Blog

ဒီဇင်ဘာ ၂၂၊ ၂၀၁၄
M-Media

 

– ပရီးမီးယားလိဂ် ပွဲစဉ် ၁၇ ကို စနေနေ့မှာ ၇ ပွဲ တနင်္ဂနွေနေ့မှာ ၂ ပွဲကစားခဲ့ပြီး
အသင်းကြီးတွေထဲက မန်စီးတီးအသင်းသာ အနိုင်ရခဲ့ပါတယ်။ မန်ယူနဲ့ အာဆင်နယ်တို့ အဝေးကွင်းမှာ သရေသာရခဲ့ပြီး ဆောက်သက်တမ်ကတော့ ရှုံးပွဲဆက်နေမှုကို ရပ်တန့်နိုင်ခဲ့ပါတယ်။

ပြီးခဲ့တဲ့ ၆ ပွဲဆက်တိုက် အနိုင်ရရှိခဲ့တဲ့ မန်ယူတို့ စနေနေ့ကပွဲမှာတောနိုင်ပွဲရပ်တန့်သွားခဲ့ပါတယ်။ မန်ယူတို့ရဲ့ ကစားပုံဟာ
အရင်ပွဲတွေကလောက် စွဲမက်စရာ မရှိခဲ့ဘဲ ပွဲအစ ၁၈ မိနစ်မိနစ်မှာပဲ ဦးဆောင်ဂိုး
ပေးလိုက်ရတာပါ။ နောက်ပိုင်းမှာလည်း မန်ယူတို့ အက်စတွန်ဗီလာကို
သိပ်ပြီးမထိုးဖောက်နိုင်ခဲ့ပါဘူး။ ဒါပေမယ့် ချေပဂိုးကိုတော့ ဖယ်လ်ကာအိုက ၅၃ မိနစ်မှာ သွင်းယူပေးနိုင်ခဲ့ပါတယ်။ ပွဲပြီးဖို့ ၂၅ မိနစ်အလိုလောက်မှာ အက်စတွန်ဗီလာက အလယ်တန်းလူ အဘွန်လဟော် တိုက်ရိုက်အနီကဒ်နဲ့ အထုတ်ခံခဲ့ရပြီး မန်ယူတို့ တစ်ယောက်အသာနဲ့ ကစားခဲ့ရပါတယ် ဒါပေမယ့် လိုအပ်နေတဲ့ အနိုင်ဂိုးကိုတော့ သွင်းယူနိုင်ခြင်း မရှိခဲ့ပါဘူး။

အန်ဖီးလ်က လီဗာပူးလ်နဲ့ အာဆင်နယ်တို့ပွဲမှာတော့ စကာတဲလ်ရဲ့ နောက်ဆုံးမိနစ် ခေါင်းတိုက်ဂိုးနဲ့ အိမ်ရှင်တို့ သရေတစ်မှတ် ရခဲ့ပါတယ်။ ပွဲအစမှာ လီဗာပူးလ်တို့ အကောင်းဆုံး ကစားနိုင်ခဲ့ပြီး ဦးဆောင်ဂိုးကိုလည်း ၄၅ မိနစ်မှာ ဟန်ဒါဆန်ရဲ့ ဖန်တီးပေးပို့မှုကတစ်ဆင့် ကော်တင်ဟိုက အကောင်းဆုံး အဆုံးသတ်ပေးခဲ့တာပါ။ ဒါပေမယ့် ဒီဦးဆောင်ဂိုးဟာ ၂ မိနစ်သာ ခံခဲ့ပြီး ဒီဘောက်ချီက အာဆင်နယ်အတွက် ချေပဂိုး ပြန်သွင်းပေးခဲ့ပါတယ်။

