Blog

ဆော်ဒီမှ နှင်ထုတ်ခံရသည့် ကာတာလယ်သမားများ၏ ကုလားအုတ်များ သဲကန္တာရတွင် ရေငတ်သေဆုံး

ဇူလိုင် ၁၄၊ ၂၀၁၇
M-Media

– ကာတာနှင့် သံတမန်ပြဿနာကြောင့် ဆော်ဒီမှ နှင်ထုတ်ခံခဲ့ရသည့် ကာတာလယ်သမားများ၏ ရာနှင့်ချီသော ကုလားအုပ်များမှာ သဲကန္တရာအတွင်း ရေငတ် သေဆုံးခဲ့ကြသည်ဟု သိရသည်။

ဆော်ဒီမှာ ကာတာလယ်သမားများအား သဲကန္တရာမှ အဓမ္မဖြတ်ပြန်ခိုင်းခဲ့ခြင်းဖြစ်ပြီး နှစ်နိုင်ငံငယ်စပ်၌ တစ်နေ့လျှင် အကန့်အသတ်နှင့်သာ ကုလားအုပ်များကို ဖြတ်သန်းခွင့်ပြုသောကြောင့် အချိန်မီ ပြန်လည်မရောက်နိုင်ဘဲ ရှိနေသည်။

အချို့သော ကာတာလယ်သမားများမှာ ဆော်ဒီမှ ချက်ခြင်းပြန်သွားသော်လည်း အချို့မှာ ၎င်းတို့၏ သားကောင်းများနှင့်အတူ ပြန်ရာတွင် လမ်း၌ အခြားသူများ၏ ကုလားအုပ်များနှင့် ရောသွားသောကြောင့် ရက်အတန်ကြာ အချိန်ယူကာ ရွေးထုတ်ရခြင်း၊ ကုလားအုတ်အပါအ၀င် အခြားသော သားကောင်များမှာ အပူဒဏ်မခံနိုင်ခြင်း၊ ရေငတ်ခြင်းတို့ကြောင့် လမ်းတွင် သေဆုံးခြင်း စသည့် အခက်အခဲများနှင့် ရင်ဆိုင်နေရသည်။

ဆော်ဒီနယ်စပ်တွင်လည်း ကုလားအုတ်များကို ပူအချိန် ၅၀ ဒီဂရီအောက်တွင် ယာယီခြံများ၌ စုပြုံထည့်ထားကြသည်။

“ကုလားအုတ်တွေက ဘယ်သွားရမှန်းမသိဘဲ မောပန်းနေကြပြီး တော်တော်လေး ကသီပါတယ်” ဟု ကုလားအုတ်ပိုင်ရှင် စအစ် အလ် ဟာဂျာရီက ပြောကြားခဲ့သည်။

အခြားပိုင်ရှင်တစ်ဦးဖြစ်သည့် ဟူစိန် အလ်-မာရီကလည်း ဆော်ဒီမှ ၎င်းပြန်လာသည့် လမ်းတစ်လျှောက်တွင် သေဆုံးနေသော ကုလားအုတ် ၁၀၀ ကျော်၊ လမ်းပျောက်နေသည့် ရာနှင့်ချီသော ကုလားအုတ်များ၊ သိုးများကို တွေ့ခဲ့ရသည်ဟု ပြောကြားခဲ့သည်။

ကာတာဘက်တွင်မူ သဘာဝပတ်ဝန်းကျင် ၀န်ကြီးဌာနက ဆော်ဒီမှ ပြန်ဝင်လာသည့် ကုလားအုတ် ၈၀၀၀ ကျော်အတွက် နေရာထိုင်ခင်များ၊ ရေများ၊ အစားသောက်များ စီစဉ်ပေးထားသည်။ ထို့ပြင် ကုလားအုတ်များအား ကျန်းမာရေး စောင့်ရှောက်မှုပေးရန်အတွက် တိရစ္ဆာန်ဆရာဝန်များ၊ တိရစ္ဆာန်ကျွမ်းကျင်သူများကိုလည်း ကာတာအစိုးရက စေလွှတ်ထားသည်။

ဆော်ဒီဦးဆောင်သည့် အုပ်စုကာ ကာတာနှင့် သံတမန်အပါအ၀င် အဆက်အသွယ်အားလုံး ဖြတ်တောက်ပြီးနောက်ပိုင်း ကာတာနိုင်ငံသားများ ပိုင်ဆိုင်သည့် တိရစ္ဆာန်ပေါင်း ၁၂၀၀၀ မှ ၂၅၀၀၀ အကြားမှာ ဒုက္ခရောက်ခဲ့ရသည်။

