ဒီဇင်ဘာ ၁၅၊ ၂၀၁၆
M-Media
– အခုအချိန်မှာ အမေရိကန်မွတ်စလင်တွေဟာ ဘာသာရေး သည်းမခံနိုင်မှု၊ အစ္စလာမ်ကြောက်ရောဂါတွေကိုရဲ့ ဒဏ်ကို အပြင်းအထန် ခံစားနေရပြီး ရလဒ်အနေနဲ့ နိုင်ငံရေးသမားတွေ၊ ကွန်ဆာဗေးတစ်မီဒီယာတွေရဲ့ တိုက်ခိုက်မှုကို ကြုံတွေ့နေရပါတယ်။ အမေရိကန်မွတ်စလင်တွေဟာ ကိုယ်ထိလက်ရောက် စော်ကားခံရတယ်၊ အရှက်ခွဲခံရတယ်၊ သူတို့ရဲ့ ဘာသာအယူ ယုံကြည်သက်ဝင်မှုကြောင့် အသတ်ခံရတာမျိုးတွေအထိ ရှိပါတယ်။ ခေါင်းဆောင်းပုဝါနဲ့ မွတ်စလင်အမျိုးသမီးတွေကလည်း အကြမ်းဖက်မှုတွေကို ခံနေရပါတယ်။
ဒါပေမယ့် သူတို့တွေဟာ အရှုံးပေးသူတွေတော့ မဟုတ်ပါဘူး။ မွတ်စလင်အမျိုးသမီးတွေဟာ လူနည်းစုတွေရဲ့ အခွင့်အရေးအတွက် ဦးဆောင်တိုက်ပွဲဝင်နေကြတယ်၊ အမေရိကန်ရဲ့ အုတ်မြစ်ဖြစ်တဲ့ ‘လူတိုင်းအတွက် အသက်ရှင်သန်နိုင်မှု၊ လွတ်မြောက်မှုနဲ့ တရားမျှတမှု’ ဆိုတာတွေ ဆက်လက် ဆုပ်ကိုင်ထားနိုင်ပါ့မလားဆိုတာ အမေရိကန်ကို စမ်းသပ်နေပါတယ်။
အောက်မှာဖော်ပြမယ့် အမေရိကန်မွတ်စလင်အမျိုးသမီးတွေကတော့ ၂၀၁၆ ခုနှစ်ကို ကြင်နာတဲ့၊ တရားမျှတတဲ့၊ လှပတဲ့ နှစ်တစ်နှစ်ဖြစ်အောင် ပုံဖော်ခဲ့သူတွေဖြစ်ပြီး သူတို့ရဲ့ အဖတိုင်းပြည်ကို ကြီးကျယ်အောင် လုပ်ခဲ့ကြသူတွေလည်း ဖြစ်ပါတယ်။
၁၁။ ဟာလီမာ အေဒင်
အသက် ၁၉ နှစ်အရွယ်သာရှိသေးတဲ့ ဟာလီမာအေဒင်ဟာ နိုဝင်ဘာလအတွင်းက Miss Minnesota USA မယ်ပြိုင်ပွဲမှာ ၀င်ရောက်ယှဉ်ပြိုင်တဲ့ ပထမဆုံး ဆိုမာလီ-အမေရိကန် မွတ်စလင်အမျိုးသမီးတစ်ဦး ဖြစ်ခဲ့ပါတယ်။ အဲဒီပြိုင်ပွဲမှာ ဆီမီးဖိုင်နယ်ကိုရောက်ရှိခဲ့တဲ့ သူမဟာ ပြိုင်ပွဲမှာ ဟီဂျဘ် ခေါင်းဆောင်းပုဝါ၊ ဘုရ်ကီနီ (မွတ်စလင်အမျိုးသမီး ရေကူးဝတ်စုံ) တို့နဲ့ ယှဉ်ပြိုင်တဲ့ ပထမဆုံး ပြိုင်ပွဲဝင်အဖြစ်လည်း မှတ်တမ်းဝင်ခဲ့ပါတယ်။
“မီဒီယာမှာ၊ အထူးသဖြင့် အလှပြိုင်ပွဲတွေမှာ ကိုယ့်ပုံစံ (မွတ်စလင်အမျိုးသမီးတွေ လုံလုံခြုံခြုံ ၀တ်စားဆင်ယင်မှုပုံစံ) ကို မမြင်ရတာက ကိုယ်ကပဲ မလှတော့သလိုလို၊ သူတို့လိုလှအောင်ပဲ ပုံပြောင်းရတော့မလိုလို အမြင်မျိုး မြင်လာစေပါတယ်။ ဒါပေမယ့် ဒါက မှန်ကန်တဲ့အမြင်တော့ မဟုတ်ပါဘူး” လို့ အေဒင်က ပြောကြားခဲ့ပါတယ်။
၁၂။ မိုနာ ဟေဒါ
ကဗျာဆရာမနဲ့ တက်ကြွလှုပ်ရှားတစ်ဦးတစ်ဦဖြစ်တဲ့ မိုနာဟေဒါဟာ အစ္စလာမ်သာသနာ၊ မွတ်စလင်အကြောင်း၊ ထင်မြင်ယူဆချက်အမှားတွေရဲ့ အန္တရာယ်တွေအကြောင်းကို မက်ဆာချူးဆက်ပြည်နယ် ကမ်းဘရစ်ဂ်ျက သူမရဲ့ အခမဲ့ လမ်းဘေးကော်ဖီဆိုင်ကနေ တစ်ဆင့် အသိပညာပေးနေသူဖြစ်ပါတယ်။ “မွတ်စလင်တစ်ယောက်ကို မေးကြည့်ပါ” ဆိုတဲ့ ဆိုင်းဘုတ်နဲ့ သူတို့ရဲ့ ကော်ဖီဆိုင်လေးမှာ ဟေဒါနဲ့ ခင်ပွန်းသည်တို့ဟာ လမ်းသွားလမ်းတာတွေကို ကော်ဖီလေးသောက်ပြီး ဆွေးနွေးဖို့ ဖိတ်ခေါ်ကာ အစ္စလာမ့်အသိပညာပေးလုပ်ငန်းကို လုပ်ကိုင်နေကြတာပါ။
