ဧပြီ ၁၀၊ ၂၀၁၇
M-Media
“တိုက်ခိုက်ခြင်းခံနေရကြရသော မွတ်စလင်တို့သည် ခုခံတိုက်ခိုက်ခွင့် ရရှိလေပြီ။ အကြောင်းမူကား ၎င်းတို့သည် နှိပ်စက်ညှင်းပမ်းခြင်းကို ခံခဲ့ကြရလေသည်။ ၎င်းအပြင် ဧကန်မလွဲ အလ္လာဟ်အရှင်မြတ်သည် ၎င်းတို့အား ကူညီစောင်မနိုင်စွမ်း ရှိတော်မူသော အရှင်မြတ်ပင် ဖြစ်တော်မူပေသည်။”
“အကြင်သူသည် ‘ကျွန်ုပ်အား မွေးမြူဖန်ဆင်းတော်မူသော အရှင်ကား အလ္လာဟ်အရှင်မြတ်ပင် ဖြစ်တော်မူသည်’ ဟု ပြောဆိုကြခြင်းမှတစ်ပါး မည်သည့်အကြောင်းမျှမရှိဘဲ မတရားသဖြင့် မိမိတို့၏ နေအိမ်များမှ နှင်ထုတ်ခြင်းကို ခံခဲ့ကြရလေသည်။ စင်စင်သော်ကား အကယ်၍သာ အလ္လာဟ်အရှင်မြတ်သည် လူတို့အား တစ်ဦးကို တစ်ဦးဖြင့် ကာကွယ်တော်မူခြင်း မရှိပါမူ ခရစ်ယာန် ဘုန်းတော်ကြီးကျောင်းများသည်လည်းကောင်း၊ ခရစ်ယာန် ၀တ်ကျောင်းတော်များသည်လည်းကောင်း၊ ယဟူဒီဝတ်ကျောင်းတော်များသည်လည်းကောင်း၊ အလ္လာဟ်အရှင်မြတ်၏ နာမံတော်များကို များပြားစွာ ရွတ်ဆိုလျက်ရှိသော မွတ်စလင်တို့၏ ဗလီဝတ်ကျောင်းတော်များသည်လည်းကောင်း ဖြိုဖျက်ခြင်းခံကြရမည် အမှန်ပင်” (ကုန်အာန်ကျမ်းတော်မြတ် ၂၂၊ ၃၉-၄၀)
ကုရ်အာန်ကျမ်းရဲ့ ကဏ္ဍ ၂၂ က ဒီကျမ်းချက်ဟာ မွတ်စလင်တွေ မိမိကိုယ်ကို ခုခံကာကွယ်ပိုင်ခွင့်ကို ပေးထားတာတင် မကပါဘူး။ ဒီနေ့ခေတ် IS အကြမ်းဖက်အဖွဲ့က ကျူးလွန်နေသလိုမျိုး အကြမ်းဖက်လုပ်ရပ် အားလုံးကနေ ခရစ်ယာန်တွေ၊ ဂျူးတွေနဲ့ ဘာသာတရားပေါင်းစုံက လူအားလုံးကို ကာကွယ်ခွင့်လည်း ဖြစ်ပါတယ်။
ဒီကျမ်းချက်တွေကို ထောက်ပြပြီး ‘ကုရ်အာန်ဟာ အကြမ်းဖက်ဝါဒကို သင်ကြားတယ်’ လို့ စွပ်စွဲပြောဆိုတာက ကမ္ဘာမှာ အုပ်စုနှစ်ခုပဲ ရှိပါတယ်။ ဒါကတော့ မွတ်စလင်ဆန့်ကျင်သူတွေနဲ့ IS အစွန်းရောက်တွေပါပဲ။ သူတို့ နှစ်ဖွဲ့စလုံးဟာ လွဲမှားသူတွေပါ။