နိုင်ငံမှာ သေးငယ်သောကြောင့် ကာတာလယ်သမားများမှာ ဆော်ဒီသို့ ၀င်ရောက်ကာ ၎င်းတို့၏ တိရိစ္ဆာန်များအတွက် စားကျက်များကို ရှာဖွေလေ့ရှိသည်။

Ref : Indepndent

July 14, 2017
မည်သည့်အကြမ်းဖက်သမားကိုမှ လွတ်ငြိမ်းချမ်းသာခွင့်မပေးဟု အီရတ်ဝန်ကြီးချုပ် ပြော

ဇူလိုင် ၁၃၊ ၂၀၁၇
M-Media

အီရတ်စစ်တပ်ထံ အညံ့ခံခဲ့သည့် IS အဖွဲ့မှ နိုင်ငံခြားသား အဖွဲ့ဝင်များ

– အီရတ်နိုင်ငံအတွင်းရှိသည့် အကြမ်းဖက်သမားတိုင်းကို အပြစ်ပေးသွားမည်ဖြစ်ပြီး မည်သည့်အကြမ်းဖက်သမားကိုမှ လွတ်ငြိမ်းချမ်းသာခွင့် ပေးမည်မဟုတ်ဟု အီရတ်ဝန်ကြီးချုပ် ဟိုက်ဒါ အလ်-အာဘာဒီက ပြောကြားလိုက်သည်။

၂၀၁၄ ခုနှစ်က IS အကြမ်းဖက်အဖွဲ့၏ သိမ်းပိုက်မှုကိုခံခဲ့ရသည့် ဒုတိယမြို့တော် မူဆိုးလ်ကို ပြန်လည်ရရှိရန် အီရတ်အစိုးရစစ်တပ်နှင့် ကာ့ဒ်တပ်ဖွဲ့များက ၉ လကြာ ထိုးစစ်ဆင်ခဲ့ရပြီး ပြီးခဲ့သည့်သီတင်းပတ် နှောင်းပိုင်းတွင် သိမ်းယူနိုင်ခဲ့သည်။

ယမန်နေ့က ၀န်ကြီးများကောင်စီ အဖွင့်မိန့်ခွန်းတွင် အာဘာဒီက အီရတ်စစ်သားများမှာ လူ့အခွင့်အရေးကို ကာကွယ်သူများဖြစ်ပြီး၊ လူသားထုလွတ်မြောက်ရေး၊ ပြည်သူများအား ကယ်တင်ရေး စတေးခဲ့ကြသူများဖြစ်ကြောင်း၊ လူ့အခွင့်အရေးကို ကာကွယ်ရန် စစ်သားများ၏ ကြိုးပမ်းမှုများကို အစိုးရအနေဖြင့် ထောက်ခံသွားမည်ဖြစ်ပြီး မည်သည့်ချိုးဖောက်မှုမျိုးကိုမဆို ဆန့်ကျင်သွားမည်ဖြစ်ကြောင်း ပြောကြားခဲ့သည်။

မူဆိုးလ်ထိုးစစ်တွင် အရပ်သားများ သေဆုံးမှုနှင့်ပတ်သက်၍ နိုင်ငံတကာ လူ့အခွင့်အရေးအဖွဲ့ဖြစ်သော Amnesty International က ရှုတ်ချခဲ့သည်။

အာဘာဒီက ပြစ်ဒဏ်ခံရမှုမှ မည်သည့်အကြမ်းဖက်သမားမှ လွတ်မြောက်မည်ဟုတ်ဘဲ၊ လူသတ်အကြမ်းဖက်သမားများကို လွတ်ငြိမ်းချမ်းသာခွင့်လည်း ပေးမည်မဟုတ်ဟု ထည့်သွင်းပြောကြားခဲ့သည်။

ထို့ပြင် မိမိတို့အစိုးရမှာ အနာဂတ်တွင် စီးပွားရေး၊ ဖွံ့ဖြိုးရေးနှင့် ပညာရေးကဏ္ဍများကို အာရုံစိုက် လုပ်ဆောင်မည်ဖြစ်ကာ ခြစားမှုကိုလည်း တိုက်ဖျက်သွားမည်ဟု ဆိုသည်။

