Tag: US

ကမ္ဘာကို အမေရိကန်၏ နျူကလီးယား အန္တရာယ် ခြောက်လှန့်နေ

နိုဝင်ဘာ- ၁ ၂၀၁၃
M-Media

အမေရိကန်၏ နျူကလီးယား လက်နက်သည် ကမ္ဘာကို အကြီးအကျယ်ခြိမ်းခြောက်လျက်ရှိကြောင်း Press TV နှင့် ပြုလုပ်ခဲ့သော အင်တာဗျူးတွင် အမေရိကန်ရေတပ်သားဟောင်း ကဲန် အိုကီးဖီး (Ken O’Keefe) က ပြောဆိုခဲ့သည်။

စာရင်းဖျောက်ထားသည့် အမေရိကန်နိုင်ငံ နျူကလီးယား လက်နက်များသည် ခြိမ်းခြောက်မှုတစ်ရပ် ဖြစ်လာကြောင်းကို “ ကမ္ဘာ့လုံခြုံရေးနဲ့ ဘေးအန္တရာယ် ကင်းရေးကို အကြီးမားဆုံးခြိမ်းခြောက်နေတာကတော့ အမေရိကန်နိုင်ငံပဲဖြစ်တယ်။ ပထမဦးဆုံး လက်နက်ဖြုတ်သိမ်းရမယ့် နိုင်ငံက အမေရိကန်ပါ။ ဒါပေမယ့် သူတို့က လိုလားလိုက်လျောမှာတော့ မဟုတ်ဘူး။ အမေရိကန်နိုင်ငံဟာ ကမ္ဘာပေါ်မှာ အစုလိုက်အပြုံလိုက်ပျက်စီးစေနိုင်တဲ့ လက်နက်မျိုးစုံကို အဓိကဖြန့်ချိသူဖြစ်တယ်။ တစ်နေ့တစ်ခြား လက်နက်မျိုးထုတ်လုပ်မှုနဲ့ အသုံးပြုမှုတိုးပွားလာတယ်၊ သူတို့က ကိုယ်ကိုယ့်ကို ကမ္ဘာ့ပုလိပ်ကြီးလို့ မှတ်ယူနေကြတာပါ ” ဟု အိုကီးဖီး က ဗုဒ္ဓဟူးနေ့တွင် ပြောကြားခဲ့သည်။

အမေရိကန်သည် မိမိ၏နိုင်ငံ သို့မဟုတ် မဟာမိတ်များအပေါ် ဘေးအန္တရာယ် ကျရောက်နိုင်သည်ဟု ယူဆယုံကြည်လျှင် တစ်ချက်တည်းနှင့် အပျောက်ရှင်းနိုင်သော စွမ်းရည်ရှိ နျူကလီးယား လက်နက်များကိုအသုံးပြုရန် ၀န်လေးလိမ့်မည် မဟုတ်ကြောင်း သူက သတိပေးပြောကြားလိုက်သည်။

“ အမေရိကန်ပြည်သူတွေက သူတို့ရဲ့အစိုးရကို အနုကြမ်းစီးခွင့်ပေးထားတာ၊ မူဝါဒများကို ဖော်ဆောင်ခွင့်ပေးနေတာ သိလိုက်ရလို့ ကျွန်တော့်အနေနဲ့ နာကျင်ခံစားရပါတယ်။ ဒါဟာ ဘယ်သူ့ကိုမှ ကောင်းကျိုးပေးမှာမဟုတ်ဘူး။ အမေရိကန်နိုင်ငံသားတွေ ကိုရောပေါ့။ ဒါ့အပြင် အကျိုးဆက်အနေနဲ့ တတိယကမ္ဘာစစ်ကို ဦးတည်သွားနိုင်ပါတယ် ” ဟု အိုကီးဖီးက မှတ်ချက်ပြုခဲ့သည်။

