မေ ၆၊ ၂၀၁၇
M-Media
– ဆယ်ကျော်သက် လူမည်းလူငယ်တစ်ဦးအား ပစ်သတ်မှုအတွက် တက္ကဆက်ပြည်နယ်ရှိ ရဲတပ်ဖွဲ့ဝင်တစ်ဦးကို လူသတ်မှုဖြင့် တရားစွဲဆိုလိုက်သည်ဟု သိရသည်။
အဆိုပါ ရဲတပ်ဖွဲ့ဝင်မှာ ဒါးလက်စ်မြို့ ဆင်ခြေဖုံး ဘာ့လ်ခ်ျ စပရင်းမှ ရိုင် အိုလီဗာဆိုသူဖြစ်ပြီး ယမန်နေ့က ရဲတပ်ဖွဲ့မှ ဖမ်းဝရမ်းနှင့်အတူ ထုတ်ပြန်သော ကြေငြာချက်၌ အိုလီဗာမှာ ‘ခန္ဓာကိုယ်တွင် ပြင်းပြင်းထန်ထန် ဒဏ်ရာရစေရန် ရည်ရွယ်ခဲ့ပြီး လူ့အသက် သေစေခဲ့သည့် အလွန် အန္တရာယ်ရှိသော လုပ်ရပ်ကို ကျူးလွန်ခဲ့သည်’ ဟု ဖော်ပြထားသည်။
အိုလီဗာမှာ ဧပြီလ ၂၉ ရက်နေ့တွင် အသက် ၁၅ နှစ်အရွယ် လူမည်းလူငယ် ဂျော်ဒန် အဒ်ဝပ်အား ၎င်း၏ကားအတွင်း ရိုင်ဖယ်သေနတ်ဖြင့် ပစ်သတ်ခဲ့ခြင်းဖြစ်ပြီး၊ ထိုအဖြစ်အပျက်ကြာင့် ပြည်သူများက ဆန္ဒပြမှုများလည်း ပြုလုပ်ခဲ့ကြသည်။
ကနဦးတွင် ဘာ့လ်ခ်ျ စပရင်း ရဲတပ်ဖွဲ့က အဒ်ဝပ်မှာ အိုလီဗာအား တိုက်ရန် ကားကို နောက်ဆုတ်လာခဲ့ခြင်းဖြစ်သည်ဟု ပြောကြားခဲ့သည်။
သို့သော်လည်း ရဲတပ်ဖွဲ့မှ ရိုက်ကူးထားသည့် ဗီဒီယိုအရ အဒ်ဝပ်နှင့် သူ၏ အစ်ကိုများ စီးလာသည့် ကားမှာ ရဲအရာရှိနှင့် ဝေးရာကို မောင်းနှင်းသွားခြင်းဖြစ်ပြီး၊ အိုလီဗာက ရိုင်ဖယ်ဖြင့် တမင်လှမ်းပစ်သည်ကို တွေ့ခဲ့ရသည်။
အိုလီဗာကို ရဲဌာန၏ ပေါ်လစီများအား ချိုးဖောက်မှုအတွက် အင်္ဂါနေ့တွင် ရာထူးမှ ထုတ်ပယ်ခဲ့ပြီး လက်ရှိတွင် ဖမ်းဆီးရမိခြင်း မရှိသေးပေ။
Ref: Aljazeera
