ဖေဖော်ဝါရီ ၂၄၊ ၂၀၁၈
M-Media
– ဖလော်ရီဒါပြည်နယ်က အထက်တန်းကျောင်းမှာ လူအများအပြားသေဆုံးခဲ့တဲ့ သေနတ်ပစ်ခတ်မှုအပြီး သေနတ်ကိုင်ဆောင်ခွင့်နဲ့ပတ်သက်လို့ ဝေဖန်မှုတွေ မြင့်တက်နေတဲ့အချိန် အမေရိကန်ကုမ္ပဏီတွေဟာ ထိပ်တန်း သေနတ်လော်ဘီအဖွဲ့ National Rifle Association (NRA) နဲ့ ဆက်ဆံရေးကို ရပ်ဆိုင်းနေကြပါတယ်။
အငှားကားကုမ္ပဏီ၊ ဟိုတယ်တွေနဲ့ ဘဏ်တွေဟာ NRA အဖွဲ့ဝင်တွေကို ပေးထားတဲ့ လျော့ဈေးတွေ၊ အထူးခံစားခွင့်တွေကို ရပ်ဆိုင်းခဲ့ကြတာပါ။
ပြီးခဲ့တဲ့တစ်ပတ် ဖလော်ရီဒါပြည်နယ် ပါ့ခ်လန်းမြို့က Marjory Stoneman Douglas အထက်တန်းကျောင်းမှာ အသက် ၁၉ နှစ်အရွယ် ကျောင်းသားဟောင်း နီကိုလက်စ် ခရုဇ်ဆိုသူက ကျောင်းအတွင်း ၀င်ရောက်ပစ်ခတ်မှုကြောင့် ကျောင်းသားအများစုအပါအ၀င် အနည်းဆုံး လူ ၁၇ ဦး သေဆုံးခဲ့ပါတယ်။
အဲဒီအဖြစ်အပျက်နောက်ပိုင်းမှာ လက်နက်ကိုင်ဆောင်ခွင့် ထိန်းချုပ်ဖို့အတွက် အမေရိကန်အစိုးရအပေါ် တိုက်တွန်းမှုတွေ ပိုမို မြင့်တက်လာပြီး ကျောင်းသားတွေ၊ သူတို့ရဲ့ မိသားစုဝင်တွေဟာ နေ့စဉ်လိုလို ဆန္ဒပြခဲ့ကြပါတယ်။
ဒါတင်မကသေးဘဲ အမေရိကန်က ထိပ်တန်း သေနတ်လော်ဘီအဖွဲ့တစ်ခုဖြစ်တဲ့ NRA အပေါ် ဝေဖန်မှုတွေလည်း မြင့်တက်လာခဲ့ပြီး ဒီအဖွဲ့နဲ့ အဆက်အသွယ်တွေဖြတ်တောက်ဖို့ ဆော်သြမှုတွေ၊ #BoycottNRA အမည်နဲ့ အွန်လိုင်းလှုပ်ရှားမှုတွေလည်း ပေါ်ထွက်လာခဲ့ပါတယ်။
ဒါ့ကြောင့် အမေရိကန်က ထိပ်တန်းကုမ္ပဏီတွေဖြစ်ကြတဲ့ Hertz၊ Budget၊ First national Bank၊ MetLife အာမခံလုပ်ငန်းတွေ အပါအ၀င် ကုမ္ပဏီတော်တော်များများဟာ NRA နဲ့ အဆက်အသွယ် ဖြတ်တောက်ခဲ့ကြတယ်လို့ Think Porgress ၀ဘ်ဆိုက်မှာ ဖော်ပြထားပါတယ်။
အမေရိကန်က ပုဂ္ဂလိကပိုင် အကြီးဆုံးဘဏ်လုပ်ငန်း First National Bank of Omaha က NRA နဲ့ သူတို့ချုပ်ဆိုထားတဲ့ စာချုပ်ကို သက်တမ်းတိုးမှာ မဟုတ်တော့ဘူးလို့ ပြောကြားခဲ့တာကြောင့် NRA အဖွဲ့ဝင်တွေကို အကြွေးဝယ်ကဒ်ထုတ်ပေးတာတွေကို ရပ်ဆိုင်းသွားမှာ ဖြစ်ပါတယ်။
အာမခံကုမ္ပဏီ MetLife နဲ့ Norton ဆော့ဖ်ဝဲကုမ္ပဏီ Symantec တို့ကလည်း NRA အဖွဲ့ဝင်တွေအပေါ် ဈေးလျှော့ပေးတာတွေကို ရပ်ဆိုင်းကြောင်း ကြေငြာခဲ့ပါတယ်။
NRA အမှုဆောင် ဒုတိယဥက္ကဌ ၀ိန်း လာပီယာရီက ‘တိုင်းပြည်ကိုချစ်ပြီး လွတ်လပ်ခွင့်ကို မြတ်နိုးတဲ့ နိုင်ငံသားတိုင်းဟာ မိကိုယ်ကိုယ် ကာကွယ်ခွင့်ပေးထားတဲ့ ဖွဲ့စည်းပုံ ဒုတိယမြောက်ပြင်ဆက်ချက်ကို ထိန်းသိမ်း ကာကွယ်သွားရမယ်’ လို့ အခုတစ်ပတ်အတွင်းမှာ ပြောကြားခဲ့ပါတယ်။
ဖေဖော်ဝါရီ ၂၂ ရက်နေ့က ပြုလုပ်ခဲ့တဲ့ ကွန်ဆာဗေးတစ် နိုင်ငံရေးသားမားများ ညီလာခံ CPAC မှာ လာပီယာရီက အခုလို ပြောကြားခဲ့တာပါ။
အဲဒီညီလာခံမှာ ထရမ့်ကလည်း ကျောင်းဆရာတွေကို သေနတ်ကိုင်ဆောင်ခွင့်ပေးဖို့ ရည်ရွယ်တဲ့ သူ့ရဲ့အစီအစဉ်ကို ထပ်လောင်းပြောကြားခဲ့ပါတယ်။
ဒါပေမယ့် အစုလိုက်အပြုံလိုက် သတ်ဖြတ်မှုကနေ အသက်ရှင်လွတ်မြောက်လာသူတွေနဲ့ ကျောင်းဆရာတွေက ထရမ့်ရဲ့ ဒီပြောကြားမှုကို ရှုတ်ချခဲ့ပြီး စာသင်ခန်းထဲမှာ သေနတ်ကိုင်ဆောင်တာဟာ ပြဿနာတွေကို ပိုဖြစ်စေမယ်လို့ ထောက်ပြခဲ့ပါတယ်။
ဖလော်ရီဒါအထက်တန်းကျောင်း သေနတ်ပစ်ခတ်မှုနဲ့ပတ်သက်ပြီး စုံစမ်းမှုတွေအရ ကျောင်းအတွင်း ပစ်ခတ်မှုဖြစ်ပွားနေစဉ်မှာ လက်နက်ကိုင် ရဲအရာရှိတစ်ဦးဟာ ကျောင်းအပြင်မှာဖက်မှာ ၄ မိနစ်လောက် ဆိုင်းနေခဲ့ပြီး သေနတ်သမားကို သွားရောက်ရင်ဆိုင်ခြင်းမရှိဘူးလို့ တွေ့ရှိခဲ့ပါတယ်။ အဲဒီရဲအရာရှိဟာ နောက်ပိုင်းမှာ ရာ
ထူးကနေ နှုတ်ထွက်သွားပါတယ်။
Ref: Aljazeera
