ဇွန် ၂၃၊ ၂၀၁၇
M-Media
– ဆူမာတြားကျွန်းက ဒေါက်တာ အမျိုးသမီးတစ်ယောက်နဲ့ ဂျကာတာမြို့က ဆယ်ကျော်သက်ကောင်လေး တစ်ယောက်ဟာ အစ္စလာမ့်ကာကွယ်ရေးတပ်ဦး (FBI) လို့ခေါ်တဲ့ အဖွဲ့က လူတွေရဲ့ ခြိမ်းခြောက်မှုကြောင့် ပြီးခဲ့တဲ့လမှာ ထွက်ပြေးခဲ့ရပါတယ်။
အသက် ၁၅ နှစ်အရွယ် ကောင်လေးတစ်ယောက်ကို FPI အဖွဲ့ဝင်တွေက ၀ိုင်းပြီး ထိုးနှက်ကန်ကျောက်တဲ့ ဗီဒီယိုဖိုင်တစ်ခုဟာ အွန်လိုင်းစာမျက်နှာမှာ ပြန့်သွားခဲ့ပါတယ်။ အင်ဒိုနီးရှားရဲတပ်ဖွဲ့ကတော့ အဲဒီ ကောင်လေးနဲ့ သူ့ရဲ့ မိသားစုဟာ အခုအချိန်မှာ လုံခြုံတဲ့နေရာ ရောက်နေပြီလို့ ဆိုပါတယ်။
ဒီကောင်လေးနဲ့ ဒေါက်တာ နှစ်ယောက်စလုံးဟာ FPI ခေါင်းဆောင် ဟာဘစ် ရီဇစ်က် ရှီဟဘ်နဲ့ပတ်သက်ပြီး Facebook စာမျက်နှာမှာ မှတ်ချက်တွေ ရေးသားခဲ့ပါတယ်။ ရီဇစ်ဟာ လိင်ကိစ္စနဲ့ပတ်သက်လို့ ရဲတပ်ဖွဲ့က အလိုရှိနေသူတစ်ယောက် ဖြစ်ပြီး အာဏာပိုင်တွေရဲ့ မေးမြန်းမှုကို ရှောင်ရှားဖို့အတွက် အင်ဒိုနီးရှားကနေ ဆော်ဒီကို ထွက်ပြေးသွားခဲ့ပါတယ်။
“သူ အပြစ်မရှိဘူးဆိုရင် ဘာ့ကြောင့် ပြေးနေလဲ။ သူ့အဖွဲ့အ၀င် ရှေ့နေ ၃၀၀ လောက်နဲ့ လူ ၇ သန်းလောက်က သူ့ဘက်မှာ မရှိဘူးလား။ မပြေးနဲ့ ဟာဘစ်” လို့ ဒေါက်တာ ဖီရာ လိုဗီတာက သူမရဲ့ Facebook စာမျက်နှာမှာ ရေးသားခဲ့ပါတယ်။
ရီဇစ်ရဲ့နောက်လိုက်တွေကတော့ လိုဗီတာဟာ အစ္စလာမ်သာသနာကို စော်ကားတယ်ဆိုတဲ့ စွဲချက်နဲ့ ဒေါ်သထွက်နေကြပါတယ်။ သတ်ဖြတ်ဖို့၊ ကျောက်တုန်းနဲ့ ပေါက်သတ်ဖို့၊ အရှင်လတ်လတ်မီးရှို့ဖို့အထိ ခြိမ်းခြောက်နေကြတယ်လို့ ဒေါက်တာ ဖီရာရဲ့ ပြောကြားမှုကို ကိုးကားပြီး Liputan6 သတင်းဌာနက ဖော်ပြခဲ့ပါတယ်။
ဒေါက်တာ ဖီရာဟာ အဲဒီအချိန်ကတည်းက သူမရဲ့ဇာတိမြို့ အနောက်ဆူမာတြားကနေ ဂျကာတာကို ထွက်ပြေးခဲ့ရပါတယ်။
ဒါပေမယ့် သူမရဲ့ ဂျကတာခရီး တစ်လျှောက်လုံးမှာ အင်ဒိုနီးရှားရဲ့ အကြီးဆုံး မွတ်စလင်လူငယ်အဖွဲ့ Gerakan Pemuda Ansor (GP Ansor) က အဖွဲ့ဝင်တွေက စောင့်ရှောက်ပေးခဲ့ကြပါတယ်။ ဒီအဖွဲ့ဟာ အသင်းဝင်ပေါင်း သန်း ၅၀ ရှိပြီး တိုင်းပြည်ရဲ့ အကြီးဆုံး အစ္စလာမ်ဘာသာရေးအဖွဲ့ Nahdlatul Ulama (NU) ရဲ့ လူငယ်အဖွဲ့ခွဲဖြစ်ပါတယ်။
