ဇန်န၀ါရီ ၃၊ ၂၀၁၇
M-Media
– ၂၀၁၄ ခုနှစ် သန်းခေါင်စာရင်း ကောက်ယူမှုအတွင်း ရရှိခဲ့သည့် လူမျိုးစုဆိုင်ရာ အချက်အလက်များကို ၄ လအတွင်း ထုတ်ပြန်သွားမည်ဟု အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက ပြောကြားလိုက်ပြီး သန်ခေါင်းစာရင်းနှင့်ပတ်သက်၍ နောက်ဆုံး ထုတ်ပြန်မှုလည်းဖြစ်သည်။
ဝန်ကြီးဌာန၏ အမြဲတမ်းအတွင်းဝန် ဦးမြင့်ကြိုင်က အဆိုပါ အချက်အလက် ထုတ်ပြန်ပြီးနောက်ပိုင်း ဖြစ်ပေါ်လာဖွယ်ရှိသည့် ပြဿနာများကို ဖြေရှင်းနိုင်ရေးအတွက် တာဝန်ရှိသူများမှာ တိုင်းရင်းသားခေါင်းဆောင်များနှင့် ဆွေးနွေးရန် လိုအပ်သည်ဟု ပြောကြားခဲ့သည်။ သို့သော်လည်း မည်သည့်ပြဿနာ ပေါ်လာနိုင်သည်ဆိုသည်ကို မပြောခဲ့ပေ။
“အခု တစ်ချို့အချက်အလက်တွေကို နောက်ဆုံးအကြိမ်အဖြစ် အပြီးသတ် ပြင်ဆင်နေပါတယ်။ ပြီးရင် တိုင်းရင်းသားခေါင်းဆောင်တွေနဲ့ ဆွေးနွေးမယ်။ အဲဒီနောက်မှာ ထုတ်ပြန်မှာပါ” ဟု အမြဲတမ်းအတွင်းဝန်က ပြောကြားခဲ့သည်။
တိုင်းရင်းသားလူမျိုးစု ကိစ္စမှာ ၂၀၁၄ သန်းခေါင်စာရင်းကောက်ယူမှု မတိုင်ခင်ကတည်းက အငြင်းပွားရဆုံး ပြဿနာများထဲမှ တစ်ခုဖြစ်သည်။
သန်းခေါင်စာရင်းကောက်ယူသည့်အချိန်တွင် လက်ရှိ တရားဝင်သတ်မှတ်ထားသည့် တိုင်းရင်းသား ၁၃၅ မျိုးထဲမှသာ ရွေးချယ်ခွင့်ပေးခဲ့ပြီး၊ လူ့အခွင့်အရေးစောင့်ကြည့်အဖွဲ့ကမူ ထိုလုပ်ရပ်မှာ မှားယွင်းကြောင်း၊ အခြားလူမျိုးကို ရွေးချယ်ခွင့်ပေးသင့်ကြောင်း ပြောကြားခဲ့သည်။
နောက်ပိုင်းတွင် အစိုးရက မိမိကြိုက်နှစ်သက်သည့် လူမျိုးအမည် ခံယူရန် ခွင့်ပြုမည်ဟု ကတိပေးခဲ့သော်လည်း နောက်ဆုံးအချိန်တွင် ရခိုင်ပြည်နယ်၌ ရိုဟင်ဂျာဟု ခံယူရန် ခွင့်မပြုခဲ့ပေ။
“အခုထုတ်ပြန်မယ့် အချက်အလက်တွေက တိုင်းရင်းသားအုပ်စု ၁၃၅ မျိုးထက် ကျော်မှာပါ။ အချို့ တိုင်းရင်းသားတွေရဲ့ အမည်က အမျိုးမျိုးဖြစ်နေတယ်။ ဥပမာအားဖြင့် တလိုင်းလိုဟာမျိုး၊ ရှမ်းနီလိုဟာမျိုးပါ။ ဒီအချက်အလက်တွေကိုစုဖို့က ရှုပ်ထွေးနိုင်ပါတယ်” ဟု ဦးမြင့်ကြိုင်က ထည့်သွင်းပြောကြားခဲ့သည်။
နိုင်ငံအတွင်း လူမျိုးရေးတင်းမာမှုများ ထပ်မံမြင့်တက်လာမည်ကို စုိုးရိမ်သည်ဟုဆိုကာ သန်းခေါင်စာရင်းကောက်ယူမှုမှ ဘာသာရေးနှင့် လူမျိုးစုအချက်အလက်များကို ထုတ်ပြန်မှုမှာ ကြန့်ကြာခဲ့ပြီး ဇွန်လက နိုင်ငံအတွင်းရှိ ဘာသာရေးအုပ်စုများ၏ အချက်အလက်များကို ထုတ်ပြန်ခဲ့သည်။
ထိုအချက်အလက်များအရ မြန်မာနိုင်ငံတွင် ဗုဒ္ဓဘာသာဝင် ၈၉.၈ ရာခိုင်နှုန်း၊ ခရစ်ယာန်ဘာသာဝင် ၆.၃ ရာခိုင်နှုန်း၊ အစ္စလာမ်ဘာသာဝင် ၂.၃ ရာခိုင်နှုန်းနှင့် ဟိန္ဒူဘာသာဝင် ၀.၅ ရာခိုင်နှုန်း ရှိသည်ဟု သိရသည်။
Ref : mmtimes