ဒီလို တစ်လွဲ ကောက်ချက်ချလိုက်မှုဟာ လက်ရှိအချိန်မှာ နိုင်ငံတော်တော်များများက လူအဖွဲ့အစည်းတွေ အကြမ်းဖက်မှုကို ခံစားနေရတယ်ဆိုတဲ့အချက်ကို လစ်လျူရှုလိုက်တာပါ။ လူ့အခွင့်အရေးကို လုံးဝ ဂရုမစိုက်ဘဲ ယီမင်မှာ ကလေးငယ်ပေါင်း ၆၀၀၀၀ လောက်ကို သေကြေစေခဲ့တဲ့ အင်အားကြီး အနောက်နိုင်ငံတွေရဲ့ နိုင်ငံတကာပြန့်နေတဲ့ လက်နက်ရောင်းဝယ်မှု၊ ဆိုမာလီပြည်သူတွေ အငတ်ဘေးဆိုက်နေတာကို အနောက်မီဒီယာတွေက မဖော်ပြတဲ့အချက်၊ ပြီးခဲ့တဲ့ နှစ်တွေအတွင်း ဆီးရီးယားပြဿနာကို အရေးမစိုက်တဲ့အချက် စတာတွေအားလုံးကို လစ်လျူရှုလိုက်တာပါ။
ဒါပေမယ့် အီဂျစ်၊ လန်ဒန်နဲ့ ဆီးရီးယားမှာ တိုက်ခိုက်မှုတွေ ထပ်ဖြစ်တဲ့အခါ ဝေဖန်သူတွေက ကုရ်အာန်ကျမ်းစာကို အပြစ်ထပ်တင်ကြပြီး ‘အကြမ်းဖက်သဘောပါတဲ့ ကျမ်းချက်တွေ’ ဆိုတာကို ထောက်ပြကြပါတယ်။ ဆီးရီးယား၊ ယီမင်နဲ့ ဆိုမာလီမှာဖြစ်နေတဲ့ အဖြစ်အပျက်တွေကို တရားမျှတမှုမပါဘဲနဲ့ မဖြေရှင်းနိုင်ပါဘူး။ အကြမ်းဖက်ဝါဒအတွက် ကုရ်အာန်ကို အပြစ်တင်တာဟာ လုံးလုံး မှားယွင်းတာမျိုးမဟုတ်ဘဲ စစ်ပွဲနဲ့ အငတ်ဘေးတွေကို ရပ်တန့်ရေး အသုံးချနိုင်မယ့် ကုရ်အာန်ကျမ်းရဲ့ တန်ဖိုးရှိတဲ့ ရင်းမြစ်တွေကို ဖြုန်းတီးပစ်ရာလည်း ရောက်ပါတယ်။
ကုရ်အာန်ကျမ်းဟာ အကြမ်းဖက်ဝါဒကို ခွင့်မပြုဘူးဆိုတာကို ဖော်ပြနေတဲ့ ခိုင်မာတဲ့ အချက် ၃ ခု ရှိပါတယ်။ အစ္စလာမ်ကြောက်ရောဂါရှိသူတွေ၊ IS အကြမ်းဖက်သမားတွေဟာ ကုရ်အာန်က ဒီအချက်တွေကို လစ်လျူရှုထားပမယ့် ကုရ်အာန်ကျမ်းတော်မြတ်၊ တမန်တော် မုဟမ္မဒ်နဲ့ ကမ္ဘာတစ်ဝှမ်းက မွတ်စလင်တွေဟာ ဒီအချက်တွေအတွက် ရှေ့ဆောင်လမ်းပြတွေပါပဲ။
ပထမအချက်
ကုန်အာန်ကျမ်းတော်မြတ်ဟာ အစကနေအဆုံးအထိ ဖတ်ရှုရမယ့်ကျမ်းပါ။ ကဏ္ဍ ၃၊ ပါဒတော် ၇ မှာ