ဒုတိယပိုင်းမှာတော့ အာဆင်နယ်တို့ ကစားပုံ ပိုကောင်းခဲ့ပြီး ၆၄ မိနစ်မှာ တိုက်စစ်မှူး ဂျရူးက ဧရိယာအတွင်းထဲကနေ ဘယ်ခြေနဲ့ ကန်သွင်းပြီး အမြှောက်တပ်သားတွေကို ပြန်လည် ဦးဆောင်စေခဲ့ပါတယ်။ ဒီဂိုးဟာ နောက်ဆုံး ၂ ပွဲမှာ သူ့ရဲ့ ၃ ဂိုးမြောက်ဂိုးလည်း ဖြစ်ပါတယ်။

ဒါပေမယ့် ဒုတိယပိုင်း နာကျင်ချိန်ပို ၉ မိနစ်မှာ လီဗာပူးလ်တို့ တပ်ကုန်ဖွင့်ခဲ့ပြီး
အာဆင်နယ်ဂိုးပေါက်ကို အကြိမ်ကြိမ် ခြိမ်းခြောက်နိုင်ခဲ့ပါတယ်။ ပွဲပြီးဖို့ ၂ မိနစ်အလိုမှာတော့ လာလနာရဲ့ ထောင့်ကန်ဘောကို နောက်ခံလူ စကာတဲလ်က ခေါင်းတိုက်သွင်းပေးခဲ့ပြီး အဖိုးတန်ချေပဂိုးကို ရယူနိုင်ခဲ့ပါတယ်။

မန်စီးတီးကတော့ ဇယားအောက်ခြေနားက ခရစ္စတယ်ပဲလေ့စ်ကို အိမ်ကွင်းမှာ အခက်အခဲမရှိဘဲ ဆေးလ်ဗားရဲ့ ဂိုး ၂ ဂိုး၊ တိုးယေးရဲ့ ဂိုး ၁ ဂိုးနဲ့ အနိုင်ရရှိခဲ့ပါတယ်။

ပြိုင်ပွဲအားလုံးမှာ ၅ ပွဲဆက်တိုက်ရှုံးပြီး အခြေအနေဆိုးရွားနေတဲ့ ဆောက်သက်တမ်က အိမ်ကွင်း စိန့်မေရီမှာ အဲဗာတန်ကို ၃ ဂိုးပြတ်နဲ့ အနိုင်ကစားနိုင်ခဲ့ပါတယ်။ အသင်းအတွက်ဂိုးတွေကိုတော့ ဂရာဇီယာနို ပီလီ၊ ယိုရှီဒါတို့က တစ်ဂိုးစီသွင်းပေးခဲ့ကြပြီး အဲဗာတန်တိုက်စစ်မှူး လူကာကူရဲ့
ကိုယ့်ဂိုးကိုယ်သွင်းမိတဲ့ ၁ ဂိုးလည်း ရခဲ့ပါတယ်။

စိန့်ဂျိမ်းစ်ပါ့ခ်မှာ ကစားခဲ့တဲ့ နယူးကာဆယ်နဲ့ ဆန်းဒါးလန်းတို့ပွဲမှာတော့ အိမ်ရှင်တို့ ပွဲကို အသာစီးကစားနိုင်ခဲ့ပေမယ့် နောက်ဆုံးမိနစ်ဂိုးနဲ့ ဆန်းဒါးလန်းကို အရှုံးပေးခဲ့ရပါတယ်။

ခစွမ်းကောင်းတွေပြနေတဲ့ ၀က်စ်ဟမ်းကလည်း နောက်ဆုံး ၅ ပွဲမှာ ၄ ပွဲမြောက်နိုင်ပွဲအဖြစ် လက်စတာကို ၂ ဂိုးပြတ်နဲ့ အနိုင်ရခဲ့ပါတယ်။ လက်စတာကတော့ နောက်ဆုံး ၁၂ ပွဲအထိ အနိုင်မရတဲ့ မှတ်တမ်း ရရှိခဲ့ပါတယ်။

