ဒီဇင်ဘာ ၉၊ ၂၀၁၆
M-Media
– အမျိုးသမီးတွေအပေါ် အဓမ္မပြုကျင့်တာတွေအပါအ၀င် ရခိုင်ပြည်နယ်အတွင်းက ရိုဟင်ဂျာလူ့အဖွဲ့အစည်းအပေါ်မှာ မြန်မာအစိုးရစစ်တပ်က ကျူးလွန်မှုတွေအတွက် မိမိတို့အနေနဲ့ အလွန်အမင်း ကြေကွဲဝမ်းနည်ရပြီး အဲဒီအဖြစ်အပျက်တွေက မြန်မာစစ်တပ်လက်အောက်မှာ ကရင်အမျိုးသမီးတွေ ခံစားခဲ့ရတဲ့ အဖြစ်အပျက်တွေကို ပြန်လည် အမှတ်ရစေတယ်လို့ ကရင်အမျိုးသမီးအစည်းအရုံး (KWO) က ပြောကြားလိုက်ပါတယ်။
၁၉၄၉ ခုနှစ်ကတည်းက စတင်ဖွဲ့စည်းခဲ့တဲ့ ပြည်သူလုထုအခြေပြု KWO ရဲ့ ၀ဘ်ဆိုက် (karenwomen.org) မှာ ဒီဇင်ဘာ ၆ ရက်နေ့ နေ့စွဲနဲ့ ဒီလို ကြေငြာချက်ထုတ်ပြန် ပြောကြားလိုက်တာဖြစ်ပြီး ‘အမျိုးသမီးတွေအပေါ် အကြမ်းဖက်မှုနဲ့ပတ်သက်လို့ အသိပညာပေးရေး ၁၆ ရက် လှုပ်ရှားမှုအတွင်းမှာ မြန်မာစစ်တပ်က အမျိုးသမီးတွေအပေါ် အဓမ္မပြုကျင့်နေမှု၊ ပုံစံမျိုးစုံနဲ့ အကြမ်းဖက်မှုအပေါ် မိမိတို့ရဲ့ သဘောထားကို ထုတ်ဖော်ဖို့ တာဝန်ရှိတယ်လို့ ခံစားရကြောင်း’ နိဒါန်း ချီထားပါတယ်။
“ပြီးခဲ့တဲ့လတွေက ရခိုင်ပြည်နယ်မှာ မြန်မာစစ်တပ်ရဲ့ စစ်ဆင်ရေးတွေအတွင်း စစ်တပ်က ရိုဟင်ဂျာအမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုကို စနစ်တကျနဲ့ ကျယ်ကျယ်ပြန့်ပြန့် ကျူးလွန်ခဲ့တယ်ဆိုတဲ့ သတင်းတွေ ရရှိခဲ့ပါတယ်။ တစ်လဆိုတဲ့အချိန်အတွင်းမှာပဲ မြန်မာစစ်တပ်က အဓမ္မပြုကျင့်မှု ၁၉၂ မှု ရှိခဲ့တယ်ဆိုတဲ့ သတင်းတွေကိုလည်း ရရှိခဲ့ပါတယ်။ ဒီသတင်းတွေအတွက် ကျွန်မတို့အနေနဲ့ အလွန်အမင်း နာကျင်ခံစားရပြီး ကျွန်မတို့ လူ့အဖွဲ့အစည်းက အမျိုးသမီးတွေ ဆယ်စုနှစ်နဲ့ချီ ခံစားခဲ့ရတဲ့ ဒီလို ကြောက်စရာဖြစ်ရပ်ဆိုးတွေကို ပြန်ပြောင်း အမှတ်ရစေပါတယ်” လို့ KWO က ရေးသားထားပါတယ်။
နောက်ပြီး ရိုဟင်ဂျာပြည်သူတွေဟာ အစိုးရစစ်သားတွေရဲ့ ညှင်းပမ်းမှု၊ တရားလက်လွတ်သတ်ဖြတ်မှု၊ နေရပ်က မောင်းထုတ်မှုတွေကို ခံစားနေရတယ်ဆိုတဲ့ သတင်းတွေလည်း ထွက်ပေါ်လာနေကြောင်း၊ သေဆုံးမှု ၂၄၈ မှုနဲ့ မောင်းထုတ်ခံရမှု ၁၉၂ မှုတို့ကို မှတ်တမ်းတင်ထားကြောင်း မိမိတို့အနေနဲ့ ရိုဟင်ဂျာအမျိုးသမီးတွေ၊ သူတို့ရဲ့ မိသားစုတွေနဲ့ ထပ်တူထပ်မျှ ကြေကွဲဆို့နင့်ရပါကြောင်း KWO က ထည့်သွင်း ပြောကြားခဲ့ပါတယ်။
နောက်ပြီး ဒီလိုသတင်းတွေကို NLD အစိုးရက ငြင်းပယ်မှုအတွက် စိတ်မကောင်းဖြစ်မိတယ်လို့လည်း ဆိုပါတယ်။