“အခုအချိန်မှာ တိုင်းပြည်ရဲ့ တစ်ပြည်ထာင်ဝါဒ၊ လူနည်းစုတွေကို အလေးထားတဲ့ အဖွဲ့ဆိုတာ NU တစ်ဖွဲ့ပဲ ရှိပါတယ်။ အစွန်းရောက်တွေကို တိုက်ဖျက်ဖို့အတွက်လည်း NU တစ်ဖွဲ့တည်းကသာ အခုအချိန်မှာ ဆောင်ရွက်နေတာပါ” လို့ တိုင်းပြည်အတွင်းမှာ ခလီဖာစနစ် ထူထောင်ချင်တဲ့ IS လိုလားသူ အဖွဲ့တွေကို တိုက်ဖျက်
နေတာကို ရည်ညွှန်းကာ ဂျကာတာမှာနေထိုင်တဲ့ အမည်မဖော်လိုသူ တစ်ဦးက ပြောကြားခဲ့ပါတယ်။
Ansor ၏ အစ္စလာမ့်လူသားဝါဒကြေငြာချက်
အစ္စလာမ့် ဓမ္မစာပေတွေကနေ ခေတ်သစ်လူ့အဖွဲ့အစည်းနဲ့ ကိုက်ညီတဲ့ အတွေးအခေါ်မျိုးတွေကို ဖော်ထုတ်ဖို့ Ansor က ကွန်ဂရက်တစ်ခု ကျင်းပကာ တိုက်တွန်းခဲ့ပြီးတဲ့နောက် ဒေါက် ဖီရာရဲ့ကိစ္စ ပေါ်ပေါက်လာတာဖြစ်ပါတယ်။ Ansor အဖွဲ့ဟာ ပြီးခဲ့တဲ့လကလည်း အရှေ့ဂျာဗားက ဂျွန်ဘန်းမြို့မှာ ‘အစ္စလာမ့်လူသားဝါဒ ကြေငြာချက်’ တစ်ခုကို ထုတ်ပြန်ခဲ့ပါတယ်။
“အစ္စလာမ်သာသနာရဲ့ နာမည်ကို အလွဲသုံးစားလုပ်ပြီး နိုင်ငံသားအချင်းချင်း သဘောထားကွဲအောင်လုပ်တာ၊ အကြမ်းဖက်လုပ်ရပ်တွေ၊ သူပုန်ထမှု၊ ပြဿနာဖြစ်အောင်လုပ်တာတွေကို ပွင့်ပွင့်လင်းလင်း ဖော်ထုတ်ဖြေရှင်းတာမျိုး မလုပ်သမျှ ဒီလုပ်ရပ်တွေဟာ မွတ်စလင်တွေကို ဆက်လက် ဒုက္ခရောက်စေမှာဖြစ်ပြီး၊ လူသားထုကိုလည်း ခြိမ်းခြောက်နေပါလိမ့်မယ်” လို့ အစ္စလာမ့်လူသားဝါဒကြေငြာချက် ထုတ်ပြန်တဲ့အချိန်မှာ Ansor က ပြောကြားခဲ့ပါတယ်။
အစွန်းလွတ် အစ္စလာမ်သာသနာရဲ့ ပြယုဂ်တစ်ခုဖြစ်တဲ့ အင်ဒိုနီးရှားနိုင်ငံအတွင်း သည်းမခံနိုင်မှုတွေ၊ အစွန်းရောက်ဝါဒတွေ မြင့်တက်လာတဲ့အချိန်မှာ Ansor ရဲ့ ဒီလှုပ်ရှားမှု ပေါ်ထွက်လာတာဖြစ်ပါတယ်။
ဒီ သည်းမခံနိုင်မှုအတွက် ထင်ရှားတဲ့ ကိစ္စတစ်ခုကတော့ ဂျကာတာမြို့ရဲ့ ပထမဆုံး တရုတ်လူမျိုး ခရစ်ယာန်ဘာသာဝင် မြို့တော်ဝန် Ahok ကို သာသနာညှိုးနွမ်းစေမှုနဲ့ ထောင်ချခဲ့တာဖြစ်ပြီး ဒါဟာ အစွန်းရောက်တွေ အသာရသွားပြီလားဆိုတဲ့ စိုးရိမ်မှုတွေကိုလည်း မြင့်တက်လာစေပါတယ်။
