ဇွန် ၁၀၊ ၂၀၁၇
M-Media
တိုက်ပွဲဖြစ်နေသည့် ဖိလစ်ပိုင်နိုင်ငံတောင်ပိုင်း မာရာဝီမြို့မှ မြင်ကွင်းတစ်ခု
– ညှမ်းပမ်းနှိပ်စက်မှုတွေကြောင့် ရခိုင်ပြည်နယ်က ထွက်ပြေးသွားရတဲ့ မလေးရှားက ရိုဟင်ဂျာတွေကို IS လိုလားတဲ့အုပ်စုတွေက ဖိလစ်ပိုင်မှာ တိုက်ပွဲဝင်ဖို့ သွေးဆောင်နေတယ်လို့ ဂျကာတာအခြေစိုက် သုတေသနအဖွဲ့ Institution for Policy Analysis of Conflict (IPAC) က ပြောကြားလိုက်ပါတယ်။
IPAC အဖွဲ့ဟာ အင်ဒိုနီးရှားနဲ့ ဖိလစ်ပိုင်တို့က ပဋိပက္ခတွေကို အဓိကလေ့လာနေတဲ့အဖွဲ့ဖြစ်ပြီး မကြာသေးခင်က ထုတ်ပြန်ခဲ့တဲ့ အစီရင်ခံစာမှာ ဖိလစ်ပိုင်တောင်ပိုင်း မာရာဝီမြို့မှာ ဖြစ်ပွားနေတဲ့ တိုက်ခိုက်မှုတွေက IS ရဲ့ အစွန်းရောက်လှုပ်ရှားမှုတွေ၊ လူသူစုဆောင်းမှုတွေ ဒေသတစ်ဝှမ်း ပြန့်နှံ့ကြီးထွားလာမှုကို ပြနေတယ်လို့ ဖော်ပြထားပါတယ်။
How Southeast Asia and Bangladeshi Extremism Intersect ခေါင်းစဉ်နဲ့ အဲဒီအစီရင်ခံစာကို မေလမှာ ထုတ်ပြန်ခဲ့ပါတယ်။ IPAC က ဆီးရီးယား၊ ဘင်္ဂလားဒေ့ရ်ှနဲ့ မြန်မာတို့မှာ ဖြစ်ပျက်နေတဲ့ ကိစ္စတွေဟာ တောင်အာရှနဲ့ အရှေ့တောင်အာရှက အစွန်းရောက်သမားတွေရဲ့ ဆက်ဆံရေးကို ‘တော်တော်လေးအန္တရာယ်ရှိတဲ့ ခြေလှမ်းမျိုး’ အထိ ရောက်စေတယ်လို့ ဆိုပါတယ်။
ဆီးရီးယားမှာ ၂၀၁၁ ခုနှစ်ကတည်းက ပြည်တွင်းစစ်ဖြစ်နေပြီး၊ ရခိုင်ပြည်နယ်မှာလည်း မွတ်စလင်ရိုဟင်ဂျာတွေရဲ့ အခွင့်အရေးတွေ ငြင်းပယ်ခံရမှု အချိန်အတော်ကြာလာကာ၊ လူတွေသေကာ ထောင်နဲ့ချီ ထွက်ပြေးခဲ့ရတဲ့ ၂၀၁၆ ခုနှစ် စစ်တပ်ရဲ့ စစ်ဆင်ရေးကလည်း ဒီပြဿနာကို တပ်ပိုးပေးလိုက်ပါတယ်။
“မြန်မာနိုင်ငံမှာ မွတ်စလင်တွေ ငြှင်းပမ်းနှိပ်စက်ခံရတာက ပြည်ပရောက်သွားတဲ့ ဒီလူတွေမှာ အစွန်းရောက်ဝါဒ သွတ်သွင်းခံရမှု အလားလာကို မြင့်စေပါတယ်။ နောက်ပြီး ရိုဟင်ဂျာတွေဟာ လူသစ်စုဆောင်းဖို့ ကောင်းနေတယ်ဆိုတဲ့ အတွေးမျိုး အရှေ့တောင်အာရှက အစွန်းအရောက်အသိုင်းအ၀ိုင်းထဲမှာ ၀င်လာစေပါတယ်” လို့ အစီရင်ခံစာမှာ ဖော်ပြထားပါတယ်။
