Blog

ရခိုင်တွင် ကျန်းမာရေးစင်တာတခု အင်ဒိုနီးရှား MER-C အဖွဲ့ ဆောက်လုပ်ပေးမည်

စက်တင်ဘာ ၅၊ ၂၀၁၅
M-Media

– ရခိုင်ပြည်နယ်တွင် အင်ဒိုနီးရှားကျန်းမာရေးစင်တာတစ်ခု ဆောက်လုပ်ရန် ရှိနေပြီး အင်ဒိုနီးရှား ကယ်ဆယ်ရေးအဖွဲ့ဖြစ်သော MER-C အဖွဲ့က ကူညီဆောင်ရွက်နေသည်ဟု သိရသည်။

အဆိုပါ ကျန်းမာရေးစင်တာ ဆောက်လုပ်ရန်အတွက် ရခိုင်ပြည်နယ်အစိုးရက မြောက်ဦးတွင် မြေနေရာတစ်ခုကို သတ်မှတ်ပေးခဲ့ပြီး၊ မြန်မာအစိုးရကလည်း ပံ့ပိုးကူညီမှုများ ပြုလုပ်နေသည်။

MER-C အဖွဲ့မှာ သြဂုတ်လ ၂၈ ရက်နေ့က ရန်ကုန်မြို့ရှိ အင်ဒိုနီးရှားသံရုံး၏ အကူအညီဖြင့် စစ်တွေမှ မင်းပြားမြို့သို့ သွားရောက်ခဲ့ပြီး၊ အင်ဒိုနီးရှားအစိုးရက တည်ဆောက်ပေးထားသည့် စာသင်ကျောင်းနှစ်ကျောင်းကို ကြည့်ရှုခဲ့ကြသည်။

အဆိုပါကျောင်းနှစ်ကျောင်းများမှာ ၂ ထပ်ကျောင်းဆောင်များ ဖြစ်ပြီး တစ်ကျောင်းမှာ ဗုဒ္ဓဘာသာဝင်များအတွက်နှင့် ကျန်တစ်ကျောင်းမှာ မွတ်စလင်များအတွက်ဖြစ်ကာ တစ်ခုနှင့်တစ်ခု မီတာ ၅၀၀ ကွာဝေးသည်။ ပြီးခဲ့သည့် ဖေဖော်ဝါရီလတွင် MER-C မှာ ထိုစာသင်ကျောင်းများအတွက် မီးစက်များ လှူဒါန်းခဲ့သည်။

“ကျွန်တော်တို့အဖွဲ့နဲ့ တွေ့ရတာကို ဗုဒ္ဓဘာသာကျောင်းသားတွေရော၊ မွတ်စလင်ကျောင်းသွားတွေပါ တော်တော်ပျော်ကြပါတယ်” ဟု မြန်မာနိုင်ငံမှ MER-C ၏ အဖွဲ့ ၃ ခေါင်းဆောင်း ဒေါက်တာ ဂျိုစီရီဇဲလ် ဂျာနာလစ်က ပြောကြားခဲ့သည်။

MER-C (Medical Emergency Rescue Committee) အဖွဲ့ကို အင်ဒိုနီးရှားကျောင်းသားများက ဂျာကာတာမြို့၌ ၁၉၉၉ ခုနှစ်တွင် စတင်ဖွဲ့စည်းခဲ့ပြီး သဘာဝဘေးသင့်ပြည်သူများနှင့် ပဋိပက္ခကြောင့် အတိဒုက္ခရောက်နေသူများအား ဆေးဘက်ဆိုင်ရာ အကူအညီများပေးရန်နှင့် ကူညီကယ်ဆယ်ရေးလုပ်ငန်းများ ဆောင်ရွက်ပေးရန်ဖြစ်သည်။

၎င်းတို့အဖွဲ့မှာ အင်ဒိုသံရုံးမှ ၀န်ထမ်းများ၊ ရခိုင်ပြည်နယ် အုပ်ချုပ်ရေးအဖွဲ့မှ တာဝန်ရှိသူများနှင့်အတူ မင်းပြားမှတစ်ဆင့် မြောက်ဦးမြို့သို့ သွားရောက်ခဲ့ပြီး ရေဘေးသင့်အခြေအနေနှင့် ကျန်းမာရေးစင်တာ ဆောက်လုပ်မည့် နေရာကို ကြည့်ရှုခဲ့သည်။