ဇယားအောက်ခြေနားက ကျူပီရ်အာရ်ကတော့ အိမ်ကွင်းမှာ ၀က်စ်ဘရွန်းကို အကြိတ်အနယ် ဂိုးတွေ အပြန်အလှန်သွင်းပြီး ၃ ဂိုး ၂ ဂိုးနဲ့ အနိုင်ရခဲ့ပါတယ်။ အိမ်ရှင်အတွက် ဂိုးတွေကိုတော့ ဂိုးသွင်းစက် အော်စတင်က ဟက်ထရစ် သွင်းယူပေးခဲ့တာဖြစ်ပြီး စုစုပေါင်း ၁၁ ဂိုးနဲ့ ဂိုးသွင်းအများဆုံး ဇယားမှာ တတိယနေရာ ရှိနေပါတယ်။

ချယ်ဆီးနဲ့ စတုတ် ကစားဖို့ ကျန်နေသေးတဲ့ ပွဲစဉ် ၁၇ အပြီးမှာတော့ ချယ်ဆီးက တစ်ပွဲလျော့ပြီး ၃၉ မှတ်ရကာ မန်စီးတီးနဲ့ အမှတ်တူ ဂိုးကွာခြားချက်အသာနဲ့ ဇယားကို ဦးဆောင်နေပါတယ်။

မန်ယူကတော့ တတိယနေရာမှာရှိနေပြီး ၀က်စ်ဟမ်းနဲ့ ဆောက်သက်တမ်တို့က အဆင့် ၄ နဲ့ အဆင့် ၅ နေရာမှာရှိနေပါတယ်။

တန်းဆင်းဇုံမှာတော့ ဘန်လေ၊ ဟားလ်စီးတီးနဲ့ လက်စတာတို့က အသီးသီးရှိနေပါတယ်။ ပရီးမီးယားလိဂ် ပွဲစဉ် ၁၇ ရလဒ်များကတော့ အောက်ပါအတိုင်းဖြစ်ပါတယ်။

မန်စီးတီး ၃-၀ ခရစ္စတယ်ပဲလေ့စ်
အက်စတွန်ဗီလာ ၁-၁ မန်ယူ
ဟားလ်စီးတီး ၀-၁ ဆွမ်ဆီး
ကျူပီအာရ် ၃-၂ ၀က်စ်ဘရွန်း
ဆောက်သက်တမ် ၃-၀ အဲဗာတန်
စပါး ၂-၁ ဘန်လေ
ဝက်စ်ဟမ်း ၂-၀ လက်စတာ
နယူးကာဆယ် ၀-၁ ဆန်းဒါးလန်း
လီဗာပူးလ် ၂-၂ အာဆင်နယ်

ဒီဇင်ဘာ ၂၂ ၊ ၂၀၁၄
M-Media

– ပါကစ္စတန်မြောက်ပိုင်း ပရ်ှဝါရ်ဒေသရှိ စာသင်ကျောင်းတစ်ခုအတွင်းသို့ ၀င်ရောက်ကာ ကလေးငယ်များအား သေနတ်ဖြင့် ပစ်သတ်ခဲ့သည့် တာလီဘန်တို့၏လုပ်ရပ်မှာ လူမဆန်သော လုပ်ရပ်သာဖြစ်ကြောင်း၊ အစ္စလာမ်၏ သတင်းစကားမှာ လွတ်ငြိမ်းချမ်သာခွင့်နှင့် တရားမျှတခြင်းဖြစ်သည်ဟူသော သတင်းစကားများကို ကမ္ဘာတစ်ဝှမ်းရှိ ဗလီဝတ်ကျောင်းတော်များမှ ရှေ့ဆောင် ဆရာတော်များက ယခုတစ်ပါတ် သောကြာနေ့ တရားဒေသနာတွင် ထည့်သွင်းမိန့်ကြားခဲ့သည်ဟု သိရသည်။

