ဖေဖော်ဝါရီ ၁၉၊ ၂၀၁၆
M-Media
– ထိုင်းနိုင်ငံ ဖူးခက်မှ မဲဆောက်သို့ သွားရောက်သည့် ဗန်ကားတစ်စီးမှာ ဆူဖန်ဘူရီပြည်နယ် မူအန်ခရိုင်၌ ယနေ့တွင် တိမ်းမှောက်မှုဖြစ်ပွားခဲ့သောကြောင့် မြန်မာနိုင်ငံသားတစ်ဦး သေဆုံးခဲ့ပြီး အခြား ၁၄ ဦးမှာ ဒဏ်ရာရရှိခဲ့သည်ဟု သိရသည်။
အဆိုပါဗန်ကားမှာ မြန်မာရွှေ့ပြောင်းလုပ်သား ၁၅ ဦးနှင့် လသားအရွယ် ကလေးငယ်တစ်ဦးကို တင်ဆောင်လာခဲ့ခြင်းဖြစ်ပြီး ဒဏ်ရာရရှိသူများတွင် ထိုကလေးငယ်လည်း ပါဝင်ခဲ့သည်။ ကားမှာ လမ်းဘေးရှိ သစ်ပင်ကို ၀င်တိုက်မိခဲ့ခြင်းဖြစ်သည်။
သေဆုံးသွားသူမှာ အသက် ၄၂ နှစ်ရွယ်ရှိ အမျိုးသမီးတစ်ဦးဖြစ်ပြီး ဒဏ်ရာရရှိသူများတွင် ကလေးငယ်အပါအ၀င် ၈ ဦးမှာ ပြင်းထန်ကာ နီးစပ်ရာဆေးရုံသို အလျင်အမြန် ပို့ဆောင်ပေးခဲ့သည်ဟု ထိုင်းမီဒီယာများက ဖော်ပြခဲ့သည်။
ရဲတပ်ဖွဲ့ကမူ အဆိုပါရွှေ့ပြောင်းလုပ်သားများမှာ ဖူးခက်တွင် တရားဝင် အလုပ်လုပ်နေသူများဖြစ်ပြီး မြန်မာနိုင်ငံသို့ ပြန်လာရန်အတွက် အသက် ၅၈ နှစ်အရွယ် ထိုင်းနိုင်ငံသားတစ်ဦး၏ ဗန်ကားကို ငှားကာ မဲဆောက်သို့ သွားရောက်ခြင်းဖြစ်သည်ဟု ပြောကြားခဲ့သည်။
ကားအား အရှိန်ဖြင့်မောင်းနှင်စဉ် ယာဉ်မောင်းမှာ အိပ်ငိုက်သွားသောကြောင့် ထိုကဲ့သို့ မတော်တဆ ဖြစ်ရခြင်းဖြစ်မည်ဟု ရဲတပ်ဖွဲ့က ယုံကြည်နေပြီး အသက်ရှင်ကျန်ရစ်သူများကို စုံစမ်းမေးမြန်းသွားမည်ဟု ဆိုသည်။
Ref: Bangkokpost
