ဒီဇင်ဘာ ၂၀၊ ၂၀၁၆
M-Media
– ဆွစ်ဇ်ဇာလန်နိုင်ငံ ဇူးရစ်ခ်ျမြို့ရှိ ဗလီဝတ်ကျောင်းတော် တစ်လုံးအတွင်းသို့ ယမန်နေ့က လူတစ်ယောက် ၀င်ရောက်၍ သေနတ်ဖြင့် ပစ်ခတ်ခဲ့သောကြောင့် ၀တ်ပြုသူများ ဒဏ်ရာရရိခဲ့သည်ဟု သိရသည်။
ဒေသစံတော်ချိန် ညနေပိုင်း ၅ နာရီ ခွဲတွင် အမည်မသိ တိုက်ခိုက်သူတစ်ဦးက ၀င်ရောက်ပစ်ခတ်ခဲ့ခြင်းဖြစ်ပြီး ၀တ်ပြုရန် ရောက်ရှိနေသူများထဲမှ အသက် ၃၀၊ ၃၅ နှင့် ၅၆ နှစ်အရွယ် အမျိုးသား ၃ ဦး ဒဏ်ရာရရှိခဲ့ကာ ၂ ဦးမှာ အခြေအနေဆိုးရွားသည်ဟု ရဲတပ်ဖွဲ့က ပြောကြားခဲ့သည်။
မျက်မြင်သက်သေများကမူ သေနတ်ဖြင့် ပစ်ခတ်သူမှာ အသက် ၃၀ အရွယ်ခန့်ရှိပြီး အနက်ရောင် ၀တ်စုံနှင့် အနက်ရောင်ဦးထုတ် ဆောင်းထားသည်ဟု ပြောကြားခဲ့သည်။
“ကျွန်တော်တို့ တစ်ခါမှ ပြဿနာ မရှိခဲ့ဖူးဗျ။ ဒီကိုလာပြီး ခင်ဗျားတို့ ဒီမှာ ဘာလုပ်နေတာလဲလို့ မေးတာမျိုးတောင် တစ်ခါမှ ရှိခဲ့တာမဟုတ်ဘူး” ဟု အဆိုပါ ဗလီဝတ်ကျောင်းသို့ ၀တ်ပြုရန် ပုံမှန်လာရောက်နေသူ ဆိုမာလီနွယ်ဖွား အဘူကာရ် အဘ်ရှီရိုးက ပြောကြားခဲ့သည်။
အဆိုပါ ပစ်ခတ်မှု ဖြစ်ပွားခဲ့ပြီးနောက် ရှာဖွေမှုများပြုလုပ်ရာ အခင်းဖြစ်ပွားသည့်နေရာမှာ မီတာ ၃၀၀ ခန့် အကွာတွင် သေဆုံးနေသည့် အလောင်းတစ်လောင်းကို တွေ့ရှိခဲ့ရပြီး စစ်ဆေးမှုများ ပြုလုပ်ခဲ့ကာ သေဆုံးသူမှာ ဗလီဝတ်ကျောင်းတော်အား တိုက်ခိုက်သူဖြစ်သည်ဟု ရဲတပ်ဖွဲ့က ယနေ့တွင် အတည်ပြုခဲ့သည်။
သို့သော်လည်း တိုက်ခိုက်မှုနောက်ကွယ်မှ အကြောင်းအရင်းအပါအ၀င် အသေးစိတ်ကို ထုတ်ပြန်ခဲ့ခြင်းမရှိချေ။
လူဦးရေ ၈ သန်းခန့်ရှိသည့် ဆွစ်ဇာလန်နိုင်ငံတွင် အစ္စလာမ်ဘာသာဝင်အရေအတွက်မှာ ၄၅၀,၀၀၀ ခန့် ရှိနေသည်။
Ref: Reuters, CNBC