“အလ္လာဟ်အရှင်မြတ်သည် အသင့်အပေါ်ဝယ် ကျမ်းမြတ်ကုရ်အာန်ကို ထုတ်ပြန်ပို့ချတ်ာမူသော အရှင်မြတ်ပင်တည်း။ ထိုကျမ်းမြတ်အနက် မပြောင်းမလွဲ ပေါ်လွင်ထင်ရှား ပြတ်သား၍ အနက်အဓိပ္ပါယ် တစ်မျိုးတစ်စားတည်းထွက်သော ပါဒတော်များလည်း ရှိပေ၏။ ယင်း ပါဒတော်များသည်သာလျှင် ကုရ်အာန်ကျမ်းမြတ်၏ မူလ အရင်းခံ အခြေအမြစ် ဖြစ်လေသည်။ ထို့ပြင်တ၀ အခြားသော ပါဒတော်များမှာမူကား အဓိပ္ပါယ်ပြားသော၊ ဆင်တူရိုးမှားဖြစ်သော ပါဒတော်များလည်း ရှိ၏။ သို့ရာတွင် မည်သို့ပင်ဖြစ်စေ၊ စိတ်နှလုံးတွင် သွေဖည်ယိမ်းယိုင်မှု ရှိသောသူတို့မှာမူကား လူခပင်းတို့အား သာသနာရေးတွင် လမ်းမှားစေလို၍လည်းကောင်း၊ ထိုပါဒတော်များကို အဓိပ္ပါယ်များကို အမှားကောက်လို၍လည်းကာင်း ယင်း ဆင်တူရိုးမှား ပါဒတော်များကိုပင် လိုက်နာ လိုက်စားကြကုန်၏” လို့ ဖော်ပြထားပါတယ်။
IS နဲ့ အစ္စလာမ်ကြောက်ရောဂါရှင်တွေကတော့ ကုရ်အာန်က ကြိုတင် ဟောကိန်းထုတ်တားတဲ့အတိုင်း ကျမ်းချက်တွေကို လိုသလို ကောက်ယူ အဓိပ္ပါယ်ဖွင့်ခဲ့ပါတယ်။ ကုရ်အာန်ကတော့ ဒီလို ခုတုံးလုပ်သူတွေကို
“လူခပင်းတို့အား သာသနာရေးတွင် လမ်းမှားစေလို၍လည်းကောင်း၊ ထိုပါဒတော်များကို အဓိပ္ပါယ်များကို အမှားကောက်လို၍လည်းကာင်း” လို့ အတိအလင်းဖော်ပြထားပြီး အဲဒီလူတွေကို ‘ဖောက်ပြန်သူများ’ လို့ သမုတ်ထားပါတယ်။
ဒုတိယအချက်
အစ္စလာမ်သာသနာဟာ လက်တွေ့အခြေအနေကို အခြေခံတဲ့ သာသနာဖြစ်တာကြောင့် မိမိကိုယ်ကို ခုခံကာကွယ်ခွင့်ကို တင်းကြပ်တဲ့ စည်းမျဉ်းတွေနဲ့အတူ ခွင့်ပြုထားပါတယ်။
ဘယ်အချိန်မျိုးတွေမှာလဲ။
တမန်တော်မုဟမ္မဒ်နဲ့ သူ့ရဲ့ တပည့်သာဝကတွေဟာ မက္ကာမှာ အလွန်အင်မတန် ပြင်းထန်လှတဲ့ ညှင်းပမ်း နှိပ်စက်မှုတွေကို ၁၃ နှစ်တိုင်တိုင် သည်းခံရင်ဆိုင်ခဲ့ပါတယ်။ အဲဒီ ညှင်းပမ်းမှုတွေထဲမှာ ဒီလူစုကို တောင်ကြားမှာ ပိတ်ထားပြီး ၃ နှစ်တိုင်တိုင် အစာရေစာ ဖြတ်တောက်ထားတာလည်း ပါဝင်ခဲ့ပြီး နောက်ဆက်တွဲအဖြစ် မုဟမ္မဒ်သခင်ရဲ့ ဇနီးဖြစ်သူ ခဒီဂျာသခင်မ ကွယ်လွန် အနိစ္စ ရောက်ခဲ့ပါတယ်။ မွတ်စလင်တွေဟာ ပြန်လည် လက်တုန့်မပြန်ခဲ့ပါဘူး။