ဝါရှင်တန်(Washington) မှ မည်သည့်လက်နက်ဖြုတ်သိမ်းရေးဆွေးနွေးပွဲ၌မဆို ပါဝင်ရန်သဘောတူညီမှု ဆိုသည်မှာ အလွန် ရယ်ဖွယ်ကောင်းလှကြောင်း၊ အဘယ်ကြောင့်ဆိုသော် သူတို့ထံတွင် လျှို့ဝှက် သိမ်းဆည်းထားသော လက်နက်မြောက်များစွာရှိ၍ ပင်ဖြစ်ကြောင်း အိုကီးဖီးက ဆက်လက်ပြောကြား၍ “ ဒီလိုစံနစ်ကို ဆက်ပြီးကျင့်သုံးနေသရွေ့တော့ ကမ္ဘာဂြိုလ်ကြီး ဘယ်အချိန်အလုံးစုံပျက်စီးမလဲဆိုတာကို ကျွန်တော်တို့လူသားတွေအနေနဲ့ နေ့စဉ်နဲ့အမျှတွေးပူနေရမှာပဲ ” ဟု ဆိုလိုက်ပါသည်။

KA/HGH

November 1, 2013
အစ္စလာမ်ပေါ် အမြင်မှားကြောက်ရွံ့မှုအား ချေဖျက်ရန် ကယ်လီဖိုးနီးယား တောင်ပိုင်းတွင် ဗလီဖွင့်လှစ်နေ့ ကျင်းပ

အောက်တိုဘာ- ၃၁ ၂၀၁၃
M-Media

ဆန်ဒိုင်းဂိုး မှ လော့စ်အင်းဂျလိစ် တလျှောက်ရှိ ဗလီဝတ်ကျောင်းတော်များသည် တနင်္ဂနွေနေ့တွင် ဘာသာပေါင်းစုံအတွက် တံခါးဖွင့်လှစ်ပေးခဲ့သည်။ ကယ်လီဖိုးနီးယားတောင်ပိုင်းရှိ အစ္စလာမ့်ရှူရာကောင်စီမှ “ဗလီဖွင့်လှစ်နေ့” အဖြစ် ၁၂ ကြိမ်မြောက် တာဝန်ယူကျင်းပသည်။ ၂၀၀၁ ခုနှစ်၊ စက်တင်ဘာ ၁၁ ရက်တိုက်ခိုက်မှု နောက်ပိုင်း ဆယ်စုနှစ်တစ်ခုမက အမေရိကန်၌ ယနေ့တိုင် စိမ့်ဝင်နေလျက်ရှိသော အစ္စလာမ်ပေါ်အမြင်မှားကြောက်ရွံ့မှု နှင့် မွတ်စ်လင်မ်များပေါ် မှားယွင်းသည့် အစွဲများကို ချေဖျက်နိုင်ရန်၊ နားလည်မှုကို ပိုမို ဖန်တီးပေးနိုင်ရန် ယင်းသို့ ရည်ရွယ်ဆောင်ရွက်ခြင်းဖြစ်သည်။

ခရစ်ယာန်များ ချာ့ခ်ျကျောင်းတက်လေ့ရှိသည့် တနင်္ဂနွေနေ့၌ မွတ်စ်လင်မ်များက မိမိတို့ဝတ်ပြုနေရာတွင်းသို့ ၀င်ရောက်လေ့လာနိုင်ရန် နှင့် မေးခွန်းများမေးမြန်းနိုင်စေရန် လူထုအား ဖိတ်ခေါ်ခဲ့ကြသည်။ တောင်ပိုင်း ကယ်လီဖိုးနီးယားအစ္စလာမ့် စင်တာ၏ အစ္စလာမ့်ရေးရာ ဒါရိုက်တာ Ahmed Asim Buyuksoy က “ ဗလီ ဖွင့်လှစ်နေ့ပြုလုပ်ခြင်းရဲ့ ရည်ရွယ်ချက်ကတော့ ဘာသာတရား အမျိုးမျိုး နယ်ပယ်အသီးသီးက ညီနောင်မောင်နှမတွေကို ကျွန်တော်တို့ရဲ့ ယဉ်ကျေးမှု၊ သာသနာ၊ လူ့အသိုင်းအ၀ိုင်းများနဲ့ ထိတွေ့ရင်းနှီးပေးဖို့သာ ဖြစ်ပါတယ် ” ဟု ပြောပြသည်။

