Blog

အဖမ်းမခံသည့် ဘုန်းကြီး၏ သာသနာရေးဆိုင်ရာ ဘွဲ့များကို ထိုင်းဘုရင် ရုပ်သိမ်း

မတ် ၆၊ ၂၀၁၇
M-Media

အဖမ်းမခံဘဲ ရှောင်တိမ်းနေသည့် ဘုန်းတော်ကြီး Phra Dhammajayo

– ငွေကြေးမသမာမှုအပါအ၀င် လိမ်လည်မှုများ ရှိနေသည့်အတွက် ဖမ်းဝရမ်းထုတ်ခံထားရသည့် နာမည်ကြီးဘုန်းကြီး Phra Dhammajayo ၏ သာသနာရေးဆိုင်ရာ ဘွဲ့ထူးဂုဏ်ထူးများကို ထိုင်းဘုရင် မဟာ ၀ီဇရလောင်ကွန်က ရုပ်သိမ်းလိုက်သည်ဟု Royal Gazeete က ယမန်နေ့တွင် ဖော်ပြခဲ့သည်။

ထိုင်းလုံခြုံရေးတပ်ဖွဲ့များမှာ အဆိုပါ ဘုန်းတော်ကြီး သီတင်းသုံးရာ Dhammakaya ကျောင်းတိုက်အား ၂ ပတ်ကျော်ကြာ ၀န်းရံထားပြီး ရှာဖွေမှုများ ပြုလုပ်ခဲ့သော်လည်း မတွေ့ခဲ့သည့်နောက်ပိုင်း ယခုကဲ့သို့ ဘွဲ့ရုပ်သိမ်းမှု ပေါ်ထွက်လာခြင်းလည်း ဖြစ်သည်။

Royal Gazeete က ဘုန်းတော်ကြီးမှာ ၎င်းအပေါ်တင်ထားသည့် စွဲချက်များကို ဖြေရှင်းမှုမရှိသောကြောင့် ဘွဲ့များရုပ်သိမ်းရန် ထိုင်းအစိုးရ၏ တောင်းဆိုမှုကို ဘုရင်က သဘောတူခဲ့သည်ဟု ဆိုသည်။

ယခုကဲ့သို့ ဘွဲ့တံဆိပ်များ ရုပ်သိမ်းမှုမှာ Phra Dhammajayo အား ရဟန်းအဖြစ်မှ သိက္ခာချခြင်းမဟုတ်ဘဲ ထိုင်းသံဃာ့ကောင်စီကသာ ရဟန်းအဖြစ်မှ လူဝတ်လဲပေးနိုင်သည်။ သို့သော်လည်း အဆိုပါ ဘုန်းတော်ကြီးမှာ Phra Thepyan Mahamuni Sri Dhamma Kosol ဟူသည့်ဘွဲ့ကို ထပ်မံ၍ အသုံးပြုနိုင်တာ့မည်မဟုတ်ပေ။

Dhammakaya ကျောင်းတိုက်ကမူ ထိုကိစ္စနှင့်ပတ်သက်၍ မှတ်ချက်ပေးရန် ငြင်းဆိုခဲ့သည်။

Ref: Bangkokpost

March 6, 2017
PPT ၏ မြန်မာနိုင်ငံဆိုင်ရာ ကြားနာမှု ယနေ့စမည်

မတ် ၆၊ ၂၀၁၇
M-Media

ကြားနာမှုပြုလုပ်မယ့် Queen Mary တက္ကသိုလ်

– ရောမအခြေစိုက် ‘နိုင်ငံတကာ အမြဲတမ်း ပြည်သူ့ ခုံသမာဓိရုံး’ (PPT) မှာ မြန်မာနိုင်ငံဆိုင်ရာ ကြားနာမှုကို ယနေ့မှ စတင်ကာ မတ်လ ၈ ရက်နေ့အထိ လန်န်မြို့ရှိ Queen Mary တက္ကသိုလ်တွင် ပြုလုပ်သွားမည်ဟု သိရသည်။

