Blog

အင်ဒိုနီးရှားမှ နာမည်ကျော် ကာရီတစ်ဦး ကုရ်အာန်ရွတ်ဖတ်နေစဉ် ကွယ်လွန်သေဆုံး

ဧပြီ ၂၇၊ ၂၀၁၇
M-Media

– အင်ဒိုနီးရှားမှ နာမည်ကျော် ကာရီတစ်ဦးဖြစ်သူ ရှိခ် ဂျာဖရ် အဘ်ဒူလ်ရဟ်မန်မှာ တနင်္လာနေ့က အခမ်းအနားတစ်ခုတွင် ကုရ်အာန်ကျမ်းတော်မြတ် ရွတ်ဖတ်သရဇ္ဈာယ်မှုအတွင်း ကွယ်လွန်သွားခဲ့သည်ဟု သိရသည်။

အင်ဒိုနီးရှား လူမှုရေးရာဝန်ကြီး တက်ရောက်သည့် နိုင်ငံတော်အဆင့် အခမ်းအနားတွင် ရှိခ် ဂျာဖရ်မှာ ကုန်အာန်ကျမ်းတော်မြတ် စူရဟ် အလ်-မွလ်က်မှ ပါဒတော်များကို ရွတ်ဖတ် သရဇ္ဈာယ်စဉ်အတွင်း ရုတ်တရတ် လဲကျသွားခဲ့ခြင်းဖြစ်သည်။

ထို့နောက် ဆေးအဖွဲ့က ရှေးဦးသူနာပြုစုနည်းများဖြင့် ကုသခဲ့သော်လည်း ကာရီကြီးမှာ သသတိပြန်လည်လာခြင်းမရှိတော့ဘဲ ကွယ်လွန်သွားခဲ့သည်။

ရှိခ်ဂျာဖရ်၏ အဆိုပါ ရွတ်ဖတ်သရဇ္ဈာယ်မှုကို တစ်နိုင်ငံလုံးသို့ တိုက်ရိုက်ထုတ်လွှင့်ပြသနေခြင်းဖြစ်ပြီး၊ ၎င်းကွယ်လွန်သွားသည့် ထိုအဖြစ်အပျက်ဗီဒီယိုမှာလည်း ဆိုရှယ်မီဒီယာများတွင် အလျင်အမြန် ပြန့်နှံ့သွားခဲ့ကာ ကောင်မွန်သော သေဆုံးခြင်းဖြစ်သည်ဟု အင်ဒိုပြည်သူများက ချီးကျူးခဲ့ကြသည်။

Ref: Arab News

April 27, 2017
ရိုင်းစိုင်းသည့် မှတ်ချက်ကြောင့် မန်ယူနည်းပြဟောင်း မိုယက်စ် တရားစွဲခံရ

ဧပြီ ၂၆၊ ၂၀၁၇
M-Media

– မန်ယူနည်းပြဟောင်းဖြစ်ပြီး လက်ရှိတွင် ဆန်းဒါးလန်းအသင်းကို ကိုင်တွယ်နေသည့် နည်းပြ ဒေးဗစ်မိုယက်စ်မှာ BBC သတင်းထောက်ကို စော်ကားပြောဆိုခဲ့သည့်အတွက် အင်္ဂလန်ဘောလုံးအဖွဲ့ချုပ် FA ၏ တရားစွဲဆိုမှုကို ခံခဲ့ရသည်ဟု သိရသည်။

မတ်လအတွင်းက ဘန်လေအသင်းနှင့် သရေကျခဲ့သည့်ပွဲတွင် သတင်းထောက် ဗီကီ စပါ့က်က ဆန်းဒါးလန်းအသင်း၏ ပိုင်ရှင် အီလစ်ရှော့ ရှိနေမှုမှာ ၎င်းအပေါ် ပို၍ ဖိအားဖြစ်စေသည်လားဟု မေးမြန်းရာ မိုက်ယက်စ်က ‘နိုး’ ဟု ဖြေကြားခဲ့သည်။

သို့သော်လည်း အင်တာဗျူးအပြီးတွင် စပါ့က်အနေဖြင့် အမျိုးသမီးဖြစ်သော်လည်း ထိုမေးခွန်းအတွက် ‘ပါးရိုက်ခံရနိုင်ကြောင်း’၊ နောက်တစ်ကြိမ် လာရောက်မေးမြန်းသည့်အခါတွင် သတိထားရမည်ဖြစ်ကြောင်း ပြောကြားခဲ့သည်။

