မေ ၇၊ ၂၀၁၇
M-Media
– အီဂျစ်နိုင်ငံမှာ ဂါဇာကမ်းမြှောင်နှင့် ကပ်နေသည့် ရာဖာနယ်ခြားကို ယမန်နေ့က စတင်ကာ ၃ ရက်ကြာ ဖွင့်ပေးလိုက်ပြီး သောင်တင်ကာ အကူအညီလိုအပ်နေသည့် ပါလက်စတိုင်းပြည်သူများအတွက် သတင်းကောင်းလည်းဖြစ်သည်။
ပါလက်စတိုင်း နယ်စပ်ရေးရာ တာဝန်ရှိသူများကမူ အဆိုပါ ဆောင်ရွက်မှုမှာ လူသားချင်းစာနာထောက်ထားမှု လက္ခဏာဖြစ်ကြောင်း ကျောင်းသားများ၊ နေမကောင်းသူများ အပါအ၀င် အီဂျစ်နှင့် အခြားနေရာများ၌ သောင်တင်နေသည့် ပါလက်စတိုင်းပြည်သူများ အိမ်ပြန်နိုင်မည်ဖြစ်ကြောင်း ပြောကြားခဲ့သည်။
ဂါဇာကမ်းမြှောင်မှာ အစ္စရေး၏ ပိတ်ဆို့မှုကို ၁၀ စုနှစ်တစ်ခုကြာ ခံစားနေရပြီး၊ ရာဖာနယ်ခြားမှာ ဂါဇာပြည်သူများ ကမ္ဘာနှင့် ဆက်သွယ်နိုင်သည့် တစ်ခုတည်းသော ဂိတ်ပေါက်လည်းဖြစ်သည်။
သို့သော်လည်း ဂါဇာကို အုပ်စိုးထားသည့် ဟားမက်စ်နှင့် အီဂျစ်အစိုးရတို့အကြား တင်းမာမှုများကြောင့် ပြီးခဲ့သည့်နှစ်များအတွင်း ရာဖာနယ်ခြားမှာလည်း များသောအားဖြင့် ပိတ်ထားခံခဲ့ရသည်။
ယခုနှစ်တွင်မူ ဖေဖော်ဝါရီလတွင်တစ်ကြိမ်၊ မတ်လတွင် တစ်ကြိမ် ရာဖာနယ်ခြားကို အီဂျစ်က ဖွင့်လှစ်ပေးခဲ့သည်။
ဂါဇာ နယ်စပ်အာဏာပိုင်များကမူ လူသားချင်းစာနာထောက်ထားမှုဆိုင်ရာ အကူအညီများ လိုအပ်နေသော ပါလက်စတိုင်းပြည်သူ ၂ သောင်းကျော်မှာ ဂါဇာ၌ ပိတ်မိနေပြီး၊ ၎င်းတို့အား ကယ်ဆယ်ရေးအတွက် နိုင်ငံရပ်ခြားသို့ ခရီးသွားရန် အလွန် လိုအပ်နေသည်ဟု ယမန်နေ့တွင် ပြောကြားခဲ့သည်။
Ref: Alarabiya