“စစ်တပ်ကတော့ အမြဲတမ်းလုပ်နေကြအတိုင်း ဒီသတင်းတွေကို ငြင်းဆိုမယ်ဆိုတာ ကျွန်မတို့ မျှော်လင့်ပြီးသားပါ။ ဒါပေမယ့် NLD (အစိုးရ) ကပါ ဒီလိုလုပ်လိမ့်မယ်လို့ မထင်ထားပါဘူး။ နိုဘယ်ဆုရှင် ဒေါ်အောင်ဆန်းစုကြည်အပေါ်မှာ ကျွန်မတို့ မျှော်လင့်ချက်အများကြီး ထားခဲ့ပါတယ်။ ၂၀၁၁ ခုနှစ်တုန်းက သူမဟာ ‘ကျွန်မတို့တိုင်းပြည်မှာ အခြေခံလူ့အခွင့်အရေးတွေ ရရှိချင်ကြသူတွေအပေါ်- အထူးသဖြင့် တိုင်းရင်းသားဒေသတွေမှာ- အဓမ္မပြုကျင့်မှုကို လက်နက်တစ်ခုသဖွယ် အသုံးပြုခဲ့တယ်။ အဓမ္မပြုကျင့်မှုဟာ ကျယ်ကျယ်ပြန့်ပြန်ကို ဖြစ်နေတယ်။ တိုင်းရင်းသားတွေကို ခြိမ်းခြောက်ဖို့ ကျွန်မတို့တိုင်းပြည်ကို သွေးခွဲဖို့ စစ်တပ်က အဓမ္မပြုကျင့်မှုကို လက်နက်တစ်ခုအဖြစ် အသုံးပြုခဲ့ပါတယ်’ လို့ ပြောခဲ့ဖူးပါတယ်။ ဒါ့ကြောင့် ဒေါ်အောင်ဆန်းစုကြည် အာဏာရခဲ့မယ်ဆိုရင် မြန်မာစစ်သားတွေ လိင်ပိုင်းဆိုင်ရာ အကြမ်းဖ
က်တာကို ဖြစ်ခွင့် ပြုမှာမဟုတ်ဘူး၊ ဖြစ်လာရင်လည်း အလျင်အမြန် အရေးယူသွားမယ်လို့ ကျွန်မတို့ မျှော်လင့်ထားခဲ့ပါတယ်။ အခုတော့ ဒီစကားလုံးတွေဟာ လက်တွေ့မပါတဲ့ နိုင်ငံရေးသက်သက် စကားလုံးတွေသာ ဖြစ်တယ်ဆိုတာကို မြင်လိုက်ရပါပြီ” လို့ KWO ရဲ့ ကြေငြာချက်မှာ ဖော်ပြထားပါတယ်။
‘ပဋိပက္ခတွင် လိင်ပိုင်းဆိုင်ရာ အကြမ်းဖက်မှုအဆုံးသတ်ရေး ကြေငြာစာတမ်း’ ကို ၂၀၁၄ ခုနှစ်မှာ မြန်မာနိုင်ငံကလက်မှတ်ထိုးခဲ့မှုကို KWO က ထောက်ပြခဲ့ပြီး အစိုးရစစ်သားများအနေဖြင့် အရေးယူခံရခြင်းမရှိဘဲ ထိုကဲ့သို့ အဓမ္မပြုကျင့်မှုကို ဆက်လက်လုပ်ဆောင်နေပါက လက်မှတ်ရေးထိုးထားမှုအတွက် မည်ကဲ့သို့ အရေးယူမလဲလို့လည်း မေးခွန်းထုတ်ခဲ့ပါတယ်။
“၂၀၀၅ ခုနှစ်ကနေ ၂၀၁၆ ခုနှစ်အတွင်းမှာ မြန်မာနိုင်ငံက အမျိုးသမီးအဖွဲ့ ၁၁ ခုဟာ မြန်မာစစ်တပ်ကစစ်သားတွေ အမျိုးသမီးတွေအပေါ်မှာ ကျူလွန်ခဲ့တဲ့ သီးခြားအကြမ်းဖက်မှုပေါင်း အနည်းဆုံး ၃၃ ခုလောက်ကို ဖော်ထုတ်ခဲ့ပါတယ်။ အဲဒီအထောက်အထားတွေအားလုံးကို မြန်မာစစ်တပ်နဲ့ မြန်မာအစိုးရတွေက ငြင်းပယ်ခဲ့ပါတယ်။ ငြင်းပယ်မှု၊ အရေးမယူမှုတွေဟာ ကျွန်မတို့ မျိုးဆက်နဲ့ချီ ကြုံတွေ့ခဲ့ရတဲ့ အပြုအမူမျိုးတွေပါ။ ဒီအမျိုးသမီးတွေအားလုံး လိမ်နေတာလား။ ဒါမှမဟုတ် မြန်မာစစ်တပ်က စစ်သားတွေ ရန်လိုတယ်၊ အာဏာအလွဲသုံးစားလုပ်တယ်၊ ပြီးတော့ အရေးယူမခံရဘူးဆိုတာ အမှန်လား”
စစ်သားတွေက အဓမ္မပြုကျင့်မှုကို အရေးမယူရင် တပ်မှူးတွေမှာလည်းအပြစ်ရှိတယ်လို့ KWO က ထောက်ပြခဲ့ပြီး နောက်ဆုံးမှာတော့ ” မြန်မာစစ်တပ်က စစ်သားတွေ လိင်ပိုင်းဆိုင်ရာ အကြမ်းဖက်မှုကို တားမြစ်တယ်။ မြန်မာစစ်တပ်က ဘယ်စစ်သားမဆို ဒီရာဇ၀တ်မှုကျူးလွန်တယ်လို့ တွေ့ရရင် အဲဒီစစ်သားနဲ့ သူ့ရဲ့ တပ်မှူးတွေကို ပြင်းပြင်းထန်ထန် အပြစ်ပေးမယ်” ဆိုတဲ့ ကြေငြာချက်ကို တစ်နိုင်ငံလုံးအတိုင်းအတာနဲ့ ထုတ်သွားဖို့ ဒေါ်အောင်ဆန်းစုကြည်၊ NLD အစိုးရတို့ကို ရဲရဲဝံ့ဝံ့ တောင်းဆိုလိုက်ပါတယ်လို့ နိဂုံးချုပ်ခဲ့ပါတယ်။
Ref: karenwomen.org
