Tag: US

မောင်းသူမဲ့ လေယာဉ် တိုက်ခိုက်မှု့ ၁၇ ယောက် သေဆုံးခြင်းကို ပါကစ္စတန်မှ ရှုတ်ချ

ဇူလိုင်-၄၊ ၂၀၁၃
M-Media

မီရန်ရှားဟ်(Miranshah) ၊ ပါကစ္စတန်။ ။ အမေရိကန်မောင်းသူမဲ့လေယာဉ်တစ်စီးသည် ပါကစ္စတန် အနောက်တောင်ပိုင်း ပြည်နယ်နယ်စပ်အနီးမှ အလ်ကိုင်ဒါး (Al-Qaeda) နှင့် ချိတ်ဆက်မှုရှိသော ဟတ်ကာနီ ကွန်ယက် (Haqqani network) ၏နယ်မြေတစ်ခုကို တိုက်ခိုက်ရာ လူ ၁၇ ဦး သေဆုံးခဲ့သည် ဟု ပါကစ္စတန်အာဏာပိုင်များက ဆိုသည်။

မီရန်ရှားဟ်မြို့ပိုင်နက်ထဲတွင် သေဆုံးသူများအနက် အာဖဂန် နှင့် ပါကစ္စတန် စစ်သွေးကြွများ ပါဝင်ခဲ့ကြောင်း၊ သို့သော်လည်း အဓိကအရေးပါသောပစ်မှတ် ဟုတ်မဟုတ်ကိုမူ အတည်ပြုနိုင်ခြင်းမရှိကြောင်း လုံခြုံရေးအရာရှိများက AFP သို့ ပြောကြားခဲ့သည်။

စစ်သွေးကြွတို့စုစည်းရာ ၀ါဇီရစ္စတန်(Waziristan) မြောက်ပိုင်းခရိုင်၏ အဓိကမြို့တော်ရှိ မြို့မဈေးနေရာတစ်ဝိုက်သို့ မောင်းသူမဲ့လေယာဉ်မှ ဒုံးကျဉ်လေးခုအား ပစ်သွင်းခဲ့သည်။

ကိုယ်ပိုင်အုပ်ချုပ်ခွင့်ကို စတင်ကျင့်သုံးနေသော နယ်စပ်ဒေသအတွင်းသို့ ယခုကဲ့သို့ မောင်းသူမဲ့ လေယာဉ်တိုက်ခိုက်ခြင်းအဖြစ်မှာ မရှိသလောက် ရှားပါးပြီး၊ လေယာဉ်သည် မတိုက်ခိုက်မှီ ဈေးနေရာအထက်မှ အချိန်အတော်ကြာ ပျံသန်းနေခဲ့သည် ဟု တာဝန်ရှိသူများက ဆိုသည်။

“ မောင်းသူမဲ့လေယာဉ်၏ ပစ်ခတ်မှုကြောင့် သေဆုံးသူ ၁၇ ယောက်ရှိသွားပြီ ” ဟု ၀ါဇီရစ္စတန်မြောက်ပိုင်းမှ လုံခြုံရေး တာဝန်ရှိသူက AFP သို့ပြောကြားခဲ့သည်။

ထောက်လှမ်းရေးအရာရှိများက အသေအပျောက်စာရင်းအား အတည်ပြုခဲ့ပြီး၊ ၄င်းရပ်ဝန်းသည် ဟတ်ကာနီကွန်ယက်၏ စစ်သွေးကြွများမှ ပိုင်ဆိုင်သောနေရာဖြစ်ကြောင်း၊ ထို စစ်သွေးကြွများသည်ှ အနောက်နိုင်ငံများနှင့် အာဖဂန်နိုင်ငံရှိ အစိုးရအား တိုက်ခိုက်မှုအချို့တွင် ကြောက်စရာအကောင်းဆုံး နှင့် အန္တရာယ်အများဆုံးသူများဟု အမေရိကန်မှ သတ်မှတ်ထားကြောင်း ဆိုသည်။

ယမန်နှစ်က မြောက်ဘက် ၀ါဇီရစ္စတန် နှင့် အော်ရခ်ဇာအီ (Orakzai)ခရိုင် နယ်စပ်ဒေသကြားရှိ နယ်နိမိတ်တွင် စစ်သွေးကြွ ၁၈ ယောက်အသတ်ခံခဲ့ရပြီးနောက် ယခုအဖြစ်အပျက်သည် ပါကစ္စတန်၌ လူသေမှုအများဆုံး အမေရိကန် မောင်းသူမဲ့လေယာဉ်၏ တိုက်ခိုက်မှုပင်ဖြစ်သည်။

မောင်းသူမဲ့လေယာဉ်မှဝင်ရောက်တိုက်ခိုက်မှုသည် နိုင်ငံ၏အချုပ်အခြာအာဏာအား ထိပါးချက်တစ်ရပ်အဖြစ် ပါကစ္စတန်မှ ရှုတ်ချခဲ့သည်။

အမေရိကန်သံတမန်အသိုင်းအ၀ိုင်းမှတဆင့် အသိပေးထားခြင်းမပြုဘဲ လုပ်ရိုးလုပ်စဉ်ကဲ့သို့ ဆောင်ရွက်ခြင်းမှာ နိုင်ငံခေါင်းဆောင်များက အထူးခွင့်ပြုချက်ပေးထားရာရောက်နေ၏။ ပါကစ္စတန် မောင်းသူမဲ့လေယာဉ်တိုက်ခိုက်မှုသည် ဆိုးရွားမှုကိုသာ ဖြစ်စေကြောင်း၊ အပြစ်မဲ့ပြည်သူတို့၏အသက်များ ဆုံးရှုံးခဲ့ရပြီး၊ လူ့အခွင့်အရေးနှင့် လူသားချင်းစာနာမှုကို တိုက်ရိုက်ထိခိုက်စေကြောင်း ဟု နိုင်ငံခြားရေးဝန်ကြီးဌာနမှ အစိုးရ၏သဘောထားကို ထုတ်ပြန်လိုက်သည်။