အဆိုပါ နေရာမှာ မွတ်စလင်လူဦးရေ ၆၅၀ ခန့်ရှိသည့် ရွာနှင့် ဗုဒ္ဓဘာသာဝင် ၁၇၀၀ ခန့်ရှိသည့်ရွာ အကြားတွင် ရှိသည်။ MER-C Indonesia မှာ အစိုးရပိုင် ထိုမြေနေရာအတွက် ဒေသခံ လယ်သမားများအား အင်ဒိုနီးရှား ရူပီး ၁၇.၆ သန်း လျော်ကြေးပေးခဲ့ပြီးဖြစ်သည်။

အင်ဒိုနီးရှား ကျန်မာရေးစင်တာ တည်ဆောက်ရန် ရူပီး ၃ ဘီလီယံခန့် ကုန်ကျမည်ဟု ခန့်မှန်းထားပြီး၊ ထိုစီမံကိန်းတွင် ပါဝင်လှူဒါန်းလိုသူ အင်ဒိုနီးရှားနိုင်ငံသားများအတွက် ဘဏ်အကောင့်များကိုလည်း စီစဉ်ပေးထားသည်။ MER-C Indonesia အဖွဲ့မှာ စစ်တွေပြည်သူများအတွက် အရေးပေါ်ကားတစ်စီးကိုလည်း ယခင်က လှူဒါန်းခဲ့သည်။

ပါလက်စတိုင်းရှိ ဂါဇာဒေသတွင် MER-C Indonesia မှာ ဆေးရုံတစ်ခုကို ဆောက်လုပ်ပြီးခဲ့ပြီး ဖွင့်လှစ်ရန် ပြင်ဆင်နေသည်။

Ref: en.tempo.co

September 5, 2015
ဆီးရီးယားသမ္မတ အာဆတ် အာဏာမျှဝေပေးရန် အဆင်သင့်ရှိနေ

စက်တင်ဘာ ၅၊ ၂၀၁၅
M-Media

– ဆီးရီးယားသမ္မတ ဘာရှာ အလ်အာဆတ်အနေဖြင့် ပါလီမန်ရွေးကောက်ပွဲတစ်ခုကို အလျင်အမြန်ကျင်းပရန်နှင့် တောင့်တင်းလာသော အတိုက်အခံများအား အာဏာမျှဝေပေးရန် အဆင်သင့်ရှိနေသည်ဟု ရုရှားသမ္မတ ဗလာဒီမာပူတင်က ပြောကြားလိုက်သည်။

ဗာလ်ဒီဗိုစတော့က်မြို့တွင် ကျင်းပနေသည့် အရှေ့တိုင်းစီးပွားရေးဖိုရမ်သို့ တက်ရောက်နေသော ပူတင်က ယမန်နေ့တွင် သတင်းထောက်များအား ပြောကြားလိုက်ခြင်းဖြစ်ပြီး ပါလီမန်ရွေးကောက်ပွဲကျင်းပရန်နှင့် အင်အားတောင့်တင်းသည့် အတိုက်အခံများနှင့် ဆက်သွယ်ကာ ၎င်းတို့အား ခေါင်းဆောင်မှုပိုင်းသို့ ခေါ်သွင်းရန် အာဆတ်နှင့် သဘောတူညီချက်ရခဲ့သည်ဟု ဆိုသည်။

“အကြမ်းဖက်ဝါဒကို တိုက်ဖျက်ရာမှာ တပ်ဖွဲ့တွေပူးပေါင်းခြင်းဟာ ဆီးရီးယားနိုင်ငံအတွင်း နိုင်ငံရေးလုပ်ငန်းစဉ်အချို့နဲ့ အပြိုင် ရှေ့ဆက်သွားသင့်ပါတယ်။ ဒါဟာ ဆီးရီးယား ပြည်တွင်းတိုးတက်မှုအတွက် အဓိကကျတဲ့ ကိစ္စလည်း ဖြစ်ပါတယ်။ ဒါပေမယ့် ဒီပြည်တွင်းဆွေးနွေးမှု ဖြစ်မြောက်အောင်လုပ်ဖို့ ကျွန်တော်တို့ အဆင်သင့်ရှိနေပါတယ်” ဟု ပူတင်က ပြောကြားခဲ့ကြောင်း
ကရင်မလင်မှ ထုတ်ပြန်သော ကြေညာချက်တွင် ဖော်ပြထားသည်။