နောက်တစ်ခါ တမန်တော် မုဟမ္မဒ်က သာဝကအချို့ကို ခရစ်ယာန်ဘုရင်အုပ်ချုပ်တဲ့ အဘီဆီးနီးနီးယား (ယခု အီသီယိုးပီးယား) ကို ပြောင်းရွှေ့ခိုလှုံခိုင်းခဲ့ပြီး လက်တုန့်ပြန်တာမျိုးကို ရှောင်ရှားစေခဲ့ပါတယ်။
တစ်ချိန်မှာ သာဝကအချို့က သည်းမခံနိုင်တော့တဲ့အဆုံး ဖိနှိပ်သူတွေကို ပြန်လည်တိုက်ခိုက်ဖို့ ခွင့်တောင်းတဲ့အခါမှာ မုဟမ္မဒ်သခင်က “တိုက်ခိုက်ဖို့အတွက် ဘုရားသခင်ရဲ့ခွင့်ပြုချက် ကျွန်ုပ်ဆီမှာ မရှိပါ” လို့ ပြန်လည် ဖြေကြားခဲ့ပါတယ်။
နောက်ဆုံးမှာ မက္ကာမြို့သားတွေရဲ့ ဘက်ပေါင်းဆုံက ဖိနှိပ်၊ ချုပ်ချယ်၊ ညှမ်းပမ်း၊ နှိပ်စက်လာတာကို မခံနိုင်တော့တဲ့အဆုံး ထိပ်တိုက်တွေ့ဆုံမှုကို ရှောင်ရှားဖို့အတွက် တမန်တော် မုဟမ္မဒ်နဲ့ သူ့ရဲ့ နောက်လိုက်တွေဟာ မဒီနာမြို့ကို ရွှေ့ပြောင်းသွားခဲ့ပါတယ်။
ဒီအုပ်စုဟာ အကြမ်းဖက်ဝါဒကနေ လွတ်မြောက်ဖို့အတွက် မိုင်ပေါင်း ၂၄၀ လောက်ကွာဝေးတဲ့ မဒီနာမြို့ကို သဲကန္တာရရဲ့ အပူရှိန်ကို အန်တုကာ ကုန်းကြောင်းခရီး သွားခဲ့ရတာပါ။ မဒီနာဟာ အဲဒီအချိန်က ဂျူးလူမျိုးတွေ လွှမ်းမိုးတဲ့ဒေသဖြစ်ပြီး အစ္စလာမ်ကသာ အကြမ်းဖက်ဝါဒ၊ ညှင်းပမ်းမှုတွေကို သွန်သင်မယ်ဆိုရင် မုဟမ္မဒ်သခင်နဲ့ သူ့ရဲ့ နောက်လိုက်တွေဟာ အဲဒီအချိန်မှာ အကောင်အထည်ဖော်ဖို့ အကောင်းဆုံးအချိန်ပါ။ ဒါပေမယ့် တမန်တော်ဟာ ဂျူးတွေနဲ့ပူးပေါင်းပြီး ‘မဒီနာ ဖွဲ့စည်းပုံအခြေခံဥပဒေ’ ကို ရေးဆွဲခဲ့ကာ ဘာသာရေးမနွယ်တဲ့ စည်းလုံးတဲ့ နိုင်ငံတစ်ခုကို တည်ထောင်နိုင်ခဲ့ပါတယ်။
ဒါပေမယ့် မက္ကာက အစွန်းရောက်တွေဟာ လက်မလျှော့သေးဘဲ မဒီနာကိုလာရောက်ကာ မွတ်စလင်တွေကို အမြစ်ဖြုတ်ဖို့ ကြိုးစားလာတာကြောင့် မွတ်စလင်တွေအနေနဲ့ မိမိကိုယ်ကို ကာကွယ်ရေးအတွက် ခုခံတိုက်ခိုက်ခွင့်အမိန့်ဟာ အဲဒီအချိန်မှာ ဘုရားသခင်ထံကနေ ကျရောက်လာခဲ့ပါတယ်။