အာဖဂန်နစ္စတန်နှင့်ထိစပ်နေသော နယ်စပ်တစ်ကြောရှိ ဥပဒေမဲ့ဒေသများတွင် ခိုအောင်းလျက်ရှိသည့် တာလီဘန် နှင့် အလ်ကိုင်ဒါး စစ်သွေးကြွများကို တိုက်ခိုက်ရန် မောင်းသူမဲ့လေယာဉ်များအား မဖြစ်မနေအသုံးပြုရမည်ဟု ၀ါရှင်တန်မှ အမြင်ရှိနေသည်။

သို့သော်လည်း လွန်ခဲ့နှစ်နှစ်အတွင်း ပါကစ္စတန်တွင် မောင်းသူမဲ့လေယာဉ်တိုက်ခိုက်မှုအကြိမ်ရေ သိသိသာသာ လျော့ကျသွားခဲ့သည်။ ၂၀၁၀ ခုနှစ်၌ တိုက်ခိုက်မှုအကြိမ် ၁၀၁ ခေါက် နှင့် လူ ၆၇၀ အား သေစေခဲ့ခြင်းနှင့်နှိုင်းယှဉ်ပါက ယခုနှစ်တွင်မူ ၁၄ ကြိမ်သာ တိုက်ခိုက်မှုရှိခဲ့ပြီး လူ အယောက် ၉၀ အားသေကြေစေခဲ့သည်ဟု AFP ၏သတင်းတစ်ရပ်က ဆိုသည်။

July 5, 2013
အမေရိကန် နိုင်ငံခြားရေးဌာန၏ Facebook Page များတွင် Likes များဖို့ ဒေါ်လာ ၆ သိန်းကျော် အသုံးပြု

ဇူလိုင် ၅၊ ၂၀၁၃
M-Media

အမေရိကန် နိုင်ငံခြားရေးရာဌာနမှ နောက်ဆုံးရရှိသော သတင်းအရ အမေရိကန် အစိုးရ သည် Facebook Likes များရရှိရန် ဒေါ်လာ ၆၃၀,၀၀၀ နီးပါးကိုအသုံးပြုခဲ့သည် ဟုသိရသည်။

ဗုဒ္ဓဟူးနေ့နံနက်က ပြုလုပ်ခဲ့သော သတင်းစာ ရှင်းလင်းပွဲတွင် နိုင်ငံခြားရေးရာ ဌာနမှ ပြောရေးဆိုခွင့်ရှိသူ ဂျဲန်ပါစ်ကီး(Jen Paski) က ဌာနတွင် ကြော်ငြာဖြင့် ပတ်သက်သော အသုံးစားရိတ်အား ယခုအခါတွင် လျှော့ချလိုက်ပြီဖြစ်ကြောင်း၊ ယခင်က တစ်နှစ်လျှင် ဒေါ်လာ ၃၁၅,၀၀၀ အသုံးပြုနေခဲ့ကြောင်း၊ ယခုသော် ၃၆,၀၀၀ ဒေါ်လာသာ အသုံးပြုတော့ကြောင်း ရှင်းလင်းပြောဆိုခဲ့သည်။

“အွန်လိုင်းမှာ ကြော်ငြာခြင်း(စားရိတ်)ဟာ သိသိသာသာ ထိုးကျသွားပါတယ်။ အခုဆို ကြော်ငြာခ တစ်လကို ဒေါ်လာ ၂,၅၀၀ သာ ရှိတော့တယ် ဆိုပေမယ့် နိုင်ငံရပ်ခြားမှာနေထိုင်သူတိုင်းနဲ့ ကျယ်ကျယ်ပြန့်ပြန့် ဆက်သွယ်နိုင်သေးတဲ့အထိ ကျွန်မတို့ကို အားသာချက်ရရှိစေတုန်း ဖြစ်ပါတယ် ” ဟု ပါစ်ကီး ကဆိုသည်။

နိုင်ငံခြားရေးရာဌာန၏ စစ်ဆေးရေးမှူးမှ တင်ပြလာသော စာ ၅၇ မျက်နှာပါအစီရင်ခံစာ၌ ဌာန၏အကုန်ကျခံသုံးစွဲမှုက အစိုးရဌာနအား ကျော်ကြားသော လူမှုကွန်ရက်အတွင်း နှစ်သက်သူပိုမိုများပြားလာစေပြီး၊ ၂ နှစ်အတွင်း like ပေးသူ ၁၀၀,၀၀၀ မှ ၂ သန်းကျော်အထိ ရောက်ရှိလာကြောင်း ဖော်ပြထားခဲ့သည်။

“ အစိုးရဌာနဟာ ကြော်ငြာအစီအစဉ်နှစ်ခုမှာ ဒေါ်လာ ၆၃၀,၀၀၀ နီးပါး အသုံးပြုခဲ့ပြီး၊ အင်္ဂလိပ်လို ရေးသားထားသော Facebook စာမျက်နှာများတိုင်းအတွက် ၁၀၀,၀၀၀ မှ ၂ သန်းကျော် နှစ်သက်သူများ တိုးတက်ရရှိခဲ့ပါတယ်။ အခြားသောဘာသာစကားစာမျက်နှာများမှာလည်း ကြော်ငြာအင်အားကြောင့် ၂၀၁၂ ခုနှစ်မတ်လ ကစတင်ပြီး နှစ်သက်သူ အရေအတွက် ၆၈,၀၀၀ ကနေ ၄၅၀,၀၀၀ ကျော်ရှိလာခဲ့ပါတယ်။ အဲ့ဒီ fans တွေက အကြောင်းအရာအပေါ် အမှန်တကယ် စိတ်ဝင်စားမှု မရှိပါဘဲလျက် ကြော်ငြာ သို့မဟုတ် ဓာတ်ပုံတစ်ခုကို ကလစ်နှိပ်ပြီး Like လုပ်ချလိုက်တာဘဲ။ ပြီးတော့လည်း အဲဒါနဲ့ပတ်သက်လို့ နောက်ထပ် ပတ်သက်မှု မရှိတော့ပြန်ဘူး။ ကြော်ငြာ စီမံချက်များဟာ အဲ့လိုနှစ်သက်သူများ(fans)ကို လိုက်ဝယ်ယူနေတာနဲ့ တူတယ်လို့ ဌာနအတွင်းမှ ၀န်ထမ်းများစွာအနေနဲ့ ဝေဖန်ကြပါတယ် ” ဟု စစ်ဆေးရေးမှူးက တင်ပြသည်။

