ဒီဇင်ဘာ ၁၉၊ ၂၀၁၆
M-Media
– ရခိုင်ပြည်နယ်က ရှုပ်ထွေးလှတဲ့ပြဿနာကို အဖြေရှာရေး မြန်မာအစိုးရက ပြင်းပြတဲ့ စိတ်ဆန္ဒရှိနေပြီး၊ အကျိုးရလဒ် ခံစားရဖို့ကတော့ အချိန်လိုအပ်တယ်လို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်ဆောင်ဆန်းစုကြည်က အာဆီယံ နိုင်ငံခြားရေးဝန်ကြီးတွေကို ဒီနေ့မှာ ပြောကြားလိုက်ပါတယ်။
ရန်ကုန်မြို့ ဆီဒိုးနားဟိုတယ်မှာ ပြုလုပ်ခဲ့တဲ့ ရခိုင်ပြည်နယ်အရေး ဒေသတွင်းနိုင်ငံတွေက နိုင်ငံခြားရေး ၀န်ကြီးတွေကို ရှင်းလင်းမှုမှာ ဒီလိုပြောကြားလိုက်တာဖြစ်တယ်လို့ နိုင်ငံခြားရေးဝန်ကြီးဌာနက ထုတ်ပြန်တဲ့ သတင်းထုတ်ပြန်ချက်မှာ ဖော်ပြထားပါတယ်။
နောက်ပြီး အာဆီယံအဖွဲ့ရဲ့ စည်းလုံးမှု ခိုင်မာစေဖို့၊ အာဆီယံမိသားစုဝင်တွေကြားထဲက မတူညီမှုတွေကို ငြိမ်းချမ်းပြီး၊ ရင်းနှီးတဲ့ အကြံပေးမှုတွေကနေတစ်ဆင့် ဖြေရှင်းဖို့ အရေးကြီးတယ်လို့လည်း ဒေါ်ဆောင်ဆန်းစုကြည်က ထည့်သွင်း ပြောကြားခဲ့ပါတယ်။
အဲဒီရှင်းလင်းပွဲကို ရခိုင်ပြည်နယ်မှာ မြန်မာအစိုးရက ဆောင်ရွက်နေတဲ့ ငြိမ်းချမ်းရေး၊ လုံခြုံရေးနဲ့ ဖွံ့ဖြိုးတိုးတက်ရေး အားထုတ်ကြိုးပမ်းမှုတွေကို အာဆီယံမိသားစုဝင်နိုင်ငံတွေထံ အသိပေးလိုတဲ့ ရည်ရွယ်ချက်၊ အာဆီယံအသိုက်အ၀န်းရဲ့ စည်းလုံးညီညွတ်မှု ခိုင်မာစေရေး ရည်ရွယ်ချက်တွေနဲ့ ပြုလုပ်တာဖြစ်တယ်လို့ သိရပါတယ်။
ရှင်းလင်းပွဲမှာ နိုင်ငံတော်အတိုင်ပင်ခံပုဂ္ဂိုလ်က အောက်တိုဘာလအတွင်း နယ်ခြားစောင့်စခန်းတွေ တိုက်ခိုက်ခံရပြီးနောက်ပိုင်း ရခိုင်ပြည်နယ်မြောက်ပိုင်းက လတ်တလောအခြေအနေတွေကို အကျဉ်းချုံး ပြောကြားခဲ့ပြီး၊ ကုလအေဂျင်စီတွေနဲ့ပူးပေါင်းကာ အဲဒီဒေသက လူ့အဖွဲ့အစည်း နှစ်ခုစလုံးကို လူသားချင်း စာနာထောက်ထားမှုဆိုင်ရာ အကူအညီတွေ ပေးအပ်မှုအပါအ၀င် အစိုးရရဲ့ ပြဿနာဖြေရှင်းရေး
ဆောင်ရွက်ချက်တွေကိုလည်း အသိပေးခဲ့ပါတယ်။
တက်ရောက်လာကြတဲ့ နိုင်ငံခြားရေးဝန်ကြီးတွေကတော့ မြန်မာအစိုးရအနေနဲ့ ဒီလို အစည်းအဝေးမျိုး လုပ်ပေးတာ၊ သတင်းအချက်အလက်တွေပေးတာတွေအတွက် ကျေးဇူးတင်တယ်လို့ ပြောကြားခဲ့ကြောင်း၊ မိမိတို့ရဲ့ အမြင်တွေကို အာဆီယံမိသားစုစိတ်ဓာတ်၊ အာဆီယံလူ့အဖွဲ့အစည်းစိတ်ဓာတ်တွေနဲ့ ပွင့်ပွင့်လင်းလင်းဆွေးနွေးခဲ့ကြပြီး မြန်မာအစိုးရက ရခိုင်ပြည်နယ်မှာ စိန်ခေါ်မှုတွေကို ဖြေရှင်းရေး ဆောင်ရွက်မှုတွေအတွက်လည်း ကြိုဆိုခဲ့ကြောင်း နိုင်ငံခြားရေးဝန်ကြီးဌာနရဲ့ သတင်းထုတ်ပြန်ချက်မှာ ဖော်ပြထားပါတယ်။
အာဆီယံနိုင်ငံခြားရေးဝန်ကြီးတွေဟာ လူ့အဖွဲ့အစည်းတွေအတွင်း ငြိမ်းချမ်းစွာ အတူယှဉ်တွဲနေထိုင်မှုနဲ့ သဟဇာတဖြစ်မှု မြှင့်တင်ရေး၊ အရပ်သားတွေရဲ့ လူ့အခွင့်အရေးကို ကာကွယ်ပေးရေး၊ ပြည်နယ်အတွင်းက ပြည်သူအားလုံးကို လူသားချင်း စာနာထောက်ထားမှုဆိုင်ရာ အကူအညီနဲ့ ကျန်းမာရေးစောင့်ရှောက်မှုတွေ ပေးအပ်ရေး စတာတွေအတွက် နည်းလမ်းတွေကိုလည်း အကြံပြုခဲ့ကြပါတယ်။
နောက်ပြီး ရခိုင်ပြည်နယ်မှာ လူသားချင်းစာနာထောက်ထားမှုနဲ့ ဖွံ့ဖြိုးတိုးတက်ရေးအကူအညီတွေအတွက် မိမိတို့နိုင်ငံတွေက အဆင်သင့်ရှိနေတယ်လို့လည်း ၀န်ကြီးတွေက ထည့်သွင်းပြောကြားခဲ့ပါတယ်။
ဒေါ်အောင်ဆန်းစုကြည်ကတော့ ရခိုင်ပြည်နယ်က အမျိုးသားရင်ကြားစေ့ရေးနဲ့ ငြိမ်းချမ်းရေးကိစ္စတွေအတွက် အာဆီယံအသိုင်းအ၀ိုင်းရဲ့ဒီလိုနားလည်ပေးမှုနဲ့ နွေးထွေးတဲ့တုန့်ပြန်မှုတွေအတွက် မြန်မာနိုင်ငံက ကျေးဇူးတင်တယ်လို့ ပြောကြားခဲ့ကြောင်း သတင်းထုတ်ပြန်ချက်မှာ ဖော်ပြထားပါတယ်။
Ref: FB Page of Sate Counsellor Office