`ပါကစ္စတန်က ကလေးတွေ၊ ဆီးရီးယား၊ အီရတ်နဲ့ အခြားနေရာတွေက ကလေးတွေဟာ ဘာရာဇ၀တ်မှုတွေ ကျူးလွန်ခဲ့လို့ ဒီလိုနေ့ခင်းကြောင်တောင်ကြီးမှာ သတ်ပစ်တာ၊ ငတ်ပြတ်အောင်၊ ကြောက်ရွံ့ခံစားရအောင် လုပ်ရတာလဲ။ အစ္စလာမ်က ဒါမျိုး စက်ဆုပ်စရာကောင်းတဲ့ လုပ်ရပ်တွေကို လက်မခံပါဘူး။ မိမိတို့ဘာသာတရားကို တိုက်ခိုက်နေတာတောင်မှ ကလေးငယ်တွေကို ဒုက္ခပေးဖို့ ခွင့်မပြုတဲ့ အစ္စလာမ်ရဲ့ နာမကိုသုံးပြီး ဒီအပြစ်မဲ့မွတ်စလင်ကလေးတွေကို ဘယ်လို သတ်ပစ်နေကြတာလဲ´ ဟု ဒီဇင်ဘာ ၁၉ ရက်နေ့တွင် ဟောကြားခဲ့သော သောကြာနေ့ တရားဒေသနာတော်တွင် မြင့်မြတ်သော ကအ်ဘာကျောင်းတော်မှ ရှေ့ဆောင်ဆရာတော် ရှိခ်ဆာလေဟ် အဘူတာလစ်ဘ်က ထည့်သွင်း မိန့်ကြားခဲ့သည်။

ဆရာတော် အဘူတာလစ်ဘ်မှာ ကလေးငယ် ၁၂၀ ကျော်အပါအ၀င် လူပေါင်း ၁၄၉ ဦး သေဆုံးခဲ့သည့် တာလီဘန်တို့၏ စာသင်ကျောင်းတိုက်ခိုက်မှုကို ပြင်းပြင်းထန်ထန် ရှုတ်ချသော အစ္စလာမ့်ဓမ္မပညာရှင်များထဲမှ တစ်ဦးလည်းဖြစ်သည်။

ပါကစ္စတန်တာလီဘန်အဖွဲ့မှာ တိုတိုက်ခိုက်မှုအတွက် တာဝန်ယူခဲ့ပြီး ၎င်းတို့ကြီးစိုးရာဒေသအား ပါကစ္စတန်စစ်တပ်က တိုက်ခိုက်နေမှုကို လက်စားချေခြင်းဖြစ်သည်ဟု ပြောကြားခဲ့သည်။

အဘူတာလစ်ဘ်ကမူ အဆိုပါ အစွန်းရောက်အဖွဲ့မှာ မွတ်စလင်တို့၏ စာသင်ကျောင်းများ၊ အိမ်များ၊ ဈေးများအား စစ်မြေပြင်အဖြစ် ပြောင်းလဲ၍ အစ္စလာမ်သာသနာ ထွန်းကားပြန့်ပွားမှုကို နှောက်ယှက်နေသည်ဟုလည်း ပြောကြားခဲ့သည်။

ဆော်ဒီရှိ မြင့်မြတ်သော ဗလီဝတ်ကျောင်းတော်နှစ်ခု၏ ဂေါပကအဖွဲ့ ဥက္ကဌ ရှိခ်အဘ်ဒွလ် ရဟ်မန် အလ်-ဆောင်ဒီကမူ ထိုတိုက်ခိုက်မှုအတွင်း အသက်ပေးခဲ့ရသူများ၏ မိဘဆွေမျိုးများအာ စာနာမိပါကြောင်း ပြောကြားခဲ့ပြီး မွတ်စလင်များအနေဖြင့် အကြမ်းဖက်မှုနှင့် တိုက်ခိုက်မှုများမှ ရှောင်ကျဉ်ကြရန်လည်း တိုက်တွန်းခဲ့သည်။