Ref: Alarabiya

July 13, 2017
အနာဂတ်ပို့ဆောင်ရေးစနစ် hyperloop ၏ နည်းစနစ်ပိုင်းဆိုင်ရာ စမ်းသပ်မှု အောင်မြင်

ဇူလိုင် ၁၃၊ ၂၀၁၇
M-Media

– အသံထက်မြန်နဲ့နှုန်းနဲ့ ခရီးသည်တွေကို ပို့ဆောင်ပေးဖို့ ရည်ရွယ်ထားတဲ့ အနာဂတ် ပို့ဆောင်ရေး စနစ်သစ် hyperloop ရဲ့ နည်းစနစ်ပိုင်းဆိုင်ရာ အောင်မြင်စွာ စမ်းသပ်နိုင်ခဲ့ပြီလို့ Hyperloop One ကုမ္ပဏီက ကြေငြာလိုက်ပါတယ်။

သီးသန့်ပြုလုပ်ထားတဲ့ လေဟာနယ် လှိုင်ခေါင်းထဲမှာ ရထားလိုယာဉ်မျိုးနဲ့ ပြေးဆွဲမယ့် ဒီစနစ်မှာ လျှစ်စစ်သံလိုက်လှိုင်း တွန်းကန်အားနဲ့ သံလိုက် ပျံတက်နိုင်အား (mag-lev) နည်းပညာကို အသုံးပြုမှာဖြစ်ပြီး တစ်နာရီကို မိုင်ပေါင်း ၇၅၀ နှုန်းနဲ့ သွားနိုင်ဖို့ ရည်ရွယ်ထားပါတယ်။ ဒါဟာ လော့စ်အိန်ဂျလိစ်မြို့နဲ့ ဆန်ဒီယေဂို
မြို့ ခရီးကို ၁၃ မိနစ်သာ ကြာမြင့်စေမှာ ဖြစ်ပါတယ်။

Hyperloop ကုမ္ပဏီကို ပူးတွဲတည်ထောင်သူ ဂျို့ရှ် ဂျီဂျဲလ်နဲ့ ရှာဗင် ပီရှီဗာတို့က ၁၉၀၃ ခုနှစ်မှာ ကမ္ဘာ့ ပထမဆုံး လေယျာဉ်ပျံကို အောင်မြင်စွာ စမ်းသပ်နိုင်ခဲ့တဲ့ ရိုက်ညီနောင်ဟာ ၅ နှစ်နေမှ လူထုကို ချပြနိုင်ခဲ့ပေမယ့် မိမိတို့အနေနဲ့ အဲဒီလောက် မကြာချင်ဘူးလို့ ပြောကြားခဲ့ပါတယ်။

သူတို့ရဲ့ နည်းနစ်ပိုင်းဆိုင်ရာ ပထမဆုံး စမ်းသပ်မှုကို မေလ ၁၂ ရက်နေ့က ကုမ္ပဏီတည်ရှိရာ နီဗာဒါ သဲကန္တာရမှာ ပြုလုပ်ခဲ့တာဖြစ်ပြီး တစ်နာရီကို မိုင်ပေါင်း ၇၀ နှုန်းနဲ့ သွားနိုင်ခဲ့ပါတယ်။

ဂျီဂျဲလ်နဲ့ ပီရှီဗာတို့အဖွဲ့ဟာ လက်ရှိမှာ နောက်ထပ် ပြည့်ဝတဲ့ စမ်းသပ်မှုတစ်ခုကို ပြလုပ်ဖို့ စီစဉ်နေပြီး ဒီတစ်ခါမှာတော့ တစ်နာရီကို မိုင်ပေါင်း ၂၅၀ လောက်သွားနိုင်ဖို့ ရည်ရွယ်ထားပါတယ်။

ဧပြီလမှာ သူတို့ကုမ္ပဏီဟာ အမေရိကန်က သူတို့မျှော်မှန်းထားတဲ့ hyperloop လမ်းကြောင်း ၁၁ ခုကို ချပြခဲ့ပါတယ်။ နောက်ပြီး ကနေဒါ၊ သြစတေးလျ၊ အိန္ဒိယ၊ တရုတ်၊ တောင်အာဖရိက၊ မက္ကဆီကို၊ တောင်ကိုရီးယား၊ အစ္စရေနဲ့ အာဂျင်တီးနားတို့မှာလည်း ဒီ အသံထက်မြန်တဲ့ ပို့ဆောင်ရေးနစ်ကို အကောင်အထည်ဖော်သွားဖို့ စီစဉ်နေတယ်လို့ ပြောကြားခဲ့ပါတယ်။

