ဖေဖော်ဝါရီ ၆၊ ၂၀၁၅
M-Media
– ကနေဒါနိုင်ငံ အလ်ဘာတာပြည်နယ် ကာလ်ဂရီမြို့၏ မွတ်စလင်အုပ်ချုပ်ရေးမှူးဖြစ်သူ နန်ရှီမှာ ၎င်း၏
ပြောင်မြောက်သောစွမ်းရည်များကြောင့် “ကမ္ဘာ့အုပ်ချုပ်ရေမှူးဆု” ကို ရရှိခဲ့သည်ဟု သိရသည်။
“သူ(နန်ရှီ) ဟာ မြို့ပြအမြင်ရှိတဲ့သူတစ်ဦးဖြစ်ပြီး ဒေသတွင်းအုပ်ချုပ်ရေး အခြေအနေကိုလည်း လစ်လျူရှုမထားခဲ့ပါဘူး။
ဆုံးဖြတ်ချက်ပြတ်သားတဲ့ စီမံခန့်ခွဲမှု၊ ခြုံငုံသုံးသပ်နိုင်မှုနဲ့ ဆန်းသစ်တဲ့ တွေးခေါ်မှုတွေအတွက်ဆိုရင်တော့
မြောက်အမေရိက က မြို့အများအပြားနဲ့ ဥရောပမြို့တွေအတွက် နန်ရှီဟာ စံပြ အုပ်ချုပ်ရေးမှူးကောင်း တစ်ယောက်ပါပဲ”
ဟု လန်ဒန်အခြေစိုက် နိုင်ငံတကာ အုပ်ချုပ်ရေးမှူးများ ဖောင်ဒေးရှင်းက ယမန်နေ့တွင်ပြောကြားခဲ့သည်။
နန်ရှီမှာ အဆိုပါဆုကို ပထမဆုံးရရှိခဲ့သည့် ကနေဒါမှ အုပ်ချုပ်ရေးမှူးဖြစ်ပြီး ဘယ်လ်ဂျီယံနိုင်ငံ ဂန့်မြို့ အုပ်ချုပ်ရေးမှူး ဒန်နီယဲလ် တာမွန့်က ဒုတိယ၊ အင်ဒိုနီးရှားနိုင်ငံ ဆူရာဘာယာမြို့ အုပ်ချုပ်ရေးမှူး ထရီ ရစ်ရ်ှမာဟာရီနီက တတိယ အသီးသီး ရရှိခဲ့သည်။
မြို့အတွင်းရှိ ပြည်သူများ၏ အားပေးထောက်ခံမှုကို အကဲဖြတ်၍ ချီးမြှင့်သည့် အဆိုပါဆုကို ၂ နှစ်တစ်ကြိမ် ပေးအပ်ခြင်းဖြစ်ပြီး ကမ္ဘာ့အကောင်းဆုံး အုပ်ချုပ်ရေးမှူး ၁၀ ဦးစာရင်းကိုလည်း ထုတ်ပြန်ခဲ့သည်။
“အံ့သြလောက်စရာဖြစ်ပြီး ကမ္ဘာ့အုပ်ချုပ်ရေးမှူးအဖွဲ့ကြီးရဲ့ မျှော်လင့်မထားတဲ့ ဂုဏ်ပြုမှုပါပဲ။ ဒီဆုအတွက် ကျွန်တော့်ကိုမဲပေးဖို့ အချိန်ပေးခဲ့ကြတဲ့ ကာလ်ဂရီပြည်သူတွေနဲ့ ကမ္ဘာတစ်ဝှမ်းက ပြည်သူတွေကို ကျေးဇူးတင်ပါတယ်။ ဒါဟာ လူတိုင်းအတွက် အခွင့်အလမ်းတွေရှိတဲ့ နေရာကောင်းအဖြစ် ကျွန်တော်တို့မြို့ကို တည်ဆောက်ရာမှာ နိုင်ငံသားတွေဖြစ်တဲ့ သူတို့တွေရဲ့ ကိုယ်တိုင်ပါဝင်မှုကို ဖော်ပြနေပါတယ်” ဟု နန်ရှီက ပြောကြားခဲ့သည်။
ထို့ပြင် မည်သည့် နိုင်ငံရေးသမားမဆို ၎င်းတို့၏ အောင်မြင်မှုကို ဖော်ပြသည့် အရေးပါဆုံးအမှတ်အသားမှာ ၎င်းတို့ ကိုယ်စားပြုသည့် ပြည်သူများ၏ ဘ၀နေထိုင်မှု တိုးတက်ခြင်းပင်ဖြစ်ကြောင်း၊ မိမိအနေဖြင့် ကာလ်ဂရီမြို့အား ပိုမိုကောင်းမွန်သောမြို့ဖြစ်အောင် ဆက်လက်၍ ကြိုးစားဆောင်ရွက်သွားမည်ဖြစ်ကြောင်း နန်ရှီက ထပ်လောင်းပြောကြားခဲ့သည်။
နန်ရှီမှာ ၂၀၁၀ ခုနှစ်ကတည်းက ကာလ်ဂရီအုပ်ချုပ်ရေးမှူးအဖြစ် စတင်တာဝန်ထမ်းဆောင်ခဲ့ပြီး ကနေဒါ၏ ပထမဆုံး မွတ်စလင်အုပ်ချုပ်ရေးမှူးလည်းဖြစ်ကာ ကာလ်ဂရီမြို့သူမြို့သားများ၏ ထောက်ခံမှုကို အပြည့်အ၀ ရရှိထားသူဖြစ်သည်။ ထို့ပြင် ကာလ်ဂရီမြို့၏ ၃၆ ဦးမြောက် အုပ်ချုပ်ရေးမှူးအဖြစ် ဒုတိယသက်တမ်းကို တာဝန်ထမ်းဆောင်နေသူလည်းဖြစ်သည်။
တိုရွန်တိုမြို့တွင်မွေးဖွားခဲ့သည့် နန်ရှီမှာ ဟားဗတ်တက္ကသိုလ်မှ ၁၉၉၃ ခုနှစ်တွင် ကုန်သွယ်မှုဘာသာရပ်ဖြင့် ဘွဲ့ရခဲ့ပြီး အသက် ၂၂ နှစ်အရွယ်မှာပင် ကမ္ဘာ့ထိပ်တန်းအကြံပေး ကုမ္ပဏီဖြစ်သည့် McKinsey & Company တွင် တာဝန်ထမ်းဆောင်ခဲ့သည်။ ၈ နှစ်ကြာပြီးနောက်တွင် နန်ရှီမှာ ထိုကုမ္ပဏီမှ ထွက်ကာ ကုလသမဂ္ဂတွင်လည်းကောင်း၊ Mount Royal တက္ကသိုလ်တွင် ပါမောက္ခအဖြစ်လည်းကောင်း ဆောင်ရွက်ခဲ့ပြီးနောက် နိုင်ငံရေးလောကထဲသို့ ၀င်ရောက်ကာ အုပ်ချုပ်ရေးမှူး ဖြစ်လာခဲ့ခြင်းဖြစ်သည်။
Ref: onislam
