ကိုဝ ရေးသားသည်။
ပြည်သူ့ အရေးဂျာနယ် မှကူးယူဖော်ပြသည်။
လူထုကြားမှာ Horizon လို့ လူသိများတဲ့ နိုင်ငံတကာ ကျောင်းကိစ္စ နဲ့ပတ်သက်ပြီး စိတ်ထဲ ဘဝင်မကျ ဖြစ်နေတာ ကြာပါပြီ။ ၂၀၁၇ ခုနှစ် ဇူလိုင်လ ၂၀ ရက်နေ့ထုတ် 7 Day Daily သတင်းစာမှာ Horizon ကျောင်းရဲ့ တာဝန်ရှိသူ အချို့ကို အင်းစိန် စီအိုင်ဒီက ရမန်ယူ ဖမ်းဆီး စစ်ဆေးနေတယ် ဆိုတဲ့ သတင်းပါလာတော့ ဒီကိစ္စကို ရေးဖို့ စိတ်ထဲ ပိုတွန်းအား ဖြစ်မိပါတယ်။ ဒီသတင်းမှာပဲ ရန်ကုန်တိုင်း ဒေသကြီး ပညာရေးမှူး ရုံးက တရားလို ပြုလုပ်ပြီး ဒီကျောင်းဖွင့်လှစ်တဲ့ ကုမ္ပဏီ Bright Future International (BFI) ကို အမှုဖွင့်ထားတယ် ဆိုတာလည်း ပါပါတယ်။ အမှန်ကတော့ Horizon ကျောင်းတွေကို အမည် ပြောင်းထားပြီးပါပြီ။ ဥပမာ၊ သာကေတမြို့နယ်မှာ ဖွင့်လှစ်ထားတဲ့ Horizon ကျောင်းကို Shu Khin Thar International College ဆိုပြီး အမည်ပြောင်းထားတာပါ။ ပြောရရင် Horizon ကိုဖွင့်ခဲ့တဲ့ ကုမ္မဏီကလည်း BFI မဟုတ်ပါဘူး။
7 Day Dailyက ဒီကိစ္စနဲ့ ပတ်သက်ပြီး အခြေခံပညာဦးစီးဌာန၊ ခေတ္တညွန်ကြားရေးမှူးချုပ်ဆီ ဆက်သွယ်မေးမြန်းကြည့်တော့ ရန်ကုန်တိုင်း ဒေသကြီး ပညာရေးမှူးရုံး၊ ခေတ္တ ဒုတိယညွန်ကြားရေးမှူးချုပ်ထံ မေးမြန်းဖို့ ပြောပါတယ်။ သူတို့ ပြောတဲ့ အတိုင်း 7 Day Daily ကမေးတော့ “ပညာရေးဝန်ကြီးဌာနက ညွန်ကြားလို့ အမှုဖွင့်ရတာပါ။ တိုင်းပြည်နဲ့ လူမျိုးကို တာဝန်ခံရတဲ့ တာဝန်ရှိ ပုဂ္ဂိုလ်တွေ အနေနဲ့ ဒီလို ဆင်ဝှေ့ရန်ရှောင် အဖြေမျိုးကို မဖြေသင့်ပါဘူး” လို့ ပြန်ဖြေတယ်လို့ ဆိုပါတယ်။ ကျောင်းသားပေါင်း ၁၄၀၀ ကျော်၊ ဝန်ထမ်းပေါင်း ၄၀၀ ကျော်ရှိတဲ့ ကျောင်းတစ်ကျောင်းကို အမှုဖွင့်ရတဲ့ အကြောင်းအရင်းကို ရှင်းမပြနိုင်ဘူးဆိုတာက တာဝန်ယူမှု၊ တာဝန်ခံမှု လုံးဝကင်းမဲ့တဲ့ လုပ်ရပ်ပါ။ မျိုးဆက်သစ် ကျောင်းသားလူငယ်တွေရဲ့ ပညာရေးကိစ္စဆိုတာ တိုင်းပြည်ရဲ့ အနာဂတ်နဲ့ပါ သက်ဆိုင်နေတဲ့ ကိစ္စပါ။ ကျောင်းတစ်ကျောင်းကို အမှုဖွင့် ပြီဆိုရင် ပြည်သူလူထုကို ကျကျနန ကျေကျေလည်လည် ရှင်းလင်းတင်ပြဖို့ လိုအပ်ပါတယ်။ ပြောရရင် ဒီကိစ္စဟာ လူထု အစိုးရသစ်ရဲ့ ပုံရိပ်နဲ့လည်း သက်ဆိုင်နေပါတယ်။ ဘာကြောင့် သက်ဆိုင်သလဲ ဆိုတာကို ရှင်းပြပါရစေ။
Horizon ကျောင်းကို ပညာရေးဝန်ကြီးဌာနနဲ့ ပြည်ထဲရေးဝန်ကြီးဌာနက ဝင်စစ်ဆေးခဲ့တာက ၂၀၁၆ ခုနှစ် ဇူလိုင်လမှာပါ။ တိတိကျကျ ပြောရရင် တူရကီနိုင်ငံမှာ မအောင်မြင်တဲ့ အာဏာသိမ်းမှု ဖြစ်အပြီးမှာပါ။ ဒီမအောင်မြင်တဲ့ အာဏာသိမ်းမှုက ၂၀၁၆ ခုနှစ် ဇူလိုင်လ ၁၅ ရက်နေ့ မှာ ဖြစ်ခဲ့တာပါ။ လက်ရှိ သမ္မတ အာဒိုဂန် ကို ဖြုတ်ချဖို့ အာဏာသိမ်းရေး ကြိုးပမ်းမှု ဖြစ်ခဲ့တယ်လို့ ဆိုပါတယ်။ သမ္မတ အာဒိုဂန်က ဒီ အာဏာသိမ်းမှု နောက်ကွယ်မှာ ဖက်တူလာ ဂူလန် (Fethullah Gulen) ကြိုးကိုင်နေတယ် လို့ စွပ်စွဲပါတယ်။ ဖက်တူလာဂူလန်က သမ္မတအာဒိုဂန်နဲ့ နိုင်ငံရေး ပြိုင်ဘက် စီးပွားရေးသမား ဖြစ်သလို ဘာသာရေး ခေါင်းဆောင်လည်း ဖြစ်ပါတယ်။ ဖက်တူလာဂူလန်က ဂူလန် လှုပ်ရှားမှု ဆိုပြီး ဆောင်ရွက်တာ ရှိပါတယ်။ ဂူလန် လှုပ်ရှားမှုရဲ့ အဓိက ဆောင်ရွက်ချက်တစ်ခုက ဘာသာပေါင်းစုံ ချစ်ကြည်ရေးပါ။ ပညာရေးဟာ လူသားတွေရဲ့ဘဝကို ပြောင်းလဲ မြင့်မားစေတယ် ဆိုတဲ့ ယုံကြည်ချက်နဲ့ ဖက်တူလာဂူလန်က နိုင်ငံတကာမှာ အခုလို ကျောင်းတွေ ဖွင့်လှစ်ခဲ့တာပါ။ နိုင်ငံတကာမှာ ရှိတဲ့ ဒီကျောင်းတွေနဲ့ တူရကီ အာဏာသိမ်းမှုဟာ ဘယ်လိုမှ ဆက်စပ်ပတ်သက်တာ မဟုတ်ပါဘူး။ ဒီတူရကီ အာဏာသိမ်းရေး ကြိုးပမ်းမှု အပြီး တူရကီ သမ္မတ အာဒုဂန်က စစ်သားတစ်သောင်းနဲ့ တရားသူကြီး သုံးထောင်နီးပါး အပါအဝင် လူလေးသောင်းကို ဖမ်းဆီးခဲ့ပါတယ်။ ပညာရေးဝန်ထမ်း ၁၅,၀၀၀ ကို အလုပ်ဖြတ်ခဲ့သလို ပုဂ္ဂလိက