အောက်တိုဘာ ၁၄၊ ၂၀၁၈
M-Media
အာဖဂန်မှ ဆုတ်ခွာရေး ဆွေးနွေးရန် အမေရိကန်က တာလီဘန်နှင့် သဘောတူ
===========
၁၇ နှစ်တာ တိုက်ခိုက်နေတဲ့ စစ်ပွဲကို အဆုံးသတ်ပြီး တပ်ဖွဲ့တွေ အာဖဂန်နစ္စတန်နိုင်ငံကနေ ထွက်သွားရေး ဆွေးနွေးဖို့အတွက် အမေရိကန်က သဘောတူခဲ့တယ်လို့ ကာတာမှာရှိနေတဲ့ တာလီဘန်ကိုစားလှယ်က ပြောကြားလိုက်ပါတယ်။ မနေ့က ဒိုဟာမှာ တာလီဘန်နဲ့ အမေရိကန်ကိုယ်စားလှယ်အဖွဲ့တို့ဟာ စစ်ပွဲအဆုံးသတ်ရေးအတွက် ကနဦးသတ်မှတ်ချက်တွေကို ဆွေးနွေးခဲ့ကြတာဖြစ်ပြီး အမေရိကန်စစ်သားတွေ ထွက်ခွာရေးအပြင်၊ သူတို့ခေါင်းဆောင်တွေအပေါ် ပိတ်ဆို့မှုဖယ်ရှားပေးဖို့၊ သူတို့တိုက်ခိုက်ရေးသမားတွေ လွှတ်ပေးဖို့နဲ့ နိုင်ငံရေးရုံးတစ်ခု တည်ဆောက်ပေးဖို့ တာလီဘန်က တောင်းဆိုခဲ့ပါတယ်။ အာဖဂန်မှာ အမေရိကန်တပ်ဖွဲ့ဝင် ၁၄၀၀၀ အထိ ရှိနေပြီး တာလီဘန်ကတော့ အမေရိကန်တပ်တွေ ရှိနေတာဟာ ငြိမ်းချမ်းရေးအတွက် အတားအဆီးဖြစ်တယ်လို့ ဆိုပါတယ်။
ဂျာနယ်လစ်ကို သတ်ဖြတ်သည့်သတင်းမှန်လျှင် ဆော်ဒီကို အရေးယူမည်ဟု ထရမ့်ပြော
==================
အစ္စတန်ဘူလ်မြို့က ကောင်စစ်ဝန်ရုံးထဲမှာ ဂျာနယ်လစ် ဂျမားလ် ကာရှိုဂျီ အသတ်ခံလိုက်ရတယ်ဆိုတဲ့သတင်းသာ တကယ်အမှန် ဖြစ်မယ်ဆိုရင် ဆော်ဒီအာဏာပိုင်တွေကို ပြင်းပြင်းထန်ထန် အပြစ်ပေးသွားမယ်လို့ အမေရိကန်သမ္မတ ဒေါ်နယ်ထရမ့်က CBS သတင်းဌာနနဲ့ အင်တာဗျူးမှာ ပြောကြားလိုက်ပါတယ်။ ဆော်ဒီတော်ဝင်အသိုင်းအ၀ိုင်းနဲ့ အစိုးရတို့ကို ဝေဖန်လေ့ရှိတဲ့ ကာရှိုဂီဟာ အောက်တိုဘာ ၂ ရက်နေ့က အစ္စတန်ဘူလ်မှာရှိတဲ့ ဆော်ဒီကောင်စစ်ဝန်ရုံးထဲကို ၀င်သွားပြီးနောက်ပိုင်း လုံးဝ ပျောက်ဆုံးသွားတာ ဖြစ်ပါတယ်။ တူရကီက ကာရှိုဂီကို ဆော်ဒီအစိုးရခန့်ထားတဲ့ အဖွဲ့ဝင် ၁၅ ဦးပါ ကြေးစားလူသတ်အဖွဲ့က သတ်ဖြတ်ကာ ခန္ဓာကိုယ်အစိတ်အပိုင်းတွေကို အတုံးတုံးလုပ် လက်စဖျောက်ခဲ့ကြောင်း၊ ဒီအတွက် သူတို့မှာ ဗီဒီယိုအထောက်အထား၊ အသံအထောက်အထားတွေရှိကြောင်း ပြောကြားခဲ့ပါတယ်။ ဆော်ဒီကတော့ စွပ်စွဲမှုတွေကို ငြင်းဆိုပါတယ်။
