ဒီဇင်ဘာ ၁၀၊ ၂၀၁၆
M-Media
– ပြိုင်ဘက်အား ရွေးကောက်ပွဲရှုံးနိမ့်ကြောင်း ဗုဒ္ဓဟူးနေ့တွင် တရားဝင် ၀န်ခံခဲ့သည့် ဂမ်ဘီယာအာဏာရှင်ဟောင်း ယာဟ်ယာ ဂျာမေဟ်က သောကြာနေ့တွင် ရွေးကောက်ပွဲရလဒ်ကို ငြင်းပယ်သည်ဟု ထပ်မံပြောကြားလိုက်သည်။
ဂျာမေဟ်မှာ ဂမ်ဘီယာနိုင်ငံကို ၂၂ နှစ်ကြာ အုပ်စိုးခဲ့သည့် အာဏာရှင်ဖြစ်ပြီး ပြိုင်ဘက်များကို ထိန်းသိမ်းခြင်း၊ ညှင်းပမ်းနှိပ်စက်ခြင်းနှင့် သတ်ဖြတ်ခြင်းတို့ ပြုလုပ်ခဲ့သည်ဟု လူ့အခွင့်အရေးအဖွဲ့များ၏ စွပ်စွဲမှုကို ခံခဲ့ရသည်။ ပြီးခဲ့တစ်ပတ် ရွေးကောက်ပွဲတွင် အတိုက်အခံခေါင်းဆောင် အဒါမာ ဘာရိုးအား ရှုံးနိမ့်ကြောင်း ၎င်းက တရားဝင် ကြေငြာခဲ့ပြီး၊ ပြည်သူများမှာ လမ်းပေါ်သို့ထွက်၍ အောင်ပွဲခံမှုများ ပြုလုပ်ခဲ့ကြသည်။
သို့သော်လည်း ဂျာမေဟ်မှာ မနေ့က ရွေးကောက်ပွဲရလဒ်ကို လက်မခံဟုဆိုပြီး ရွေးကောက်ပွဲ ထပ်မံပြုလုပ်ရန် တောင်းဆိုခဲ့သည်။
“သေသေချာချာ စုံစမ်းစစ်ဆေးမှု ပြုလုပ်ပြီးတဲ့နောက်ပိုင်းမှာ လတ်တလော ကျင်းပခဲ့တဲ့ ရွေးကောက်ပွဲရလဒ်ကို ငြင်းပယ်ဖို့ ကျွန်တော် ဆုံးဖြတ်ခဲ့ပါတယ်။ ရွေးကောက်ပွဲ လုပ်ငန်းစဉ်အတွင်းမှာ လက်မခံနိုင်လောက်တဲ့ ဆိုးဆိုးဝါးဝါး မူမမှန်မှုတွေ ရှိခဲ့တယ်ဆိုတဲ့ သတင်းတွေအတွက် ၀မ်းနည်းမိပါတယ်။ ဘုရားသခင်ကိုကြောက်ရွံ့ပြီး လွတ်လပ်တဲ့ ရွေးကောက်ပွဲ ကော်မရှင်က ပွင့်လင်းမြင်သာတဲ့ ရွေးကောက်ပွဲအသစ်ကို ထပ်လုပ်ဖို့ အကြံပြုပါတယ်” ဟု ဂျာမေဟ်က ပြောကြားခဲ့သည်။
ရွေးကောက်ပွဲ အနိုင်ရပြီးနောက် ယခင်အာဏာရှင်ကို သစ္စာခံသည့် စစ်တပ်ကို မည်ကဲ့သို့ ထိန်းကျောင်းရမည်ဆိုသည်နှင့် ပတ်သက်၍ အခက်တွေ့နေရသည့် ဘာရိုးအတွက် ဂျာမေဟ်၏ ယခုကြေငြာမှုက ဆိုးရွားသည့်စိန်ခေါ်မှုလည်း ဖြစ်သည်။
Ref: Aljazeera