“လူတွေရဲ့ မျက်နှာမှာ အပြုံပန်းလေးတွေ ပွင့်စေချင်တာပါ။ နှလုံးသားချင်း နီးစေချင်တယ်။ စိတ်ဒဏ်ရာတွေ၊ ကြောက်ရွံ့မှုတွေကို ဒိုးနပ်မုန့်၊ ကော်ဖီ၊ ပန်းပွင့်လေးတွေကမ်းကာ စကားစပြည်ပြောပြီး ဖြေသိမ့်ပေးချင်ပါတယ်” လို့ ဟေဒါက ပြောကြားခဲ့ပါတယ်။
၁၃။ လီဆာ ဗိုဂါလ်
ပြီးခဲ့တဲ့နှစ်တွေအတွင်းမှာ အစ္စလာမ့်ဖက်ရှင်တွေဟာ H&M နဲ့ Dolce & Gabbana တို့လို ထိပ်တန်း ဖက်ရှင်ဆိုင်တွေအထိ ပေါက်ခဲ့ပါတယ်။ ဒါပေမယ့် ၂၀၁၁ ခုနှစ်က အစ္စလာမ်ဘာသာကို ပြောင်းလဲသက်ဝင်ခဲ့တဲ့ ဓာတ်ပုံဆရာမ လီဗာ ဗိုဂါလ်ကတော့ ဖလော်ရီဒါက ထင်ရှားတဲ့ ရှော့ပင်းမောလ်တစ်ခုမှာ အစ္စလာမ့်ဖက်ရှင်ဆိုင်တစ်ခု ဖွင့်လှစ်ကာ ခြေလှမ်းသစ်တစ်ခုကို လှမ်းခဲ့ပါတယ်။ ဗိုဂါလ်ရဲ့ Verona Collection ဆိုင်လေးဟာ ဟီဂျဘ်ခေါင်းဆောင်းပုဝါတွေ၊ အ၀တ်အစားတွေ၊ သိုးမွှေးဆွယ်တာတွေကို ကိုယ်တိုင် ဒီဇိုင်းထုတ်ရောင်းချပြီး မေလမှာပဲ အော်လန်ဒို ဖက်ရှင်စကွဲမှာ နောက်ထပ် ဆိုင်သစ်ဖွင့်လှစ်နိုင်ခဲ့တဲ့အထိ အောင်မြင်ခဲ့ပါတယ်။
၁၄။ အမီရာဟ် ဆက်ကက်
အမီရာဟ် ဆက်ကက်ဟာ Hip Hop အကအဖွဲ့ကို တည်ထောင်သူတစ်ဦးပါ။ We’re Muslim, Don’t Panic (ကျွန်မတို့ မွတ်စလင်ပါ။ မကြောက်စမ်းပါနဲ့) လို့ အမည်ပေးထားတဲ့ ဆန်းဆန်းပြားပြား ဒီအဖွဲ့အကြောင့် ဆက်ကက်ဟာ ဒီနှစ်အတွင်း သတင်းစာခေါင်းကြီးပိုင်းတွေမှာ မပြတ်တမ်း ဖော်ပြခံလာရပါတယ်။ အဲဒီအဖွဲ့ကို ၂၀၁၁ ခုနှစ်မှာ အမျိုးသမီးအဖွဲ့ဝင် ၃ ဦးနဲ့ ဖွဲ့စည်းခဲ့ပြီး Hip Hop အကရဲ့ မပြည့်စုံမှုတွေကို နီကဘ်တွေ၊ ၀တ်ရုံရှည်တွေနဲ့ ချေဖျက်ပြခဲ့ပါတယ်။ သူတို့ဟာ လက်ရှိမှာတော့ နိုင်ငံတစ်ဝှမ်း လှည့်လည်ဖျော်ဖြေတဲ့အဆင့် ရောက်နေပါပြီ။
“ကျွန်မက အမြင်တွေကို ပြောင်းပစ်ချင်တာရှင့်။ တစ်ခြားသူတွေကို အသိပညာပေးချင်တယ်။ ပြီးတော့ ကျွန်မသိတဲ့၊ ကျွန်မနှစ်သက်တဲ့ မွတ်စလင်အမျိုးသမီးတစ်ယောက်ရဲ့ စွမ်းဆောင်နိုင်မှု အလှတရားကိုလည်း ရောင်ပြန်ဟပ်စေချင်ပါတယ်။ မွတ်စလင်ကမ္ဘာမှာ ဖိနှိပ်ခံရတဲ့ အမျိုးသမီးတွေရှိတယ်ဆိုတာ ဟုတ်တယ်။ တစ်ကမ္ဘာလုံးမှာ အမျိုးသမီးတွေလည်း ဖိနှိပ်ခံနေရတာရှင့်။ ဒါဟာ ကျွန်မတို့ ပုံစံတစ်မျိုးစီ ရုန်းကန်နေရမှုပါပဲ” လို့ ဆက်ကက်က ပြောကြားခဲ့ပါတယ်။
Ref: Huffingtonpost
အပိုင်း (၁) ဖတ်ရန် Link
အပိုင်း (၂) ဖတ်ရန် Link