ဗလီဖွင့်လှစ်နေ့အကြောင်းကြားသိ၍ ချာ့ခ်ျကျောင်းဝတ်တက်မှုအပြီး လာရောက်လည်ပတ်သူ Glorianna Pionati မှ “ လူတွေလှည့်ပတ်သွားလာ ကြည့်ရှုနေကြတာ၊ ပြုံးရွှင်နွေးထွေးစွာ ကြိုဆိုတဲ့သူတွေကို မြင်ရတာ ကျွန်မအဖို့ ထူးထူးခြားခြား စိတ်ချမ်းသာရပါတယ် ” ဟု ဆို၏။

စတိဗ် အမည်ရှိသူတစ်ယောက်က “ အစ္စလာမ်ထဲရှိနေတဲ့ ဆိုးဝါးတဲ့အချက်တစ်ချို့အပေါ်ဆွေးနွေးဖို့ ကျွန်တော် ဒီကို ရောက်လာခြင်းဖြစ်တယ်။ တကယ်တမ်းကျတော့ ကုရ်အာန်ဟာ အမုန်းတရား၊ သတ်ဖြတ်ခြင်းနဲ့ အကြမ်းဖက်မှုတွေ အစား တရားမျှတမှုနဲ့ တန်ဖိုးထားမှုကို ပေးအပ်နေခြင်းသာဖြစ်ပါတယ် ” ဟု ပြောပြခဲ့သည်။

အမေရိကန်မွတ်စ်လင်မ်တစ်ဦးဖြစ်သော Amaani Shams မှ “ အကြောင်းမလှစွာနဲ့ မသိနားမလည်မှုတွေ ၀ိုင်းရံနေတုန်း ဖြစ်နေတယ်။ အစ္စလာမ့် ကျင့်ရပ်နဲ့ မွတ်စ်လင် မ်အကြောင်းကို အမေရိကတခွင်လုံး သိနားလည်စေ လိုပေမယ့်လည်း အစ္စလာမ်အသိုင်းအ၀ိုင်းအပေါ် အမုန်းတရားတွေ အလွယ်တကူ ၀င်ရောက်အောင် တွန်းအားပေးနေတဲ့ သူတွေကလည်း ရှိနေကြတယ်လေ ” ဟု ဆိုသည်။

“ လူမှုမီဒီယာထဲ တွေ့မြင်နေရတဲ့အချက်က လူတွေကို လွှမ်းမိုးထားကြတယ်။ အဲ့ဒီအထဲမှာ တလွဲတချော် အချက်အလက်တွေ၊ တစ်ဖက်သတ် အစွဲတွေ အမြောက်အများ ပါဝင်နေတယ်။ အဲ့ဒါက ကျွန်တော်တို့ဟာ လူတွေထင်မြင်သလို မဟုတ်ဘူးဆိုတဲ့ အချက်ကို ပြသနိုင်ဖို့အတွက် ဖိအားဖြစ်လာစေပါတယ် ” ဟုဆိုကာ Mahmoud Abdel-Baset မှ မီဒီယာ၏ မှိုင်းတိုက်မှုအား ရှင်းပြခဲ့သည်။

တောင်ပိုင်း ကယ်လီဖိုးနီးယား အစ္စလာမ့်စင်တာအဖွဲ့ဝင် Saleh Kholaki မှ “ ကျွန်တော်ဟာ ဘာသာတရားချင်း မတူသော်လည်း ကျွန်တော်တို့ လူ့ဘောင် အသိုင်းအ၀ိုင်း တစ်ခုလုံးအပေါ် ကောင်းကျိုးလိုလားမှု၊ တန်ဖိုးထားမှုနဲ့ မိသားစုစိတ်ဓာတ်မှာ အခြားသူများ အတိုင်း တစ်ထေရာတည်းဖြစ်ပါတယ် ” ဟုဆိုကာ အမေရိကန် မွတ်စ်လင်မ်တို့သည် နိုင်ငံ အချို့ရှိ အစွန်းရောက် မွတ်စ်လင်မ်များနှင့်ခြားနားလျက် သာသနာ့အမြင်၌ ဘက်ညီမျှတမှု ရှိကြောင်း၊ အမေရိကန်ရှိ မွတ်စ်လင်မ်များနှင့် မွတ်စ်လင်မ် မဟုတ်သူတို့အကြားဝယ် ကွဲပြားခြားနားခြင်းထက် တူညီခြင်းက ပိုမိုများပြားကြောင်း၊ မိမိကဲ့သို့ မွတ်စ်လင်မ်များသည် ဗလီဖွင့်လှစ်နေ့၏ ရည်ရွယ်ချက်များ အတိုင်း မျှော်လင့်ချက်ထား ရှိကြောင်း ရှင်းလင်းတင်ပြခဲ့သည်။

