ဒီဇင်ဘာ ၁၁၊ ၂၀၁၆
M-Media
– နိုက်ဂျီးရီယားနိုင်ငံ အရှေ့တောင်ပိုင်း အက္က၀ါအီဘွမ်ပြည်နယ်ရှိ ခရစ်ယာန်ဘုရားကျောင်းတစ်ခု ပြိုကျမှုအကြောင့် အနည်းဆုံး လူ ၆၀ သေဆုံးခဲ့သည်ဟု သိရသည်။
ပြည်နယ်မြို့တော် အူယိုရှိ Reigners Bible Ministry ဧ၀ံဂေလိ ဘုရားကျောင်းဖြစ်ပြီး ယမန်နေ့က ၀တ်ပြုဆုတောင်းသူများ ရှိနေစဉ်အတွင်း သံယက်မချောင်းများအပါအ၀င် တည်ဆောက်ဆဲအမိုး ပြိုကျခဲ့ခြင်းဖြစ်သည်။ ကယ်ဆယ်ရေးအဖွဲ့များက အလောင်း ၆၀ ကို ရရှိခဲ့ပြီဖြစ်သော်လည်း သေဆုံးသူမှာ မြင့်တက်လာနိုင်သည်ဟု ဒေသတွင်း မီဒီယာများက ဖော်ပြခဲ့သည်။
အခင်းဖြစ်ပွားချိန်တွင် ပြည်နယ်အုပ်ချုပ်ရေးမှူး အူဒွမ် အီမန်နျူယဲလ် ဘုရားကျောင်းထဲတွင် ရှိနေသော်လည်း မည်သည့်ဒဏ်ရာမှ မရခဲ့ပေ။ ၎င်းကမူ ပြည်နယ်၏သမိုင်းတွင် ထိုကဲ့သို့ တုန်လှုပ်စရာ အဖြစ်အပျက်မျိုး မရှိခဲ့ဟု Facebook စာမျက်နှာတွင် ရေးသားခဲ့သည်။
အုပ်ချုပ်ရေးမှူး၏ ပြောရေးဆိုခွင့်ရှိသူက ထိုအဖြစ်အပျက်အတွက် အစိုးရအနေဖြင့် စုံစမ်းစစ်ဆေးမှု ပြုလုပ်သွားမည်ဟု ပြောကြားခဲ့သည်။ နိုက်ဂျီးရီးယားသမ္မတ မူဟာမာဒူ ဘူဟာရီကလည်း သေဆုံးမှု၊ ထိခိုက်ဒဏ်ရာရှိမှုများအတွက် ကြေကွဲဝမ်းနည်းရသည်ဟု ကြေငြာချက်ထုတ်ပြန်ခဲ့သည်။
အစိုးရသတင်းဌာနကမူ ထိုအဖြစ်အပျက်အတွင်း လူ ၅၀ မှ ၂၀၀ ကြား သေဆုံးနိုင်သည်ဟု ဖော်ပြခဲ့သည်။ ၂၀၁၄ ခုနှစ် စက်တင်ဘာလက လာဂို့စ်မြို့တွင် ခရစ်ယာန်ဘုရားကျောင်းတစ်ခု ပြိုကျမှုကြောင့် တောင်အာဖရိကနိုင်ငံသား ၈၄ ဦး အသက်ဆုံးရှုံးခဲ့သည်။
Ref : Aljazeera