ဒါကတော့ ကုရ်အာန်ကျမ်းတော်မြတ် ကဏ္ဍ ၂၂၊ ပါဒတော် ၃၉-၄၀ မှာ ဖော်ပြထားတဲ့ အောက်ပါ ကျမ်းချက်တွေပဲ ဖြစ်ပါတယ်။
“တိုက်ခိုက်ခြင်းခံနေရကြရသော မွတ်စလင်တို့သည် ခုခံတိုက်ခိုက်ခွင့် ရရှိလေပြီ။ အကြောင်းမူကား ၎င်းတို့သည့် နှိပ်စက်ညှင်းပမ်းခြင်းကို ခံခဲ့ကြရလေသည်။ ၎င်းအပြင် ဧကန်မလွဲ အလ္လာဟ်အရှင်မြတ်သည် ၎င်းတို့အား ကူညီစောင်မနိုင်စွမ်း ရှိတော်မူသော အရှင်မြတ်ပင် ဖြစ်တော်မူပေသည်။”
“အကြင်သူသည် ‘ကျွန်ုပ်အား မွေးမြူဖန်ဆင်းတော်မူသော အရှင်ကား အလ္လာဟ်အရှင်မြတ်ပင် ဖြစ်တော်မူသည်’ ဟု ပြောဆိုကြခြင်းမှတစ်ပါး မည်သည့်အကြောင်းမျှမရှိဘဲ မတရားသဖြင့် မိမိတို့၏ နေအိမ်များမှ နှင်ထုတ်ခြင်းကို ခံခဲ့ကြရလေသည်။ စင်စင်သော်ကား အကယ်၍သာ အလ္လာဟ်အရှင်မြတ်သည် လူတို့အား တစ်ဦးကို တစ်ဦးဖြင့် ကာကွယ်တော်မူခြင်း မရှိပါမူ ခရစ်ယာန် ဘုန်းတော်ကြီးကျောင်းများသည်လည်းကောင်း၊ ခရစ်ယာန် ၀တ်ကျောင်းတော်များသည်လည်းကောင်း၊ ယဟူဒီဝတ်ကျောင်းတော်များသည်လည်းကောင်း၊ အလ္လာဟ်အရှင်မြတ်၏ နာမံတော်များကို များပြားစွာ ရွတ်ဆိုလျက်ရှိသော မွတ်စလင်တို့၏ ဗလီဝတ်ကျောင်းတော်များသည်လည်းကောင်း ဖြိုဖျက်ခြင်းခံကြရမည် အမှန်ပင်” (ကုန်အာန်ကျမ်းတော်မြတ် ၂၂၊ ၃၉-၄၀)
ဒီကျမ်းချက်ဟာ ‘မိမိတို့အပေါ် စစ်ဆင်နွှဲသူများအပေါ်’ ခုခံတိုက်ခိုက်ဖို့ ရည်ရွယ်တာဖြစ်ပြီး၊ ခရစ်ယာန်တွေ၊ ဂျူးတွေနဲ့ အခြားသော ဘာသာဝင်တွေကိုလည်း ကာကွယ်ဖို့လည်း ပြောထားတယ်ဆိုတာ ထင်ထင်ရှားရှား တွေ့မြင်နိုင်ပါတယ်။ အဲဒီနောက်ပိုင်းမှာ တိုက်ခိုက်ရေးအတွက် ကျရောက်တဲ့ ကျမ်းချက်တွေအားလုံးဟာ ကိုယ့်ကိုယ်ကို ကာကွယ်ရေးဆိုတဲ့ ဒီကျမ်းချက်တွေအပေါ်မှာ အခြေခံပါတယ်။ လိုရာကောက်ဆွဲပြီး အသုံးချတာမျိုးကို ကုရ်အာန်ကျမ်းက တားမြစ်တားထယ်ဆိုတာကို အပေါ်မှာ ဖော်ပြခဲ့ပြီးပါပြီ။
