ဇန်န၀ါရီ ၂၉၊ ၂၀၁၇
M-Media
– သောကြာနေ့က အမေရိကန်သမ္မတ ဒေါ်နယ်ထရမ့်ဟာ မွတ်စလင်အများစုရှိရာ နိုင်ငံ ၇ နိုင်ငံကို ယာယီ ဗီဇာပိတ်ပင်လိုက်ပြီး အကြောင်းပြချက်ကတော့ အကြမ်းဖက်မှုတွေနဲ့လုံးပမ်းနေရတဲ့ အဲဒီနိုင်ငံတွေက လူတွေဟာ အမေရိကန်ကို ၀င်ရောက်ကာ အကြမ်းဖက်တိုက်ခိုက်မှုတွေ ပြုလုပ်မှာ ဖြစ်တာကြောင့်လို့ ဆိုပါတယ်။
ထရမ့်ရဲ့ အကြောင်းပြချက်က ယုတ္တိရှိပါသလား။
မှတ်တမ်းတွေအရ ၁၉၇၅ ခုနှစ်နောက်ပိုင်း ဒီနိုင်ငံ ၇ နိုင်ငံကနေ အမေရိကန်ကို ပြောင်းရွှေ့ဝင်ရောက်လာခဲ့သူတွေဟာဆိုးဆိုးဝါးဝါး အကြမ်းဖက်တိုက်ခိုက်မှု လုံးဝ မရှိခဲ့ဘူးဆိုတာကို တွေ့ရပါတယ်။
ဒီအချက်ကို သုတေသနပြုလုပ်ထားတဲ့အဖွဲ့က ၀ါရှင်တန်ဒီစီအခြေစိုက် တတ်သိပညာရှင်များအဖွဲ့ Cato Institute ဖြစ်ပြီး ၁၉၇၅ ခုနှစ်ကနေ ၂၀၁၅ ခုနှစ်အထိ အီရန်၊ အီရတ်၊ လစ်ဗျား၊ ဆိုမာလီ၊ ဆူဒန်၊ ဆီးရီးယားနဲ့ ယီမင်တို့က လူတွေဟာ အမေရိကန်မြေပေါ်မှာ အမေရိကန်ပြည်သူတွေကို လုံးဝ တိုက်ခိုက်သတ်ဖြတ်မှု မရှိဘူးလို့ ဆုိုပါတယ်။
နောက်ပြီး လွန်ခဲ့တဲ့ ၁၅ နှစ်အတွင်းမှာ ဒီ ၇ နိုင်ငံရဲ့ နွယ်ဖွား အမေရိကန်နိုင်ငံသား မွတ်စလင်တွေကလည်း တိုက်ခိုက်မှုတွေ ပြုလုပ်တာမျိုး မရှိပါဘူး။
၂၀၀၁ ခုနှစ် စက်တင်ဘာ ၁၁ အကြမ်းဖက်တိုက်ခိုက်မှုနောက်ပိုင်း ပြုလုပ်ဖို့ စီစဉ်ခဲ့တဲ့ အကြမ်းဖက်တိုက်ခိုက်မှုတွေမှာ ပါဝင်တယ်လို့ သတ်မှတ်ခံရတဲ့ အမေရိကန်မွတ်စလင်တွေ့ရဲ့ ၂၃ ရာခိုင်နှုန်းလောက်ကသာ မိသားစုနောက်ခံတွေက ဒီ ၇ နိုင်ငံနဲ့ ဆက်နွယ်နေတာဖြစ်တယ်လို့ အခုတစ်ပတ်အတွင်း ထုတ်ပြန်ခဲ့တဲ့ Triangle Center on Terrorism and Homeland Security အစီရင်ခံစာမှာ ဖော်ပြထားပါတယ်။ ဒီလို ကြံစည်မှုတွေကြောင့် အမေရိကန်ပြည်သူတွေ သေဆုံးမှု လုံးဝ မရှိခဲ့ပါဘူး။