အင်ဒိုနီးရှားတွင် မြေပြိုမှု ၃၀ နီးပါး သေဆုံး
============
အင်ဒိုနီးရှားနိုင်ငံ ဆူမားတြားကျွန်းမှာ သောကြာနေ့ နေ့လည်ပိုင်းက ဖြစ်ပွားခဲ့တဲ့ မြေပြိုမှုအတွင်း အစ္စလာမ့်ဓမ္မသင်တန်းက ကျောင်းသား ကလေးငယ်တွေအပါအ၀င် အနည်းဆုံး ၂၇ ဦး သေဆုံးခဲ့ပါတယ်။ ဒေသ ၈ ခုမှာ မြေပြိုမှု ဖြစ်ပွားခဲ့တာဖြစ်ပြီး အိမ်ခြေနဲ့ အဆောက်အဦး ၂၉ လုံး ပျက်ဆီးခဲ့ကာ ရာနဲ့ချီ မြေပြိုမှုရဲ့ဒဏ်ကို ခံစားခဲ့ရပါတယ်။ ဆူမားတြားကျွန်းရဲ့ အနောက်ပိုင်းနဲ့ မြောက်ပိုင်းတွေမှာ ရှာဖွေကယ်ဆယ်ရေးကာလကို တစ်ပတ်တာအဖြစ် သတ်မှတ်ထားပါတယ်။ မိုးသည်းထန်စွာ ရွာသွန်းနေတဲ့အတွက် မြေပြိုမှုတွေ ဆက်ဖြစ်မှာ စိုးရိမ်တာကြောင့် ရွာသွားတစ်ချို့ဟာ အိုးအိမ်စွန့်ခွာ နေရပါတယ်။
ဟိမ၀န္တာတွင် နှင်းမုန်တိုင်းကြောင့် တောင်ကိုရီးယား တောက်တက်သမားများ သေဆုံး
=============
နီပေါနိုင်ငံ ဟိမ၀န္တာ တောင်တန်းမှာ သောကြာနေ့က ပြင်းထန်တဲ့ နှင်းမုန်တိုင်း တိုက်ခတ်မှုကြောင့် အနည်းဆုံး တောင်ကိုရီးယား တောင်တက်သမားနဲ့
နီပေါလမ်းပြ အနည်းဆုံး ၇ ဦးသေဆုံးခဲ့တယ်လို့ ရဲတပ်ဖွဲ့က ပြောကြားခဲ့ပါတယ်။ သေဆုံးသူတွေထဲမှာ ကမ္ဘာ့ ၁၄ ခုမြောက်အမြင့်ဆုံး တောင်ကို အောက်ဆီဂျင်အပိုမပါဘဲ အမြန်ဆုံး တက်နိုင်ခဲ့တဲ့ တောင်ကိုရီးယား တောင်တက်သမား ကင်ချန်ဟိုလည်း ပါဝင်ပါတယ်။ ကင်ချန်ဟိုပါဝင်တဲ့ တောင်ကိုရီးယားတောင်တက်အဖွဲ့ဟာ ၁၉၉၆ ခုနှစ်ကတည်းက တောင်ထိပ်ကို လူမရောက်တော့တဲ့ ဂူရ်ဂျာတောင်ကို တက်ဖို့အတွက် အောက်တိုဘာ ၇ ရက်နေ့က ထွက်သွားခဲ့တာဖြစ်ပြီး တောင်ခြေစခန်းမှာ ရာသီဥတုကောင်းတာကို စောင့်နေစဉ် နှင်းမုန်တိုင်းနဲ့ ကြုံခဲ့ရတာ ဖြစ်ပါတယ်။
Ref: Aljazeera, BBC