နောက်ထပ်တစ်ခုက ကဏ္ဍ ၂၊ ပါဒတော် ၁၉၁ ကနေ ၁၉၃ ဖြစ်ပါတယ်။
“ထို့ပြင်တ၀ အသင်တို့သည် ထိုသူတို့ (ကာဖရ် မိစ္ဆာဒိဌိတို့) အား တွေ့ဆုံဖမ်းဆီးမိရာအရပ်၌ သုတ်သင်ရှင်းလင်းကြကုန်လော့။ ထို ကာဖရ်တို့က အသင်တို့အား မက္ကာမြို့တော်မှ နှင်ထုတ်သကဲ့သို့ အသင်တို့သည်လည်း ထိုကာဖရ်တို့အား မက္ကာမြို့တော်မှ နှင်ထုတ်ကြကုန်။ အမှန်သောကား သာသနာရေး၌ ညှင်းဆဲနှိပ်စက် နှောက်ယှက်ခြင်းသည် သတ်ဖြတ်ခြင်းထက်ပင် ပိုမို၍ ဆိုးရွားလှ၏”
“အကယ်၍သာ ယင်းသူတို့သည် အလ္လာဟ်အရှင်မြတ်၏ အမိန့်တော်ကို သွေဖည်ခြင်း၊ မွတ်စလင်တို့အား ညှင်းဆဲခြင်းနှင့် ပြိုင်ဆိုင်တိုက်ခိုက်ခြင်းတို့ကို ရပ်စဲခဲ့ကြပါလျှင် မုချဧကန် အလ္လာဟ်အရှင်မြတ်သည် မြစ်မှုဒုစရိုက်တို့ကို အဖန်တလဲလဲ လွတ်ငြိမ်းချမ်းသာခွင့် ပေးသနားတော်မူသောအရှင် သတ္တ၀ါအပေါင်းတို့အား မပြတ်မစဲ သနားကြင်နာ ညှာတာတော်မူသောအရှင် ဖြစ်တော်မူလေသတည်း”
“ထို့ပြင်တ၀ အသင်တို့သည့် သာသနာရေး ညှင်းပမ်းမှု လုံးဝ ပပျောက်၍ သာသနာသည် အလ္လာဟ်အရှင်မြတ်အဖို့သာ ဖြစ်သွားသည့်တိုင်အောင် ထိုသူတို့နှင့် စစ်မက်ပြိုင်ဆိုင်တိုက်ခိုက်ကြကုန်လော့။ သို့ရာတွင် အကယ်စင်စစ် ထိုသူတို့သည် စစ်မက်ပြိုင်ဆိုင်တိုက်ခိုက်ခြင်းကို ရပ်စဲကြပါမူ ကျူးလွန်နှိပ်စက် ညှင်းပမ်းသူတို့မှတစ်ပါး အခြားသူတို့အပေါ်ဝယ် မည်သို့မျှ ကျူးကျော်စော်ကား တုန့်ပြန်သတ်ဖြတ်ရန် အကြောင်းမရှိပေ” (ကုန်အာန်ကျမ်းတော်မြတ် ၂၊ ၁၉၁-၁၉၃)