သို့သော်လည်း အင်အားတောင့်တင်းသည့် အတိုက်အခံများဆိုသည်မှာ မည်သည့်ရည်ညွှန်းချက်ဖြစ်သည်ကို ရှင်းလင်းပြောကြားခဲ့ခြင်း မရှိချေ။

ဆိုဗီယက်ခေတ်ကတည်းက ရုရှားမှာ ဆီးရီးယားအစိုးရ၏ နီးကပ်သော မဟာမိတ်ဖြစ်ပြီး နိုင်ငံအတွင်း ငြိမ်းချမ်းမှုကို ဆောင်ကျဉ်းရန် အာဆတ်အစိုးရအား ဖြုတ်ချရန်ဆိုသည့် အနောက်နိုင်ငံများ၏ ဆော်သြမှုကို ပြင်းပြင်းထန်ထန် ဆန့်ကျင်ထားသည်။

ရုရှားမှာ IS အဖွဲ့များအပေါ် အမေရိကန်ဦးဆောင်သည့် မဟာမိတ်များက ပြုလုပ်သည့် လေကြောင်းတိုက်ခိုက်မှုများကို ဆီးရီးယားနှင့် အီရတ်စစ်တပ်၊ ကာ့ဒ်တပ်ဖွဲ့အပါအ၀င်၊ အလယ်အလတ်သဘောထားရှိသော ဆီးရီးယား သူပုန်များနှင့် ပူးပေါင်းကာ ဆောင်ရွက်စေချင်နေသည်။

သို့သော်လည်း ဆီးရီးယားသူပုန်များကမူ အာဆတ်အစိုးရနှင့် ပူးပေါင်းဆောင်ရွက်ရန် ငြင်းဆိုထားပြီး၊ အာဆတ်၏ အုပ်ချုပ်မှုကို တရားဝင်အောင် ပြုလုပ်သကဲ့သို့ ဖြစ်သွားမည်ကို စိုးရိမ်နေကြသည်။ အနောက်နိုင်ငံများနှင့် ပင်လယ်ကွေ့နိုင်ငံများကလည်း အာဆတ်မှာ ပြဿနာ၏ အစိတ်အပိုင်းဖြစ်ပြီး၊ အဖြေမဟုတ်ဘဲ ယခုအတိုင်းပင် ဆက်သွားရမည်ဟု သဘောထားရှိနေသည်။

Ref: Aljazeera

September 5, 2015
မြောက်အိုင်ယာလန်မှာ ယူရိုပြိုင်ပွဲနှင့် ထိုက်တန်သည်ဟု နည်းပြ အိုနေးလ်ပြော

စက်တင်ဘာ ၅၊ ၂၀၁၅
M-Media

– ဖားရိုးကျွန်းစုများအသင်းအား အနိုင်ရရှိပြီးနောက် ယူရိုခြေစစ်ပွဲအောင်မြင်ရန် နီးစပ်လာသည့် မြောက်အိုင်ယာလန်အသင်းနည်းပြ မိုက်ကယ်အိုနေးလ်က အသင်းရှိ ကစားသမားတိုင်းမှာ ယူရိုနောက်ဆုံးအဆင့် ပြိုင်ပွဲနှင့် ထိုက်တန်သည်ဟု ပြောကြားလိုက်သည်။

ယူရိုခြေစစ်ပွဲ အုပ်စု F ၏ သတ္တမမြောက်ပွဲစဉ်အဖြစ် ယနေ့မနက်က ကစားခဲ့သည့် ပွဲတွင် မြောက်အိုင်ယာလန်အသင်းမှာ ဖားရိုးကျွန်းစုအား ၃ ဂိုး ၁ ဂိုးဖြင့် အနိုင်ရခဲ့ပြီး အုပ်စုကို ဦးဆောင်နိုင်ခဲ့သည်။ နောက်တစ်ပွဲ အနိုင်ရရှိပါက လာမည့်နှစ် ပြင်သစ်တွင် ကျင်းပပြုလုပ်မည့် ယူရို ၂၀၁၆ သို့ ၀င်ရောက်ယှဉ်ပြိုင်ခွင့်ရမည်ဖြစ်ကာ မြောက်အိုင်ယာလန်မှာ သမိုင်းသစ် ရေးထိုးနိုင်မည်ဖြစ်သည်။