“တရားသူကြီးတွေကို ကြိုးကိုင်၊ တစ်ခြားသူတွေရဲ့ ဂုဏ်သိက္ခာကို ခြိမ်းခြောက်နင်းခြေတဲ့ လုပ်ရပ်တွေနဲ့ ‘အမှန်တရား’ ကို မောင်ပိုင်စီးချင်တဲ့အုပ်စုတွေ ပေါ်ထွက်လာတာကြောင့် ဒီဟာ (အစ္စလာမ့်လူသားဝါဒကြေငြာချက်) ပေါ်ထွက်လာဖြစ်ပါတယ်” လို့ Ansor ရဲ့ အကြီးအကဲ ယာကွတ် ကူမက်စ်က ပြောကြားခဲ့ပါတယ်။
အစိုးရနဲ့ ရဲတပ်ဖွဲ့က ပြတ်ပြတ်သားသား ဆောင်ရွက်မှု မရှိတာကြောင့်လည်း ဒီအုပ်စုတွေက အတင့်ရဲလာတယ်လို့ သူက ဆိုပါတယ်။
“သူတို့ (အစိုးရနဲ့ ရဲတပ်ဖွဲ့) ကသာ ပြတ်သားရင်၊ ဥပဒေဘောင်ကိုကျော်တဲ့ လုပ်ရပ်တွေကို သူတို့ လုပ်ရဲမှာ မဟုတ်ပါဘူး” လို့ ယာကွတ်က ဆိုပါတယ်။
ဒီကြေငြာချက်က အစွန်းရောက်ဝါဒကို လျော့ကျစေရေး၊ တာဆီးရေး အထောက်အကူဖြစ်မလားလို့ မေးမြန်းတဲ့အခါမှာတော့ ယာကွတ်က “အစ္စလာမ့်လူသားဝါဒကြေငြာချက်ဟာ အကူအညီဖြစ်မှာပါ။ ကျွန်တော်တို့ဟာ ဒီကြေငြာချက်တစ်ခုတည်းနဲ့ ရပ်သွားမှာမဟုတ်ဘဲ အားကောင်တဲ့ ဆောင်ရွက်မှုမျိုးကို ထပ်လုပ်သွားဖို့ရှိပြီး၊ ခေတ်ကာလနဲ့ လျော်ညီအောင် အစ္စလာမ့်စာပေတွေကို ပြန်လည်ဖော်ထုတ်ဖို့ ဘာသာရေးခေါင်းဆောင်တွေကိုလည်း တိုက်တွန်းသွားမှာပါ” လို့ ဖြေကြားခဲ့ပါတယ်။
အစ္စလာမ့်လူသားဝါဒ ကမ္ဘာတစ်ဝှမ်း ပြန့်နှံ့ရေး
စာမျက်နှာ ၂၂ နှာပါဝင်တဲ့ ဒီကြေငြာချက်မှာ အစ္စလာမ့်ကမ္ဘာမှာ ကြုံတွေ့နေရတဲ့ ပြဿနာတွေကို ဖြေရှင်းရေး ရေရှည်အားထုတ် ပူးပေါင်းဆောင်ရွက်ရမယ့် မူဝါဒ လမ်းစဉ်တစ်ခုကို ဖော်ပြထားပါတယ်။
အဓိက မဟာဗျူဟာထဲမှာ ယခုခေတ်ကာလနဲ့ လျော်ညီတဲ့ အစ္စလာမ့်စာပေတွေကို ဖော်ထုတ်နိုင်ရေး ဘာသာရေးဆိုင်ရာ မူတစ်ခု ပေါ်ထွက်ဖို့ စတာတွေလည်း ပါဝင်ပါတယ်။