ဒီကျမ်းချက်အရ မွတ်စလင်တွေဟာ မိမိတို့ကို တိုက်ခိုက်လာသူတွေကိုသာ တိုက်ခိုက်ရမှာဖြစ်ပေမယ့် ရန်သူက ငြိမ်းချမ်းရေးအတွက် ကမ်းလှမ်းလာရင်တော့ လက်ခံရမယ်လို့ အတိအလင်း ဖော်ပြထားပါတယ်။ အစ္စလာမ်သာသနာမှာ အားလုံးကို သိမ်းကြုံးသတ်ဖြတ်တာ၊ ကိုယ်လက်အင်္ဂါအစိတ်အပိုင်းတွေ ဖြတ်တောက်တာ၊ ညှင်းပမ်းနှိပ်စက်တာမျိုးတွေကို ခွင့်မပြုထားပါဘူး။ တတိယအချက်ကတော့ IS အကြမ်းဖက်သမားတွေနဲ့ အစ္စလာမ်ကြောက်ရောဂါသည်တွေအတွက် တော်တော်လေး အထိနာမှာပါ။
တတိယအချက်
အပေါ်မှာ ရှင်းပြသလောက်ဆိုရင် ‘သူတို့ကို တွေ့ရာနေရာမှာ သုတ်သင်ရှင်းလင်းကြ’ ဆိုတဲ့ အမိန့်ရဲ့ ‘သူတို့’ ဆိုတာ ဘယ်သူတွေကို ရည်ညွှန်းလဲဆိုတာ နားလည်နိုင်မှာပါ။ ‘သူတို့’ ဆိုတာ လူတွေကို သူတို့ရဲ့ ဘာသာတရားကြောင့် နှိပ်စက်သူတွေ၊ နေအိမ်ကနေ မောင်းထုတ်သူတွေ၊ အိုးသစ်အိမ်သစ်ထူထောင်ကြသူတွေကို သတ်ဖြတ်ဖို့ ကြိုးစားကြသူတွေဖြစ်ပါတယ်။
အခြားတစ်နည်းနဲ့ပြောရရင် ဒီ ‘သူတို့’ ဆိုတဲ့စကားလုံးဟာ လက်ရှိမှာမှာ IS ကို ဆိုလိုတာမျိုးပါ။ မိမိတို့ကို၊ ခရစ်ယာန်တွေကို၊ ဂျူးတွေ၊ အခြာဘာသာဝင်တွေကို ကြိုတင်ကြံရွယ် တိုက်ခိုက်တဲ့ အကြမ်းဖက်သမားတွေကို သုတ်သင်ကာ မိမိတို့ကိုယ်ကို ခုခံကာကွယ်ဖို့ ကုရ်အာန်က အစ္စလာမ်ဘာသာဝင်တွေကို ခွင့်ပြုချက်ပေးထားပါတယ်။ ဒါပေမယ့် ကိုယ့်ကိုယ် မတိုက်ခဲ့တဲ့သူတွေကို တိုက်ခိုက်တာမျိုး၊ ကျူးကျော်တာမျိုးကိုတော့ ကုရ်အာန်က ခွင့်မပြုပါဘူး။ ဒီသွန်သင်ချက်ဟာ အပြောသက်သက်သာမဟုတ်ဘဲ လက်တွေ့ လိုက်နာ ကျင့်သုံးခဲ့တဲ့ အဖြစ်အပျက်တွေ အစ္စလာမ့်သမိုင်းမှာ များစွာရှိပါတယ်။
တမန်တော် မုဟမ္မဒ်ဟာ မွေးရပ်မြေ မက္ကာကို နှစ်ပေါင်း ၂၀ ကြာပြီး ပြန်လည်သိမ်းပိုက်နိုင်ခဲ့တဲ့အချိန်မှာ အင်မတန် အံ့သြဖွယ်ကောင်းတဲ့ အရာတွေကို လုပ်ပြခဲ့ပါတယ်။ မိမိရဲ့ သားသမီးတွေ၊ ဆွေးမျိုတွေ၊ ရောင်းရင်းတွေ၊ နောက်လိုက်သာဝကကြီးတွေကို သတ်ဖြတ်ခဲ့တဲ့သူတွေကို တမန်တော်က ခြွမ်းချက်မဲ့ လွတ်ငြိမ်းချမ်းသာခွင့် ပေးခဲ့သလို မက္ကာမြို့သားတွေကို ဘာသာရေးလွတ်လပ်ခွင့် အပြည့်အ၀ ပေးခဲ့ပါတယ်။ အစ္စလာမ်ကို ၀င်ရောက်ဖို့ အတင်းအကြပ်မပြုခဲ့သလို၊ တုန့်ပြန်လက်စားချေတာမျိုးလည်း မလုပ်ခဲ့ပါဘူး။ မြို့ကို ပိတ်ဆို့ထားတာမျိုးလည်း မလုပ်ခဲ့ဘဲ လုံးဝ ခွင့်လွှတ်ပေးခဲ့တာပါ။