အိုနေးလ်ကမူ အသင်းကစားသမားများကို ချီးကျူးလိုက်ပြီး မိမိတို့အနေဖြင့် လာမည့်တနင်္လာနေ့ ဟန်ဂေရီအား ဧည့်ခံရမည့်ပွဲတွင် အခွင့်အရေးကို လက်လွှတ်ခံမည်မဟုတ်ဟု ယုံကြည်မှုရှိနေသည်။

“အခုအချိန်မှာ ကျွန်တော်တို့ ပန်းဝင်ဖို့ပဲ လိုပါတော့တယ်။ တနင်္လာနေ့ညမှာ ကျွန်တော်တို့ အဲဒါကို လုပ်ချင်ပါတယ်။ အတိမ်းအစောင်းမရှိဘဲနဲ့ ဖြတ်ကျော်မယ်လို့ ကျွန်တော်တို့ ထင်ပါတယ်။ တကယ်လို့များ ကျွန်တော်တို့ရဲ့ ပရိတ်သတ်ရှေ့မှာ လုပ်နိုင်ရင် သိပ်ကောင်းမှာပါ” ဟု အိုနေးလ်က ပြောကြားခဲ့သည်။

ထို့ပြင် မိမိတို့အသင်းသားများမှာ ပြီးခဲ့သည့် ၂ နှစ်တာကာလအတွင်း အလွန်တိုးတက်ခဲ့ပြီး ယူရိုနောက်ဆုံးအဆင့်နှင့်လည်း ထိုက်တန်ကြောင်း၊ လက်ဖျားခါလောက်သည့် အောင်မြင်မှုဖြစ်ကြောင်း ၎င်းက ထည့်သွင်းပြောကြားခဲ့သည်။

၂၀၁၆ ယူရိုပြိုင်ပွဲတွင် ပထမဆုံးအကြိမ်အဖြစ် အသင်းပေါင်း ၂၄ သင်း ၀င်ရောက်ယှဉ်ပြိုင်ခွင့် ရရှိမည်ဖြစ်ခြင်းကြောင့်၊ ဥရောပရှိ ခြေစွမ်းခြေစရှိသည့် အသင်းများမှာ ဒေသတွင်း ထိပ်တန်းပြိုင်ပွဲတစ်ခုကို ၀င်ရောက်ယှဉ်ပြိုင်ရန် မျှော်လင့်လာနိုင်ကြသည်။

Ref: Goal

September 5, 2015
ကမ္ဘာ့အကြီးဆုံး ခရီးသည်တင်လေယာဉ်ကို ဘိုးအင်းက ၂၀၁၇ တွင်ထုတ်မည်

စက်တင်ဘာ ၅၊ ၂၀၁၅
M-Media

– နာမည်ကျော် ဘိုးအင်းကုမ္ပဏီကိုမှာ ၎င်းတို့ နောက်ဆုံးထုတ်လုပ်မည့် လောယာဉ်ကို ထုတ်ဖော်ပြသလိုက်ပြီး လေကြောင်းသမိုင်းတွင် ခရီသည်အများဆုံး တင်ဆောင်နိုင်သည့် အကြီးဆုံး လေယာဉ် ဖြစ်လာမည်ဖြစ်သည်။

အဆိုပါ လေယာဉ်ကို 777-9X ဟု အမည်ပေးထားပြီး တောင်ပံများမှာ အလွန်ရှည်လျားကာ တောင်ပံတစ်ဖက်ထိပ်မှ အခြားတစ်ဖက်ထိပ်အထိ အရှည်မှာ ၂၃၅ ပေနှင့် ၅ လက်မ ရှိမည်ဖြစ်သည်။ လေဆိပ်သို့ဆင်းရာတွင် အဆင်ပြေစေရန်အတွက် တောင်ပံအား ခေါက်ထားနိုင်မည်ဖြစ်ပြီး ထိုကဲ့သို့ ခေါက်နိုင်ဖြန့်နိုင်သည့် တောင်ပံမှာ စီးပွားဖြစ်လေယာဉ်များတွင် ပထမဆုံးလည်း ဖြစ်သည်။