Ref:Islam.ru
—————————————-
** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
စီးပွားဖြစ် ထုတ်ဝေသော Print Media များတွင် အသုံးပြုလိုသူများ M-Media သို့ ခွင့်ပြုချက်တောင်းရန် လိုအပ်ပါမည်။
ဆက်သွယ်ရန် [email protected]

October 31, 2013
အိမ်ဖြူတော်အတွင်းသို့ ဖြတ်ကျော်မောင်းနှင်ခဲ့သည့် ကားတစ်စီးအား ရဲတပ်ဖွဲ့ဝင်များမှ ပစ်ခတ်ဖမ်းဆီး

အောက်တိုဘာ ၄၊ ၂၀၁၃
M-Media

အမေရိကန်နိုင်ငံ ၀ါရှင်တန်ဒီစီရှိ အိမ်ဖြူတော်မှ လွှတ်တော်အထိ ကားဖြင့် ဖြတ်ကျော်မောင်းနှင်ခဲ့သည့် အမျိုးသမီးတစ်ဦးမောင်းနှင်လာသည့်ကားအား ရဲများက ပစ်ခတ်ဖမ်းဆီးခဲ့သည်ဟု သိရသည်။
အဆိုပါအမျိုးသမီးမှာ အသက် ၁-နှစ်အရွယ်ရှိ ကလေးငယ်တစ်ဦးကို တင်ဆောင်လာသည့် အနက်ရောင် sport car ဖြင့် အိမ်ဖြူတော်နှင့် လွှတ်တော်တစ်ဝိုက်ရှိ တားထားသော အတားအဆီးများကို ဖြတ်ကျော်ကာ လွှတ်တော်အနီး ၂ -မိုင်အကွာအဝေးအထိ ၀င်ရောက်သွားခဲ့သောကြောင့် လုံခြုံရေးရဲများက ပစ်ခတ်ဖမ်းဆီးခဲ့ရာမှ သေဆုံးသွားခဲ့သည်။

ထိုအမျိုးသမီး၏ ကားအား ရဲကားများက နောက်မှလိုက်၍ တားဆီးခဲ့သော်လည်း အရှိန်လျှော့ချခြင်းမပြုခဲ့ပဲ ထိုကားဖြင့် ရဲကားတစ်စီးအား တိုက်မိခဲ့သောကြောင့် ရဲတပ်ဖွဲ့ဝင်တစ်ဦး ဒဏ်ရာရရှိခဲ့သည်။ ၀ါရှင်တန် ရဲတပ်ဖွဲ့အကြီးအကဲ ကေသီ လိန်နီယာက အသေးစိတ်အချက်အလက်များကို ထုတ်ဖော်ပြောဆိုရန် ငြင်းဆိုခဲ့ပြီး အဖြစ်အပျက်များကို ဆက်လက်စုံစမ်းစစ်ဆေးနေသည်ဟု ပြောဆိုခဲ့သည်။