`အကြောင်းပြချက်မဲ့စွာနဲ့ မြေကျခဲ့ရသွေးတွေဟာ တရားမဲ့မှုတွေဖြစ်ပြီး ရန်လိုစိတ်တွေ၊ အကြမ်းဖက်ချင်တဲ့ စိတ်တွေကိုလည်း ဖြစ်ပေါ်စေပါတယ်။ အစ္စလာမ့်ဥပဒေဟာ လူသားဘ၀ကို လေးစားပြီး အကာကွယ်လည်း ပေးထားပါတယ်´ ဟု အလ်-ဆောင်ဒီက ဆော်ဒီသတင်းဌာနသို့ ပြောကြားခဲ့သည်။

ထို့ပြင် မွတ်စလင်များအနေဖြင့် အကြမ်းဖက်ဝါဒအား ဇောင်းပေးသည့် မှားယွင်းသော မီဒီယာများကို ဆန့်ကျင်ကြရန်လည်း တိုက်တွန်းခဲ့သည်။

`ကျွန်တော်တို့ဟာ အလ္လာဟ်အရှင်မြတ်ကို ကြောက်ရွံ့ရမှာဖြစ်ပြီး သွေးထွက်သံယိုဆိုတာ အစ္စလာမ်က ခွင့်မပြုဘဲ အကြမ်းဖက်မှုဟာလည်း ဆိုးရွားတဲ့ ရာဇ၀တ်မှု ဖြစ်တယ်ဆိုတဲ့ အယူအဆနဲ့ အပေါ်မှာ ကျွန်တော်တို့ရဲ့ သားသမီးလေးတွေနဲ့ လူ့အဖွဲ့အစည်းတစ်ခုလုံးကို ပြုစုပျိုးထောင်ရပါမယ်´

 

အိန္ဒိယတွင်လည်း ရှုတ်ချ
——————————

တာလီဘန်အဖွဲ့၏ အဆိုပါလုပ်ရပ်အား ရှုတ်ချကြောင်း အိန္ဒိယရှိ ဗလီဝတ်ကျောင်းတော်များမှ ရှေ့ဆောင်ဆရာတော်များကလည်း သောကြာနေ့ တရားဒေသနာတော်တွင် ထည့်သွင်းပြောကြားခဲ့သည်။

`သူတို့ရဲ့ အကျင့်စာရိတ္တပျက်ပြားမှုက တိရစ္ဆာန်တွေထက်တောင် ရှက်စရာကောင်းပါသေးတယ်။ သူတို့ဟာ အစ္စလာမ်ကို အသရေဖျက်သူတွေဖြစ်ပြီး အစ္စလာမ်သာသနာကို ဟောကြားခဲ့တဲ့ `ရဟ်မသွလ်လိလ်အားလမီန်း´ (ဂရုဏာရှင်) ဆိုတဲ့ ဂုဏ်ပုဒ်ရှင် မုဟမ္မဒ်သခင် (ငြိမ်းချမ်းမှုအပေါင်း သက်ရောက်ပါစေ) နဲ့ ဘာမှကို မဆိုင်ပါဘူး။ စာသင်ကျောင်းက ကလေးတွေအပါအ၀င် အပြစ်မဲ့တဲ့၊ ကာကွယ်နိုင်စွမ်းမရှိတဲ့ လူတွေအပေါ် ဒီလိုလူမဆန်တဲ့ လုပ်ရပ်မျိုး ဘာဖြစ်လို့ ကျူးလွန်ရတာလဲ´ ဟု ချမ်ဘူရ်းပြည်နယ်ရှိ Jama ဗလီဝတ်ကျောင်းတော်မှ ရှေ့ဆောင် အီမာမ် မောင်လာနာ အိုဘိုင်ဒွလ္လာ ကွာစ်မီက သောကြာနေ့ တရားဒေသနာတော်တွင် ထည့်သွင်း မိန့်ကြားခဲ့သည်။