မွတ်စလင်မဟုတ်တဲ့ သမိုင်းပညာရှင် စတန်လေ လိန်း ပိုလီးက “မုဟမ္မဒ်ဟာ သူရဲ့ ရန်သူတွေအပေါ် အကြီးကျယ်ဆုံး အောင်ပွဲရလိုက်တဲ့နေ့ဟာ ကိုယ့်ကိုယ်ကို အောင်မြင်သွားတဲ့နေ့လည်းဖြစ်ပါတယ်။ နှစ်ပေါင်းများစွာ သူတို့ကို နာကျင်မှုတွေ၊ ရက်ရက်စက်စက် စော်ကားမှုတွေနဲ့ ဒုက္ခရောက်အောင်လုပ်ခဲ့တဲ့ ကိုရိုက်ရ်ှမျိုးနွယ်တွေကို သူဟာ လွတ်လပ်ခွင့်ပေးခဲ့ပြီး၊ မက္ကာမြို့သားအားလုံးကို လွတ်ငြိမ်းချမ်းသာခွင့် ပေးခဲ့ပါတယ်” လို့ မှတ်ချက်ပြုခဲ့ပါတယ်။
ဒါတွေဟာ အစ္စလာမ်နဲ့ ကုရ်အာန်က သင်ကြားပေးတဲ့ ချစ်ခြင်းမေတ္တာနဲ့ ဂရုဏာတွေပါ။ စိတ်စေတနာသန့်တဲ့ မည်သူမဆို IS နဲ့ တမန်တော် မုဟမ္မဒ်တို့ဟာ အလင်းနဲ့အမှောင် ကွာသလို ကွာတယ်ဆိုတာ မြင်နိုင်မှာပါ။
အစ္စလာမ်သာသနာနဲ့ပတ်သက်ပြီး လူတွေ နားလည်မှုလွဲရတဲ့ အကြောင်းအရင်းကတော့ ဒီသာသနာရဲ့ ရင်းမြစ်ဖြစ်တဲ့ ကုရ်အာန်နဲ့ တမန်တော်မုဟမ္မဒ်ရဲ့ သင်ကြားမှုတွေထက် မီဒီယာက သတင်းတွေကို ပိုပြီး ဦးစားပေးကြလို့ပဲ ဖြစ်ပါတယ်။ ကုရ်အာန်ကျမ်းကို ဖတ်ကြည့်ပါ။ တမန်တော်မုဟမ္မဒ်ရဲ့ အထုပ္ပတ္တိကို ဖတ်ကြည့်ပါ။
အစ္စလာမ်နဲ့ပတ်သက်ပြီး သင်ယူပါ။ ဒီလိုသင်ယူခြင်းဟာ အကြမ်းဖက်ဝါဒကို တိုက်ဖျက်ခြင်ဖြစ်ပြီး ကမ္ဘာလုံးဆိုင်ရာ လူ့အခွင့်အရေးရဲ့ အသက်သွေးကြောလည်း ဖြစ်ပါတယ်။
(Indendent တွင် ဖော်ပြထားသည့် Anyone who says the Quran advocates terrorism obviously hasn’t read its lessons on violence ဆောင်းပါးကို လေးမောင်မှ ဆီလျော်အောင် ဘာသာပြန်ဆိုသည်။)
Ref: Independent