နှစ်သက်သူများ(like လုပ်သူများ) သိသိသာသာ တိုးတက်လာသော်လည်း စိတ်ဝင်တစား ပတ်သက်ခြင်း မရှိခဲ့ကြသည်မှာ အမှန်ပင်ဖြစ်၏။ အစီရင်ခံချက်အရ နှစ်သက်သူများထဲမှ ၂ ရာခိုင်နှုန်းသာ လွန်ခဲ့သော ရက်သတ္တပတ်အတွင်း တင်ထားသော အကြောင်းအရာအား စိတ်ဝင်တစား Like, Share နှင့် Comment ပြုလုပ်ခြင်းရှိသည်ကို တွေ့ခဲ့ရသည်။

နိုင်ငံခြားရေးဌာနမှ တင်ပြချက်၌ ဤသို့ဆိုထားသည်။ “ တင်ပြချက်တစ်ခုချင်းစီအတွက် တူညီခြင်း မရှိနိုင်ပါ။ အများဆုံး တုံပြန်ချက်က Like များအဖြစ်တွေ့ရပြီး၊ တင်ပြချက်များတွင် Comment နှင့် Share တို့သည် တစ်ရာအောက်၌သာ ရှိနေသည်။ သို့သော်လည်း အရမ်းထင်ရှားသော တင်ပြချက်များတွင်တော့ ရာပေါင်းများစွာ Comment နှင့် Share များရရှိသည် ကိုတွေ့ရတတ်သည် ”။

အခြေခံအားဖြင့် နိုင်ငံခြားရေးရာဌာန၏ ဆိုဒ်များတွင် နှစ်သက်သူ အမြောက်အများရှိသော်လည်း ၄င်းတို့မှာ နှစ်သက် စွဲလန်းသူများကဲ့သို့ လုပ်ဆောင်ခြင်းမျိုးကို မဟုတ်ကြောင်း၊ ဖော်ပြချက်တွင် like ပိုမိုရရှိရန် ကြိုးပမ်းမှုသည် ဌာန၏ ဦးတည်ပရိသတ်ဖြစ်သော အသက်အရွယ်ကြီးသူ နှင့် ပိုမိုအရေးပါသူများထက် စာမျက်နှာကို like နှိပ်နေသူများ သာ ဖြစ်နေသည် ဟု ထည့်သွင်းထားကြောင်း Washington Examiner ၀ါရှင်တန်မှ လေ့လာသူတစ်ဦးက ဆိုသည်။

သို့သော်လည်း စစ်ဆေးရေးမှူးမှ စိတ်ဝင်တစား ပါဝင်ဆောင်ရွက်မှုသည် အဓိကအဖြေ မဟုတ်ကြောင်း ရေးသားထားသည်။
“ ဌာနအနေနဲ့ အသုံးစားရိတ်ကိုလျှော့ချသွားပါလိမ့်မယ်။ fan နဲ့ engagement ဦးရေ တိုးတက်လာစေယုံမက၊ လူထုကြားထဲ ဒီပလိုမေစီ ချပေးနိုင်မှုဆိုတဲ့ ပန်းတိုင်ရောက်အောင် ကြော်ငြာအပေါ်အားစိုက်ခြင်းဖြင့် ထိရောက်တဲ့အခင်းအကျင်းကိုလည်း တိုးတက်စေပါလိမ့်မယ် ”။

Facebook သည် အသုံးပြုသူများ၏ News Feeds များကို ကိုင်တွယ်ပုံနည်းလမ်း ပြောင်းလဲလိုက်သောအခါ အခြေအနေသည် အဆိုးဘက်သို့ ပိုမို ရောက်ရှိသွားတတ်ကြောင်း အစီရင်ခံချက်က ဆိုထားသည်။

“ ၂၀၁၂ ခုနှစ်၊ စက်တင်ဘာလတွင် Users’ News Feeds ခေါ် အသုံးပြုသူများ၏တင်ပြချက်များတွင် မူလပုံဟန်အား Facebook မှပြောင်းလဲလိုက်သည်။ သက်ဆိုင်ရာဝက်ဘ်ဆိုဒ်မှ စပွန်ဆာပေးထားသော story ads ကြော်ငြာပရိုဂရမ်အား ဆက်လက်ပြသနေစေရန် ၀ယ်ယူထားခြင်းမရှိပါက အသုံးပြုသူသည် ဆိုဒ်ထဲတွင် တင်ထားသောအရာအား စိတ်ဝင်စားစွာ တုံ့ပြန်မှုမရှိခဲ့သော် ကာလအပိုင်းအခြားတစ်ခုလွန်လျှင် ထိုတင်ပြချက်သည် Users’ News Feeds ၌် ဖော်ပြခြင်း မခံရတော့ချေ။ ထိုအပြောင်းအလဲသည် နှစ်သက်လာနိုင်သူ အမြောက်အများရရှိမှုကို လျော့ပါးစေခဲ့သည်။ ဆိုလိုသည်မှာ IIP (Bureau of International Information Programs) နိုင်ငံခြားရေးဌာနသည် story ads များအတွက် ငွေကြေးဆက်လက်သုံးစွဲသွားရပါမည်။ သို့မဟုတ်ပါက လက်ရှိစိတ်ဝင်စားသူစာရင်းမှာ အလျင်အမြန် တရှိန်ထိုး လျော့နည်းကျဆင်းသွားလိမ့်မည်ဖြစ်သည် ”။

