ဖေဖော်ဝါရီ ၂၆၊ ၂၀၁၈
M-Media
– ဆီးရီးယားတွင် ရက်ပေါင်း ၃၀ ကြာ အပစ်ရပ်ရေးအတွက် လုံခြုံရေးကောင်စီ၏ ဆုံးဖြတ်ချက်ကို အမြန်ဆုံး အကောင်အထည်ဖော်ရန် ကုလ အထွေထွေ အတွင်းရေးမှူး အန်တိုနီယို ဂူတာရက်စ်က ယနေ့တွင် တိုက်တွန်းလိုက်သည်။
ဆွစ်ဇာလန်နိုင်ငံ ဂျီနီဗာရှိ ကုလ လူ့အခွင့်အရေးကောင်စီတွင် ဂူတာရက်စ်က ထိုကဲ့သို့ ပြောကြားလိုက်ခြင်းဖြစ်ပြီး ဆီးရီးယားအစိုးရက အဆက်မပြတ် ဗုံးကြဲချနေသော ဒမတ်စကတ်မြို့ဆင်ခြေဖုံးမှ အရှေ့ဂူတာဒေသမှာ လောကငရဲ ဖြစ်နေပြီဟုလည်း ပြောဆိုခဲ့သည်။
“အရှေ့ဂူတာဒေသဟာ စောင့်လို့မရတော့တဲ့ အခြေအနေပါ။ ဒီ လောကငရဲကို အဆုံးသတ်ဖို့ အချိန်တောင် လွန်နေပါပြီ။ ဘယ်လိုအခြေအနေမျိုးမှာမဆို အရပ်သားတွေနဲ့ အခြေခံအဆောက်အဦးတွေကို ကာကွယ်ပေးရမယ်ဆိုတဲ့ နိုင်ငံတကာ လူ့အခွင့်အရေးနဲ့ လူသားချင်း စာနာထောက်ထားမှုဆိုင်ရာ ဥပဒေတွေကို အပြည့်အ၀ လိုက်နာဖို့ လိုတယ်ဆိုတာ ပတ်သက်သူအားလုံးကို ကျွန်တော် သတိပေးချင်ပါတယ်။ အကြမ်းဖက်ဝါဒကို တိုက်ဖျက်ရာမှာတောင် ဒီဝတ္တရားတွေကို ဖောက်ဖျက်လို့ မရပါဘူး”
သူပုန်များထိန်းချုပ်ထားသည့် အရှေ့ဂူတာဒေသကို ရုရှားကျောထောက်နောက်ခံပြုထားသည့် ဆီးရီးယား အစိုးရတပ်များက ပြီးခဲ့သည့် ဖေဖော်ဝါရီ ၁၈ ရက်နေ့မှစ၍ လေကြောင်းမှ အပြင်းအထန် တိုက်ခိုက်ခဲ့ပြီး သေဆုံးသူမှာ မနေ့ကအထိ ၅၀၀ ကျော် ရှိလာခဲ့သည်ဟု စောင့်ကြည့်အဖွဲ့များက ပြောကြားခဲ့သည်။
အာဆတ်တပ်ဖွဲ့မှာ တနင်္ဂနွေနေ့တွင် မြေပြင်တိုက်ခိုက်မှုများကိုပါ ပြုလုပ်လာခဲ့ပြီး၊ အရှေ့ဂူတာရှိ အလ်-ရှီဖာနီယာဟ်မြို့တွင် ကလိုရင်းဓာတ်ငွေ့ဖြင့် တိုက်ခိုက်မှု ပြုလုပ်ခဲ့သည်ဟု ဆရာဝန်များက ပြောကြားထားသည်။
Ref: Aljazeera