ထိုမှတ်ချက်ကြောင့် ကျယ်ကျယ်ပြန့်ပြန့် ဝေဖန်ခံခဲ့ရပြီး မိုယက်စ်ကမူ နောက်ပိုင်းတွင် ထိုသို့ ပြောဆိုခဲ့မှုအတွက် နောင်တရမိကြောင်း ပြောကြားခဲ့သည်။

FA ၏ ကြေငြာချက်တွင် ၎င်း၏ အဆိုပါ မှတ်ချက်မှာ မသင့်လျော်ပဲ၊ ခြိမ်းခြောက်ခြင်းဖြစ်ကြောင်း၊ ပရီးမီးယားလိဂ်ပြိုင်ပွဲအား သိက္ခာကျစေကြောင်း ဖော်ပြခဲ့သည်။ မိုယက်စ်မှာ ဧပြီလ ၂၆ ရက် (ယနေ့တွင်) တရားစွဲဆိုမှုအား ရင်ဆိုင်ရမည်ဖြစ်သည်။

Ref: BBC

April 26, 2017
ရိုဟင်ဂျာကိစ္စ မြန်မာနှင့် ဘင်္ဂလားဒေ့ရ်ှကို ကူညီရန် တရုတ်ကမ်းလှမ်း

ဧပြီ ၂၆၊ ၂၀၁၇
M-Media

– မြန်မာနိုင်ငံရှိ ရိုဟင်ဂျာလူနည်းစုများ၏ ဒုက္ခသုက္ခများအတွက် မြန်မာနှင့် ဘင်္ဂလားဒေ့ရ်ှနိုင်ငံအကြား သံတမန်ရေးဆိုင်ရာ အခန်းကဏ္ဍနှင့်ပတ်သက်၍ ပါဝင်ကူညီပေးရန် တရုတ်နိုင်ငံက ယမန်နေ့တွင် ကမ်းလှမ်းခဲ့သည်ဟု သိရသည်။

အကြမ်းဖက်မှုမှ လွတ်မြောက်ရန်အတွက် ပြီးခဲ့သည့်နှစ် အောက်တိုဘာလမှစ၍ မြန်မာနိုင်ငံမှ ဘင်္ဂလားဒေ့ရ်ှနိုင်ငံသို့ ရိုဟင်ဂျာ ၆၉၀၀၀ ၀န်းကျင်ခန့် ထွက်ပြေးခဲ့ရပြီးနောက် ထိုလူ့အဖွဲ့အစည်းအား မိမိတို့၏ နိုင်ငံသားမဟုတ်ဟု မှတ်ယူထားသည့် မြန်မာနှင့် အိမ်နီးချင်း ဘင်္ဂလားဒေ့ရ်ှနိုင်ငံတို့အကြား ဆက်ဆံရေးမှာ အဖုအထစ်များ ရှိခဲ့သည်။

ဘင်္ဂလားဒေ့ရ်ှနိုင်ငံသို့ ၄ ရက်ကြာ အလယ်အပတ်သွားရောက်သည့် တရုတ်အထူးသံတမန် ဆန်ဂူရှင်းက ထိုပြဿနာနှင့်ပတ်သက်၍ မြန်မာနိုင်ငံနှင့် နှစ်ဦးနှစ်ဖက်ဖြေရှင်းရန် တိုက်တွန်းခဲ့ပြီး တရုတ်နိုင်ငံက ကူညီရန် အဆင်သင့်ရှိနေသည်ဟု ဘင်္ဂလားဒေ့ရ်ှနိုင်ငံခြားရေးဝန်ကြီး ရှာဟီဒူလ် ဟက်နှင့် တွေ့ဆုံစဉ် ပြောကြားခဲ့ကြောင်း ဒါကာရှိ နိုင်ငံခြားရေးဝန်ကြီးဌာနက တာဝန်ရှိသူတစ်ဦးက Reuters သတင်းဌာနသို့ ပြောကြားခဲ့သည်။

တရုတ်နိုင်ငံမှာ မြန်မာ၊ ဘင်္ဂလားဒေ့ရှ် နှစ်နိုင်ငံစလုံးနှင့် ခိုင်မာသည့် ဆက်ဆံရေးရှိနေပြီး အခြေခံအဆောက်အဦးများ ဆောက်လုပ်ရေးတွင် ထို နှစ်နိုင်ငံစလုံး၌ ကူညီမှုများ ပြလုပ်နေသည်။