Ref: Yahoo News

July 5, 2013
ဂွန်တာနာမို အကျဉ်းထောင်မှ အဗ်ဒလ် ဟာဒီ ဖရာ့ဂ်ျ ၏ ပေးစာ

ဇူလိုင်-၂ ၊ ၂၀၁၃

M-Media
ယခုစာဟာ ကြောက်မက်ဖွယ်ရာ အကျဉ်းထောင်အခန်းလေးထဲက သံချေးတက်နေတဲ့တိုင်တွေနောက်ကနေ ပြင်ပလောကဆီ ပို့လွှတ်လိုက်တဲ့ ခေါ်သံတစ်ခုပါ။ ဒီအကျဉ်းထောင်အတွင်းက ဖြစ်ပျက်နေတာကို ခင်ဗျားတို့သိကြပါသလား ?

ကျွန်တော်တို့အကျဉ်းသားတွေ ဒီနေရာကို ရောက်နေတာ နှစ်ရှည်လများကြာခဲ့ပါပြီ။ ၂၀၀၂ ခုနှစ်ကနေ ယခု ၂၀၁၃ ခုနှစ်အထိပေါ့။ သို့သော်လည်း အမေရိကန်အစိုးရမှ ဒီပြဿနာကိုဖြေရှင်းဖို့ စိတ်ဝင်စားပုံမရပါဘူး။ လွန်ခဲ့တဲ့ လပိုင်း အချိန်တွေဟာ အကျဉ်းသားတွေအတွက် အကြမ်းတမ်းဆုံး ဖြတ်သန်းခဲ့ရတဲ့ ကာလများသာဖြစ်တယ်။ ဘုရ်ှ (Bush) လက်ထက်မှာတုန်းက အဖြေဆိုတာ ရှိလာမယ်လို့ မျှော်လင့်ချက်ရှိသေးပေမယ့်၊ အိုဘားမား (Obama) လက်အောက်ရောက်တဲ့အခါ ယခု ပြသနာအပေါ် ဖြေရှင်းပေးဖို့ဆန္ဒမရှိတော့ဘူးလို့တောင် ထင်မိပါတယ်။

ကျွန်တော် တစ်ချိန်က အခြားအကျဉ်းသားများနှင့်အတူ Camp Six မှာ နေခဲ့ရသေးတယ်။ အခုတော့ ကျွန်တော်တို့အားလုံးကို သီးသန့်မြေတိုက်ခန်းတစ်ခုစီမှာ ပိတ်ခံရတယ်။ ကျွန်တော်တို့အတွက် တစ်နေ့မှာ နှစ်နာရီသာ ကိုယ်လက်လှုပ်ရှားသွားလာခွင့်ရရှိတယ်။ အကျဉ်းသားအချို့က အစာအငတ်ခံ ဆန္ဒပြခဲ့ကြတယ်။ အဲ့ဒါကို အမေရိကန် စစ်တပ်မှ တုန့်ပြန်အရေးယူတာကြောင့် သူတို့ရဲ့မြေတိုက်ခန်းထဲကနေ ထွက်မလာနိုင်တော့တဲ့အထိ အလွန်ကို အားအင်ဆုတ်ယုတ်ပြီး၊ ဖျားနာနေကြပါပြီ။

အစာငတ်ခံဆန္ဒပြသူများအပေါ် စစ်တပ်က နည်းလမ်းအမျိုးမျိုးနဲ့ ညှင်းပန်းနှိပ်စက်တယ်။ ရိုက်နှက်တာ၊ ရာဘာကျည်ဆန်တွေနဲ့ပစ်တာ၊ ပြီးတော့ မျက်ရည်ဗုံးတွေသုံးတာ စသဖြင့်ပေါ့။ ကျွန်တော့်တို့ရဲ့ အကျဉ်းခန်းထဲက ပစ္စည်းပစ္စယမှန်သမျှသိမ်းယူတယ်၊ သွားတိုက်တံကနေ စောင်တွေ၊ စာအုပ်တွေကိုပါ မချန်ဘူး။ ပြီးတော့ ကျွန်တော်တို့ကို အေးစက်နေတဲ့၊ ပြူတင်းပေါက်တောင်မရှိတဲ့၊ နေရောင် နဲ့ လေကောင်းလေသန့်တွေ မ၀င်ရောက်နိုင်တဲ့ အခန်းကျဉ်းလေးများမှာ ပိတ်လှောင်ထားကြတယ်။ တစ်ခါတစ်လေ ကျွန်တော်တို့အဖို့ နေ့လား၊ ညဉ့်လားဆိုတာကိုတောင်မှ မခွဲခြားမသိရှိနိုင်ကြတော့ပါဘူး။

ထောင်သားတွေရဲ့ မျိုးပွားအင်္ဂါနဲ့ စအိုများကို ထောင်စောင့်များက တစ်နေ့အတွင်း အနည်းဆုံး ၁၀ ကြိမ် မက စစ်ဆေးမှုတွေပြုလုပ်ကြတာဟာ ထောင်စောင့်တွေရဲ့ မူမမှန်ပုံကို ပြနေတယ်။