IPAC ရဲ့ ဒါရိုက်တာ ဆစ်ဒနီဂျုန်းစ်က “IS ဟာ ပြည်ပရောက်နေတဲ့ ရိုဟင်ဂျာလူ့အဖွဲ့အစည်းက တစ်ချို့တွေဆီကနေ ထောက်ခံမှုရအောင် လုပ်တာမျိုး ဖြစ်လာနိုင်ပါတယ်။ ဒါပေမယ့် မြန်မာနိုင်ငံအတွင်းက ဒေါသဖြစ်နေတဲ့ ရိုဟင်ဂျာလူငယ်တွေကတော့ ကမ္ဘာ့ဂျီဟတ်ဝါဒဆိုတာထက် အမျိုးသားရေး သူပုန်ထတာမျိုးမှာ ပါဝင်မယ့် အလားအလာ ပိုရှိပါတယ်” လို့ ပြောကြားခဲ့ပါတယ်။
ရဲတပ်ဖွဲ့ ၉ ဦးကျဆုံးခဲ့တဲ့ နယ်ခြားစောင့်စခန်းတွေ တိုက်ခိုက်ခံရမှုနောက်ပိုင်း ပြီးခဲ့တဲ့နှစ် အောက်တိုဘာမှာ မြန်မာစစ်တပ်က ပြုလုပ်ခဲ့တဲ့ စစ်ဆင်ရေးကြောင့် ရခိုင်ပြည်နယ်က လူ ၇၀၀၀၀ လောက်ဟာ ဘင်္ဂလားဒေ့ရ်ှဘက်ကို ထွက်ပြေးခဲ့ရပါတယ်။
အရင်က ဟာရာကာ အလ်-ယကင်လို့ အမည်ပေးထားပြီး နောက်ပိုင်းမှာ ရခိုင်ပြည်နယ် ရိုဟင်ဂျာလွတ်မြောက်ရေးတပ်ဖွဲ့ (ARSA) လို့ ပြောင်းလဲခေါ်ဆိုခဲ့တဲ့အဖွဲ့က နယ်ခြားစောင့်စခန်းတွေ တိုက်ခိုက်တာကို သူတို့လုပ်တယ်လို့ ပြောကြားခဲ့ကြောင်း International Crisis Group က ဒီဇင်ဘာလအတွင်း ထုတ်ပြန်တဲ့ အစီရင်ခံစာမှာ ဖော်ပြခဲ့ပါတယ်။ ဒါပေမယ့် နိုင်ငံတကာက ဘယ်အကြမ်းဖက်အဖွဲ့တွေနဲ့မှ ဆက်သွယ်မှုမရှိဘူးလို့ ဒီအဖွဲ့က ပြောပါတယ်။
IPAC ကတော့ ARSA ဟာ အရှေ့တောင်အာရှက အစွန်းရောက်အုပ်စု အချို့ဆီ ချဉ်းကပ်ပြီး လေ့ကျင့်ပေးဖို့ အကူအညီတောင်းဖူးတယ်လို့ ဆိုပါတယ်။
၂၀၁၇ ခုနှစ်အစောပိုင်းမှာ UNHCR က အင်ဒိုနီးရှားမှာ သူတို့ဆီ မှတ်ပုံတင်ထားတဲ့ ရိုဟင်ဂျာတွေဟာ ၈၀၀ လောက်ရှိပြီး၊ မလေးရှားမှာ ၅၆၅၀၀ လောက်ရှိကာ သူတို့ထဲက အများစုဟာ ဆယ်စုနှစ်နဲ့ချီ နေထိုင်ခဲ့ကြတာဖြစ်တယ်လို့ ပြောကြားခဲ့ပါတယ်။
ရိုဟင်ဂျာတွေကိုစာနာတဲ့ အင်ဒိုနီးရှားနိုင်ငံသားတွေ၊ မလေးရှားနိုင်ငံသားတွေနဲ့ အခြားသူတွေဟာ ဘင်္ဂလားဒေ့ရ်ှအခြေစိုက်တဲ့ ရိုဟင်ဂျာအုပ်စုတွေနဲ့ ဆက်သွယ်ကာ မြန်မာနိုင်ငံက ရိုဟင်ဂျာတွေကို ကူညီဖို့ လုပ်နေတယ်လို့လည်း IPAC က ပြောပါတယ်။
