ဇူလိုင် ၂၅၊ ၂၀၁၇
M-Media
(ကိုတင်ရီ တင်ဆက်သည်)
– တရုတ်နိုင်ငံတောင်ပိုင်း ဂွမ်ဒုန်ပြည်နယ်က နာမည်ကြီး ကမ်းရိုးတမ်းမြို့ ကွမ်ကျိုးမှာရှိတဲ့ ဒီ ‘ဟွေ့ရှန်း’ (Huaisheng) ဗလီဝတ်ကျောင်းတော်ဟာ တရုတ်နိုင်ငံရဲ့ အစောဆုံး ဗလီဝတ်ကျောင်းတော် ၄ လုံးထဲမှာ ပါဝင်ပြီး ကမ္ဘာ့သက်တမ်းအရင့်ဆုံး ဗလီဝတ်ကျောင်းတော်တွေထဲက တစ်ခုလည်း ဖြစ်ပါတယ်။
ဒီဗလီဝတ်က ၃၅.၇၅ မီတာ (၁၁၈ ပေခန့်) မြင့်တဲ့ မင်နာရတ်မျှော်စင်ဟာ တစ်ချိန်က ကွမ်းကျိုးမြို့ရဲ့ အမှတ်အသားတစ်ခု ဖြစ်ပြီး၊ ၀တ်ပြုဖို့နှိုးဆော်တဲ့အခါ အသုံးပြုသလို၊ ညအခါမှာ ဂျူကျန်း(ပုလဲ) မြစ်က သင်္ဘောတွေ ရေကြောင်းသွားလာရေးအတွက် အလွန်အသုံးဝင်လှတာကြောင့် ဟွေ့ရှန်းဗလီကို ‘မီးပြတိုက်ဗလီ’ လို့လည်း ခေါ်ဆိုပါတယ်။
သမိုင်းကြောင်း
တရုတ်မွတ်စလင်တွေရဲ့ ရှေးဟောင်းစာပေတွေအရ ဒီ ဗလီဝတ်ကျောင်းတော်ကို တန်မင်းဆက် (၆၁၈-၉၇၀) လက်ထက် အစ္စလာမ်သာသနာရဲ့ အစောပိုင်းကာလ သက္ကရာဇ် ၆၂၇ ခုနှစ်မှာ တမန်တော်မုဟမ္မဒ်သခင်ရဲ့ သာဝကကြီးတစ်းပါးဖြစ်တဲ့ ‘စအဒ် အစ်ဗနေ့ အဘီ ၀ကက်စ်’ က ဆောက်လုပ်ခဲ့တယ်လို့ ဆိုပါတယ်။
ဒီသာဝကကြီးဟာ လူတွေကို အစ္စလာမ်သာသနာဖက် ဖိတ်ခေါ်ဖို့အတွက် ကုန်သွယ်ရေးအချက်အချာကျတဲ့ ကွမ်းကျိုးမြို့ကို သက္ကရာဇ် ၆၂၀ ပြည့်နှစ်တွေမှာ ရောက်ရှိလာတယ်လို့ သမိုင်းဆရာတွေက ကောက်ချက်ချပါတယ်။
‘ဟွေ့ရှန်း’ ဆိုတဲ့ အဓိပ္ပါယ်က ‘ကိုယ်တော်သခင်အတွက် အမှတ်တရ’ လို့ အဓိပ္ပါယ်ရပြီး တမန်တော်မုဟမ္မဒ်ကို ရည်စူးပြီး မှည့်ခေါ်ထားတာပါ။
ဟွေ့ရှန်းဗလီဝတ်ကျောင်းတော်ကို ယွမ်မင်းဆက်ရဲ့ နောက်ဆုံးဘုရင် ‘ကျိကျန်း’ (၁၃၄၁-၁၃၆၈) ရဲ့ အမိန့်နဲ့ ၁၃၅၀ ခုနှစ်မှာ တစ်ကြိမ်၊ မီးသင့်မှုကြောင့် ကျင်မင်းဆက်က ‘ကန်းရှီ’ ဘုရင်ရဲ့အမိန့်နဲ့ ၁၆၉၅ ခုနှစ်မှာတစ်ကြိမ် ပြန်လည် ပြုပြင်မွမ်းမံခဲ့ရပါတယ်။
နောက်ဆုံးပြုပြင်မွမ်းမံမှုကတော့ ၁၉၃၅ ခုနှစ်မှာဖြစ်ပြီး ဗလီဝတ်ကျောင်းတော်ရဲ့ ၀တ်ပြုဆောင်ကို ပြန်လည် တည်ဆောက်ခဲ့တာ ဖြစ်ပါတယ်။
ဗိသုကာ
ဝတ်ပြုဆောင် အတွင်းပိုင်း
မြေနေရာ ၂၉၆၆ စကွဲယားမီတာမှာ ဒီဗလီဝတ်ကျောင်းတော်ကို တရုတ် ‘ဖုန်းရွှေ’ ဗိသုကာလက်ရာနဲ့ တည်ဆောက်ထားပြီး၊ အနီရောင်အုတ်ခဲတွေအသုံးပြု ဆောက်လုပ်ထားတဲ့ ၀င်ပေါက်က ဂျူကျန်းမြစ်ကို မျက်နှာမူထားပါတယ်။