နေ့စဉ်နေ့တိုင်း ကျွန်တော့်ကို လှုပ်သာလှည့်သာမရှိတဲ့ထိုင်ခုံမှာ အတင်းအကြပ်ထိုင်ခိုင်ပြီး လက်၊ ခြေထောက် နဲ့ ရင်ဘတ်ကို ကြိုးများနဲ့ တုပ်နှောင်ကြတယ်။ ဗလကောင်းကောင်း အကျဉ်းထောင်စောင့်များက သူတို့လက်နှစ်ဖက်သုံးပြီး ကျွန်တော့်ခေါင်းကို ချုပ်ကိုင်ဖိညှပ်ကြတယ်။ ကျွန်တော်ဖြင့် ကျွန်တော့်ဦးခေါင်းခွံ ကွဲကြေသွားမလားလို့တောင် ထင်မိတယ်။ အဲ့ဒီနောက် သူနာပြုလို့အမည်ခံထားသူများက ကျွန်တော့်နှာခေါင်းထဲ ဆေးသွင်းပိုက်ထူတစ်ခုကို ကြမ်းကြမ်းတမ်းတမ်း ထိုးသွင်းလိုက်တယ်။ ကျွန်တော့် နှာခေါင်းနဲ့ ပါးစပ်က သွေးများယိုစီးကျလာတယ်။ အဲ့ဒီအခါ နပ်စ်တွေက ဆေးရည်များကို အထိန်းအကွပ်မရှိပဲ မိုင်ကုန်လွှတ်လိုက်ကြတယ်၊ ဖြစ်လာတဲ့နာကျင်မှုဟာ မဖော်ပြတတ်နိုင်အောင်ပါပဲဗျာ။

သိပ်မကြာခင်မှာပဲ နပ်စ်တစ်ယောက်ဟာ ၀ုန်းကနဲ ကျွန်တော့်နှာခေါင်းထဲက ဆေးသွင်းပိုက်ကို ခပ်ကြမ်းကြမ်းပြန်ဆွဲထုတ်ပြီး၊ ကျွန်တော့်ပုခုံးပေါ် ပစ်တင်လို့ အခန်းအပြင်ကို ထွက်သွားခဲ့တယ်။ ကျွန်တော် အခန်းထဲမှာတော့ ကြိုးတုပ်ထားလျက်ကျန်ရစ်ခဲ့ပါတယ်။ အချိန်နည်းနည်းကြာပြီးနောက် ပြန်ရောက်လာလို့ ကျွန်တော့်နှာခေါင်းထဲ အာဟာရပိုက် ပြန်ထည့်ဖို့ပြင်တယ်၊ ကျွန်တော်က သူ့ကို ပြန်လည်သန့်စင်ပြီးမှ ထည့်ဖို့ ပြောပေမယ့်လည်း သူက ကျွန်တော့် စကားကို အရေးမစိုက်ခဲ့ဘူး။

ဒီအဖြစ်အပျက်ကို အခြားနပ်စ်တစ်ဦးဆီ ကျွန်တော် ပြန်လည်တိုင်ကြားတဲ့အခါ အဲ့ဒီ နပ်စ်က ကျွန်တော့်အနေနဲ့ အငတ်ခံ ဆန္ဒပြမှု မရပ်ဆိုင်းခဲ့ယင် အစာပိုက်ပြွန်ကို ကျွန်တော့်နှာခေါင်းမှ မထည့်ပဲ တင်ပါးကနေထည့်ပစ်မယ်လို့ ခြိမ်းချောက်ခဲ့တယ်။

ဒီကိစ္စကို ကျန်းမာရေးမှူးးကြီးဆီ တင်ပြတဲ့အခါကျတော့လည်း ကျွန်တော့်ရဲ့ဆန္ဒပြမှုကို ဆက်လုပ်နေဦးမယ်ဆိုယင် ကျွန်တော့်ကို အိပ်ရာပေါ် သားရေပတ်များဖြင့် တုတ်နှောင်ပြီး အမျိုးသားတန်ဆာထဲ ပြွန်တစ်ခုပြီးမှ ဆီးသွားစေမယ် လို့ ခြိမ်းချောက်ပြန်ပါတယ်။

နှိပ်စက်မှုကြောင့် ဆိုးဆိုးရွားရွား အရိုးအဆစ် နာကြင်ကိုက်ခဲတာ၊ မှတ်ဥာဏ်အားနည်းသွားတာ၊ အာရုံစုစည်းရခက်ခဲတာ၊ အမြဲတမ်း စိတ်ရှုပ်ထွေးနေရတာ စတဲ့ ဝေဒနာတွေကို ခံစားနေရတယ်။ အဲ့ဒီလို ခံစားနေရတာ ကျွန်တော်တစ်ဦးတည်းလို့ ထင်မြင်နေခဲ့မိပေမယ့် အစာငတ်ခံဆန္ဒပြသူအများအပြားဆီမှာလည်း အလားတူလက္ခဏာများဖြစ်နေကြောင်း ကြုံဆုံတွေ့မြင်လာရတယ်။ တစ်ချို့သူတွေဟာ သူတို့ကိုယ်သူတို့သတိမထားမိပဲ တစ်ဦးတည်းရှိနေလျက် မိမိဖာသာ စကားကျယ်ကျယ်ပြောနေတတ်တဲ့အထိပါဘဲ။

ဒါပေမယ့် နိုင်ငံတော်တော်များများမှာ ကျွန်တော်တို့ရဲ့ဒုက္ခများအတွက် ငြိမ်းချမ်းစွာ ဆန္ဒထုတ်ဖော်မှုများ ပြုလုပ်နေတယ်ဆိုတာ ကျွန်တော်တို့သိကြပါတယ်။ အမေရိကန်နိုင်ငံအတွင်းမှာပင်လျှင် အမေရိကန်အစိုးရအနေနဲ့ နိုင်ငံ့ဂုဏ်သိက္ခာကို ထိပါးနေတဲ့ ဒီအကျဉ်းထောင်ကို ပိတ်ပစ်လိုက်ဖို့ ကန့်ကွက်ဆန္ဒပြမှုတွေရှိနေကြတယ်။ နေ့စဉ်နဲ့အမျှ နိုင်ငံတကာရဲ့ ဝေဖန်မှုများလည်း ရှိနေကြပါတယ်။

