ဇန်န၀ါရီ ၁၃၊ ၂၀၁၇
M-Media
– ကမ္ဘာကြီးအတွက် ၂၀၁၆ နှစ်ပတ်လည်စလုံး ပွက်လောရိုက်စေခဲ့သူများကို ယခုအခါ တခုတ်တရ ဖော်ပြလျက် ရှိကြပါသည်။ အလားတူစွာ မွတ်စ်လင်မ်များအတွက်လည်း စိန်ခေါ်မှုများစွာ ကြုံခဲ့ကြရသည်။ ဆီးရီးယား၊ ယီမင်၊ အီရတ်ရှိ ရှေ့ဆက်ဖြစ်တည်နေသည့် ပဋိပက္ခမှသည် အမေရိကန်နိုင်ငံရွေးကောက်ပွဲဝင်သူများအထိ အရှိန်တက်လာသော အစ္စလာမ်ကြောက်ရောဂါ၏ လားရာလမ်းကြောင်းထဲ အခက်အခဲများစွာဖြင့် ရင်ဆိုင်ခဲ့ရသလို ရှေ့ဆက်ကြုံနိုင်ဖွယ်လည်းရှိ၏။ မည်သို့ပင်ဆိုစေ လူပုဂ္ဂိုလ်တစ်ဦးချင်းသော်လည်းကောင်း၊ သင်းပင်းစုဖွဲ့လိုက်သော်လည်းကောင်း မွတ်စ်လင်မ်တို့နှင့်ပတ်သက်ပြီး ရပ်တည်ပေးကြသော၊ အသံထုတ်ပေးခဲ့ကြသောသူများကိုမူ အသိအမှတ်ပြုကြရပေမည်။ ဤမုန်တိုင်း၏ဒဏ်အပေါ် ကြံ့ကြံ့ခံရပ်တည်ပေးခဲ့ကြသူ အများအပြားရှိကြသည့်အနက် ထူးခြားစွာ စွမ်းဆောင်နိုင်ခဲ့ကြသူအချို့ကို အမှတ်တရ ဖော်ပြပါမည်။
၃။ ဘီလ် ဒီဘလာစီယို – Bill De Blasio
ဘီလ် ဒီဘလာစီယို က အစ္စလာမ်ကြောက်ရောဂါတွန်းလှန်ခြင်းနှင့် အလွှာအတန်းစုံသဟဇာတဖြစ်ထွန်းရေးဆိုင်ရာ မှတ်သားစရာကောင်းလောက်သည့်စွမ်းဆောင်ချက်ခြေလှမ်းများဖြင့် ကမ္ဘာကို ဆက်လက်မီးမောင်းထိုးပြလျက်ရှိသည်။ အစ္စလာမ်ကြောက်ရောဂါကို ကိုင်တွယ်နိုင်ရန် “I am Muslim, I am NYC” (ကျွန်ုပ်သည် မွတ်စ်လင်မ်၊ ကျွန်ုပ်သည် နယူးယောက်မြို့သား)ကဲ့သို့ ကြေငြာကမ်ပိန်းမျိုးနှင့် ထိရောက်အောင် အစပျိုးမိတ်ဆက်ပေးနိုင်ခဲ့သည်။ ၎င်းနှင့်တွဲ၍ ဒီ ဘလာစီယိုနှင့် သူ့အဖွဲ့သားတို့သည် လူ့အသိုင်းအ၀ိုင်းလုံခြုံရေးနှင့် သမာသမတ်ဆက်ဆံရေးဖိုရမ်များ၊ မွတ်စ်လင်မ်လူထုကိုထည့်သွင်းထားသော ယဉ်ကျေးမှုနှင့် လူထုကြားနားလည်မှုမြှင့်တင်ရေး အလုပ်ရုံဆွေးနွေးပွဲ၊ ဘာသာရေးအရှုပ်အထွေးကာကွယ်မှုဆိုင်ရာ နှိုးဆော်အားထုတ်ချက်များကိုလည်း တိုးမြှင့်ပြုလုပ်ကြသည်။ ၎င်းအပြင် ဤမြို့တော်ဝန်သည် သူနှင့်လက်ရည်တူဖြစ်သော လန်ဒန်မြို့တော်ဝန် စဒီးက်ခန်းအား ဖိတ်ခေါ်၍ လက်တွဲညီညီ ရှေ့ဆက်ချီမည့် မြို့ပြကြီးများ ဖိုရမ်တစ်ရပ်ကိုလည်း စီစဉ်ခဲ့သေးသည်။ သူသည် ဒေါ်နယ်ထရမ့်၏ ရွေးကောက်ပွဲအနိုင်ရပြီး မရှေးမနှောင်းမှာပင် အနာဂတ်အခြေအနေအပေါ် စိုးရိမ်နေကြသည့် သူများကို