အဆိုပါ ကြားနာမှုအတွင်း ရိုဟင်ဂျာနှင့် ကချင်လူနည်းစုများအပေါ် လုံခြုံရေးတပ်ဖွဲ့များက ရာဇ၀တ်မှု ကျူးလွန်မှုနှင့် ပတ်သက်၍ အထောက်အထားများကို တင်ပြသွားမည်ဖြစ်ကာ၊ ကျွမ်းကျင်သူများ၏ မှတ်ချက်များကိုလည်း နားထောင်သွားမည်ဖြစ်သည်။

“ဒီလူမျိုးစု (ရိုဟင်ဂျာနှင့် ကချင်) တွေအပေါ်မှာ မြန်မာနိုင်ငံရဲ့ ဆိုးဆိုးဝါးဝါး ဆက်ဆံမှုတွေရှိတယ်ဆိုတဲ့ စွပ်စွဲချက်က PPT နှစ်တော်တော်များများ ကျွန်တော်တို့ စိုးရိမ်စရာ ဖြစ်ခဲ့ပါတယ်။ မြန်မာအစိုးရက နိုင်ငံတက ရာဇ၀တ်မှုတွေကို ကျူးလွန်တာမျိုး ရှိနေတယ်ဆိုတဲ့အပေါ် ယုံကြည်စိတ်ချရပြီး သမာသမတ်ကျတဲ့ ခုံးသမာဓိရုံးတစ်ခု ဖြစ်လာဖို့ ကျူးလွန်ခံရသူတွေက တောင်းဆိုမှုကို အပြုသဘောဆောင်စွာ တုန့်ပြန်နိုင်ခဲ့တဲ့အတွက် ကျွန်တော်နဲ့ ကျွန်တော့် လုပ်ဖော်ကိုင်ဖက်တွေက ၀မ်းသာမိပါတယ်” ဟု ခုံသမာဓိရုံး၏ အထွေထွေအတွင်းရေးမှူး ဒေါက်တာ ဂီယန်နီ တော့ဂ်နိုနီက ပြောကြားခဲ့သည်။

Queen Mary တက္ကသိုလ်၏ State Crime Initiative ဌာန၊ Yale Law School နှင့် Fortify Rights, Human Rights Watch, Burma Task Force တို့ကဲ့သို့ လူ့အခွင့်အရေးအဖွဲ့အစည်းများ၊ အခြားအသင်းအဖွဲ့များက ထုတ်ပြန်သော အစီရင်ခံစာများအရ လူမျိုးတုန်းသတ်ဖြတ်မှုဟု ပြော၍ရသသည့် အခြေအနေကို ညွှန်ပြနေသော ရာဇ၀တ်မှုများ၊ အခြေခံလူ့အခွင့်အရေး ချိုးဖောက်မှုများကို ရိုဟင်ဂျာမွတ်စလင်များ ခံစားနေရသည်ဟု ဖော်ပြနေသည်။

မြန်မာအစိုးရ၊ စစ်တပ်နှင့် ရဲတပ်ဖွဲ့တို့ကမူ ထိုစွပ်စွဲမှုအားလုံးကို ငြင်းဆိုထားသည်။

ကချင်ပြည်သူများမှာလည်း ဆယ်စုနှစ်ပေါင်းများစွာ အစိုးရ၏ ဖိနှိပ်ချုပ်ချယ်မှုကို ခံစားနေရပြီး ရွာလုံးကျွတ် မီးရှို့ခံရမှုများ၊ အိုးအိမ်စွန်ခွာ ထွက်ပြေးကာ ဒုက္ခသည်စခန်းများတွင် ခိုလှုံ နေထိုင်ရမှုများ၊ ဘုရားကျောင်းများ ဖျက်ဆီးခံရမှုများ ရှိနေသည်။

PPT ၏ ကြားနာမှုအတွင်း ကချင်နှင့် ရိုဟင်ဂျာ လူ့အဖွဲ့အစည်းများမှ ကိုယ်စားလှယ်များက မြန်မာအစိုးရမှာ နိုင်ငံတကာဥပဒေအောက်တွင် ရာဇ၀တ်မှုများ ကျူးလွန်နေသည်ဟု ဂျူရီအဖွဲ့ရှေ့တွင် ထွက်ဆိုရန် ရှိနေသည်။

Ref: Chicagomonitor

March 6, 2017
အိုဘားမား ဖုန်းကြားဖြတ်နားထောင်သည့်ကိစ္စ စုံစမ်းရန် အိမ်ဖြူတော် တောင်းဆို

