ဇန်နဝါရီ ၂၃၊ ၂၀၁၄
M-Media
– အမေရိကန်စစ်တပ်တွင် တာဝန်ထမ်းဆောင်နေသည့် စစ်သားများအနေဖြင့် ၎င်းတို့၏ ဘာသာရေးဆိုင်ရာ အဆင်အပြင်များ ၀တ်ဆင်ခြင်းကို ကန့်သတ်ထားမှုအား လျှော့ချလိုက်ပြီး ပေါင်းထုပ်၊ ဦးထုပ်များဝတ်ဆင်ခြင်း၊ မုတ်ဆိတ်ထားခြင်းနှင့် ဆေးမင်ကြောင်ထိုးခြင်း စသည်တို့ကို ခွင့်ပြုပေးခဲ့သည်ဟု အမေရိကန် စစ်တပ် တာဝန်ရှိသူများက ပြောကြားခဲ့သည်။
ထို့ကြောင့် အမေရိကန် စစ်တပ်များရှိ အစ္စလာမ်၊ ဆစ်ခ်၊ ဂျူးနှင့် ၀ီကာ ဘာသာဝင်စစ်သားများအနေဖြင့် ယူနီဖောင်းနှင့် ပတ်သက်၍ စစ်တပ်၏ တင်းကျပ်သော ပေါ်လစီများနှင့် ကန့်သတ်မှုများအတွက် လွတ်ငြိမ်းချမ်းသာခွင့် တောင်းခံနိုင်မည်ဖြစ်သည်။
ထိုကဲ့သို့တောင်းခံလာပါက စစ်တပ်နေဖြင့် တစ်ဦးချင်းအလိုက် စစ်ဆေးမည်ဖြစ်ကာ စစ်ဆင်ရေးလုပ်ငန်းများအား နှောက်ယှက်မှုမရှိပါက ခွင့်ပြုမည်ဟု သိရပြီး၊ ယခင်က ဆစ်ခ်ဘာသာဝင် သုံးဦး၏ ၎င်းတို့ဘာသာ အယူဝါဒအရ ခေါင်းပေါင်းပေါင်းရန် တောင်းဆိုမှုကိုလည်း အမေရိကန် စစ်တပ်က ခွင့်ပြုပေးခဲ့သည်။
အမေရိကန်စစ်တပ်အတွင်း တာဝန်ထမ်းဆောင်ကြသည့် စစ်သားများ၏ ဘာသာရေးဆိုင်ရာ အသွင်အပြင် အယူအဆများ ၀တ်ဆင်ဆောင်ရွက်ရန်အတွက် တောင်းဆိုမှုများက စစ်ဆင်ရေးဆောင်ရွက်ခြင်း၊ စည်းလုံးညီညွတ်ခြင်း၊ အမိန့်နှင့် စည်းကမ်းလိုက်နာခြင်း စသည်တို့အား ထိခိုက်မရှိပါက ထိုတောင်းဆိုမှုများကို ခွင့်ပြုပေးသွားမည်ဟု တပ်မှူး နိတ် ခရစ်တန်ဆန်က ပြောကြားခဲ့သည်။
BBC
