Blog

အောက်တိုဘာ ၄၊ ၂၀၁၅
M-Media

– မြန်မာအစိုးရမှာ အောက်တိုဘာ ၁၅ ရက်နေ့တွင် တိုင်းရင်းသားလက်နက်ကိုင်အဖွဲ့ ၈ ဖွဲ့နှင့် အပစ်ရပ်ရေး လက်မှတ်ရေးထိုးသွားမည်ဟု အာဏာပိုင်များက ယနေ့တွင် ပြောကြားခဲ့သည်။

ဆယ်စုနှစ်များစွာကြာ ဖြစ်ပွားခဲ့သည့် ပြည်တွင်းစစ်ကို အဆုံးသတ်ရေးအတွက် ၂ နှစ်ကျော်ကြာ ပြုလုပ်ခဲ့သည့် အပစ်ရပ်ရေး ဆွေးနွေးပွဲမှာ ပြီးခဲ့သည့် သီတင်းပတ်များအတွင်း အရှိန်မြင့်လာခဲ့ပြီး မြန်မာအစိုးရကမူ နိုဝင်ဘာ ရွေးကောက်ပွဲမပြုလုပ်ခင် လက်မှတ်ရေးထိုးနိုင်ရန် စိတ်အားထက်သန်ခဲ့သည်။

သို့သော်လည်း တိုင်းရင်းသားလက်နက်ကိုင်အဖွဲ့ အများအပြားက လက်မှတ်ထိုးရန် ငြင်းဆိုခဲ့ပြီးနောက် တစ်နိုင်ငံလုံး အပစ်ရပ်ရေးမျှော်လင့်ချက်မှာ ပျက်ဆီးခဲ့ရသည်။

“တစ်နိုင်ငံလုံး အပစ်ရပ်ရေး သဘောတူညီချက် NCA ကို အောက်တိုဘာ ၁၅ ရက်နေ့ နေပြည်တော်မှာ လက်မှတ်ရေးထိုးပါမယ်။ လက်မှတ်ရေးထိုးဖို့ တိုင်းရင်းသားအဖွဲ့တွေကို ကျွန်တော်တို့ ဆက်ပြီး ဖိတ်ခေါ်သွားမှာပါ” ဟု ဆွေးနွေးမှုများပြုလုပ်ခဲ့သည့် အစိုးရကိုယ်စားလှယ်အဖွဲ့မှ အကြီးတန်းအဖွဲ့ဝင်ဖြစ်သူ ဦးလှမောင်ရွှေက AFP သတင်းဌာသို့ ပြောကြားခဲ့သည်။

ကချင်လွတ်မြောက်ရေးတပ်မတော် KIA အပါအ၀င် အဓိက တိုင်းရင်းသားလက်နက်ကိုင်များမှာ အဆိုပါ သဘောတူညီချက်ကို လက်မှတ်ရေးထိုးရန် ငြင်းဆိုခဲ့ပြီး၊ ဆွေးနွေးမှုမှာ အရေးပါသော အခြေအနေသို့ ရောက်ရှိနေချိန်တွင် ပြီးခဲ့သည့် သီတင်းပတ်များအတွင်း အစိုးရပ်တပ်ဖွဲ့များနှင့် တိုင်းရင်းသားလက်နက်ကိုင်များအကြား တိုက်ခိုက်မှုများလည်း ဖြစ်ပွားခဲ့သေးသည်။

ယမန်နေ့တွင် တိုင်းရင်းသားလက်နက်ကိုင်များအဖွဲ့က မြန်မာနိုင်ငံ၌ စစ်မှန်သော နိုင်ငံရေးဆွေးနွေးမှုနှင့် ငြိမ်းချမ်းရေးအတွက် အားထုတ်မှုများကို ပံ့ပိုးပေးရန် နိုင်ငံတကာအသိုင်းအ၀ိုင်းအား တိုက်တွန်းခဲ့သည်။

“NCA ကို အချို့သော အဖွဲ့တွေကသာ လက်မှတ်ရေးထိုးမှာဖြစ်တာကြောင့် ပြည့်စုံပြီးပြတ်တဲ့ သဘောတူညီချက်မျိုးတော့ မဟုတ်ပါဘူး” ဟု ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီက ၎င်းတို့၏ ကြေညာချက်တွင် ဖော်ပြထားသည်။

မြန်အစိုးရမှာ ထိုသဘောတူညီချက်အား လက်မှတ်ရေးထိုးရန် တိုင်းရင်းသားလက်နက်ကိုင် ၁၅ ဖွဲ့နှင့် စောစောပိုင်းက သဘောတူထားခဲ့သော်လည်း နောက်ပိုင်းတွင် အချို့သောအဖွဲ့များက နှုတ်ထွက်ခဲ့ကြသည်။

ယနေ့မနက်ပိုင်းက ရန်ကုန်မြို့ရှိ မြန်မာငြိမ်းချမ်းရေးစင်တာ၌ ပြုလုပ်သော အစည်းအဝေးတွင် အစိုးရမှ ဆွေးနွေးညှိနှိုင်းရေးခေါင်းဆောင် ဦးအောင်မင်းက တစ်နိုင်ငံလုံး အပစ်ရပ်ရေး သဘောတူညီချက်ကို လက်မှတ်မထိုးသည့်အတွက်ကြောင့် တိုင်းရင်းသားလက်နက်ကိုင်အဖွဲ့များကို စစ်တပ်က ထိုးစစ်ဆင်ရန် ရည်ရွယ်ချက်မရှိဟု ပြောကြားခဲ့သည်။

ထိုသဘောတူညီချက်ကို ဒေသတွင်းနှင့် နိုင်ငံတကာ သက်သေများရှေ့မှောက်၌ လက်မှတ်ရေးထိုးသွားမည်ဖြစ်ပြီး အတိုက်အခံခေါင်းဆောင် ဒေါ်အောင်ဆန်းစုကြည်ကိုလည်း ဖိတ်ခေါ်ထားသည်ဟု ဦးလှမောင်ရွှေက ထည့်သွင်းပြောကြားခဲ့သည်။

Ref: hannelnewsasia