ဟက်က ရိုဟင်ဂျာများ ဘင်္ဂလားဒေ့ရ်ှသို့ ၀င်ရောက်လာမှုကြောင့် မြန်မာနိုင်ငံနှင့် ဖြစ်နေသည့် မကျေလည်မှုအတွက် ကူညီမည်ဟု တရုတ်နိုင်ငံ၏ ကမ်းလှမ်းမှုကို ကြိုဆိုကြောင်း ပြောကြားခဲ့ပြီး မြန်မာနယ်စပ်အနီး ကော့ဘဇားဒေသတွင် နေထိုင်နေသည့် ထောင်ပေါင်းများစွာသော ရိုဟင်ဂျာများ၏ ဒုက္ခသုက္ခများကို လာရောက်ကြည့်ရှုရန်လည်း ကမ်းလှမ်းခဲ့သည်။ ဘင်္ဂလာဒေ့ရ်ှနိုင်ငံဆိုင်ရာ တရုတ် သံအမတ်ကြီး မာမင်းကျင်းမှာ မတ်လအတွင်းက ရိုဟင်ဂျာ စခန်းတစ်ခုကို လာရောက် ကြည့်ရှုခဲ့သည်။

Ref : Reuters

April 26, 2017
ငွေကြေးမသမာမှုအတွက် ပရီးမီးယားလိဂ်အသင်းတစ်ချို့ စီးနင်းမှု ခံရ

ဧပြီ ၂၆၊ ၂၀၁၇
M-Media

– ငွေကြေးမသမာမှုများနှင့် ပတ်သက်၍ နယူးကာဆယ်နှင့် ၀က်စ်ဟမ်းအသင်းတို့၏ ကွင်းများကို ယူကေအာဏာပိုင်များက ၀င်ရောက်စီးနင်းခဲ့ပြီး လူအများအပြားကို ဖမ်းဆီးခဲ့သည်ဟု သိရသည်။

ယူကေ အခွန်ဆိုင်ရာ အာဏာပိုင်အဖွဲ့ HMRC က ၎င်းတို့၏ တပ်ဖွဲ့ဝင် ၁၈၀ ကို ယူကေနှင့် ပြင်သစ်တို့တွင် တပ်ဖြန့်ချထားပြီး ပရော်ဖက်ရှင်နယ် ဘောလုံးအသင်းများတွင် အလုပ်လုပ်နေသူ အမျိုးသားအများအပြားကို ဖမ်းဆီးထားသည်ဟု ပြောကြားခဲ့သည်။

ထိုအဖွဲ့မှာ အင်္ဂလန် အရှေ့မြောက်ပိုင်းနှင့် အရှေ့တောင်ပိုင်းရှိ ဘောလုံးကွင်းများသို့လည်း ၀င်ရောက် စီးနင်း ရှာဖွေခဲ့သည်။

ဝက်စ်ဟမ်းနှင့် နယူးကာဆယ်တို့အား ၀င်ရောက်စီးနင်းမှုမှာ အခွန်ငွေ ၅ သန်းနှင့် ပတ်သက်၍ မသမာမှုကြောင့်ဖြစ်ပြီး စီးပွားရေးမှတ်တမ်းများ၊ ဘဏ္ဍာရေးမှတ်တမ်းများ၊ ကွန်ပျူတာများ၊ မိုဘိုင်းဖုန်းများကိုလည်း စီးနင်းမှုအတွင်း သိမ်းဆည်းခဲ့သည်။

ဝက်စ်ဟမ်းအသင်းကမူ မိမိတို့အနေဖြင့် HMRC တာဝန်ရှိသူများနှင့် ပူးပေါင်းဆောင်ရွက်နေသည်ဟု ကြေငြာချက် ထုတ်ပြန်ခဲ့သည်။

ပြီးခဲ့သည့်နှစ်က တန်းဆင်းသွားခဲ့ပြီးနောက် တနင်္လာနေ့က ပရီးမီးယားလိဂ်သို့ ပြန်လည်တက်ရောက်ခွင့် ရရှိခဲ့သည့် နယူးကာဆယ်အသင်း၏ စိန့်ဂျိမ်းစ်ပါ့ခ် ကွင်းမှာလည်း ၀င်ရောက်စီးနင်း ခံခဲ့ရသည်။

Ref : BBC

April 26, 2017
ဗိသုကာနှင့် သဘာဝပတ်ဝန်းကျင်နယ်ပယ်တွင် တစ်ခေတ်ဆန်းမည့် ဗလီတစ်လုံး ယူကေတွင် တည်ဆောက်

