မေ ၁၄၊ ၂၀၁၇
M-Media
– ခေတ်သစ် ပိုးလမ်မကြီးအတွက် တရုတ်နိုင်ငံက ကန်ဒေါ်လာ ၁၂၄ ဘီလီယံ အသုံးပြုမယ်လို့ တရုတ်သမ္မတ ရှီကျင့်ဖျင်က ဒီနေ့မှာ ကတိပြုပြောကြားလိုက်ပြီး၊ ဒီပိုးလမ်းမကြီးအစီအစဉ်မှာ အရင်က ပုံစံဟောင်းလို ပြိုင်ဆိုင်မှု၊ သံတမန်ရေးရာ အားပြိုင်မှုတွေကို စွန့်လွှတ်ဖို့လည်း ဆော်သြခဲ့ပါတယ်။
ကမ္ဘာ့ နိုင်ငံပေါင်း ၂၉ နိုင်ငံက ခေါင်းဆောင်တွေ၊ ထိပ်တန်း အစိုးရတာဝန်ရှိသူတွေ၊ ကုလ၊ နိုင်ငံတကာ ငွေကြေးရန်ပုံငွေအဖွဲ့နဲ့ ကမ္ဘာ့ဘဏ်တို့က တာဝန်ရှိသူတွေ တက်ရောက်ပြီး ဘေဂျင်းမှာ ပြုလုပ်တဲ့ ထိပ်သီးအစည်းအဝေး အဖွင့်မိန့်ခွန်းမှာ ဒီလို ထည့်သွင်းပြောကြားလိုက်တာ ဖြစ်ပါတယ်။ ဒီ အစည်းအဝေးမှာ ၂ ရက်တာ ကြာမြင့်မှာဖြစ်ပြီး တရုတ်နိုင်ငံရဲ့ ကမ္ဘာ့ခေါင်းဆောင်ဖြစ်ရေး ရည်မှန်းချက်တွေကို အားကောင်းစေဖို့ ရည်ရွယ်တာပါ။
၂၀၁၃ ခုနှစ်မှာ ရှီဟာ ကမ္ဘာ့ ဖွံ့ဖြိုးတိုးတက်ရေးကို အားကောင်းစေဖို့ နည်းလမ်းသစ်အဖြစ် Belt and Road စီမံကိန်းကို စတင်ကြေငြာခဲ့ပြီး အာရှ၊ အာဖရိက၊ ဥရောပနဲ့ အခြားဒေသတွေအကြား ချိန်ဆက်နိုင်မယ့် ဒေါ်လာ ဘီလီယံပေါင်းများစွာတန် အခြေခံအဆောက်အဦး ရင်းနှီးမြှုပ်နှံမှုကို ရည်ရွယ်တာ ဖြစ်ပါတယ်။
ရှီက ပွင့်လင်းတဲ့ ဖွံ့ဖြိုးတိုးတက်မှု ရရှိရေး၊ မျှတဆီလျော်ပြီး ပွင့်လင်းမြင်သာတဲ့ ကမ္ဘာ့ ကုန်သွယ်ရေးနဲ့ ရင်းနှီးမြှုပ်နှံမှု စည်းမျဉ်းစည်းကမ်းတွေ ပေါ်ထွက်လာရေး စနစ်တွေ တည်ဆောက်ရေးကိုလည်း တိုက်တွန်းအားပေးခဲ့ပါတယ်။
ခေတ်သစ် ပိုးလမ်းမကြီး အားကောင်းစေရေး တရုတ်နိုင်ငံက ကတိပြုခဲ့တဲ့ ငွေပမာဏမှာ လက်ရှိ ရန်ပုံငွေအတွင်း ယွမ် ၁၀၀ ဘီလီယံ (ကန် ၁၄.၅၀ ဘီလီယံ) ထည့်သွင်းကာ၊ ပေါ်လစီ ဘဏ်နှစ်ခုက ကာလရှည်ချေးငွေ ယွမ် ၃၈၀ ဘီလီယံ၊ ပိုးလမ်းမကြီးတစ်လျှောက်မှာရှိတဲ့ ဖွံ့ဖြိုးဆဲနိုင်ငံတွေနဲ့ နိုင်ငံတကာ အသင်းအဖွဲ့တွေကို ကူညီဖို့အတွက် ယွမ် ဘီလီယံ ၆၀ တို့ ပါဝင်မှာ ဖြစ်ပါတယ်။
နောက်ပြီး ဘဏ္ဍာရေးအဖွဲ့အစည်းတွေအနေနဲ့ နိုင်ငံရပ်ခြားမှာ ယွမ်ငွေအခြေပြု စီးပွားရေးတွေ ယွမ် ဘီလီယံ ၃၀၀ အထိ ချဲ့ထွင်ဖို့အတွက် တရုတ်နိုင်ငံက အားပေးသွားမယ်လို့လည်း ရှီက ထည့်သွင်း ပြောဆိုခဲ့ပါတယ်။
ဒါပေမယ့် ဒီ နှစ်ရှည်ချေးငွေ၊ အကူအညီနဲ့ ရန်ပုံငွေအတွက် အချိန် အတိအကျကိုတော့ မပြောခဲ့ပါဘူး။
ဗြိတိန် ဘဏ္ဍာရေးဝန်ကြီးက တရုတ်နိုင်ငံရဲ့ ပိုးလမ်းမသစ် စီမံကိန်းမှာ မိမိတို့က ကြားနေ မိတ်ဖက်အဖြစ် ရှိနေမှာဖြစ်ပြီး တရုတ်ရဲ့ အနီးကပ်မဟာမိတ်ဖြစ်တဲ့ ပါကစ္စတန်သမ္မတ နာဝဇ် ရှရစ်ဖ်ကတော့ တရုတ်နိုင်ငံရဲ့ “ရည်မှန်းချက်နဲ့ စွမ်းရည်” တွေကို ချီးကျူးခဲ့ပါတယ်။
အမေရိကန် အိမ်ဖြူတော်အကြံပေး မတ် ပိုတင်ဂါက Belt and Road စီမံကိန်း တစ်စိတ်တစ်ပိုင်းအဖြစ် အခြေခံအဆောက်အဦး ဖွံ့ဖြိုးတိုးတက်ရေး တရုတ်နိုင်ငံက ဆောင်ရွက်မှုကို ကြိုဆိုပြီး အမေရိကန်ကုမ္ပဏီတွေကလည်း ထိပ်တန်းဝန်ဆောင်မှုတွေကို ပေးနိုင်မယ်လို့ ပြောခဲ့ပါတယ်။
Ref: Reuters