့ CAIR ၏ ဂုဏ်ပြုခံရမှုအတွက် ကျေးဇူးတင်မိကြောင်း၊ တူရကီနိုင်ငံနှင့် ပြည်သူများအပေါ် CAIR ၏ သဘောထားက ယခုဆုကို ပို၍ တန်ဖိုးတက်စေခဲ့ကြောင်း တူရကီဆိုင်ရာ အမေရိကန်သံအမတ် ကီလစ်က ထည့်သွင်းပြောကြားခဲ့သည်။
Ref: Onislam