ဟွေ့ရှန်း ဗလီဝတ်ကျောင်းတော်မှာ ၀တ်ပြုဆောင်၊ ၀မ်ရွယ်အဆောက်အဦး၊ အမိုးပါစင်္ကြန်လမ်း၊ ပိဋကတ်တိုက်၊ နားနေဆောင်၊ မင်နာရတ်မျှော်စင် စတာတွေ ပါဝင်တယ်။ ဗလီဝတ်ကျောင်းတော် ပရ၀ုဏ်အတွင်းက အဆောက်အဦးတွေ အများစုကို တရုတ်ရိုးရာဟန်ပန်အတိုင်း ဆောက်လုပ်ထားတာ ဖြစ်ပါတယ်။ ၀တ်ပြုဆောင်ဟာ ဗလီဝတ်ကျောင်းတော်ရဲ့ အလယ်ဗဟိုမှာ တည်ရှိပြီး ၄၀၀ စကွဲယားမီတာ ကျယ်ဝန်းပါတယ်။
ဒုလုံးရှည်သဏ္ဍာန်တည် ဆောက်ထားတဲ့ မင်နာရတ်ဟာ ၀တ်ပြုဖို့ နှိုးဆော်သံကို ဟစ်ကြွေးတဲ့လုပ်ငန်းအတွက်သာ မကဘဲ၊ ဂျူကျန်းမြစ်ထဲက သင်္ဘောတွေအတွက် ရေကြောင်းအချက်ပြ မီးပြတိုက်အဖြစ်လည်း တစ်ချိန်က အသုံးတော်ခံပါတယ်။
ရှေးရှေးက သင်္ဘောသားတွေဟာ ဒီမင်နာရတ်ကြီးကို မြင်ပြီဆိုရင် ‘ရေကြောင်းပိုးလမ်းမကြီး’ ရဲ့ အစကို ရောက်ရှိနေပြီဆိုတာ သိကြပြီး၊ ရာသီဥတုအခြေအနေကို သိရဖို့အတွက်လည်း သင်္ဘောသားတွေဟာ ဒီမင်နာရတ်အပေါ်ကို တက်ကြည့်လေ့ ရှိပါတယ်။
ဒီမင်နာရတ်ဟာ တရုတ်နိုင်ငံရဲ့ ပထမဆုံးမီးပြတိုက်ကြီးဖြစ်ပြီး အနောက်တိုင်းစတိုင် မီးပြတိုက်ကိုတော့ ၁၈၆၅ ခုနှစ်လောက်မှ တရုတ်နိုင်ငံမှာ စတင်အသုံးပြုခဲ့တာပါ။ ရေကြောင်းသွားလာမှုမှာ ဒီမင်နာရတ်ရဲ့ အသုံးဝင်ပုံကို အစွဲပြုပြီး ဟွေရှန်းဗလီဟာ ‘မီးပြတိုက်ဗလီ’ လို့လည်း အမည်တွင်ပါတယ်။
ခရီးသွားများ စိတ်ဝင်စား
စီးပွားရေးအချက်အခြာကြတဲ့ ကွမ်ကျိုးမြို့မှာ ဟွေရှန်းဗလီဝတ်ကျောင်းတော်ဟာ ခရီးသွားတွေ စိတ်ဝင်စားရာနေရာတစ်ခု ဖြစ်နေကာ တရုတ် ခရီးသွားလုပ်ငန်းတော်တော်များများမှာလည်း ဒီ သမိုင်းဝင်ဗလီဝတ်ကျောင်းတော်အကြောင်းကို တခုတ်တရ ကြော်ငြာပေးထားပါတယ်။
ကွမ်ကျိုးက အစ္စလာမ်ဘာသာဝင်တွေအတွက် အရေးပါတဲ့ ဒီ ဟွေရှန်း ဗလီဝတ်ကျောင်းတော်ဟာ ‘ကွမ်ကျိုးမွတ်စလင်အသင်း’ ရုံးထိုင်ရာ နေရာလည်း ဖြစ်ပါတယ်။
Ref : Islamoblog, wiki, islamichina
၁၁၈ ပေမြင့်သည့် နာမည်ကျော် မင်နာရတ်
ဗလီဝတ်ကျောင်းတော် ဆောက်လုပ်ခဲ့သည့် သာဝကကြီး ‘စအဒ် အစ်ဗနေ့ အဘီ ၀ကက်စ်’ ၏ အမည်ကို ထွင်းထုထားမှု
ခရီးသွားများ စိတ်ဝင်တစား
