မေ ၁၅၊ ၂၀၁၆
M-Media
– အစိုးရ၏ ရက် ၁၀၀ စံမီကိန်းအတွင်း နိုင်ငံတစ်ဝှမ်းရှိ ဆည်မြောင်းတာတမံများကို ပြုပြင်ကာ ဆန်စပါးစိုက်ပျိုးရာ ဒေသများသို့ ရေပေးဝေမှုကို ၂ ဆမြင့်တက်အောင် ပြုလုပ်သွားမည်ဟု လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ဒုတိယ၀န်ကြီး ဦးဝင်းထွန်းက ပြောကြားလိုက်သည်။
မြန်မာနိုင်ငံအတွင်း ဆည်မြောင်း၊ တာတမံများမှာ ဆယ်စုနှစ် ၂ ခုကြာ ပြုပြင်ထိန်းသိမ်းမှု မရှိသောကြောင့် နိုင်ငံ၏ လယ်ယာစိုက်ပျိုးရေးကဏ္ဍကို အားနေစေခဲ့ပြီး အရှေ့တောင်အာရှတွင် အရှည်ဆုံး ရေလှောင်တမံများမှ တစ်ခုပါအ၀င်ဖြစ်သည့် သဖန်းဆိပ် ရေလှောင်တမံအား ပြုပြင်မှု စတင်ပြုလုပ်သွားမည်ဟု ၀န်ကြီးက ဆိုသည်။
“နောက်ထပ် ရက် ၁၀၀ အတွင်းမှာ ကျွန်တော်တို့ဟာာ တိမ်ကောနေတဲ့ ရေလှောင်တမံတွေကို တူးဖော်သွားမှာဖြစ်ပြီး မြောင်းတွေက ရေစိမ့်ပေါက်တွေကိုလည်း ဖာထေးသွားမှာဖြစ်ပါတယ်” ဟု ဦးဝင်းထွန်းက ပြောကြားခဲ့ပြီး တစ်နိုင်ငံလုံးတွင် ဖြန့်ကျက်လုပ်ကိုင်ရမည်ဖြစ်သောကြောင့် ထိုလုပ်ငန်းမှာ မလွယ်ကူဟုလည်း ဆိုသည်။
“ရထားတဲ့ဘက်ဂျက်နဲ့ လုပ်နိုင်တာအားလုံးကို ကျွန်တော်တို့ လုပ်သွားမှာပါ”
သဖန်းဆိပ်ဆည်မှာ မြန်မာနိုင်ငံ၏ ဆန်စပါးထုတ်လုပ်မှု ဒုတိယအများဆုံးဖြစ်သော စစ်ကိုင်းတိုင်းဒေသကြီးရှိ ဧရိယာအများအပြားကို ရေပေးဝေနေသောကြာင့် ထိုဆည်အား ပထမဆုံး ပြင်ဆင်ရန် ရွေးချယ်ရခြင်းဖြစ်သည်။
မြန်မာနိုင်ငံရှိ ဆည်ပေါင်း ၅၀၀ ခန့်တွင် အများစုမှာ လယ်ယာများသို့ ရေလုံလုံလောက်လောက် မပေးနိုင်ဘဲ၊ ဆည်မှထွက်သော မြောင်းများမှာလည်း ကောင်းမွန်စွာ အလုပ်မလုပ်သောကြောင့် ရေများ လေလွင့်နေသည်။ တိမ်ကောနေသော ရေလှောင်တမံများကြောင့် မိုးရာသီတွင် ရေကြီးရေလျှံမှုများ ဖြစ်ပေါ်ကာ၊ နွေရာသီတွင် အချိန်မတိုင်ခင် ရေခန်းခြောက်မှု ဖြစ်ပွားနေသည်။
Ref: mmtimes