ကျွန်တော်တို့ အစာငတ်ခံ ဆန္ဒပြသူများလည်း မိမိတို့ရဲ့ရပိုင်ခွင့်ကို ဆက်လက်တောင်း ဆိုနေဦးမှာဖြစ်တယ်။ သမ္မတ အိုဘားမားဟာ လွန်ခဲ့တဲ့နှစ်များစွာကတည်းက နှစ်စေ့နေသူများကို စတင် လွှတ်ပေးသင့်တယ်။ နောက်ဆက်တွဲအနေနဲ့ ဘာရာဇ၀တ်မှုမှ ကျူးလွန်ထားခြင်း မရှိပဲ ထောင်ထဲမှာ ၁၁ နှစ်ကြာ သုံ့ပန်းဖြစ်နေခဲ့သူများကိုလည်း လွှတ်ပေးဖို့ လိုအပ်ပါတယ်။

အမေရိကန်အစိုးရကဖန်တီးခဲ့တဲ့ ဒုက္ခတွေ၊ ကြမ်းတမ်းတဲ့အခြေအနေတွေ နဲ့ စမ်းသပ်မှုတွေ ရှိနေလင့်ကစား ကျွန်တော်တို့အပေါ်တရားမျှတရေးတောင်းဆိုချက် ပြည့်ဝလာတဲ့အထိ ကျွန်တော်တို့ ဆက်လက်ပြီး အစာငတ်ခံ ဆန္ဒပြနေဦးမှာပါဘဲ။

** အဗ်ဒလ် ဟာဒီ ဖရာ့ဂ်ျ (Abdelhadi Faraj) သည် ဆီးရီးယားနိုင်ငံသားဖြစ်ပြီး၊ ၂၀၀၂ ခုနှစ်မှ စတင်ကာ အမေရိကန်မှ ထိန်းသိမ်းထားသူဖြစ်သည်။ သူ၏ ဂွန်တာနာမိုအကျဉ်းသားနံပါတ်မှာ Internment Serial Number (ISN 028) ဖြစ်၏။ ဖရာ့ဂ်ျအား ၂၀၁၀ ခုနှစ်ကတည်းက အမေရိကန်အစိုးရယာယီစစ်တပ် (U.S government interagency taskforce) မှ လွတ်မြောက်ခွင့်ပေးထားခဲ့ပြီးဖြစ်သော်လည်း ဂွန်တာနာမိုတွင် ယနေထက်တိုင် အကျဉ်းချခံနေရသည်။ ယခု ဆောင်းပါးမှာ သူ၏ ရှေ့နေ ရမ်ဇီကာစင်မ် (Ramzi Kassem) က အာရဗီမှ အင်္ဂလိပ်သို့ ပြန်လည်ဘာသာပြန်ဆိုထားခြင်းဖြစ်သည် **

Ref: http://www.huffingtonpost.com

Photo-Guardian

July 4, 2013
ရွေးကောက်ပွဲပြီးနောက် အမေရိကန်နှင့်အီရန် တိုက်ရိုက်ဆက်ဆံရေး ထူထောင်မည်

ဇွန် ၁၇ ၊ ၂၀၁၃
M-Media

ဝါရှင်တန်။ ။ အစွန်းမရောက်အလယ်အလတ်ဝါဒီပညာရှင် ဟတ်စာန် ရူဟာနီ Hassan Rowhani အား နိုင်ငံ့သမ္မတသစ်အဖြစ် ကြေငြာပြီးလျှင် အီရန်နိုင်ငံ၏အငြင်းပွားဖွယ် နျူကလိယအစီအမံများနှင့်စပ်လျဉ်း၍ တိုက်ရိုက်ဆွေးနွေးဆောင်ရွက်ရန် ပြင်ဆင်ထားကြောင်း စနေနေ့တွင် အမေရိကန်မှ ပြောကြားသည်။

ယင်းသို့ပူးပေါင်းဆွေးနွေးဆောင်ရွက်မှုသည် အီရန်နိုင်ငံ၏နျူကလိယအစီအစဉ်အပေါ် နိုင်ငံတကာအသိုင်းအ၀ိုင်း၏ စိုးရိမ်နေမှုအား သံတမန်နည်းကျအဖြေရှာရန် ရည်ရွယ်ထားခြင်းဖြစ်သည်ဟု အိမ်ဖြူတော်က ဆိုသည်။ အီရန်၏ နျူကလိယ ပရိုဂရမ်မှာ အနုမြူလက်နက်များတည်ဆောက်ရန်ရည်ရွယ်သည်ဟု အနောက်တိုင်းမှ သံသယ၀င်နေသော်လည်း အီရန်ကမူ စွမ်းအင်ထုတ်လုပ်ခြင်းကဲ့သို့သော အကျိုးပြုလုပ်ငန်းများအတွက်သာဖြစ်ကြောင်း အခိုင်အမာပြောကြားလျက်ရှိသည်။

အီရန်လူထု၏ လိုလားချက်ဆန္ဒကိုလေးစားပါကြောင်း၊ ရွေးကောက်ပွဲ၌ လူထု၏ပါဝင်မှုအား ဂုဏ်ယူပါကြောင်း၊ ပြည်သူ့အသံများထဲမှ ပြည်သူ့သတ္တိကို ကြားသိရပါကြောင်း အိမ်ဖြူတော်မှ ချီးမွှမ်းခဲ့သည်။