“ကျွန်တော်တို့ရဲ့ ရည်ရွယ်ချက်ဟာ လူသားထုတ်ရပ်လုံး ကောင်းစားဖို့ နှစ်မြှုပ်ဆောင်ရွက်ရမယ့် ကမ္ဘာလုံးဆိုင်ရာ လှုပ်ရှားတစ်ခု ပေါ်ထွက်လာရေးအတွက် နိုင်ငံတကာ ကွန်ယက်တစ်ခု ဖွံ့ဖြိုးလာဖို့ ဖြစ်ပါတယ်။ အဖန်းဆင်ခံအားလုံးတို့အတွက် ဂရုဏာရှင်ဖြစ်တော်မူတယ် ဆိုတဲ့ ‘ရဟ်မသ်သွလ်လစ်လ်အားလမီးန်’ ဆိုတဲ့ စကားအတိုင်း ‘အစ္စလာမ့်လူသားဝါဒ’ ကို အမှီပြုတဲ့ ကမ္ဘာလုံးဆိုင်ရာ လူ့အဖွဲ့အစည်းစစ်စစ်တစ်ခု ပေါ်ထွက်လာရေး တွန်းအားပေးဖို့လည်း ဖြစ်ပါတယ်” လို့ Ansor က ဆိုပါတယ်။
ဒါပေမယ့် Ansor ရဲ့ ဒီဆောင်ရွက်မှုဟာ အင်ဒိုနီးရှားနဲ့ နိုင်ငံပြင်မှာ ထောက်ခံမှုကောင်းကောင်း ရပါ့မလားဆိုတဲ့ မေးခွန်းတွေလည်း ပေါ်ထွက်လာပါတယ်။
လေ့လာစောင့်ကြည့်သူတွေကတော့ အင်ဒိုနီးရှားဟာ ကမ္ဘာ့ အစ္စလာမ်ဘာသာဝင်အများဆုံးရှိရာ နိုင်ငံတစ်ခု ဖြစ်ပေမယ့် အစ္စလာမ်ကမ္ဘာမှာ အဓိက အခန်းကဏ္ဍကနေ ပါဝင်တယ်လို့ မှတ်ယူမခံရတာကြောင့် Ansor နဲ့ သူ့ရဲ့ မိခင်အဖွဲ့ NU တို့ဟာ စိန်ခေါ်မှု တော်တော်များများကို ကြုံတွေ့ရနိုင်တယ်လို့ ယုံကြည်နေကြပါတယ်။
“ဒီလုပ်ဆောင်မှုထဲမှာ ပါတာတွေက သိပ်ကောင်းတယ်ဗျ။ ဒါပေမယ့် မွတ်စလင်ကမ္ဘာကို ခဏထား – အင်ဒိုနီးရှားက NU အသိုင်းအ၀ိုင်း အပြင်ဘက်မှာတောင် ထိရောက်မှုရှိပါ့မလားဆိုတာကို သံယသဖြစ်မိတယ်။ နိုင်ငံအပြင်ဘက်မှာ NU နဲ့ အင်ဒိုနီးရှားက အစ္စလာမ်သာသနာဟာ လွှမ်းမိုးမှု မရှိသလောက်ဖြစ်နေတာက ၀မ်းနည်းစရာပါ။ အင်ဒိုနီးရှားက အစ္စလာမ့်အတွေးအခေါ်တွေ နေရာရဖို့အတွက် ကြိုးပမ်းမှုတော်တော်များများ ရှိပေမယ့် အောင်မြင်မှုက နည်းပါတယ်။ အရှေ့အလယ်ပိုင်းနဲ့ တောင်အာရှနိုင်ငံ တော်တော်များများက အင်ဒိုနီးရှားကို အရာမသွင်းကြပါဘူး” လို့ သြစတေးလျ အမျိုးသားတက္ကသိုလ်က တွဲဖက်ပါမောက္ခ ဂရေးဖီလေးက ပြောကြားခဲ့ပါတယ်။
Ansor ရဲ့ ကွန်ဂရက်ကို တက်ရောက်ခဲ့တဲ့ Emory တက္ကသိုလ်က လက်ထောက် ပါမောက္ခ ဂျိမ်းစ် ဟို့စ်တီရေးကလည်း အစ္စလာမ့်လူသားဝါဒ ကြေငြာချက်ကို ကြိုဆိုခဲ့ပေမယ့် စိန်ခေါ်မှုတွေ တော်တော်များများ ရင်ဆိုင်ရမယ်လို့ ၀န်ခံခဲ့ပါတယ်။