“နိုင်ငံရေး ခြောက်လုံး၊ လှန့်လုံးတွေနဲ့ ခြားနားနေတာတစ်ချက်က အမေရိကန်မွတ်စလင်တွေကြားထဲမှာ တော်လှန်ရေးအကြမ်းဖက်မှုမျိုး လုပ်ချင်တဲ့ဆန္ဒဟာ တော်တော်လေး နည်းတာကို တွေ့ရပါတယ်။ ဒီ လက်တွေ့ကြတဲ့ အထောက်အထားတွေကို အသုံးပြုပြီးတော့ အကြမ်းဖက်အစွန်းရောက်ဝါဒနဲ့ပတ်သက်ပြီး ကျွန်တော်တို့ ပေါ်လစီတွေ၊ ဆွေးနွေးပွဲတွေ ချမှတ်ဆောင်ရွက်ကြပါစို့” လို့ Triangle Center အစီရင်ခံစာကို ရေးသားရာမှာ ပါဝင်ခဲ့ပြီး ချက်ပဲဟေးလ်မှာရှိတဲ့ မြောက်ကယ်ရုိုလိုင်းနားတက္ကသိုလ်က ပရော်ဖက်ဆာ ချားလ်စ် ကာရ်ဇ်မန်က ပြောကြားခဲ့ပါတယ်။
ထရမ့်ရဲ့ အဲဒီအမိန့်မှာ ဆီးရီးယားက ဒုက္ခသည်ဝင်ရောက်မှုကို အချိန်အကန့်အသတ်မရှိ ပိတ်ပင်တာမျိုးလည်း ပါဝင်ခဲ့ပြီး၊ ၂၀၁၅ မဲဆွယ်ပွဲအတွင်း အမေရိကန်ကို မွတ်စလင်ဝင်ရောက်မှု လုံးဝ ပိတ်ပင်ပစ်မယ်ဆိုတဲ့ ကတိစကားရဲ့ တစ်စိတ်တစ်ပိုင်း အကောင်အထည်ဖော်မှုလည်း ဖြစ်ပါတယ်။
“ဒါဟာ လုံးဝ အရေးမပါတဲ့ ပြဿနာတစ်ခုကို တလွဲရည်ရွယ်ချက်နဲ့ သိသိသာသာ ရေးကြီးခွင်ကျယ်လုပ်မှုပါပဲ ” လို့ ကာရ်ဇ်မန်က ထရမ့်ရဲ့ ဒီအမိန့်နဲ့ပတ်သက်ပြီး ကြာသာပတေးနေ့က The WorldPost မှာ ရေးသားခဲ့ပါတယ်။
နောက်ပြီး အစွန်းရောက်အကြမ်းဖက်ဝါဒမှာ အမေရိကန်မွတ်စလင်တွေပါဝင်မှုဟာ လုံးဝနီးပါး မရှိဘဲ၊ အမေရိကန်နိုင်ငံအတွင်း ဖြစ်ခဲ့တဲ့ အကြမ်းဖက်မှုတွေကို ကြည့်ရင် အမေရိကန်မွတ်စလင်တွေ ပါဝင်တဲ့ အကြမ်းဖက်မှုဟာ အလွန်အင်မတန် နည်းပါးကြောင်း၊ ၂၀၁၆ ခုနှစ်အတွင်းမှာ အစွန်းရောက်ဝါဒနဲ့ ဆက်နွယ်တဲ့ အမေရိကန်မွတ်စလင်တွေဟာ ၄၆ ဦးလောက်သာရှိကာ ၂၀၁၅ ခုနှစ်ထက်စာရင် ၄၀ ရာခိုင်နှုန်း လျော့ကျသွားတာဖြစ်ကြောင်း ကာရ်ဇ်မန်က ထည့်သွင်း ဖော်ပြခဲ့ပါတယ်။
အဲဒီ ၄၆ ဦးမှာ ၂၆ ဦးက အမေရိကန်နိုင်ငံသားတွေဖြစ်ပြီး ၆ ဦးက ဘယ်နိုင်ငံသားမှန်း မသိရဘဲ၊ ကျန်တဲ့သူတွေ ပြောင်းရွှေ့အခြေချသူတွေဖြစ်ပါတယ်။ သူတို့ထဲက ၁ ဦးကတော့ အထောက်အထားမရှိသူပါ။ ဒီအရေအတွက်ရဲ့ ထက်ဝက်လောက်က အရှေ့အလယ်ပိုင်းနိုင်ငံတွေကို သွားပြီး စစ်သွေးကြွအဖွဲ့တွေနဲ့ ပူးပေါင်းမယ်လို့ တံဆိပ်ကပ်ခံခဲ့ရသူတွေ ဖြစ်ပါတယ်။