“(ကားပေါ်မှာပါလာတဲ့) ကလေးငယ်က ၁-နှစ်လောက်ရှိပြီး ဘာမှမထိခိုက်ပါဘူး။ ကလေးငယ်ကို တာဝန်ရှိသူတွေက စောင့်ရှောက်ထားပါတယ်” ဟု ကေသီက ပြောကြားခဲ့ပြီး လုံခြုံရေးတပ်ဖွဲ့ဝင်များ၏ လုပ်ဆောင်ပုံနှင့်ပက်သက်၍ “အိမ်ဖြူတော်နဲ့လွှတ်တော်အနီးတစ်ဝိုက်မှာ လုံခြုံရေးအဆီးအတားတွေ ချထားပါတယ်။ ရဲတပ်ဖွဲ့ဝင်တွေက သူတို့လုပ်ရမယ့်အရာကို လုပ်ခဲ့တာပါ။ အိမ်ဖြူတော်နဲ့ လွှတ်တော်နှစ်နေရာစလုံးမှာ အတားအဆီးတွေကို ဖြတ်ကျော်မောင်းနှင်ခဲ့တဲ့ အဲဒီအမျိုးသမီးကို လုံခြုံရေးဝန်ထမ်းတွေက ထားခဲ့ကြပါတယ်” ဟု သူမက ထပ်လောင်းပြောကြားခဲ့သည်။
Ref : aljazeera

October 4, 2013
အမေရိကန်တွင် အစ္စလာမ်အပေါ် အမြင်မှားကြောက်ရွံ့အောင် လုပ်ကြံ ဖန်တီးသူများကို ဖော်ထုတ်ထားသော စာတမ်းထွက်ရှိလာ

စက်တင်ဘာ၊ ၂၂
M-Media

အမေရိကန်နိုင်ငံတွင် အစ္စလာမ်အပေါ် အမြင်မှားကြောက်ရွံ့အောင် ဖန်တီးသူတို့၏ ကွန်ရက်အကြောင်းကို အမေရိကန် မွတ်စ်လင်မ် လူ့အခွင့်အရေးအုပ်စု တစ်ခုမှ ဖော်ထုတ် တင်ပြလိုက်သည်။ ယင်းဖော်ထုတ်မှုတွင် အစ္စလာမ် ဆန့်ကျင်ရေး အုပ်စုများသည် ၂၀၀၈ ခုနှစ်မှ ၂၀၁၁ ခုနှစ်အတွင်း ထောက်ပံ့ငွေပေါင်း ဒေါ်လာ ၁၁၉ သန်းကျော် ရရှိခဲ့ကြောင်း ဖွင့်ချထား၏။

“ ဒီတင်ပြချက်က ကျွန်တော်တို့လူ့အသိုင်းအ၀ိုင်းထဲ အစ္စလာမ်ကြောက်ရောဂါ ဖော်ဆောင် သွတ်သွင်းနေတဲ့အုပ်စု အကြောင်းကို သိသွားစေခဲ့ပါတယ်။ အစ္စလာမ်နဲ့ပတ်သက်ပြီး အတူ ယှဉ်တွဲနေထိုင်ရေးနဲ့ပတ်သက်ပြီး ကျွန်တော်တို့ရဲ့ နိုင်ငံ့လမ်းစဉ်အပေါ် ဒီအုပ်စုတွေရဲ့ပယောဂကိုသာမက၊ အနာဂတ် ကာကွယ်ရေးတွေကိုပါ စာဖတ်သူတွေဆီ ဖွင့်ချနိုင်ခဲ့ပါတယ် ” ဟု အစ္စလာမ်ကြောက်ရောဂါ စောင့်ကြည့်ရင်ဆိုင်ရေး ဌာနဖြစ်သော ၀ါရှင်တန်အခြေစိုက် အမေရိကန်-အစ္စလာမ် ဆက်ဆံရေးကောင်စီ (Council on American-Islamic Relations – CAIR)၏ ညွှန်ကြားသူ ကိုရီစေလာ(Corey Saylor) မှ သတင်းစာ ရှင်းလင်းပွဲ တစ်ခုတွင်ပြောကြားခဲ့ကြောင်း OnIslam.net က တင်ပြခဲ့သည်။

Legislating Fear: Islamophobia and its Impact in the United States ဟုခေါင်းစဉ် တပ်ထားသော အဆိုပါစာတမ်းကို စက်တင်ဘာ ၁၉ ရက်၊ ကြာသပတေးနေ့က ထုတ်ပြန်ခဲ့သည်။