မတ် ၆၊ ၂၀၁၇
M-Media

– ပြီးခဲ့သည့်နှစ် ရွေးကောက်ပွဲ မဲဆွယ်မှုကာလအတွင်း ၎င်း၏ ဖုန်းပြောဆိုမှုကို အမေရိကန်သမ္မတ ဘာရက်အိုဘားမားက ကြားဖြတ်နားထောင်ခဲ့သည်ဟု လက်ရှိသမ္မတ ဒေါ်နယ်ထရမ့်၏ စွပ်စွဲပြောကြားမှုကို စုံစမ်းရန် အိမ်ဖြူတော်က အောက်လွှတ်တော်အား ယမန်နေ့တွင် တိုက်တွန်းလိုက်သည်။

ထရမ့်မှာ သောကြာနေ့က ထိုစွပ်စွဲချက်ကို ၎င်း၏ Twitter စာမျက်နှာတွင် လွှင့်တင်ခဲ့ခြင်းဖြစ်ပြီး သမ္မတအိုဘားမားမှာ အာဏာအလွဲသုံးစားလုပ်ခဲ့သည်ဟု ဆိုသည်။ လက်ယာစွန်း သတင်းဌာနတစ်ခုဖြစ်သော Breitbart News ၏ ရင်းမြစ်မခိုင်မာဘဲ ဖော်ပြသည့် အချက်အလက်ကို အခြေခံ၍ ထရမ့်က ထိုကဲ့သို့ ပြောကြားခဲ့ခြင်းဖြစ်သည်။

အိမ်ဖြူတော် ပြန်ကြာရေးတာဝန်ရှိသူ ရှောင် စပိုက်ဆာက အောက်လွှတ်တော်အနေဖြင့် ထိုကိစ္စအား စုံစမ်းစစ်ဆေးပေးရန် အလိုရှိနေသည်ဟု ဆိုသည်။ ထရမ့်၏ ပြောရေးဆိုခွင့်ရှိသူ အမျိုးသမီး ဆာရာ ဆန်ဒါးစ်ကလည်း ထိုကိစ္စ အမှန်တကယ် ဖြစ်ပွားပါက အုပ်ချုပ်ရေးပိုင်းတွင် အကြီးကျယ်ဆုံး အာဏာအလွဲသုံးစားပြုမှုနှင့် အကောက်ကြံမှုဖြစ်သည်ဟု ပြောကြားခဲ့သည်။

အိုဘားမားက ထရမ့်၏ စွပ်စွဲချက်များမှာ လုံးဝ မှားယွင်းမှုဖြစ်သည်ဟု ပြောရေးဆိုခွင့်ရှိသူမှတစ်ဆင့် ပြောကြားခဲ့သည်။

အမေရိကန်ဥပဒေအရ သမ္မတအနေဖြင့် ထိုကဲ့သို့ ဖုန်းများကို ကြားဖြတ်နားထောင်ရန် အမိန့်ပေး၍မရဘဲ သံသယဖြစ်စရာ အကျိုးအကြောင်း ခိုင်ခိုင်မာမာ ပြနိုင်မှသာလျှင် ဖက်ဒရယ်တရားသူကြီးတစ်ဦး၏ ခွင့်ပြုချက်ဖြင့် ပြုလုပ်နိုင်သော ကိစ္စဖြစ်သည်။

ထရမ့်၏ ထိုစွပ်စွဲချက်မှာ မှားယွင်းသည်ဟု ယူဆထားသည့် FBI ဒါရိုက်တာ ဂျိမ်းစ် ကိုမေးက တရားရေးဌာနအနေဖြင့် ထိုစွပ်စွဲချက်ကို လူသိရှင်ကြား ငြင်းဆိုရန် တောင်းဆိုခဲ့သည်ဟု အကြီးတန်း တာဝန်ရှိသူများ၏ ပြောစကားကို ကိုးကား၍ နယူးယောက်တိုင်းမ်စ် သတင်းစာက ယမန်နေ့တွင် ဖော်ပြခဲ့သည်။ သို့သော်လည်း တရားရေးဌာနမှာ ထိုကဲ့သို့ ပြုလုပ်ခဲ့ခြင်း မရှိချေ။