ဧပြီ ၂၆၊ ၂၀၁၇
M-Media

ဗလီဝတ်ကျောင်းတော် နမူနာပုံစံ

– ဗြိတိန်က နာမည်ကျော် ကမ်းဘရစ်ခ်ျတက္ကသိုလ်ရှိရာ ကမ်းဘရစ်ခ်ျမြို့လေးမှာ ဗိသုကာ နယ်ပယ်မှာရော၊ သဘာဝတ်ပတ်ဝန်းကျင် ထိန်းသိမ်းရေး နယ်ပယ်မှာပါ တော်လှန်ပြောင်းလဲနိုင်မယ့် ဗလီဝတ်ကျောင်းတော်တစ်လုံးကို ဆောက်လုပ်နေပါတယ်။

အစ္စလာမ်ဘာသာဝင် ၆ ထောင်နီးပါးလောက်ရှိနေတဲ့ ဒီမြို့လေးမှာ လက်ရှိ အသုံးပြုနေတဲ့ ဗလီဝတ်ကျောင်းတော်ဟာ မလုံလောက်တော့တာကြောင့် ဗလီဝတ်ကျောင်းတော်အသစ်ကို ၂၀၁၆ ခုနှစ် စင်တင်ဘာ ၅ ရက်နေ့မှာ စတင်ဆောက်လုပ်ခဲ့တာဖြစ်ပြီး ကန်ဒေါ်လာ ၁၈ သန်းလောက် ကုန်ကျမှာပါ။

ဗလီဝတ်ကျောင်းတော်ကို ဆောက်လုပ်မယ့် ကွန်ကရစ်ကို မက္ကာမြို့က ဇမ်ဇမ်ရေနဲ့ ဖျော်မှာဖြစ်ပြီး၊ ပထမအဆင့်မှာ အုတ်မြစ်ချတာ၊ မြေအောက် ကားပါကင်တည်ဆောက်တာတွေ ပါဝင်မှာဖြစ်ကာ အခုနှစ် ဇွန်လအတွင်းမှာ အပြီးသတ်ဖို့ မျှော်မှန်းထားပါတယ်။

ဒုတိယအဆင့်မှာတော့ အဆောက်အဦးအထက်ပိုင်း တည်ဆောက်မှာဖြစ်ပြီး၊ အမျိုးသမီး ၀တ်ပြုဆောင်လည်း ပါဝင်မှာဖြစ်တာကြောင့် ပြီးစီးသွားတဲ့အခါမှာ တစ်ကြိမ်ကို အမျိုးသား ၇၀၀၊ အမျိုးသမီး ၃၀၀ စုစုပေါင်း လူ ၁၀၀၀ ၀တ်ပြုနိုင်မှာ ဖြစ်ပါတယ်။ ဒီဗလီဝတ်ကျောာင်းတော်ကို လာမယ့်နှစ်မှာ ဖွင့်လှစ်ဖို့ စီစဉ်ထားပါတယ်။

‘ကမ်းဘရစ်ခ်ျ ဗလီဝတ်ကျောင်းတော်’ ဂေါပကအဖွဲ့က ဥက္ကဌ အဘ်ဒဲလ် ဟာကင် မူရဒ်က ဗလီဝတ်ကျောင်းတော် ဆောက်လုပ်ရေးမှာ အမျိုးသမီးတွေဟာလည်း အရေးပါတဲ့ အခန်းကဏ္ဍကနေ ပါဝင်တယ်လို့ ဆိုပါတယ်။

“ဒီဇိုင်းဆွဲတဲ့နေရာမှာရော၊ ရန်ပုံငွေ ကောက်ခံတဲ့နေရာမှာရော အမျိုးသမီးတွေဟာ တက်တက်ကြွကြွ ပါဝင်ခဲ့ကြပါတယ်။ ကင်ဆာရောဂါခံစားနေရတဲ့ ကမ်းဘရစ်ခ်ျကျောင်းသူ ဘာရာကာ ခန်းဆိုရင် သူမကွယ်လွန်ခင်မှာ ရန်ပုံငွေ ပေါင် ၂ သိန်းကျော်လောက်ကို အံ့ဖွယ် ကောက်ခံပေးခဲ့ပါတယ်” လို့ မူရဒ်က ဆိုပါတယ်။