Ref: RT

July 13, 2017
နိုင်ငံတကာမှ ဝေဖန်မှုကြောင့် အာဖဂန် အမျိုးသမီး တီထွင်သူအဖွဲ့ကို ကန် ပြည်ဝင်ခွင့်ပြု

ဇူလိုင် ၁၃၊ ၂၀၁၇
M-Media

– အမေရိကန်သို့ ပြည်ဝင်ခွင့်ဗီဇာ နှစ်ကြိမ်တိုင်တိုင် ငြင်းပယ်ခံခဲ့ရသည့် အာဖဂန် စက်ရုပ်တီထွင်သူ မိန်းကလေးငယ်များအဖွဲ့ကို ဗီဇာပေးရန် ဆုံးဖြတ်ခဲ့သည်ဟု အမေရိကန် တာဝန်ရှိသူများက ပြောကြားခဲ့သည်။

အထက်တန်းကျောင်းသူ ၆ ဦးပါဝင်သည့် အဆိုပါအဖွဲ့မှာ တနင်္ဂနွေနေ့တွင် ၀ါရှန်တန်၌ ပြုလုပ်မည့် နိုင်ငံတကာစက်ရုပ်ပြိုင်ပွဲတွင် ပါဝင်နိုင်ရန် ကြိုးစားခဲ့ပြီး ၎င်းတို့ တီထွင်ထားသည့် စက်ရုပ်မှာ ၀င်ရောက်ယှဉ်ပြိုင်ခွင့် ရရှိခဲ့သော်လည်း ၎င်းတို့၏ ပြည်ဝင်ခွင့်လျှောက်ထားမှုမှာ ၂ ကြိမ်တိုင်တိုင် ပယ်ချခံခဲ့ရသည်။

ထို့ကြောင့် အမေရိကန်၏ လူဝင်မှုမူဝါဒကို လူ့အခွင့်အရေးအဖွဲ့များ အပါအ၀င် နိုင်ငံတကာမှ ဝေဖန်မှုခဲ့ကြသည်။ အမေရိကန်အစိုးရ တာဝန်ရှိသူတစ်ဦးကမူ ယခုကိစ္စအတွက် တိုးတက်မှုများရရှိနေသည်ဟု ပြောကြားခဲ့ပြီး၊ မိန်းကလေးငယ်များအဖွဲ့ကလည်း ကဘူးလ်ရှိ အမေရိကန်သံရုံးက ၎င်းတို့အား တွေ့ဆုံရန် ခေါ်ယူထားသည်ဟု ယနေ့တွင် ပြောကြားခဲ့သည်။

“ပျော်လွန်းလို့ ဘာပြောရမှန်းတောင် မသိပါဘူး။ အမေရိကန်မှာ ကျွန်မတို့ ၇ ရက် နေရမှာဖြစ်ပြီး အမေရိကန်နဲ့ အာဖဂန်က ယဉ်ကျေးမှုတွေကို နှိုင်းယှဉ်လေ့လာမှာ ဖြစ်ပါတယ်။ ပြီးတော့ လျှောက်လည်မယ်၊ လူတွေနဲ့ စကားပြောမယ်” ဟု အသက် ၁၅ နှစ်အရွယ် ရိုဒါဘာ နူရီက ပြောကြားခဲ့သည်။

လူ့အခွင့်အရေးအဖွဲ့ Human Rights Watch က ဗီဇာငြင်းပယ်ခြင်းမှုမှာ ‘အာဖဂန်နစ္စတန်မှ အမျိုးသမီးငယ်များကို စွမ်းအားမြှင့်တင်ပေးရန် ကြိုးပမ်းနေသည်ဟု အမေရိကန်၏ ပြောကြားမှု အတုအယောင်သာ ဖြစ်သည်ဆိုသည်ကို မီးမောင်းထိုးပြနေခြင်း’ ဖြစ်သည်ဟု စောစောပိုင်းတွင် ဝေဖန်ခဲ့သည်။

အဆိုပါ နိုင်ငံတကာ စက်ရုပ်ပြိုင်ပွဲအတွက် အာဖဂန်နှင့် ဂမ်ဘီယာနိုင်ငံမှ အဖွဲ့နှစ်ဖွဲ့သာ ဗီဇာငြင်းပယ်ခံရခြင်းဖြစ်ပြီး နောက်ပိုင်းတွင် ဂမ်ဘီယာကိုလည်း အမေရိကန်က ပြန်လည် ပြည်ဝင်ခွင့်ပြုခဲ့သည်။

