အောက်တိုဘာ ၆၊ ၂၀၁၆
M-Media
– မန္တလေးတွင် ဓမ္မာရုံထဲသို့ ၀င်ရောက်၍ အသံချဲ့စက်ကြိုး ဆွဲဖြုတ်ခဲ့သည့် ဟော်လန်နိုင်ငံသားကို ယနေ့တွင် အလုပ်ကြမ်းနှင့် ထောင်ဒဏ် ၃ လ ချမှတ်လိုက်သည်ဟု သိရသည်။
အသက် ၃၀ အရွယ်ရှိ ကလက်စ် ဟဂ်ျတီမာဖြစ်ပြီး ဘာသာရေးအဆိုင်ရာ စုဝေးမှုကို နှောက်ယှက်မှုဖြင့် အပြစ်ရှိကြောင်း တွေ့ရှိခဲ့ရခြင်းဖြစ်သည်။ ၎င်းမှာ စက်တင်ဘာ ၂၃ ရက်နေ့က မန္တလေးမြို့ရှိ ၎င်းတည်းခိုရာ ဟိုတယ်အနီး ဓမ္မာရုံတွင် တရားစာများ အသံချဲ့စက်ဖြင့် ဖွင့်လှစ်ထားမှုမှာ ၎င်း အိပ်စက်မှုကို အနှောက်အယှက်ဖြစ်သည်ဟုဆိုကာ ဓမ္မာရုံအတွင်းသို့ ၀င်ရောက်၍ အသံချဲ့စက်ကြိုးအား ဖြုတ်ခဲ့ခြင်းဖြစ်သည်။
“အဲဒီညက ကျွန်တော် အရမ်း ပင်ပန်းနေပြီး အဲဒီဆူသံကြောင့် နိုးလာခဲ့ပါတယ်။ ကျွန်တော် တော်တော်လေး စိတ်တိုသွားပြီး ကလေးတွေက သီးချင်းဖွင့်ထားတယ်လို့ ထင်တာပါ။ ပလပ်ဆွဲမဖြုတ်ခင် အသံတိုးဖို့ ကျွန်တော် ပြောခဲ့ပါသေးတယ်။ သူတို့ နားမလည်တာကြောင့် ကျွန်တော် ပလပ်ဆွဲဖြုတ်ခဲ့တာပါ” ဟု အဆိုပါ နယ်သာလန်နိုင်ငံသားက ပြောကြားခဲ့သည်။
၎င်းအား ထောင်ဒဏ် ၃ လ ချမှတ်သည့်အမိန့်ကို ဖတ်ကြားခဲ့ပြီးနောက် မစ္စတာ ဟဂ်ျတီမာမှာ ငိုကြွေးခဲ့သည်။ ထောင်ဒဏ်အပြင် မြန်မာနိုင်ငံ၏ ဥပဒေ၊ ထုံးတမ်းဓလေ့များကို လိုက်နာရမည်ဟု သတ်မှတ်ထားသည့် ၎င်း၏ ပြည်ဝင်ခွင့်ဗီဇာ ဖောက်ဖျက်မှုအတွက်လည်း ကန်ဒေါ်လာ ၈၀ နှင့် ညီမျှသည့် မြန်မာငွေကျပ်ပေးဆောင်ရန် ဒဏ်တပ်ခဲ့သည်။
ရှေ့နေဖြစ်သူ ဦးလှကိုကမူ ထိုပြစ်ဒဏ်ချမှတ်မှုတွင် အယူခံဝင်သွားမည်ဖြစ်ပြီး နယ်သာလန် သံရုံးကလည်း မစ္စတာ ဟဂ်ျတီမာ လွတ်မြောက်ရေး တောင်းဆိုသွားမည်ဟု ပြောကြားခဲ့သည်။
မြန်မာနိုင်ငံ၏ ဖွဲ့စည်းပုံအခြေခံဥပဒေအရ ဗုဒ္ဓဘာသာ၊ ခရစ်ယာန်ဘာသာ၊ အစ္စလာမ်ဘာသာနှင့် ဟိန္ဒူဘာသာတို့ကို နိုင်ငံတော်၏ တရားဝင်ဘာသာတရားများအဖြစ် သတ်မှတ်ထားပြီး၊ ဘာသာတရားအားလုံးနှင့် ဘာသာဝင်အားလုံးအား ဥပဒေ၏ ရှေ့မှောက်တွင် တန်းတူခံစားခွင့် ရှိသည်ဟု သတ်မှတ်ထားသော်လည်း လက်တွေ့တွင် ဗုဒ္ဓဘာသာအား စော်ကားမှုများကိုသာ အရေးယူလေ့ရှိပြီး၊ အခြားသော ဘာသာတရားများ အထူးသဖြင့် အစ္စလာမ်ဘာသာပေါ် ပြောင်းပြောင်းတင်းတင်း စော်ကားပုတ်ခတ် တိုက်ခိုက်မှုများကို လစ်လျူရှုထားသည်။
Ref : nytimes