၂၀၁၁-၂၀၁၂ ခုနှစ်အတွင်း အမေရိကန်ပြည်ထောင်စု၌ အစ္စလာမ်ကြောက် ရောဂါအား အဓိကကြံဆောင်ပြီး အစ္စလာမ့်ဆန့်ကျင်ရေး ကွန်ယက်၏ အတွင်းပိုင်း ဗဟိုချက်မအသွင် တည်ရှိနေသည့် အဖွဲ့အစည်းပေါင်း ၃၇ ဖွဲ့ကို ဖော်ပြထား၏။

အစ္စလာမ်နှင့် မွတ်စ်လင်မ်တို့အား မုန်းတီးရန်ငြိုးကြီးထွားအောင်ကြံဆောင်မှု၌ မပါဝင်သော်လည်း အားပေးအားမြှောက်လုပ်ဆောင်လေ့ရှိသည့် အုပ်စုပေါင်း ၃၂ ခုကိုလည်း ထပ်မံဖော်ပြထားသည်။ ၄င်းတို့မှာ ကွန်ယက်၏ ပြင်ပရုပ်လုံးများ ဖြစ်ကြသည်။

ဤစာတမ်းပြုစုစဉ် နှစ်နှစ်တာ ကာလတစ်လျှောက် အစ္စလာမ်ဘာသာရေးထုံး ဓလေ့များကို အဆိုးမြင်အောင် လုပ်ကြံချက်ပေါင်း ၇၈ မျိုးမှာ ပြည်နယ်ပေါင်း ၂၉ ခုနှင့် ကွန်ကရက်လွှတ်တော်သို့ ရောက်လာခဲ့၏။

၎င်းတို့အနက် အချက်အလက်ပေါင်း ၆၂ မျိုးမှာ American Freedom Law Center မှ ပညာရှင်တစ်ဦးဖြစ်သူ David Yerushalmi က ဖန်တီးခဲ့ပြီး ၄င်းသူမှာ ကွန်ရက်၏ ပင်တိုင်အမာခံစာရင်း၌ ပါဝင်နေသည်။

ယခုစာတမ်းသည် အမေရိကန်ပြည်ထောင်စု အတွင်း အစ္စလာမ်ကြောက်ရောဂါနှင့် စပ်လျဉ်း၍ CAIR ၏ ဒုတိယမြောက် တင်ပြချက်ဖြစ်သည်။ Same Hate, New Target အမည်ရှိသော ပထမစာတမ်းကို ၂၀၁၀ ခုနှစ်တွင် ထုတ်ဝေခဲ့သည်။ ၄င်း၌ အစ္စလာမ်ဆန့်ကျင်ရေး လှုပ်ရှားမှုသည် အမေရိကန် သမိုင်းတစ်လျှောက် လူနည်းစုဝင်များကြုံတွေ့ရသော ပြဿနာများအနက် အကြီးမားဆုံးဟု ဖော်ပြထားသည်။

အမေရိကန်တွင် အစ္စလာမ်ကြောက်ရောဂါသွတ်သွင်းမှု လမ်းကြောင်းသည် စိုးရိမ်ရသော အခြေအနေသို့ရောက်လာကြောင်း ဖော်ပြ၍ CAIR တာဝန်ရှိသူများက ၄င်း၏အန္တရာယ်မှာ အမေရိကန်မွတ်စ်လင်မ်တို့၏ဘ၀ကို ပြင်းစွာထိခိုက်လျက်ရှိကြောင်း ဝေဖန်လိုက်သည်။

“ အမေရိကန်မွတ်စ်လင်မ်တွေဟာ နေ့စဉ်နဲ့အမျှ ခွဲခြားဆက်ဆံမှုကို ကြုံတွေ့နေရတယ်။ အစ္စလာမ်ကြောက်ရောဂါက မွတ်စ်လင်မ်တွေရဲ့ဘ၀လုံခြုံမှုကို ခြိမ်းခြောက်တဲ့အဆင့် ရောက်နေပါပြီ ” ဟု CAIR ၏ အလုပ်အမှုဆောင်ဒါရိုက်တာ Nihad Awad မှ ၀ါရှင်တန်ပို့စ်သို့ ပြောကြားခဲ့သည်။