ဤသို့ ခေါင်းဆောင်ပီသစွာ ပြောကြားခဲ့၏ “မြို့တော်ဝန်တစ်ဦးအနေနဲ့ ကျွန်တော် ခင်ဗျားတို့ကို ကတိပေးပြောဆိုပါမယ်။ ကျွန်တော်တို့ရဲ့ ပြည်သူ့ဆန္ဒအတိုင်း ကျွန်တော်တို့ ရှိသမျှစွမ်းရည်၊ အရာများနဲ့ ရပ်တည်သွားမှာပါ။ မွတ်စ်လင်မ်အားလုံးအပေါ် (ကန့်သတ်ဖို့)မှတ်တမ်းစာရင်းလုပ်မယ်ဆိုရင် ကျွန်တော်တို့ အဲ့ဒါကို ပိတ်ဆို့ဖို့ ဥပဒေကြောင်းအရ ဆောင်ရွက်သွားပါမယ်။ ဂျူးဖြစ်စေ၊ မွတ်စ်လင်မ်ဖြစ်စေ၊ လိင်တူစုံမက်အုပ်စုဝင်တွေဖြစ်စေ ဘယ်လူ့အဖွဲ့အစည်းကိုမဆို ဓားစာခံလုပ်မယ် သို့မဟုတ် တိုက်ခိုက်ထိပါးမယ်ဆိုရင် တိုက်ခိုက်သူများကို ကျွန်တော်တို့ ရှာဖွေပြီး လက်ရဖမ်းပါမယ်၊ သူတို့ကို တရားစီရင်ပါမယ်”။
၎။ မိုက်ကယ် မိုး – Michael Moore
ဒေါ်နယ်ထရမ့်၏ ရွေးကောက်ပွဲမဲဆွယ်စကားအတိုင်း မွတ်စ်လင်မ်တို့အား (ကန့်သတ်ရေး)မှတ်တမ်းစာရင်းလုပ်ရပ် မွတ်စ်လင်မ်မဟုတ်သူများက အဆိုပြုလာသောအခါ အော်စကာဆုရှင် ဒါရိုက်တာ မိုက်ကယ်မိုး သည် #WeAreAllMuslims ဟူသော ကမ်ပိန်း၏ အသံထုတ်မှုအတွက် ထိပ်တန်းဦးဆောင်သူတစ်ယောက်ဖြစ်လာ၏။ သူက ဤသို့ ဖွင့်ထုတ်ရေးသားလိုက်ပါသည် “ကျွန်တော်တို့အားလုံး မွတ်စ်လင်မ်တွေပါ။ ထိုနည်းလည်းကောင်း ကျွန်တော်တို့အားလုံး မက္ကဆီကန်တွေပါ၊ ကျွန်တော်တို့အားလုံးက ကက်သလစ်ပါ၊ ဂျူးတွေပါ။ လူဖြူပါ၊ လူမည်းပါ။ ဒီအရာအားလုံးကြားမှာရှိနေတဲ့ အရိပ်အာဝါသတွေပါ။ ကျွန်တော်တို့ဟာ (မည်သည့်ယုံကြည်ချက်၊ သဘာဝတရား သို့မဟုတ်) ကိုးကွယ်ရာအရှင်သခင်ရဲ့ လက်အောက်ငယ်သားတွေပါ။ လူသားမျိုးနွယ်မိသားစုဝင်တွေပါ။ ဘာစကား ဘာလုပ်ရပ်တွေနဲ့မှ ဒီအချက်ကို တစွန်းတစ်လေးတောင် ပြောင်းလဲနိုင်မှာ မဟုတ်ပါဘူး။ တကယ်လို့များ ခင်ဗျားဟာ ဒီအမေရိကန်စည်းမျဉ်းတွေနဲ့အညီ နေထိုင်ရှင်သန်ဖို့ မနှစ်သက်ဘူးဆိုရင် ခင်ဗျားပိုင်ဆိုင်တဲ့ တာဝါအဆောက်အဦတစ်ခုခုရဲ့ နားနေခန်းကို ထွက်သွားဖို့လိုပြီ၊ အဲ့ဒီမှာထိုင်ပြီး ကိုယ်ပြောဆိုခဲ့တာတွေကို တွေးတောဆင်ခြင်ဖို့ လိုနေပါပြီ”။
(ဆက်လက်ဖော်ပြပါမည်)
(http://mvslim.com/ မှ 9 People Who Defended The Rights Of Muslims In 2016 ဆောင်းပါကို မင်းထွဋ်ခေါင်မှ ဆီလျော်အောင် ဘာသာပြန်ဆိုသည်)