၂၃ ဦးက အမေရိကန်မှာ လူပေါင်း ၅၄ ဦး သေဆုံးခဲ့တဲ့ အကြမ်းဖက်တိုက်ခိုက်မှုတွေမှာ ပါဝင်ခဲ့တယ်၊ ပါဝင်တယ်လို့ သံယဖြစ်ခံရသူတွေ ဖြစ်ပါတယ်။ (သေဆုံးသူ ၅၄ ဦးထဲမှာ ၄၉ ဦးက ဇွန်လအတွင်း ဖလော်ရီဒါက နိုက်ကလပ်တစ်ခုမှာ အသက် ၂၉ နှစ်အရွယ် အိုမာရ် မာတင် ၀င်ရောက်ပစ်ခတ်လို့ သေဆုံးရသူတွေ ဖြစ်ပါတယ်)
အစီရင်ခံစာအရ ၉/၁၁ နောက်ပိုင်း အမေရိကန်မွတ်စလင် အစွန်းရောက်တွေကြောင့် နိုင်ငံအတွင်း သေဆုံးခဲ့ရမှုဟာ ၁၂၃ ဦး ရှိပါတယ်။ ၂၀၁၆ ခုနှစ် တစ်နှစ်တည်းမှာ မွတ်စလင်အစွန်းရောက်တွေ မပါဝင်တဲ့ အစုလိုအပြုံလိုက် ပစ်သတ်မှုကြောင့် လူပေါင်း ၁၈၈ ဦး သေဆုံးခဲ့ပါတယ်။ ၉/၁၁ နောက်ပိုင်း အမေရိကန်မှာ ဖြစ်ပွားခဲ့တဲ့ တိုက်ခိုက်သတ်ဖြတ်မှုဟာ ၂၃၀၀၀၀ လောက် ရှိနေပါတယ်။
Triangle Center က ဒါရိုက်တာဖြစ်သူ ဒေးဗစ်ရှန်ဇာက “အမေရိကဟာ အမေရိကန်မွတ်စလင် အစွန်းရောက်တွေရဲ့ ခြိမ်းခြောက်မှုကို သိသိသာသာ ခံစားနေရတယ်ဆိုတဲ့အချက်ဟာ လုံးဝ မှားယွင်းပါတယ်။ ပြီးခဲ့တဲ့နှစ် အမေရိကန်မှာ ဖြစ်ပွားတဲ့ တိုက်ခိုက်သတ်ဖြတ်မှုတွေထဲမှာ မွတ်စလင်တွေကျူးလွန်တဲ့ ရာခိုင်နှုန်းဟာ ၀.၃၃ ရာခိုင်နှုန်းလောက်သာ ရှိပါတယ်” လို့ ပြောကြားခဲ့ပါတယ်။
အမေရိကန်အစိုးရရဲ့ ထုတ်ပြန်မှုအရ ၉/၁၁ နောက်ပိုင်း အမေရိကန်ကို ၀င်ရောက်လာတဲ့ ဒုက္ခသည်အရေအတွက် ၈ သိန်းနီးပါးမှာ အကြမ်းဖက်ဝါဒနဲ့ စွဲချက်တင်ခံရသူဟာ ၂၀ အောက်ပဲ ရှိတယ်လို့ သိရပါတယ်။
“အမေရိကန်မွတ်စလင်လူ့အဖွဲ့အစည်းမှာ အစွန်းရောက်ဝါဒကို လုံးဝ လစ်လျူရှုလိုက်ရမယ်ဆိုတာလည်း မမှန်ပါဘူး။ ဒီပြဿနာကိုဖြေရှင်းဖို့အတွက် အစိုးရအေဂျင်စီတွေနဲ့ အမေရိကန်မွတ်စလင်တွေကြား ပူးပေါင်းဆောင်ရွက်ခြင်းကသာ အစွန်းလွတ်ပြီး၊ လိုအပ်တဲ့အရာ ဖြစ်ပါတယ်” လို့ ဒေးဗစ်ရှန်ဇာက ထည့်သွင်းပြောဆိုခဲ့ပါတယ်။
WorldPost မှာ ရေးသားခဲ့တဲ့ ဆောင်းပါးမှာ ကာရ်ဇ်မန်က အစွန်းရောက်ဝါဒရဲ့ ခြိမ်းခြောက်မှု ဆိုတာကြီးနဲ့ မီးထိုးပေးနေမယ့်အစား ထရမ့်နဲ့ အမေရိကန်ပြည်သူအားလုံးဟာ သေးငယ်တဲ့ ရာဇ၀တ်မှုအဖြစ် သတ်မှတ်ကာ သင့်တော်တဲ့ ဆောင်ရွက်မှုမျိုးသာ ဖြစ်ရမယ်လို့ မှတ်ချက်ပြုခဲ့ပါတယ်။
Ref: Huffingtonpost