အစ္စလာမ်အပေါ်အမြင်မှားကြောက်ရွံ့အောင်ဖန်တီးသူများက အမေရိကန်မွတ်စ်လင်မ်ပေါ်ရှိသော လူထုအမြင်ကို အဆိုးဖက်သို့ပြောင်းလဲစေပြီး၊ အစ္စလာမ်မုန်းတီးရေးဝါဒဖြန့်ချက်နှင့်စရိုက်လက္ခဏာများ မြှင့်တက်ကြီးထွားရန် ပြုလုပ်ခဲ့ကြသည်ဟု Awad က ဆိုသည်။

“ အဲ့ဒီလိုလူစားတစ်ဦးချင်းစီဖြစ်စေ အုပ်စုလိုက်ဖြစ်စေ တိုက်ခိုက်မှုကို ကျွန်တော်တို့ ခံစားနေရဦးမှာဖြစ်တယ်။ အစ္စလာမ်ကြောက်ရောဂါ ကူးစက်ခံရသူတွေအနေနဲ့ အမြင်ရှင်းစေဖို့ရည်ရွယ်ပြီး ဒီစာတမ်းကို ကျွန်တော်တို့ ထုတ်ဝေရခြင်းဖြစ်ပါတယ် ” ဟု သူက ရှင်းပြခဲ့သည်။

အမေရိကန်ပြည်ထောင်စု၌ မွတ်စ်လင်မ်ဦးရေသည် ၇ သန်းမှ ၈ သန်းအထိ ရှိမည်ဟုခန့်မှန်းထားကြသည်။ ၄င်းတို့သည် မိမိတို့၏နိုင်ငံအပေါ် သစ္စာစောင့်ထိန်းလျက် အကောင်းမြင်သူများဖြစ်ကြောင်း စစ်တမ်းတစ်ရပ်က ဖော်ပြခဲ့သည်။ ၉/၁၁ တိုက်ခိုက်မှု နောက်ပိုင်းမှစ၍ များစွာသော မွတ်စ်လင်မ်တို့မှာ မိမိတို့၏ အစ္စလာမ့်ဝိသေသများကြောင့် ခွဲခြားနှိမ့်ချချိုးနှိမ်ဆက်ဆံမှုကို ခံစားနေခဲ့ကြရသည်ဟု ဆိုကြပါသည်။

September 22, 2013
၉-၁၁ နှစ်ပတ်လည် ပြုလုပ်မည့်နေရာတွင် ကုရ်အာန်ကျမ်းစာအုပ်များ မီးရှို့ရန် ကြံစည်ထားသော အမေရိကန်နိုင်ငံသား တယ်ရီဂျုံး ဖမ်းဆီးခံရ

စက်တင်ဘာ၊ ၁၂ ၊
M-Media

မိုင်ယာမီ။ ။ ဖလော်ရီဒါပြည်နယ်မှ အငြင်းပွားဖွယ်ရာပြုလေ့ရှိသော ပရိုတက်စတင့် ဘုန်းကြီးတစ်ဦးသည် ၉/၁၁ တိုက်ခိုက်မှုနှစ်ပတ်လည် အထိမ်းအမှတ်အဖြစ် ပုံနှိပ်ကုရ်အာန် ၃၀၀၀ ကို ရေနံဆီစိမ်ထားကာ မီးရှို့မည့်ဆဲဆဲ ဖမ်းဆီးခံရသည်ဟု အမေရိက မီဒီယာများက ဆိုသည်။

၎င်း တယ်ရီဂျုံးစ်(၆၁ နှစ်)အား Tampa အနီးရှိ Mulberry မြို့၌ ထိန်းသိမ်းထားရှိခဲ့ပြီး၊ လောင်စာများကို တရားမ၀င် သယ်ဆောင်မှု နှင့် ပြောင်ပြောင်တင်းတင်း မီးရှို့ရန်ကြံစည်မှုဖြင့် အရေးယူထားကြောင်း the Orlando Sentinel မှ ဖော်ပြသည်။