အဆိုပါလေယာဉ်မှာ ကမ္ဘာပေါ်တွင် စွမ်းဆောင်ရည်အကောင်းမွန်ဆုံး အင်ဂျင် ၂ လုံး တပ်ဆပ်ထားပြီး အနည်းဆုံး ခရီးသည် ၄၀၀ ခန့် တင်ဆောင်နိုင်မည်ဖြစ်သည်။ ထုတ်လုပ်မှုများကို ၂၀၁၇ ခုနှစ်တွင် စတင်မည်ဖြစ်ကာ ယခုလက်ရှိတွင် နိုင်ငံ ၆ နိုင်ငံမှ အစီး ၃၂၀ အမှာစာ ရရှိထားသည်ဟု ဘိုးအင်းကုမ္ပဏီက ပြောကြားခဲ့သည်။

“777 နဲ့ 787 Dreamliner တွေရဲ့ အောင်မြင်မှုကို တည်ပြီး တည်ဆောက်ထားတဲ့ 777X ဟာ စွမ်းဆောင်ရည်အကောင်းဆုံး အင်ဂျင်နှစ်လုံးတပ်ထားတဲ့ ကမ္ဘာပေါ်က အကြီးဆုံး လေယာဉ် ဖြစ်ပါတယ်။ ပြီးတော့ စွမ်ဆောင်းရည်ပိုင်းအားလုံးမှာလည်း ဘယ်သူမှ မယှဉ်နိုင်ပါဘူး” ဟု ဘိုးအင်းကုမ္ပဏီက ပြောကြားခဲ့သည်။

အဆိုပါ 777-9X လေယာဉ်မှာ ၎င်း၏ ပြိုဘက်လေယာဉ်များဖြစ်သော Airbus A350-1000 ထက် ခရီးသည် ၃၄ ဦး ပိုမိုတင်ဆောင်နိုင်ပြီး ထိုင်ခုံများမှာလည်း သာမန်လေယာဉ်များထက်ပိုကျယ်ကာပြတင်းပေါက်များမှာလည်း ပိုမိုကြီးမားသည်။ အဆိုပါလေယာဉ်ကို
ထုတ်လုပ်သည့်စက်ရုံမှာ ၀ါရှင်တန်ရှိ အီဗ်ရက်တ်ဒေသတွင်ရှိပြီး ဘောလုံးကွင်း ၂၅ ကွင်းစာ အကျယ်ရှိသော စက်ရုံကြီးဖြစ်သည်။

ထိုလေယာဉ်မှာ ၁၂ ရာခိုင်နှုန်း ဆီစားသက်သာမည်ဖြစ်ပြီး ပြိုဘက်လေယာဉ်များထက် မောင်းနှင်မှု ကုန်ကျစားရိတ် ၁၀ ရာခိုင်နှုန်း ပိုနည်းမည်ဖြစ်ကာ ခရီးသည်များ သက်တောင့်သက်သာဖြစ်မှုတွင်လည်း အခြားလေယာဉ်များထက် ပိုမိုသာလွန်မည်ဖြစ်သည်။

Ref: Dailymail

September 5, 2015
ဥရောပရောက် ဒုက္ခသည်များကို ကူညီရန် ချန်ပီယံလိဂ်အသင်းများကို ပေါ်တိုတိုက်တွန်း

စက်တင်ဘာ ၅၊ ၂၀၁၅
M-Media

– ဥရောပသို့ ရွှေ့ပြောင်းအခြေချသူများအား ကူညီရေးရန်အတွက် ချန်ပီယံလိဂ် အသင်းများအနေဖြင့် ၎င်းတို့၏ ပထမဆုံးအိမ်ကွင်းပွဲတွင် ရောင်းချရသော လက်မှတ်တစ်စောင်စီမှ တစ်ယူရိုစီ လှူဒါန်းကြရန် ပေါ်တူဂီထိပ်သီး ပေါ်တိုအသင်းက တိုက်တွန်းလိုက်သည်။