မူရဒ်ကိုယ်တိုင်လည်း ကမ်းဘရစ်ခ်ျတက္ကသိုလ်မှာ အစ္စလာမ့်ရေးရာနဲ့ပတ်သက်လို့ သင်ကြားပို့ချနေသူ တစ်ဦးပါ။

ဗလီဝတ်ကျောင်းတော်မှာ အမျိုးသမီးတွေနဲ့ ကလေးငယ်တွေအတွက် အသံလုံခန်း၊ အမျိုးသမီးတွေ သာမန်ရောဂါတွေကို ကုသပေးဖို့ ဆေးခန်းတွေ ပါဝင်မှာဖြစ်သလို၊ ဈာပနအခမ်းအနားကျင်းပနိုင်မယ့် နေရာတစ်ခု၊ ကော်ဆီဆိုင်တစ်ဆိုင်၊ ကလေးငယ်တွေအတွက် နည်းပညာအခြေပြု ကုရ်အာန်သင်တန်းကျောင်း၊ လူတိုင်း လာရောက်အပန်းဖြေနိုင်မယ့် ပန်းဥယျာဉ်လည်း ပါဝင်မှာဖြစ်ပါတယ်။

ပန်းဥယျာဉ်မှာတော့ ကုရ်အာန်ကျမ်းတော်မြတ်မှာ ဖော်ပြထားတဲ့ သီးပင်၊ စားပင်တွေကို စိုက်ပျိုးပေးထားမှာ ဖြစ်ပါတယ်။

နောက်ပြီး တူရကီရဲ့ ယဉ်ကျေးမှုမွေအနှစ်ကို လူတိုင်းလေ့လာနိုင်မယ့် နေရာတစ်ခုလည်း ပါဝင်မှာဖြစ်ပါတယ်။

ဗလီဝတ်ကျောင်တော်မှာ အသုံးပြုမယ့် ဗိသုကာလက်ရာဟာ နာမ်ပိုင်းဆိုင်ရာ ဒဿနကို လစ်လျမရှုဘဲ ခေတ်ပြိုင် အတွေးခေါ်တွေကို ထင်ဟပ်စေမယ့် လက်ရာမျိုး ဖြစ်ရမယ်လို့ ဗလီဝတ်ကျောင်းတော်ရဲ့ ဗိသုကာ အတိုင်ပင်ခံ တူရကီ ဗိသုကာပညာရှင် ဗီဒတ် တော့က်ယေးက ပြောကြားခဲ့ပါတယ်။

ဒါ့ကြောင့် အခု ကမ်းဘရစ်ခ်ျ ဗလီဝတ်ကျောင်းတော်ဟာ ရိုးရာနဲ့ ခေတ်ပေါ် ဗိသုကာ အတွေးအခေါ်တွေကို ပေါင်းစပ်ထားမှာဖြစ်တယ်လို့လည်း သူက ဆိုပါတယ်။

စွမ်းအင်ပေးတဲ့နေရာမှာလည်း နေစွမ်းအင်သုံး ဂျင်နရေတာ၊ အပူစုပ်စက်တွေကို အသုံးပြုမှာဖြစ်ပြီး ကမ္ဘာကြီးနဲ့ ကမ္ဘာပေါ်က ရင်းမြစ်တွေကို ဖြုန်းတီးမှုမရှိဘဲ စောင့်ရှောက်ဖို့ဆိုတဲ့ အစ္စလာမ်သာသနာရဲ့ သင်ကြားမှုကို ထင်ဟပ်စေဖို့ဖြစ်တယ်လို့ မူရဒ်က ဆိုပါတယ်။

ဒီ ဗလီဝတ်ကျောင်းတော် ဆောက်လုပ်ဖို့အတွက် ရန်ပုံငွေကို ဒေသခံ မွတ်စလင်ထောင်ပေါင်းများစွာရဲ့ လှူဒါန်းငွေတွေမကဘဲ အင်ဒိုနီးရှား၊ ဟောင်ကောင်နဲ့ အမေရိကန်တို့က မွတ်စလ်တွေရဲ့ အလှူငွေတွေလည်း ပါရှိပါတယ်။

ဆော်ဒီ တော်ဝင်မိသားစုဝင်တစ်ဦး၊ ကာတာက အလှူရှင် တစ်ဦးတို့ကလည်း ဒီ ဗလီဝတ်ကျောင်းတော် ဆောက်လုပ်ရေးမှာ ပါဝင်လှူဒါန်းခဲ့ကြပါတယ်။

April 26, 2017