မတ် ၁၈၊ ၂၀၁၇
M-Media
– ကနေဒါ နိုင်ငံသား ၃ ဦးမှာ ၉/၁၁ အကြမ်းဖက်တိုက်ခိုက်မှုနှင့်ပတ်သက်၍ ဖမ်းဆီးကာ နှိပ်စက်ခံခဲ့ရပြီး ထိုကိစ္စတွင် အစိုးရက သွယ်ဝိုက်သော နည်းလမ်းဖြင့် ပါဝင်ခဲ့သည်ဟု စွပ်စွဲခံခဲ့ရပြီးနောက် ကနေဒါအစိုးရက ယမန်နေ့တွင် တရားဝင် တောင်းပန်လိုက်သည်။
နှိပ်စက်ခံရသူများမှာ အဘ်ဒူလာ အလ်မာလ်ကီ၊ အဟ်မဒ် အဘူ အလ်မာတီ၊ မူအေယဒ် နူရက်ဒင်းတို့ဖြစ်ပြီး ၉/၁၁ တိုက်ခိုက်မှုနောက်ပိုင်းတွင် ဆီးရီးယား၌ ထိန်းသိမ်းခံခဲ့ရပြီး နှိပ်စက်ငြှင်းပမ်းမှုများကိုလည်း ခံခဲ့ရကာ ၂၀၀၄ ခုနှစ်တွင် ပြန်လည်လွတ်မြောက်လာခဲ့သည်။
“နိုင်ငံရပ်ခြားမှာ ထိန်းသိမ်းခံရမှု၊ နှိပ်စက်ခံရမှုနှင့် ထိခိုက်နာကျင်စေမှုတို့မှာ ကနေဒါအစိုးရ တာဝန်ရှိသူတွေက ပါကောင်းပါခဲ့မယ်ဆိုရင် အဲဒီအတွက် မစ္စတာ အလ်မာလ်ကီ၊ မစ္စတာ အဘူ အလ်မာတီ၊ မစ္စတာ နူရက်ဒင်းနဲ့ သူတို့ရဲ့ မိသားစုတွေကို ကနေဒါအစိုးရကိုယ်စား ကျွန်တော်တို့ တောင်းပန်လိုပါတယ်” ဟု ကနေဒါအစိုးရ၏ ပြည်သူ့လုံခြုံရေးဝန်ကြီး ရာလ်ဖ် ဂွဒ်ဒါလီနှင့် နိုင်ငံရေးခြားရေးဝန်ကြီး ခရစ္စတီယာ ဖရီးလန်းတို့က ထုတ်ပြန်သော ကြေငြာချက်တွင် ဖော်ပြထားသည်။
သို့သော်လည်း ထိခိုက်ခံစားခဲ့ရသူများနှင့် မည်သည့်သဘောတူညီချက် ရရှိခဲ့သည်ဆိုသည်ကို ကြေငြာချက်တွင် မဖော်ပြခဲ့ပေ။ Amnesty International က ယခုကြေငြာချက်ကို ကြိုဆိုခဲ့ပြီး၊ ထိုဖြေရှင်းမှုတွင် ၎င်းတို့ ၃ ဦးအား နစ်နာကြေးပေးရန်လည်း ပါဝင်သည်ဟု ပြောကြားခဲ့သည်။
အဘ်ဒူလာ အလ်မာလ်ကီ၊ အဟ်မဒ် အဘူ အလ်မာတီ၊ မူအေယဒ် နူရက်ဒင်တို့မှာ မည်သည့်တရားစွဲဆိုမှုမှ မခံရဘဲ ၂၀၀၄ ခုနှစ်တွင် လွတ်မြောက်လာခဲ့ပြီး ကနေဒါအစိုးရကို ၎င်းတို့၏ ထိခိုက်ခံစားရမှုများအတွက် တရားစွဲဆိုခဲ့သည်။
ဖမ်းဆီးနှိပ်စက်ခံရသည့် အဆိုပါ အမျိုးသား ၃ ဦးနှင့်ပတ်သက်၍ ဆီးရီးယားက မေးခွန်းများ မေးမြန်းမှုကို ကနေဒါအစိုးရ တာဝန်ရှိသူများက ပြန်လည်ဖြေကြားခဲ့သည့် လျှို့ဝှက် စာရွက်စာတမ်းများကို ပြီးခဲ့သည့် စက်တင်ဘာက ကနေဒါ၏ CBC သတင်းဌာနမှ ဖော်ပြခဲ့သည်။
“ဒီနေ့ ကျွန်တော်တို့ရဲ့ ဆောင်ရွက်မှုက သူတို့ရဲ့ ဘ၀မှာ မျှော်လင့်ချက်ရှိတဲ့ ကဏ္ဍသစ်တစ်ခု ဖွင့်လှစ်ရေး ကြိုးပမ်းမှုအတွက် သူတို့နဲ့ သူတို့ရဲ့ မိသားစုတွေကို အထောက်အကူဖြစ်လိမ့်မယ်လို့ ကျွန်တော်တို့ မျှော်လင့်ပါတယ်” ဟု ကနေဒါဝန်ကြီးများ၏ ကြေငြာချက်တွင် ဖော်ထားသည်။
ကနေဒါ ထောက်လှမ်းရေးမှတ်တမ်းများဖြင့် အမေရိကန်အာဏာပိုင်များက ၂၀၀၂ ခုနှစ်တွင် ဆီးရီးယားသို့ လွှဲပြောင်းပေးခဲ့သည့် ကနေဒါနိုင်ငံသား ကွန်ပျူတာအင်ဂျင်နီယာ မဟာ အေရာရ်မှာလည်း ဒမတ်စကတ်ထောင်တွင် ငြှင်းပမ်းနှိပ်စက်ခြင်း ခံခဲ့သည်။
သို့သော်လည်း အေရာရ်မှာ ကနေဒါအာဏာပိုင်များ သံသယရှိသကဲ့သို့ မဟုတ်သောကြောင့် ၂၀၀၇ ခုနှစ်တွင် ၀န်ကြီးချုပ် စတီဖင် ဟာပါး၏ တောင်းပန်မှုနှင့် ကနေဒါအစိုးရထံမှ နစ်နာကြေး ဒေါ်လာ ၁၀ သန်းကို ရရှိခဲ့သည်။
Ref: Alarabiya