ဘိုင်ယန်မြူးနစ်နှင့် ဆဲလ်တစ်အသင်းတို့ အပါအ၀င် ဥရောပထိပ်သီး ဘောလုံးကလပ်အသင်းများမှာ အရှေ့အလယ်ပိုင်းနှင့် အာဖရိကတို့မှ ဥရောပသို့ ပြောင်းရွှေ့လာကြသော ဒုက္ခသည် ထောင်ပေါင်းများစွာတို့အား ကူညီရန် ရည်ရွယ်သည့် လုပ်ဆောင်မှုများကို ပြီးခဲ့သည့် တစ်ပတ်က ကြေညာခဲ့သည်။

ပေါ်တိုအသင်းကလည်း ထိုကိစ္စနှင့်ပတ်သက်၍ ဥရောပဘောလုံးအဖွဲ့ချုပ်ဥက္ကဌ ပလာတီနီသို့ အိတ်ဖွင့်ပေးစာတစ်စောင် ပေးပို့ခဲ့ပြီး ထိုစာတွင် ပေါ်တိုဥက္ကဌ ဂျော်ဂီ နူနို ပင်တို ဒါကော်စတာကမူ ဘောလုံးမိသားစုအနေဖြင့် ညီညွတ်စွာဖြင့် ပိုမိုဆောင်ရွက်ကြရန် တိုက်တွန်းထားသည်။

“ဥရောပမြေပေါ်ကို ၀င်ရောက်ဖို့ ကြိုးစားလာကြတဲ့ ပြောင်းရွှေ့အခြေချသူတွေနဲ့ ဒုက္ခသည်တွေရဲ့ ဒုက္ခသုက္ခတွေကို ကျွန်တော်တို့ မသိချင်ယောင်ဆောင်နေလို့ မဖြစ်နိုင်တော့ပါဘူး။ ယူအီးအက်ဖ်အေကနေတစ်ဆင့် (ဒုက္ခသည်တွေအတွက်) အတူတကွ အားထည့်ဆောင်ရွက်ကြဖို့နဲ့ ပထမဆုံးနှစ်ပွဲမှာ ရောင်းရတဲ့ လက်မှတ်တွေထဲက တစ်စောင်ကို ၁ ဒေါ်လာထုတ်ပြီး လှူဒါန်းကြဖို့ ပေါ်တိုအသင်းဟာ လက်ရှိ ချန်ပီယံလိဂ် အုပ်စုအဆင့်က ၃၁ သင်းကို ဖိတ်မန္တက ပြုချင်ပါတယ်” ဟု အဆိုပါ အိတ်ဖွင့်ပေးစာတွင် ရေးသားထားသည်။ ထိုစာကို ပေါ်တိုအသင်း၏ ၀ဘ်ဆိုက်တွင် လွှင့်တင်ထားသည်။

ထို့ပြင် ထိုသို့ဆောင်ရွက်ခြင်းမှာ အသင်းတိုင်း၏ ပထမဆုံး အိမ်ကွင်းပွဲစဉ်မှ အလှူငွေ ရရှိနိုင်မည်ဖြစ်ကြောင်း၊ မိမိတို့အသင်းနေဖြင့် စက်တင်ဘာ ၂၉ ရက်နေ့တွင် ကစားမည့် ချယ်ဆီးအသင်းနှင့် ချန်ပီယံလိဂ် အိမ်ကွင်းပွဲစဉ်တွင် ထိုဆောင်ရွက်မှုကို ပြုလုပ်သွားမည်ဖြစ်ကြောင်း ဒါကော်စတာက ထည့်သွင်းရေးသားခဲ့သည်။

“ယူအီးအက်ဖ်အေဟာ လူမှုရေးတာဝန်တွေမှာ စိတ်ပါလက်ပါဆောင်ရွက်တဲ့ ဓလေ့ရှိပါတယ်။ ရွှေ့ပြောင်းအခြေချသူတွေရဲ့ အခြေအနေဟာ လူ့အဖွဲ့အစည်းရဲ့ ခိုင်မာတဲ့ လှုပ်ရှားဆောင်ရွက်မှုတွေ လိုအပ်နေပါတယ်။ တစ်ကယ်ပါ။ ဘောလုံးလောကဟာ အဲဒီလှုပ်ရှားမှုနေ ဖယ်ခွာလို့မရပါဘူး”

Ref: Goal

September 5, 2015