Ref : CNA

March 6, 2017
မြောက်ကိုရီးယား၏ ဒုံးကျည်စမ်းသပ်ပစ်လွှတ်မှု ဂျပန်ပိုင်နက်ထဲကျ

မတ် ၆၊ ၂၀၁၇
M-Media

– မြောက်ကိုရီးယားမှာ ယနေ့မနက် အစောပိုင်းက ဒုံးကျည်း ၄ စင်းကို စမ်းသပ်ပစ်လွှတ်ခဲ့ပြီး ၃ စင်းမှာ ဂျပန်အထူးစီးပွားရေးဇုန်အတွင်းသို့ ကျရောက်ခဲ့သည်ဟု သိရသည်။

တောင်ကိုရီးယားနှင့် အမေရိကန်တို့ လက်ရှိပြုလုပ်နေသည့် ပူးတွဲစစ်ရေးလေ့ကျင်မှုကို ဆန့်ကျင်သည့်အနေဖြင့် ထိုကဲ့သို့ ပစ်လွှတ်ခြင်းဖြစ်နိုင်ပြီး မြောက်ကိုရီးယားက ထိုစစ်ရေးလေ့ကျင့်မှုများမှာ ၎င်းတို့ကို တိုက်ခိုက်ရန် ပြင်ဆင်ခြင်းဖြစ်သည်ဟု မှတ်ယူထားသည်။

တောင်ကိုရီးယား ကာကွယ်ရေး ၀န်ကြီးဌာနမှ ပြောရေးဆိုခွင့်ရှိသူ ၀မ်ကီဂျွန်းက ဒုံးကျည်များမှာ ကီလိုမီတာ ၁၀၀၀ (မိုင်ပေါင်း ၆၂၀ အထိ) ပျံသန်းသွားခဲ့သည်ဟု ပြောကြားခဲ့သည်။ နိုင်ငံမြောက်ပိုင်း တွန်ချန်ရီပြည်နယ်မှ ပစ်လွှတ်ခြင်းဖြစ်ပြီး၊ တောင်ကိုရီးယား ယာယီသမ္မတက အမျိုးသားလုံခြုံရေးကောင်စီ အစည်းအဝေးကို ချက်ခြင်းခေါ်ယူရန် ရှိနေသည်။

မြောက်ကိုရီးယားမှာ ပစ်လွှတ်လိုက်သည့် အဆိုပါ ဒုံးကျည်လေးစင်းမှာ ဂျပန်ပင်လယ်ပြင်တွင် ကျရောက်ခဲ့ပြီး ထိုအထဲမှ ၃ ခုမှာ ဂျပန် အထူးစီးပွားရေးဇုန်အတွင်းသို့ ရောက်ရှိခဲ့သည်။ မြောက်ကိုရီးယား နိုင်ငံပိုင်သတင်းဌာနကမူ ထိုပစ်လွှတ်မှုကို ခေါင်းဆောင် ကင်ဂျုံအန်က ကြီးကြပ်ခဲ့သည်ဟု ဖော်ပြခဲ့သည်။

Ref: CNN

March 6, 2017
ဂျူး-မွတ်စလင် ပထမဆုံး အမျိုးသမီးညီလာခံ လန်ဒန်တွင် လုပ်မည်

မတ် ၆၊ ၂၀၁၇
M-Media

Nisa-Nashim အဖွဲ့ကို့ ပူးတွဲတည်ထောင်ခဲ့သူ ဂျူ လီ ဆစ်ဒီကီနှင့် လော်ရာမာ့ခ်

– ဂျူးနှင့် မွတ်စလင်အမျိုးသမီးများအကြား ပထမဆုံးညီလာခံကို လန်ဒန်မြို့ရှိ ၀က်စ်မင်စတာ တက္ကသိုလ်တွင် မတ်လ ၅ ရက်နေ့၌ ကျင်းပပြုလုပ်သွားမည်ဖြစ်ပြီး ယူကေရှိ လူနည်းစု လူ့အဖွဲ့အစည်းနှစ်ခု၏ ဖောက်ထွက်မှု တစ်ခုလည်းဖြစ်သည်။