အာဏာပိုင်များ၏အဆိုအရ ဂျုံးစ်သည် ပစ်ကပ်ကားတစ်စီးဖြင့် ရေနံဆီစိမ်ထားသည့် ကုရ်အာန်ကျမ်း စာအုပ်များကို နောက်တွဲယာဉ် အတွင်းထည့်၍ သယ်ဆောင်လာခဲ့သည့်အပြင် ထရပ်ကားနောက်ခန်းတွင် လောင်စာဆီများကိုလည်း ပုလင်းများဖြင့် အပိုဆောင်း ယူဆောင်လာခဲ့သည်ဟု ဆိုသည်။

သမ္မတဘားရက်ခ် အိုဘားမားမှ ဆီးရီးယားအား စစ်ရေးအရ အရေးယူရလိမ့်မည်ဟု အသံထုတ်ထားချိန် အရှေ့အလယ်ပိုင်း၌ တင်းမာမှုကြီးထွားနေစဉ် ဂျုံးစ်က မွတ်စ်လင်မ်တို့တန်ဖိုးထားသော ကုရ်အာန်ကျမ်းစာအုပ်ကို လူအများရှေ့ မီးရှို့ပြရန်ကြံစည်ခဲ့ခြင်း ဖြစ်သည်။

၂၀၀၁ ခုနှစ်၊ စက်တင်ဘာ ၁၁ ရက် တိုက်ခိုက်ခံရသူများ အတွက် အောက်မေ့ဖွယ်ရာအဖြစ် Tampa Bay နေရာတွင် ကုရ်အာန် စာအုပ်ပေါင်း ၂၉၉၈ အုပ်ကို မီးရှို့ရန်ရည်ရွယ်သည်ဟု ဂျုံးစ်၏ ၀က်ဘ်ဆိုဒ်ပေါ် ဖော်ပြထားသည်။

ဂျုံးစ် အား ကြံရာပါဖြစ်တော် ဘုန်းတော်ကြီး မာဗင် စက်ပ်(Marvin Sapp) နှင့်အတူ မီးရှို့မည့်အစီအစဉ် မပြုလုပ်မီ ဖမ်းဆီးလိုက်ခြင်းဖြစ်သည်။

ဖလော်ရီဒါပြည်နယ်၊ Gainesville ရှိ Dove World Outreach Center မှ ဘုန်းတော်ကြီး ဂျုံးစ်သည် ၂၀၁၀ ခုနှစ်ကလည်း ကုရ်အာန်စာအုပ်များကို မီးရှို့မည်ဟု ခြိမ်းခြောက်ပြောကြားခဲ့သဖြင့် အမေရိကန်ပြည်ထောင်စု အတွင်းအပြင်၌ အမျက်ဒေါသ အုံကြွမှုဖြစ်လာသောကြောင့် ၄င်း၏ အစီအစဉ်ကို ရုပ်သိမ်းခဲ့ရသည်။

သို့သော် ၂၀၁၁ ခုနှစ်တွင် သူ့နောက်လိုက်များက မွတ်စ်လင်မ်တို့၏ ကုရ်အာန်ကျမ်းဂန်ကို မီးရှို့ပြခဲ့ပြီး၊ နောက်တစ်နှစ်တွင် အစ္စလာမ် ဆန့်ကျင်ရေးရုပ်ရှင်ဇာတ်ကား တကား ထုတ်လုပ်ရေးကို ၄င်းမှ ဦးဆောင်ခဲ့ပြန်သည်။

ယင်းဖြစ်စဉ် သုံးရပ်သည် အရှေ့အလယ်ပိုင်း နှင့် အာဖဂန်နစ္စတန်ရှိ အကြမ်းဖက်မှုများကို မီးမွှေးပေးခဲ့ခြင်း ဖြစ်သည်။

– AFP/ir
Photo-(AFP/Bill Pugliano)

September 13, 2013