“ဒီကြေငြာချက်က စိတ်ဝင်စားဖို့ကောင်းတယ်လို့ ကျွန်တော်ထင်တယ်။ ယေဘုယျအားဖြင့် အပြုသဘောဆောင်တယ်။ NU နဲ့ GP Ansor တို့ရဲ့ ကြိုးပမ်းမှုဟာ ဒေသတွင်း ယဉ်ကျေးမှုတွေနဲ့ နိုင်ငံလုံးဆိုင်ရာ စည်းလုံးညီညွတ်မှုအတွက် နေရာပေးထားတဲ့ အယူအဆနဲ့ ဘာသာရေးပိုင်းဆိုင်ရာ ပုံစံကို ချိတ်ဆက်ပေးပါတယ်။ ဒါပေမယ့် ကံမကောင်းတာက ကမ္ဘာလုံးနဲ့ချီတဲ့ ဘာသာရေးဦးဆောင်မှုမှာ အင်ဒိုနီးရှားဟာ တွန်းအားပေးနိုင်တဲ့ အခြေအနေမျိုး ရှိမနေတာပါ” လို့ ဟို့စ်တီရေးက ပြောကြားခဲ့ပါတယ်။
NU ဟာ အစွန်းလွတ် အစ္စလာမ်သာသနာရဲ့ ပြယုဂ်တစ်ခုဖြစ်တယ်လို့ ကမ္ဘာကြီးက ထင်စေချင်ရင် နိုင်ငံတွင်း ရှီအာတွေ၊ အဟ်မဒီယာတွေနဲ့ LGBT လူ့အဖွဲ့အစည်းတွေအပေါ် သည်းမခံနိုင်တဲ့ မှတ်ချက်မျိုးတွေပေးတဲ့ အကြီးတန်း အိုလမာပညာရှင်တွေရဲ့ အနေအထားကို ပြောင်းပစ်ဖို့လိုကြောင်း၊ ဒီလိုလုပ်မှသာ NU ကို အစွန်းလွတ်အစ္စလာမ်ရဲ့ ပြယုဂ်အဖြစ် အနောက်ကမ္ဘာက အသိအမှတ်ပြုလာမှာ ဖြစ်ကြောင်း သူက ထည့်သွင်းပြောဆိုခဲ့ပါတယ်။
NU မှာ ကွန်ဆာဗေးတစ် ပညာရှင်တွေက အနည်းစုလောက်သာဖြစ်ပေမယ့် သူတို့ရဲ့ ပြောဆိုမှုတွေက ခေါင်းကြီးပိုင်းမှာ ပါလာတတ်ကြပါတယ်။ အရှေ့ဂျာဗားမှာ အဟ်မဒီယာတွေကို ဖောက်ပြန်ရေးသမားတွေလို့ ရှုမြင်ပြီး အစွန်းရောက်တွေက တိုက်ခိုက်ကြတဲ့အချိန် NU ဟာ အဟ်မဒီယာလူ့အဖွဲ့အစည်းကို ကာကွယ်ပေးခဲ့ဖူးတဲ့သမိုင်း ရှိပါတယ်။
Ansor ရဲ့ ဒီလှုပ်ရှားမှုကို နိုင်ငံအတွင်းက ထင်ရှားပြီး လွှမ်းမိုးမှုရှိတဲ့ မွတ်စလင် တက်ကြွလှုပ်ရှားသူ အလီဆာ ၀ါဟစ်ကလည်း ထောက်ခံထားပါယ။ သူဟာ NU ကို ထူထောင်သူ ဟာရှင်မ် အက်ဆာရီရဲ့ ဖြစ်ဖြစ်ပါတယ်။ သူမရဲ့ ဖခင် အဘူရဟ်မန် ၀ါဟစ်ဟာ NU ကို ၁၅ နှစ်လောက် ဦးဆောင်ခဲ့ပြီး နိုင်ငံရဲ့ သမ္မတအဖြစ် ရွေးချယ်ခံရချိန် ၁၉၉၉ ခုနှစ်မှာ အဲဒီရာထူးကနေ နှုတ်ထွက်ခဲ့ပါတယ်။
“လက်ရှိအချိန်မှာ လိုအပ်နေတာကြောင့် ကျွန်မဟာ ဒီလှုပ်ရှားမှုကို လုံးဝ ထောက်ခံပါတယ်။ ပြန်လည်သုံးသပ်ရေးဆိုတာ (ကုန်အာန်ကျမ်းစာကို) ပြန်ရေးခိုင်းတာ မဟုတ်ပါဘူး။ လက်ရှိအချိန်နဲ့ ပိုပြီး အံဝင်တဲ့ အစ္စလာမ့်အတွေးအခေါ်တွေကို ရှာဖွေဖော်ထုတ်ဖို့ပါ” လို့ အလီဆာက ပြောကြားခဲ့ပါတယ်။
Ref: CNA