အဆိုပါ ညီလာခံကို Nisa-Nashim ဂျူး-မွတ်စလင် အမျိုးသမီး ကွန်ယက်မှ စီစဉ်ခြင်းဖြစ်ပြီး ‘တစ်ဆင့်စကားများကို ပြောင်းလဲခြင်း’ ဟူသည့် ခေါင်းစဉ်ဖြင့် ပြုလုပ်မည်ဖြစ်သည်။ နှစ်ဖက်အဖွဲ့အစည်းမှ အမျိုးသမီး ၁၅၀ ကျော်မှာ ထိုညီလာခံသို့ တက်ရောက်ရန် စာရင်းပေးထားကာ ဘာသာပေါင်းစုံမှ ပုဂ္ဂိုလ်များလည်း တက်ရောက်ရန် ရှိနေသည်။

ညီလာခံတွင် အလုပ်ရုံဆွေးနွေးပွဲများ ပြုလုပ်ခြင်း၊ ဘာသာရေးအဖွဲ့အစည်းများ၊ ပြည်သူအခြေပြု အဖွဲ့အစည်းများနှင့် ပူးပေါင်းဆောင်ရွက်ခြင်၊ အမျိုးသမီးများ ၀တ်ပြုမှုနှင့် အသံထုတ်မှု စသည်တို့အပါအ၀င် မတူညီသော အကြောင်းအရာများကို ဆွေးနွေးသွားကြမည်ဖြစ်သည်။

ထို့ပြင် ယူကေရှိ ထိပ်တန်း ဂျူးပညာရှင်များနှင့် မွတ်စလင်ပညာရှင်များ လာရောက်မိန့်ခွန်းပြောကြားရန်လည်း ရှိနေသည်။

“ဂျူးနဲ့ မွတ်စလင်လူ့အဖွဲ့အစည်းတွေမှာ အမျိုးသမီးတွေဟာ အဓိကကျတဲ့ အခန်းကဏ္ဍမှာ ပါဝင်နေပါတယ်။ ဒါပေမယ့်လည်း တစ်ခါတစ်ရံမှာ သိပ်မကျော်ကြားဘဲ၊ လူတွေလည်း သိပ်မသိကြပါဘူး။ ဒီလူတွေကို ပေါင်းစည်းစေခြင်းအားဖြင့် ကျွန်မတို့ဟာ အမျိုးသမီးတွေရဲ့ စွမ်းဆောင်ရည်၊ လက်ရှိအချိန်မှာ ဖြစ်နေတဲ့ အဓိက ပြဿနာတွေအပေါ် သူတို့ရဲ့ စိတ်ဝင်စားမှု၊ အနှုတ်လက္ခဏာဆောင်တဲ့ တစ်ဆင့်စကားတွေကို ပြောင်းလဲဖို့ သူတို့ရဲ့စွမ်းရည်၊ လုပ်နိုင်စွမ်းတွေကို ပြသမှာ ဖြစ်ပါတယ်” ဟု Nisa-Nashim ကွန်ယက်ကို ပူးတွဲတည်ထောင်သူ လော်ရာမာ့ခ်က ပြောကြားခဲ့သည်။

အဖွဲ့အား ပူးတွဲတည်ထောက်သူ နောက်တစ်ဦးဖြစ်သည့် ဂျူလီ ဆစ်ဒီကီကလည်း ယခုကဲ့သို့ တွေ့ဆုံမှုက မိမိတို့ လူ့အဖွဲ့အစည်းတွင် ကိစ္စရပ်များကို ဆောင်ရွက်ရန် မတူညီသော နည်းသစ်၊ လမ်းသစ်များကို ရှာဖွေနိုင်မည်ဟု ဆိုသည်။

“တစ်ယောက်ဆီကတစ်ယောက်က သင်ယူနိုင်မယ်။ လူ့အဖွဲ့အစည်းရဲ့ ဆိုးရွားတဲ့ စိန်ခေါ်မှုတွေကို အတူတကွ တိုက်ဖျက်ဖို့ စတင်နိုင်မှာပါ။ ဒီလိုလုပ်နိုင်ဖို့ ညီလာခံအတွင်းနဲ့ ညီလာခံနောက်ပိုင်းမှာလည်း ဆက်လက်ရှာဖွေဆောင်ရွက်သွားမှာပါ”

Ref: The JC

March 6, 2017