ကျောင်းတွေမှာ ရှိတဲ့ ဆရာ/မ ၂၁,၀၀၀ ရဲ့ လိုင်စင်တွေကို ရုပ်သိမ်းခဲ့ပါတယ်။ ဒီလုပ်ရပ်ဟာ နိုင်ငံ့ခေါင်းဆောင်တစ်ယောက် လုပ်သင့် လုပ်ထိုက်တဲ့ လုပ်ရပ် ဟုတ်မဟုတ် ကိုတော့ စာဖတ်သူပဲ ဆုံးဖြတ်ပါတော့။ တူရကီသမ္မတ ရဲ့ လုပ်ရပ်ကို တူရကီပြည်သူတွေကပဲ ဆုံးဖြတ်မယ်ပဲ ထားလိုက်ပါတော့။ ဘာလို့ တူရကီနိုင်ငံရဲ့ အာဏာသိမ်းမှုက မြန်မာနိုင်ငံက Horizon ကျောင်းကို လာရိုက်ခတ်ရတာလဲ။ ကောလဟာလတွေ အရဆိုရင် တူရကီနိုင်ငံမှာ အာဏာသိမ်းရေးကြိုးပမ်းမှု ဖြစ်လို့ မြန်မာနိုင်ငံ ရန်ကုန်မြို့မှာရှိတဲ့ Horizon ကျောင်းကို အရေးယူပေးပါ ဆိုတာကတော့ ညောင်ဦးကမ်းပါး “ပြို” တာဟာ စမ္ပာနဂိုရ်က နွားမ ပေါင်ကျိုးတာနဲ့ ဆိုင်ကို ဆိုင်ရမယ်လို့ ပြောတာနဲ့ အတူတူပါပဲ။
လူထုကြားနဲ့ Horizon ဝန်းကျင်မှာ ဖြစ်ပေါ်လာနေတဲ့ ကောလဟာလတွေအရ Horizon ကျောင်းကို သက်ဆိုင်ရာက ဝင်စစ်ဆေးခဲ့တာဟာ တူရကီနိုင်ငံရဲ့ ဖိအားပေးမှုကြောင့်ပါ။ ဒီကောလဟာလသာ မှန်ခဲ့ရင် ကိုယ့်နိုင်ငံရဲ့ အချုပ်အခြာ အာဏာကို ကျော်လွန်ပြီး (တနည်းပြောရရင်) ထိပါးတဲ့ တောင်းဆိုချက်ကို သက်ဆိုင်ရာ အဖွဲ့အစည်းတွေက ဘာလို့ လက်ခံခဲ့တာလဲ။ လူထုကသာ ဒီကောလဟာလကို အမှန်ထင်ခဲ့ရင် ငါတို့ အစိုးရဟာ ဒီလောက်ပျော့ညံ့ရသလားလို့ တွေးကြမှာပါ။ Horizon ကျောင်းကို စစ်ဆေးပြီး တစ်နှစ်အကြာ ၂၀၁၇ ခုနှစ် ဧပြီလ ၁၈ ရက် နေ့မှာ ပညာရေးဝန်းကြီးဌာနက ဒီကျောင်းကို ကိုယ်ပိုင်ကျောင်း မှတ်ပုံတင် ဥပဒေနဲ့ အမှုဖွင့်ခဲ့ပါတယ်။ ကိုယ်ပိုင်ကျောင်း မှတ်ပုံတင် ဥပဒေဆိုတာ ပညာရေးဝန်ကြီးဌာနက ပြဌာန်းတဲ့ သင်ရိုးညွန်းတမ်း အတိုင်း သင်ကြားတဲ့ ပုဂ္ဂလိက ကျောင်းတွေနဲ့ပဲ သက်ဆိုင်တာပါ။ ဒါကြောင့် နိုင်ငံတကာ ကျောင်းတွေနဲ့ ကိုယ်ပိုင်ကျောင်း မှတ်ပုံတင် ဥပဒေဟာ ဘယ်လိုမှ ပတ်သက် ဆက်စပ်မှု မရှိပါဘူး။ Horizon အပါအဝင် မြန်မာနိုင်ငံမှာရှိတဲ့ နိုင်ငံတကာကျောင်း အားလုံးဟာ ကုမ္ပဏီဖွင့်ပြီး သင်ကြားရေး အပိုင်းကို ဝန်ဆောင်မှု ပေးနေတာပါ။ ဘာလို့ Horizon ကျောင်းတစ်ခုကိုပဲ ကွက်ပြီး ကိုယ်ပိုင်ကျောင်း မှတ်ပုံတင်ဥပဒေနဲ့ အရေးယူရတာလဲ။ ဒါဟာ လူထုအစိုးရဲ့ ပုံရိပ်ကို အကြီးအကျယ် ထိခိုက်စေပါတယ်။ လူထု အစိုးရသစ်ဟာ ဥပဒေကို လိုရင်တစ်မျိုး၊ မလိုရင်တစ်မျိုး အဓိပ္ပါယ်ဖွင့် လုပ်ကိုင်နေသလားလို့ လူထု ကြားမှာ အတွေးပွားစေမှာပါ။ အပေါ်ယံကြည့်ရင် Horizon ဆိုတဲ့ကျောင်းကိစ္စဖြစ်ပေမယ့် အနှစ်သာရ သဘောအရ ကြည့်ရင် လူထု အစိုးရသစ်ရဲ့ ဥပဒေအပေါ် လက်တွေ့ကိုင်တွယ် ကျင့်သုံးပုံနဲ့ သက်ဆိုင်နေပါတယ်။ ဒီကိစ္စဟာ နိုင်ငံရေးအရ နက်ရှိုင်းတဲ့ အကျိုးသက်ရောက်မှုဖြစ်စေတဲ့ ကိစ္စပါ။
ဇူလိုင်လ ၂၁ ရက်နေ့ထုတ် Daily Eleven မှာတော့ ရန်ကုန်တိုင်းဒေသကြီး ပညာရေးမှူးရုံး ခေတ္တ ညွန်ကြားရေးမှူးချုပ် ဒေါ်ခင်မာဆွေက ဦးဆောင်ပြီး ဇူလိုင်လ ၁၂ ရက်နေ့မှာ Shu Khin Thar International College ကို ဝင်စစ်ဆေးတဲ့ အခါ မြန်မာဘာသာရပ်ကို သင်ကြားနေတာ တွေ့ရလို့ ခေတ္တ ညွန်ကြားရေးမှူးချုပ်ကပဲ တရားလိုလုပ် အမှု ဖွင့်ထားတယ်လို့ ရေးထားပါတယ်။ အမှန်ကတော့ မြန်မာစာ ဘာသာရပ်ကို သင်ကြားတာက Shu Khin Thar International College တစ်ခုတည်း မဟုတ်ပါဘူး။ နိုင်ငံတကာ ကျောင်းတွေမှာ ဒီလိုပဲ မြန်မာစာ ဘာသာရပ်ကို သင်ကြားကြတာပါ။ ဒီတော့ နိုင်ငံတကာ ကျောင်းတွေမှာ မြန်မာစာ ဘာသာရပ်ကို သင်ကြားတာက ပြစ်မှု ကျူးလွန်တာလား။ နိုင်ငံတကာ ကျောင်းတွေမှာ မြန်မာစာ ဘာသာရပ် မသင်ကြားသင့်ဘူးလား။ စာရေးသူအမြင်ပြောရရင် နိုင်ငံတကာ ကျောင်းတွေမှာ မြန်မာစာ ဘာသာရပ်သင်ကြားရေးရော မြန်မာ့သမိုင်း သင်ကြားမှုပါ အစိုးရက မူဝါဒချမှတ် အားပေးသင့်တာပါ။ ခက်တာက မြန်မာနိုင်ငံမှာ နိုင်ငံတကာကျောင်းတွေနဲ့ ပတ်သက်တဲ့ သီးခြားဥပဒေ မရှိသေးပါဘူး။ နိုင်ငံတကာ ကျောင်းတွေမှာ မြန်မာစာဘာသာရပ်ကို သင်ကြားကြပေမယ့် Shu Khin Thar International College ကိုပဲ ရွေးပြီး အမှုဖွင့် တရားစွဲဆို တာကတော့ လူထု အစိုးရသစ်လက်ထက် တရားဥပဒေ စိုးမိုးမှု ဘာလဲ ဆိုတဲ့ အတွေး လူထုကြားထဲ ပေါ်ပေါက်စေမှာပါ။
ဒီသတင်းတွေကြောင့် ကျောင်းသားပေါင်း ၁၄၀၀ ကျော်ရဲ့ မိဘတွေ ဘယ်လောက်ရင်ပူနေကြမလဲ။ စဉ်းစားသာကြည့်ပါတော့။ ကောလဟာလ တွေ အရဆိုရင် တူရကီနိုင်ငံ အာဏာသိမ်းရေး ကြိုးပမ်းမှု ကြောင့် မြန်မာနိုိင်ငံ ရန်ကုန်မြို့က ကျောင်းသူကျောင်းသား ၁၄၀၀ ရဲ့ ပညာရေး ကသောင်းကနင်း ဖြစ်ရတဲ့ ကိန်းမျိုး ဖြစ်နေပါတယ်။ တိုင်းပြည်ရဲ့ အနာဂတ် နဲ့ သက်ဆိုင်နေတဲ့ ကျောင်းသားကျောင်းသူ ၁၄၀၀ ကျော်ရဲ့ ပညာရေးနဲ့ ပတ်သက်ပြီး အမှုဖွင့်ထားတဲ့ ရန်ကုန်တိုင်းဒေသကြီး၊ ခေတ္တညွန်ကြားရေးမှူးချုပ် ဒေါ်ခင်မာဆွေက ဘာကြောင့် တရားစွဲဆို အမှုဖွင့်ရသလဲ ဆိုတာနဲ့ ပတ်သက်ပြီး တိုင်းပြည်နဲ့ လူထုကို ဂဃနဏ ရှင်းရှင်းလင်းလင်း တင်ပြဖို့ လိုအပ်နေပါပြီ။ ဒီလောက်အရေးကြီးတဲ့ ကိစ္စကို တိတိကျကျ ရှင်းလင်းတင်ပြဖို့ လိုအပ်ပါတယ်။ လူထုကြားထဲမှာ ကျယ်ပြန့်နေတဲ့ ကောလဟာလတွေအရ လူထုအမြင်မှာ တိုင်းပြည်ရဲ့အချုပ်အခြာအာဏာနဲ့ရော မျိုးဆက်သစ်တွေရဲ့ ပညာရေးနဲ့ပါ သက်ဆိုင်နေတာမို့လို့ လူထုအစိုးရသစ်က ထိရောက်တဲ့ ညွန်ကြားထုတ်ပြန်ချက်တွေ ပြုလုပ်သင့်ပါတယ်။ တိတိကျကျပြောရရင် ရန်ကုန်တိုင်းဒေသကြီး ခေတ္တ ညွန်ကြားရေးမှူးချုပ် ဒေါ်ခင်မာဆွေရဲ့ အမှုဖွင့် အရေးယူမှုဟာ တည်ဆဲ ဥပဒေတွေနဲ့ ညီညွတ်၊ မညီညွတ်၊ Shu Khin Thar International College တစ်ခုတည်းကိုပဲ ကွက် အရေးယူတာ ဟုတ်မဟုတ် ဆိုတာကို ဂဃနဏ ရှင်းလင်းတင်ပြဖို့ လိုအပ်ပါတယ်။
ပြည်သူ့ အရေးဂျာနယ်၊ ၂၀၁၇ ခုနှစ်၊ ဇူလိုင်လ ၂၅ ရက်၊ အတွဲ ၃၊ အမှတ် ၁၄၅