“ယေဘူယျကောက်ချက်ချရရင် IS ဆိုတာမျိုးထက် အခြေခံနိုင်ငံရေးအခွင့်အရေး ရရှိဖို့ဆိုတဲ့နာမည်နဲ့ ရိုဟင်ဂျာ လက်နက်ကိုင်သူပုန်အဖွဲ့ ပေါ်လာတာမျိုးကို မြန်မာနိုင်ငံက ပိုပြီး စိုးရိမ်ရမှာပါ။ အစိုးရအာဏာပိုင်တွေက လုပ်ရဲကိုင်ရဲမယ်ဆိုရင် နိုင်ငံရေးအဖြေတစ်ခု ထွက်လာဖို့ဆိုတဲ့ မျှော်လင့်ချက်မျိုး ရှိလာနိုင်တာကြောင့် ဒီလိုသူပုန်ထမှုမျိုးဆိုရင်တော့ သတင်းကောင်းပါ” လို့ ဂျုန်းစ်က ဆိုပါတယ်။
“IS နဲ့ သွားနွယ်မယ့် နောက်ထပ် အချက်တွေလည်း ရှိပါသေးတယ်။ လှေနဲ့ထွက်ပြေးရတဲ့ ရိုဟင်ဂျာလူငယ် တစ်ယောက်၊ နှစ်ယောက်လောက်ဟာ အင်ဒိုနီးရှားက အစွန်းရောက်ကျောင်းတွေ ရောက်သွားတာမျိုး၊ ဒါမှမဟုတ် မလေးရှားမှာရှိတဲ့ ရိုဟင်ဂျာလူ့အဖွဲ့အစည်းထဲက တစ်ချို့ကို ဆီးရီးယားနဲ့ မင်ဒါနာအိုကလူတွေက အွန်လိုင်းကနေ ဆွယ်တရား ဟောတာမျိုးတွေပါ” လို့လည်း သူမက ထည့်သွင်းပြောကြားခဲ့ပါတယ်။
ဘင်္ဂလားဒေ့ရ်ှက အလယ်အလတ်မိသားစုတွေထဲက မလေးရှားမှာ ကျောင်းတက်နေတဲ့ ကျောင်းသားတွေဟာ မလေးရှားမှာ ဒါမှမဟုတ် ဘင်္ဂလားဒေ့ရ်ှပြန်ရောက်မှ IS အပေါ် စိတ်ညွှတ်တာတွေ မြင့်တက်လာတယ်လို့လည်း IPAC ရဲ့ အစီရင်ခံစာမှာ ဖော်ပြထားပါတယ်။ တစ်ချို့လည်း ကွာလာလမ်ပူကနေ ဆီးရီးယားကိုသွားတာ ဆီးရီးယားနဲ့ အီရတ်တို့က IS တိုက်ခိုက်ရေးသမားတွေနဲ့ တွေ့ဆုံတာမျိုးတွေ လုပ်ကြပါတယ်။
“မြန်မာလုံခြုံရေးတပ်ဖွဲ့တွေကို တိုက်ခိုက်မှုတိုးလုပ်မယ့် လက်နက်ကိုင်အဖွဲ့မျိုး နယ်စပ်မှာတည်ရှိမှုဟာ ဘင်္ဂလားဒေ့ရှ်၊ အင်ဒိုနီးရှားနဲ့ မလေးရှားတို့က IS လိုလားသူအုပ်စုတွေ သူတို့နိုင်ငံမှာရှိနေတဲ့ ရိုဟင်ဂျာလူ့အဖွဲ့အစည်းတွေထဲက တိုက်ချင်ခိုက်ချင်တဲ့သူတွေကို ပိုပြီး စနစ်တကျ လူသစ်စုဆောင်းမှုလုပ်ဖို့ တွန်းအားဖြစ်လာနိုင်ပါတယ်” လို့ အစီရင်ခံစာမှာ ရေးသားဖော်ပြထားပါတယ်။
အရင်က ဘင်္ဂလားဒေ့ရှ် အရှေ့တောင်ပိုင်းမှာ အခြေစိုက်တဲ့ ရိုဟင်ဂျာသွေးစည်းညီညွတ်ရေးအဖွဲ့ (RSO) ဟာ ၁၉၈၀ နဲ့ ၁၉၉၀ ပြည့်နှစ်တွေမှာ အရှေ့တောင်အာရှက အစွန်းရောက်တွေနဲ့ အဆက်သွယ်ရှိတယ်ဆိုတဲ့ သတင်းတွေ ထွက်ခဲ့ပြီး အခုတော့ ဒီအဖွဲ့ဟာ လှုပ်ရှားမှု မရှိတော့ဘူးလို့ ထင်ရပါတယ်။
Ref : Irrawaddy
