ဒီဇင်ဘာ ၂၃၊ ၂၀၁၄
M-Media
– နိုင်ငံမြောက်ပိုင်း ရိုကာဒေသတွင် စနစ်မကျသည့် ကုသမှုများကြောင့် ရွာသားများအား HIV ပိုးများ ကူးစက်စေခဲ့သော ဆေးမှူးတစ်ဦးကို ကမ္ဘောဒီးယားတရားရုံးက လူသတ်မှုဖြင့် တရားစွဲဆိုလိုက်သည်ဟု သိရသည်။
တရားစွဲဆိုခံရသူမှာ ဆေးကုသခွင့်လိုင်စင် မရှိဘဲ ဆေးကုသနေသည့် ဆေးမှူး အသက် ၅၅ နှစ်အရွယ် ယမ်ချရင်ဆိုသူဖြစ်ပြီး စွဲချက်သုံးခုဖြင့် တရားစွဲဆိုခံရခြင်းဖြစ်သည်။
`HIV ပိုး ပြန့်နှံ့စေမှုဆိုတဲ့ စွဲချက်တစ်ခုနဲ့ သူဟာ တရားစွဲဆိုခံရတာဖြစ်ပြီး ဒုတိယစွဲချက်ကတော့ လူသတ်မှုပါ။ နောက်ပြီး ဆေးဘက်ဆိုင်ရာ ကျင့်ဝတ်ချိုးဖောက်မှုလည်း ပါပါသေးတယ်´ ဟု ပြည်နယ် လက်ထောက်တရားသူကြီး ဟန်လွေက ပြောကြားခဲ့သည်။
ရိုကာ လူ့အဖွဲ့အစည်းမှ လူပေါင်း ၁၀၀ ကျော်မှာ HIV ရောဂါပိုး ကူးစက်နေကြသည်ကို ပြီးခဲ့သည့် နိုဝင်ဘာနှောင်းပိုင်းမှစ၍ တွေ့ရှိခဲ့ရခြင်းဖြစ်ပြီး ထိုကဲ့သို့ ကူးစက်မှုတွင် အသက် ၆ နှစ်အရွယ် ကလေးငယ်ပင် ပါဝင်ခဲ့သည်။
ထို့ကြောင့် စုံစမ်းစစ်ဆေးမှုများပြုလုပ်ခဲ့ရာ ၁၉၈၀ ပြည့်နှစ်များက ဒုက္ခသည်စခန်းများတွင် ကျန်းမာရေးစောင့်ရှောက်မှု သင်တန်းကို တက်ရောက်ခဲ့ပြီး Roka ဒေသတွင် လွန်ခဲ့သည့် နှစ်ပေါင်း ၂၀ မှစ၍ ယနေ့အချိန်အထိ ဆေးကုသပေးနေသော ယမ်ချရင်ထံတွင်
ဆေးကုဖူးသူများဖြစ်နေသည်ကို တွေ့ရှိခဲ့ရသည်။
ယမ်ချရင်ကလည်း ၎င်းအနေဖြင့် ဆေးထိုးအပ်တစ်ခုကို လူနာ နှစ်ဦး သုံးဦးအတွက် အသုံးပြုခဲ့ကြောင်း ၀န်ခံခဲ့သည်။
`အပြစ်ရှိတယ်လို့ တွေ့ရရင်တော့ တစ်သက်တစ်ကျွန်း ပြစ်ဒဏ်ခံရမှာပါ´ ဟု ဟန်လွေက ဆိုပြီး ယမ်ချရင်ထံတွင် ဆေးကုသဖူးသည့် လူနာအချို့မှာ AIDS ရောဂါဖြင့် သေဆုံးခဲ့ရသည်ဟုလည်း ထပ်လောင်းပြောကြားခဲ့သည်။
ခမာနီအာဏာရှင်များ ပြုတ်ကျခဲ့ပြီးနောက်ပိုင်း ကမ္ဘောဒီးယား၌ HIV/AIDS တိုက်ဖျက်ရေးလုပ်ငန်းများကို ဆောင်ရွက်ခဲ့ရာ တိုးတက်မှုများ ရရှိခဲ့သည်။
Source: Al Jazeera