သောကြာနေ့ကကျင်းပခဲ့သည့် မဲပေးပွဲတွင် ပွင့်လင်းမြင်သာမှု မရှိခြင်း၊ မီဒီယာ အင်တာနက် နှင့် သတင်းပို့မှုများ၌ှ ဖြတ်တောက်တည်းဖြတ်ခြင်း၊ လွတ်လပ်စွာထုတ်ဖော်ခွင့်နှင့်စုရုံးခွင့်ကို ကန့်သတ်သည့် လုံခြုံရေးချထားခြင်းများ ရှိခဲ့သည်။ အစိုးရဖက်မှ တားဆီးကန့်သတ်ချက်များ ရှိနေသော်လည်း အီရန်လူထုအနေနှင့် မိမိတို့ကံကြမ္မာကို မိမိတို့ကိုယ်တိုင် ရေးသားခြယ်သခွင့် ရရှိခဲ့ကြောင်း အိမ်ဖြူတော်မှ ပြောကြားခဲ့သည်။

အိမ်ဖြူတော်၏ထုတ်ပြန်ချက်၌ “ အီရန်အစိုးရမှ အီရန်ပြည်သူလူထု၏ဆန္ဒအား အလေးထားလိမ့်မည်၊ ထို့ပြင် အီရန်လူထု၏အနာဂတ်ကို အကောင်းဆုံးဖြစ်အောင် တာဝန်ယူလိမ့်မည်ဟု မျှော်လင့်မိပါသည်။ အီရန်နိုင်ငံ၏နျူကလိယအစီအစဉ်အပေါ် နိုင်ငံတကာအသိုင်းအ၀ိုင်း၏ စိုးရိမ်နေမှုအား သံတမန်နည်းကျအဖြေရှာရန် ရည်ရွယ်ထားသော တိုက်ရိုက်ပူးပေါင်းဆောင်ရွက်မှုလည်း အမေရိကန်မှပြုလုပ်သွားဖို့အသင့်ရှိသည် ” ဟုလည်း ဖော်ပြခဲ့သည်။

– AFP/fl

June 17, 2013
အမေရိကန်လေဆိပ်တွင် မွတ်စ်လင်မ် တက္ကစီသမားများအတွက် ၀တ်ပြုနေရာစီစဉ်ပေး

ဇွန် ၁၃၊ ၂၀၁၃
M-Media
ကိုင်ရို ။ ။ ရာဂဏန်းထိရှိနေသော မွတ်စ်လင်မ်တက္ကစီသမားများ ၄င်းတို့၏သာသနာ့တာဝန်ဆောင်ရွက်ရန် လွယ်ကူစေရေးအတွက် ဆန်ဖရန်စစ္စကိုအပြည်ပြည်ဆိုင်ရာလေဆိပ်မှ ကိုယ်လက်သန့်စင်ဆေးကြောရာနှင့်ဝတ်ပြုရာ နေရာတစ်ခုကို သတ်မှတ်ပေးလိုက်သည်။

မွတ်စ်လင်မ်ဒရိုင်ဗာတစ်ဦးဖြစ်သော ယီမင်နိုင်ငံမှအဟ်မဒ် အလ်ဂဇာလီ(၄၉ နှစ်)က “ ကျွန်တော်တို့ အထူးပျော်ရွှင်မိပါတယ် ” ဟု San Francisco Chronicle သို့ ပြောကြားခဲ့သည်။

မွတ်စ်လင်မ်တက္ကစီသမားတို့၏ပုံမှန်ဝတ်ပြုမှုဆောင်ရွက်နိုင်ရေးအတွက် ကားရပ်နားစခန်းရှိနေရာတစ်ခုအား စီစဉ်သတ်မှတ်ရန် လေဆိပ်အာဏာပိုင်များက ဆုံးဖြတ်ခဲ့ကြသည်။

Royal Cab ၏ ကားမောင်းသူ ပါကစ္စတန်မှပြောင်းရွှေ့အခြေချသူ ဟစံန်ခန်း(၅၂ နှစ်)၏ မေတ္တာရပ်ခံပန်ကြားချက်အပေါ် တုန့်ပြန်ဆောင်ပေးမှုဖြစ်ကြောင်းသိရသည်။

မွတ်စ်လင်မ်တက္ကစီမောင်းသူများသည် နေ့တစ်ဓူဝ၏အချိန်များစွာကို ခရီးသည်များအတွက် ၀န်ဆောင်ပေးနေကြသည်။ ၄င်းတို့၏ ၀ူဿွူ(၀တ်ပြုရန်ကိုယ်လက်သန့်စင်မှု)အတွက် ရေပုံးကြီးများကို သယ်ဆောင်လာလေ့ရှိကြသည်။ သို့မဟုတ်ပါက နားနေဆောင်၏သန့်စင်ခန်းကို အသုံးပြုကြရသည်။ ထိုအချက်မှာ လေယာဉ်စီးခရီးသည်များ မနှစ်မြို့လှချေ။ ထို့ကြောင့် လေဆိပ်အာဏာပိုင်များက ပင်မယာဉ်ရပ်နားစခန်း၏မြေညီထပ်၌ ရေသုံးသန့်စင်ခန်းတစ်ခု ထည့်သွင်းစေလျှင် ၄င်းတို့အား ကူညီရာရောက်စေသည်ဟု ဆုံးဖြစ်ခဲ့ခြင်းဖြစ်သည်။ ယင်းသန့်စင်ခန်းနှင့်ကပ်လျက်တွင် တက္ကစီသမားတို့စုပေါင်းဝတ်ပြုနိုင်မည့်နေရာတစ်ခုကိုလည်း သတ်မှတ်ပေးခဲ့သည်။

မွတ်စ်လင်မ်တို့သည် တစ်နေ့လျှင် ငါးကြိမ်ဝတ်ပြုကြရ၏။ အကြိမ်တိုင်းတွင် ရကအသ် ဟုခေါ်သော ၀တ်ပြုနည်းစဉ်အကျော့အရေအတွက် ကိုယ်စီရှိကြသည်။ ယင်းငါးကြိမ်ဝတ်ပြုမှုကို တစ်နေ့နှင့်တစ်ညဉ့်အတွင်း အချိန် ငါးချိန်ပိုင်းခြားသတ်မှတ်ထားသည်။ အရုဏ်ချိန်ဝတ်ပြုမှုကို ဖဂျရ်၊ နေ့လည်မွန်းတိမ်းချိန်ဝတ်ပြုမှုကို ဇုဟ်ရ်၊ ညနေခင်းချိန်ဝတ်ပြုမှုကို အဆ်ွရ်၊ နေ၀င်ချိန်ဆည်းဆာချိန်ဝတ်ပြုမှုကို မဂရစ်ဗ်၊ ညဥ့်ဦးမှ သန်းခေါင်မတိုင်မီ ၀တ်ပြုမှုကို အိရှာ ဟုခေါ်ဆိုကြသည်။