အမေရိကန်မှာ မွတ်စလင်အများစုရှိရာ နိုင်ငံ ၆ နိုင်ငံအပေါ် ပြည်ဝင်ခွင့်ဗီဇာ တင်းကျပ်သည့် ဥပဒေတစ်ခုကို လက်ရှိတွင် ကျင့်သုံးနေပြီး ထိုအထဲတွင် ဂမ်ဘီယာနှင့် အာဖဂန်တို့ မပါဝင်ပေ။

Ref: The Guardian

July 13, 2017
တရုတ်အစိုးရ၏ နှိပ်ကွပ်မှုခံရသူ နိုဘယ်ငြိမ်းချမ်းရေးဆုရှင် လျူရှောင်ဘို ကွယ်လွန်

ဇူလိုင် ၁၃၊ ၂၀၁၇
M-Media

ဆေးရုံတွင်တွေ့ရသည့် လျူရှောင်ဘို

– တရုတ်နိုင်ငံမှ နိုဘယ်ငြိမ်းချမ်းရေးဆုရှင်ဖြစ်ပြီး ဒီမိုကရေစီအရေးလှုပ်ရှားမှုကြောင့် တရုတ်အစိုးရ၏ ဖမ်းဆီးထိန်းသိမ်းခြင်းကို ခံထားရသည့် လျူရှောင်ဘိုမှာ ကွယ်လွန်သွားခဲ့ပြီဟု တရုတ်အာဏာပိုင်များက ကြေငြာလိုက်သည်။

လျူမှာ နိုင်ငံအရှေ့မြောက်ပိုင်း ရှန်းယန်မြို့တွင် အသည်းကင်ဆာ နောက်ဆုံးအဆင့်ဖြင့် ဆေးကုသမှုခံယူနေရသူဖြစ်ပြီး ရှန်းယန် ဥပဒေရေးရာဗျူရိုက လျူ၏ ကိုယ်တွင်းအင်္ဂါများ မလုပ်မလုပ်တော့ဘဲ ၎င်းအား ကယ်တင်ရန် ကြိုးစားမှုမှာ မအောင်မြင်ခဲ့သည်ဟု ၎င်းတို့၏ ၀ဘ်စာမျက်နှာ၌ ယနေ့တွင် ဖော်ပြခဲ့သည်။

အသက် ၆၁ နှစ်အရွယ်ရှိ လျူမှာ နိုင်ငံရေး ပြုပြင်ပြောင်းလဲမှုများ ပြုလုပ်ရန်အတွက် တောင်းဆိုလွှာ ရေးသားမှုကို ကူညီခဲ့ပြီးနောက် ၂၀၀၉ ခုနှစ်တွင် ‘အစိုးရကို ပုန်ကန်ရန် လှုံ့ဆော်မှု’ ဖြင့် ထောင်ဒဏ် ၁၁ နှစ် ကျခံခဲ့ရသည်။ အသည်းကင်ဆာ နောက်ဆုံးအဆင့် ဖြစ်နေကြောင်းကို ပြီးခဲ့သည့် မေလတွင်မှ သိရှိခဲ့ရခြင်းဖြစ်သည်။

လျူမှာ ၂၀၁၀ ခုနှစ်တွင် ငြိမ်းချမ်းရေး နိုဘယ်ဆုကို ရရှိခဲ့ပြီး ဆုတက်မယူနိုင်သည့် ၎င်း၏နေရာကို ထိုင်ခုံအလွတ် ထားရှိခဲ့သည်။ ရောဂါဆိုးရွားလာမှုကြောင့် လျူကို ထောင်မှနေ၍ ရှန်းယန်ရှိ ဆေးရုံကို မကြာသေးမီကမှ ပြောင်းရွှေ့ခဲ့သည်။

လျူ၏ ကျန်းမာရေးအခြေအနေမှာ ဆိုးရွာသောကြောင့် နိုင်ငံရပ်ခြားတွင် ဆေးကုသခွင့်ပြုရန် နိုင်ငံတကာ၏ တောင်းဆိုမှုအား တရုတ်က လက်မခံဘဲ ပယ်ချခဲ့သည်။

Ref: Aljazeera

July 13, 2017