ထို့ပြင် ကွာစ်မီမှာ ကုရ်အာန်ကျမ်းတော်မြတ်တွင် မိန့်ကြားထားသော `မည်သူမဆို ယုံကြည်သူတစ်ဦးအား အကြောင်းမဲ့သတ်ဖြတ်ခဲ့လျှင် ငရဲလားမည်´ ဟူသည့် အာယတ်တော်ကို ထောက်ပြကာ မွတ်စလင်များအနေဖြင့် တာလီဘန်များအား ဆန့်ကျင်ရန် တိုက်တွန်းခဲ့သည်။

`(သေဆုံးသွားတဲ့) ကလေးတွေကတော့ အာဇာနည်တွေပါ။ ရက်စက်ယုတ်မာသူတွေကတော့ ငရဲမီးမှာ ထာဝရ လောင်မြိုက်နေမှာပါပဲ´

အိန္ဒိယ အီမာမ်များ အစည်းအရုံးရှိ အဖွဲ့ဝင်ပေါင်း ၁၀၀၀ ကျော်ကလည်း တာလီဘန်တို့၏ ထိုတိုက်ခိုက်မှုကို ကန့်ကွက်ရှုတ်ချခဲ့သည်။

`အစ္စလာမ်ရဲ့ စစ်မှန်တဲ့ သင်ကြားမှုကို ထိန်းသိမ်းဖို့ဆိုတာ ဘာသာရေးခေါင်းဆောင်တွေ၊ တရားဟောဆရာတွေဖြစ်တဲ့ ကျွန်တော်တို့ရဲ့ ကျင့်ဝတ်တာဝန်ပါပဲ´ ဟု ၎င်းတို့က ဖွင့်ဟခဲ့သည်။

ဗြိတိန်မွတ်စလင်ကောင်စီကလည်း အဆိုပါ စာသင်ကျောင်း တိုက်ခိုက်ခံရမှုအတွက် ပြင်းပြင်းထန်ထန် ရှုတ်ချခဲ့သည်။

`ဒါဟာ သိပ်ကို တုန်လှုပ်စရာကောင်းတဲ့ ဖြစ်ရပ်ဖြစ်ပြီး မိခင်တွေ၊ ဖခင်တွေနဲ့ ဒီအပြစ်မဲ့ကလေးတွေကို ပြုစုပျိုးထောင်ပေးဖို့ စိတ်ဓာတ်ရှိသူတွေအားလုံး ထိခိုက်စေတာပါပဲ။ အစ္စလာမ်က အပြစ်မဲ့လို့ သတ်မှတ်ထားတဲ့ ကလေးငယ်တွေကို သတ်ဖြတ်ခြင်းဟာ စဉ်းစားလို့ရသမျှ ရာဇ၀တ်မှုတွေထဲမှာ အကြမ်းကြုတ်ဆုံး ရာဇ၀တ်မှုပါပဲ´ ဟု ဗြိတိန်မွတ်စလင်ကောင်စီမှ ထုတ်ပြန်သော ကြေညာချက်တွင် ရေးသားဖော်ပြထားသည်။

ငြိမ်းချမ်းရေး သဘောတူညီချက် ပျက်သုဉ်းသွားခဲ့သည့် ဧပြီလမှစ၍ ၀ါဇီရစ္စတန်မြောက်ပိုင်း တာလီဘန်တို့အခြေစိုက်ရာ ဒေသကို ပါကစ္စတန်စစ်တပ်က အပြင်းအထန် တိုက်ခိုက်လျက်ရှိနေပြီး ပက်ရ်ှဝါရ်ရှိ စာသင်ကျောင်းတိုက်ခိုက်မှုနောက်ပိုင်း တာလီဘန်တို့ကို ပိုမို၍ တိုက်ခိုက်အမြစ်ဖြုတ်သွားမည်ဟု ပါကစ္စတန်အစိုးရက ပြောကြားခဲ့သည်။

Source : OnIslam.net