သက်ဆိုင်ရာကုမ္ပဏီအား ၀န်ထုပ်ဝန်ပိုးဖြစ်စေသောထိခိုက်မှုမဟုတ်လျှင် လုပ်သားများသည် မိမိတို့၏ဘာသာရေးကျင့်ရပ် ထုံးတမ်းအားဆောင်ရွက်နိုင်ကြောင်း နိုင်ငံတော်နှင့်ပြည်နယ် ဥပဒေက ပြဋ္ဌာန်းခွင့်ပြုထားသည်။

လူ့အခွင့်အရေးဥပဒေဆိုင်ရာသုံးသပ်မှု

ဝန်ဆောင်မှုပေးနေသောမွတ်စ်လင်မ်များနှင့် ကောင်းမွန်သည့်ဆက်ဆံရေးအား ဆက်လက်ထိန်းသိမ်းသွားရန် အလိုရှိကြောင်း လေဆိပ်အာဏာပိုင်များက ဆိုသည်။
“ သယ်ယူပို့ဆောင်ရေးဝန်ဆောင်သူအခြေခံလူတန်းစားတွေနဲ့ ဆက်ဆံရေးကောင်းကို ဒီကိစ္စက ဆက်လက်ထိန်းသိမ်းသွားမယ်လို့ ကျွန်တော်တို့ မြင်ပါတယ်။ ၀တ်ပြုခန်းအတွက် ကုန်ကျစားရိတ်က မည်ကာမတ္တ သာ ဖြစ်ပါတယ်။ အခန်းအတွင်းပိုင်းက ရေပိုက်သွယ် ဆင်ယင်ပေးတာလောက်ဘဲ လုပ်ရပါတယ် ” ဟု လေဆိပ်ဆိုင်ရာ ပြောခွင့်ရပုဂ္ဂိုလ် Doug Yakel မှ ပြောပြသည်။

ဆန်ဖရန်စစ္စကိုအပြည်ပြည်ဆိုင်ရာလေဆိပ်၌ မွတ်စ်လင်မ်တို့အား ကူညီထောက်ပံ့မည့် ၀တ်ပြုခန်းနှင့်ကိုယ်လက်ဆေးကြောသန့်စင်ခန်းအတွက် အခွန်ငွေများကို အသုံးပြုသွားမည်ဖြစ်ကြောင်း၊ ၄င်းနှင့်စပ်လျဉ်းသောဆောင်းပါးတစ်ပုဒ်ကို ဇွန်လ ၁၀ ရက်နေ့ထုတ် ၀ါရှင်တန်တိုင်းမ်သတင်းစာတွင် ဖော်ပြခဲ့သည်။

အမေရိကန်ပြည်ထောင်စု၌ မွတ်စ်လင်မ်ဦးရေ ၇ သန်းမှ ၈ သန်းအထိရှိနိုင်ကြောင်း ခန့်မှန်းထားကြသည်။

၉/၁၁ တိုက်ခိုက်မှုဖြစ်ပွားကတည်းက မိမိတို့မှာ အစ္စလာမ်ထုံးတမ်းဆင်ယင်မှု သို့မဟုတ် ဟန်မူများကြောင့် ခွဲခြားနှိမ့်ချဆက်ဆံမှု နှင့် တစ်ဖက်သတ်အထင်လွဲမှုခံနေကြရကြောင်း မွတ်စ်လင်မ်များစွာတို့မှ ဆိုကြသည်။

လွန်ခဲ့သည့်လ၊ (Pew Forum) မှပြုလုပ်ခဲ့သော ဘာသာရေး နှင့် လူထုဘ၀ရေးရာ (Religion and Public Life) ကွင်းဆင်းသုတေသနပြုလေ့လာချက်တွင် တွေ့ရှိရသည်မှာ အမေရိကန်မွတ်စ်လင်မ်များသည် ကမ္ဘာပေါ်တွင် အလယ်အလတ်လမ်းစဉ်၌ အကောင်းဆုံးရှိနေသူများဖြစ်ကြောင်းတွေ့ရသည်ဟု ဆိုလိုက်သည်။

ယေဘူယျအားဖြင့် အမေရိကန်မွတ်စ်လင်မ်များတွင် မိမိတို့၏ယုံကြည်မှု၌ ခိုင်မာစွာတည်ရှိကြပြီး၊ ခေတ်သစ်လူမှုဘ၀နှင့်ဘာသာရေးကိုင်းရှိုင်းမှုအကြား ပဋိပက္ခဖြစ်အာင် ပြုလုပ်နေထိုင်သူများ မဟုတ်ကြောင်း ဤအချက်က ပြဆိုနေသည်။

အစောပိုင်းလေ့လာမေးမြန်းမှတ်တမ်းတင်ချက်များအရ အမေရိကန်မွတ်စ်လင်မ်အများစုသည် မိမိတို့ တိုင်းပြည်အပေါ်သစ္စာရှိသူများဖြစ်ပြီး၊ အမေရိကန်ပြည်ထောင်စုတွင်းရှိ မိမိတို့၏ အနာဂတ်အား အကောင်းမြင်ထားသူများဖြစ်ကြောင်း တွေ့ခဲ့ကြရသည်ဟု ဆို၏။

Ref: OnIslam

June 13, 2013